طفلة ولكن ...

26

‎في حوش منال
-
‎الحوش يرن ويطقطقو بالقوة
‎منال : اسم الله علينا من الي يقربع في الباب هذا
‎خلود : باهي باهي جيت
‎فتحت الباب
‎ايمن وجهه احمر : امك وين ؟؟
‎خلود : داخل ، يااام
‎منال : منو ؟ ايمن شن تبي انت ؟
‎ايمن : شوفي يا خالتي بنتك رضيت بيها وبديت نعامل فيها كويس تمام لكن توصل بيها تدبر كيف تقتل اختي لا هادي
‎منال : منو بيقتل منو ؟
‎ايمن : بنتك يا خالتي خولة يا خالتي تبي تقتل بنت اختك مرام
‎منال : حليلي اني هبلت هادي ولا شنو ؟
‎ايمن : اوينه جبتهالك تصرفي معاها
‎مشي للسيارة ونزلها لامها تلفت للتالي لقي اية مهناش عرف انها هربت
-
‎اية : ايه هاديك هي اقعد راقبها لما تكون بروحها اقتلها
‎الراجل : تمام بس المرة هادي غلي عندنا
‎اية : كم تبي ؟
‎الراجل : مية الف
‎اية نصدمت : باه تمام تمام توصل لقبرها تاخدهم
‎الراجل : غالطة توا تعطيهملي
‎اية زادت نصدمت : باهي نتلاقو بعدين
‎سكرت منه وقعدت تفكر من وين تجيبهم لين جتها فكرة
-
بعد مرور دقايق وساعات وايام واسابيع كل الي صار في الوقت هذا ان مرام روحت لحوش راجلها وتصالحو وهاجر تم طلاقها ع خير وهديل يوم عيدميلادها ناضت العشي لقتهم راقدين لانها سهرت للصبح يعني فاتها العيدميلاد وماحد تفكرها واسماعيل وسندس بدو يوتو لعرسهم الي حيكون بعد تلات شهور وخولة قاعدة عند امها في دار بروحها ما تطلعش منها ،خش عليهم رمضان حتى جي يومنا هذا الي معبي هلبا حاجات محمسة وغير متوقعة والي حتى ما تخطرش ع البال
-
بعد اسبوعين
-
في المحلات
أيمن : نبي باقة ورد كبيرة وحلوة ومزينة ومعاهم صندوق فيه شكاليط وحطله صندوق وهذا معاهم
الراجل : تمام نص ساعة ويكون واتي
أيمن : خلي نمشي نلف شوية اهني نرجع نلقاه واتي
الراجل : اوك تمام
أيمن : اسمي أيمن آشرف
الراجل : تم
-
في حوش مرام
مرام : هاجر قعمزي تريحي احني كملنا التزيين راه
هاجر : توا اني شن ندير كلها ننفخ في مبايل وبمسدس يعني اني زي قلتي
مرام : ههههههههه باهي باهي
هند : التورته واتتتتييية
عائشة : اشييه عليها بنتي تحسابنا حق نسيناها
مرام : هههههههه تحسابنا بس
جهاد : جيت
هند : وجابك ربي اعطيني الحاجات نوتيهم
جهاد : هاك ها
-
في السيارة
جاد : اشري شن تبي انزلي
هديل : علاش بالزبط ؟
جاد : ماتبيش ؟
هديل لالا اهو نازلة
جاد : هي
نزلت هديل من السيارة مستغربة ونزلت تشري شن تبي
-
اتصل جاد بمرام
مرام : الو !
جاد : اهلين هي توا في المحلات شن صار فيكم
مرام احني كملنا من بكري وتوا خشينا نديرو في فطور
جاد : اوك تمام
مرام : تمام اني بنسكر توا
جاد : اوك ردي بالك ع روحك تنحرقي ولا حاجة
مرام : هههه حاضر سلام
-
نزل من السيارة لقي هديل بتخلص
جاد : هديل امشي اركبي السيارة
هديل : ما خلصتش
ججاد : توا نخلص ونجيبهم بري توا
هديل : باه
جاد خلص وطلع من المحل بيحط الشكاير في السيارة
جاد : خليك اهني توا نجي
هديل : تمام
-
في حوش سندس
سندس : يام
منال : نعم ؟
سندس : امشي تكلمي مع اختي
منال : اسكتي
سندس : يام حرام عليك راهو خلاص قطعتيها وكله وعذبتيها وحرمتيها امشي تفاهمي معاهاربي هوا سامح وستر عليها انتي ما تسامحيهاش ؟؟
منال : تبي تقتل بنت خالتك كيف تبيني نسامحها ؟
سندس : هي كانت بتنتقم من ايمن لكن سمعتيها قالت انه بنت عمهم اية هي الي بدت بالفكرة
منال : واني مادخلنيش فيها
سندس : يام رمضان راه سامحيها بري
منال : مش رح نسامحها لكن بنشوفها كان تبي حاجة لانها حامل بس
سندس : باهي بري
منال : ردي بالك البوريك ينحرق
سندس : باهي بري
منال : باه
ركبت منال لدار خولة طقطقت ما ردتش عليها عاودت ما ردتش
منال : خولة اني امك عادي نخش ؟
خولة مافيش رد
منال فتحت الباب بصدمة
-
قدام حوش مرام فيه شخص واقف يراقب من بعيد يراقب في كل شي يخص مرام
-
قبل اذان المغرب روحو هديل وجاد وشرين الحوش طلع شاد فتح بيشوف منو
-
جاد : منو ؟
ايمن : اني ايمن
فتح جاد الباب بصدمة : ءءء اهلين
ايمن : سامحنا كان جيناك في وقت غير مناسب
جاد : لالا تفضل
ايمن : يزيد فضلك غر داير مفاجآة لمرام نبيك تناديها لهني
جاد : اوك تمام
خش جاد للداخل وقعد ينادي في مرام
مرام : نعم ؟
جاد : تعالي نبيك شوية
مرام نعم
جاد طلعها للجنان : تلتفي
مرام تلفتت وجمدت
ايمن كان مبتسم ومتسم روحه وفي يده هدية
مرام : ءءء ايمن ؟؟؟
ايمن : كيف حالك وخيتي ؟
مرام بإستغراب : وخيتي ؟
ايمن نزل راسه : نعرف انك مش راح تسامحيني لكن قلت نحاول سامحيني اني جيتكم
وحط الي في يده وطلع مرام استاقطت
مرام : لالا ايمن ايمن
طلعت برا واضبطاته
ايمن : عارف اني ظلمتك بس كأن بوك الي كان متحكم في جسدي مش اني والله اني نحبك وانتي مني وفيا ونادم ع كل شي
مرام ضحكت بفرحة : حتى اني نحـ.... ااااي
طاحت ع يد ايمن
ايمن : مرام ؟ مراام مرام نوضي
جاد كان في الجنان سمع رصاصة طلع لقي مرام طايحة ودم ع الارض يصب قاموها للمستشفى
-
دخلوها في العمليات
-
اتصلت عائشة بجاد : ولدي ولدي خيرك شن صارلك فيه دم قدام الحوش وانت ولا مرتك مهناش
جاد يمسح في دموعه : مرام جتها رصاصة في كتفها
عائشة شهقت : وووه عليناا ووه
البنات : خيرككك ؟
عائشة سكرت من جاد : وووه عليا بنيتي جهاد اتصل بخوك قوله وين قاعدين توا ترفعني ليهم
جهاد : باهي حاضر هي
هديل اني جاية معاك
هند : لالا انتي اقعدي اهني مع الصغار واني وهاجر وامك بنمشو
هديل : وش معنى ؟
هند فنصت فيها : كلمة قلتها
هديل في سرها " والله بنمشي ندور ع عريس يتزوجني ويريحني من عذابك انتي بالدات "
-
في المستشفى
-
منال تبكي طلعتلها الدكتورة
منال : بالله عليك طمنيني
-