رصاصة عشق " مكتمله "

الحلقه الرابعه

سلسلة " انتِ قلبي وانتَ نبضي "
#رواية_رصاصة عشق
#بقلمي_Møny Abàs 

بارت رقم "4"

-في مستشفي  الادهمي..
حورية : أنا أسفه ي بابا  مش قصدي أزعلك والله حقك عليا😔
عبدالحميد : مش زعلان منك ي بنتي ..انا بس عااايز اطمن عليكي
حورية: انا موافقه علي مازن ي بابا.!
عبدالحميد بإستغراب: موااافقه !! .. لو عشان انا تعبت فً لااا ي بنتي انا خلاص مش عااايز اغصبك علي حاجه انا هكلم مازن في الموضوع ده وافهمه

ليدخل عليهم مازن..
مازن بإبتسامه: انا جيت اهو اتفضل اتكلم ي عمو
حورية بسرعه: ثواني ي بابا لو سمحت !!
عبدالحميد : بس انتي ي حوريه بص ي مازن انت ابني وزي عبدالله والله وربنا يعلم بس حوريه بنتي برده ومرضاش اغصبها علي حاجه ف معلش ي ابني مش هينفع لاني بصراحه كنت غاصبها علي الجوازه دي
لتزول الابتسامه من علي وجه مازن: مش هينفع.!! تمام انا آسف ي عمي اني اتكلمت معاها من غير وجودك انا فعلا غلطان وعندك حق ترفض الجوازه
عبدالحميد باستغراب: كلمتها ..!!
حورية : بعد اذنك ي بابا اني هتكلم في وجودك وهقاطعك  هو الدكتور مازن كلمني وانا قدام اوضتك بره وسابلي القرار وانا يمكن مكونتش موافقه في الاول  بس حاليا انا موافقه وجدااا كمان
عبدالحميد بفرحه : بجد ي حوريه موافقه يعني الخطوبه وكتب الكتاب بعد بكره
حوريه: ايوه ي بابا
لتعود الضحكه الي مازن: وقعت قلبي ي عمي الله يكرمك😂
عبدالله بفرحه وهو يأخذ اخته في حضنه: مبروك ي قلب اخوكي، مبروك ي مازن🖤
مازن: الله يبارك فيك ي ابو نسب ، طب بعد اذنكم بقي عشان أروح أعرف أهلي ويعملوا حسابهم ، سلام عليكم
----------------------استغفر الله 😅💙
امام مستشفي حمزه الاسيوطي..
تقف هااجر في صدمه تنظر امامها لاتري غيره
عمرو بصدمه: هاجر..!! ، ليدور حوله بإستغراب: انتي بتعملي اي هنا،
عموما كويس اني شوفتك لاني كنت هجيلكم النهارده البيت عشان عايز ارجعك ليا تاني
توقفت هاجر للحظات  تستمع لكلماته واعذاره ومعاناته من وجهه نظره
ثم ابتسمت وقالت : عفوا بس معرفش حضرتك مين !
عمرو بإستهزاء: مش عرفاني !  مصدقكش  تنسي عمرو حبيب قلبك مش معقول ، انا عارف انك زعلانه مني بس عارف برده هرجعك لحضني ازاي  تاني ، ليمسك بيدها ويسحبها خلفه
لتنصدم هاجر وتترك يده وتقول بصوتٍ عالي : انت اتجنننت ازاي تمسك ايدي كده !!
عمرو ببرود: عادي لانك كنتي مراتي وبكره هتبقي مراتي تاني
هاجر بزعيق: نجوم السما اقربلك ي مهندس عمرو ده علي جثتي😒
عمرو بتريقه :  طلعتي عرفاني اهو امال اي لازمه الافوره دي، بصي ي هاجر مفيش حد هيقبل يتجوزك بعد الي قولته عليكي فإحمدي ربنا اني هتتطوع واتجوزك تاني
هاجر: لااا عندك انا اشرف منك مليون مره وعشان تبقي عارف انا مرضاش اني ابقي مع واحد كذاب وخاين زيك في بيت واحد، وفي يوم من الايام هقابل راجل يحبني الحب اللي كنت استاهله وساعتها هديله كل الحب الي طلعت متستهلووش😒
عمرو بزهق:بصي ي هاجر آخر الكلام انا هرجعك لزمتي بمزاجك او غصب عنك ومحدش هيقف في وشي ، ليكمل بضحكه استهزاء:: دي انتي ي هاجر ابوكي باعك ليا مع اول مقابله وكان عارف كل معاناتك معايا و وقف معايا بردو لما جيتي تطلقي ، مين هيمنعني بقاا
هاجر بقوه: اناا ..انا همنعك مش هتقدر ترجعني تاني لو مهما حصل مع السلامه ... واه حط في دماغك حاجه واحده بس هاجر الادهمي مبتتهددش
لتتركه وتذهب ..
ليمشي خلفها بهدوء ثم يمسكها غصب عنها..
عمرو: انا بقي هوريكي هعمل اي واحده زيك تقف في وشي
لتصرخ هاجر: ابعد عني ي مجنون بقولك سبني متلمسنيييش
ليجذبها عمرو الي سيارته ليدخلها غصب عنها ، ظلت هاجر تضربه بيدها حتي فلتت يداه واخذت تجري فأمسكها مره اخري ،
وضربها علي وجهها بقوه
:والله هوريكي و مبقاش راجل لو مخدتكيش معايا
لتصرخ هاجر وهي تحاول الافلات منه ليحاول عمرو ان يكتم فمها ..
سمع اياد وهو ذاهب بالقرب من ذلك المكان صوت صراخ بنت وري شخصا ما يحاول الاعتداء علي ذلك البيت ف ذهب اليهم واخذ الشخص بعيدا عن هاجر واخذ يضربه ثم ذهب الي هاجر وقال لها: انتي كويسه ي آنسه
وقفت هاجر واخذت تبكي وقالت بصوت متقطع : مشيني من هنا ابوس ايدك 💔، لتقع ع الارض مغشياً عليها
اياد: هاجر
ليقف عمرو ويضربه بسكين حاد في يده ،ليتأوه اياد بشده ويضرب عمرو كثيرا ثم يتركه ويآخذ هاجر لاقرب مستشفي
-------------------لا اله الا الله😅💙
-في منزل مصطفي الالفي
يدخل مازن عليهم ..ليراهم يأكلون..
يقعد والده وعلي جانبه الايمن رحمه ويوسف وعلي جانبه الايسر زينه وبنتها عائشه
مازن: السلام عليكم،ازيكم ي اهل الخير
الوالد مصطفي: وعليكم السلام، اهلا بالدكتور
-ليقعد مازن معهم بجانب رحمه ويوسف
مازن بابتسامه:ازيك يا جو،اخبارك ي بطل
يوسف: الحمد لله ي خالو
مازن بفرحه: احم🤭عاايز اقولكم حاجه ي جماعه،بإذن لله انا اتفقت مع عمو عبدالحميد  ان الخطوبه وكتب الكتاب بعد بكره
الوالد مصطفي: هي حاجه كويسه طبعا ،بس المفروض تعرفني الاول مش كداا
مازن بزعل : بابا انا عرفت كل حاجه، وعمو كان في المستشفي تعبان وكلهم كانو هناك
الوالد مصطفي بصدمه: اي!!😳 لا حول ولا قوة الا بالله .. هكلمه حالا ،كويس الا انت عملته ي مازن انا قايم اكلمه
ماازن: مالكم بتبصولي كدة ليه !
زينه: ابدا ي سيدي مستغربه انك فرحان !
مازن بفرحه : تعالوا اما احكيلكم اي الي حصل ،ليحكي لهم كل ما حدث
لتضحك رحمه : اللهم صلي علي النبي،كل ده يحصل وانا معرفش لما اشوفك ي حوريه
مازن : لا بقولك اي حوريه خط احمر ي ماما..!!
زينة بضحك : اوبا😉 احمر ولا اصفر ي مازن..!!
لتضحك رحمه كثييرا: وألا وشوفتك ي مازن بتدافع عن واحدة بنت 😂فاكره يا زينه اول ما بابا قاله ، لتقلده:هوري صاحبتك الوان العذاب ي رحمه 😂
مازن بضحك: ما خلاص بقي انتوا هتحفلوا علياا
رحمة بضحك:قلبي رهيف وصغنن .. ههههاي ...ده ي زوزو قبل ما يروحلها كان حالم بيها
لتضحك زينه عليهم : يلا ي ستي ربنا يسهلوا😂
-ليرن موبايل مازن معلنا اتصال ليشير لهم مازن ليسكتوا
مازن : السلام عليكم ،ازيك ي اياد ،في اي ..حاضر هجيلك حالا ،.مع السلامه
زينه: في حاجه ي مازن ولا ايه ؟!
ليقول مازن وهو يهم بالخروج وياخذ مفاتيح سيارته : مش عارف ولا فاهم حاجه والله ، بس بيقول ان في مصيبه ، يلا انا خارج... السلام عليكم
--------------------------استغفر الله العظيم😅💙
-في مستشفي الادهمي..
يقف اياد ويسند ظهر وراسه علي الحائط بعد ان لف الشاش حول يده ...ليأتي عليه مازن :في اي ي ابني قلقتني ،اي دي مال ايدك
اياد: اقعد وانا احكيلك ،ليحكي له اياد كل شئ
مازن بصدمه : لا حول ولا قوه الا بالله طب تفتكر يكون مين ده ؟!،ومتصلتش ع الدكتور احمد ليه !!
اياد بخنقه:  مش عارف ي مازن يكون مين !! انا مسمعتش حاجه من كلامهم انا روحت علي صريخها علطول والدكتور أحمد ي سيدي بكلمه مبيردش !
مازن بترقب:هسالك سؤال ي اياد عارف ان مش وقته بس انت بتحبها .!!
اياد:بحبها بس، ده انا قلبي متيم بيها💙
مازن:طب مطلبتهاش من والدها ليه !!
اياد:مش عارف ! بس اختي قالتلى أنها مطلقه ومش قابله فكره الجواز حاليا ، بس بعد اللي شوفته النهارده عايز
احميها من الدنيا كلها..😅💙
مازن:ربنا هيسهلها من عنده
اكيد ي صاحبي متقلقش
اياد:ي رب ي مازن ي رب ....صحيح انت عملت اي ف موضوعك؟ !
مازن بابتسامه:الحمد لله اتكلمت معاها واتقبلت الموضوع ووافقت عليا من قلبها وبعد بكره  هيبقي الخطوبه وكتب الكتاب😅💜
اياد:ربنا يصلح حالك إنا فرحتلك من قلبي والله ي مازن💛
مازن:عقبالك انت واللي يتمناها قلبك💙
بينما هم يتكلمون يسمعوا زعيق بداخل المشفي. ..
مازن :هو ف أي !! أي الزعيق ده !!
ليقف اياد:ده الدكتور أحمد اللي بيزعق اكيد قلقان ع بنته
-ليدخل عليهم الدكتور أحمد ويري يد اياد الملفوفه بالشاش
احمد:انت ي اياد اللي جبتها هناا
أياد:ايوه حضرتك .! الحمد لله اني انقذتها ف الوقت المناسب
احمد:.انت تسكت خالص😒
مش عايز اسمع صوتك !
اياد بصدمه:نعم !!!
احمد:متتنقلش من هنا لحد ما
اخرج
ليتركهم ويدخل غرفه هاجر ...
اياد:هو ف أي ،هو بيكلمني كده ليه !
مازن بحيره:مش عارف ربنا يستر !
ليسمعوا صراخ هاجر وزعيق والدها..
اياد:هو بيعمل اي أنا لازم اشوف ف أي !!
مازن : استني بس ي اياد مينفعشي تدخل
اياد: استني اي ابعد ي مازن، ليزق مازن ويدخل ليري والدها يمسكها من شعرها ويضربها ليغض بصره سريعا
الدكتور احمد : انت اتجننت ازاي تدخل كدا
اياد: انا سمعت صريخ ومقدرتش اقف ..لو سمحت مينفعشي كداا
ليترك هاجر ويشده للخارج
الدكتور احمد بزعيق : فهمني انت اعمل اي ي افندي ..يلا سمعني
اياد: حضرتك كان في واحد بيخطفها وانا انقذتها بتضربها ليه اي ذنبها
الدكتور احمد بتريقه : اه وانت بقي البطل الي علي الحصان الابيض مش كدة علفكره ده المهندس عمرو طليقها وانت كنت خارج معاها وهو لما شافكم كان بياخدها .. وضربك دفاع عن النفس
اياد بصدمه :نعم !! اي الكلام دي كله كذب ومحصلش
الدكتور احمد بزعيق : تقصد اني كذاب
مازن: لا حضرتك فهمت غلط ...اياد ميقصدشي
اي حاجه من دي
اياد: لو سمحت حضرتك ي دكتور تعالي نتكلم في اي مكان تاني لان المستشفي كلها بتتفرج علينا ومينفعش اي حد يسمع كلمة علي بنتك
الدكتور احمد: انا حر اتكلم في المكان اللي يعجبني ..انت هتعلمني كمان اتكلم فين
مازن : اياد اتكلم الوقتي
اياد : تمام.. بعد اذنك انا طالب ايد هاجر بنت حضرتك
لياتي صوت من خلفهم .."هو ينفع ي دكتور تجوز واحده متجوزه ومن ممتلكات المهندس عمرو الحديدي"
----------------- صلي علي النبي😅💙
ف منزل عبد الحميد الشيطي..
تقعد حوريه مع مريم ورحمه في غرفتهاا
رحمه بفرحه:انا مبسووطه اووي هتبقي زوجه اخويا الحلوه
حوريه بضحكه:وانتي هتبقي عمتوو
رحمه:انتي طبعا هتخرجي مع مازن تجيبي الشبكه وفستان الحفله
حوريه:مش عاارفه، هو المفروض يكون مازن اتكلم مع باباا
رحمه بضحك:فاكره لما كونتي تقولي اخوكي الدكتور واقولك ي بنتي قولي مازن عادي تقولي لااا معرفش اقول كده من غير القاب
حوريه بضحك:ما خلاص ي ستي ، ده هيبقي زوجي ، زوجي !  الله تصدقي كلمه حلوه💙
لتضحك رحمه عاليا : الكلمه حلوه😂ده مازن لسع وانتي كمان لسعتي ، هي الخطوبه والجواز بتلسع والا اي 😂
والا انتي اي رأيك ي مريم ... مريم !!
مريم بإنتباه:هاا بتكلموني
حوريه:في اي ي مريم مالك ، انتي مش معانا خالص
مريم بحيره وخنقه:اياد اخويا بيحب هاجر صاحبتنا
لتلجم الصدمه السنتهم..
رحمه :هاجر ! هو مش عارف انها مطلقه
مريم :انا قولتله انها مطلقه وكارهه فكره الجواز من غير ما ادخل في تفاصيل ، بس هو بردو متمسك بيها ، وانا بصراحه وعدته اكلمها لانه اخويا وانا زعلانه عشانه وكمان هاجر كويسه وطيبه اوي ونفسي تبقي توافق علي اخويا ، بس انتوا عارفين اللي فيها ومش عارفه اعمل اي
حوريه:انا من رأيي انك تكلمي هاجر براحه الاول وتشوفي رأيها وبعدين اخوكي يتقدم .. انا رنيت عليها النهارده علشان نتجمع سواا مردتش عليا وبصراحه بقيت قلقانه عليها اوي لأنها بقت تروح للدكتور كتير اليومين دول
مريم:ربنا يسهل الامور بقاا
ليرن موبايل مريم معلنا اتصال..
مريم:السلام عليكم ، ازيك ي اياد
اياد:وعليكم السلام ،انتي ف البيت ي مريم
مريم:لاا انا عند حوريه صاحبتي ، في حاجه والا اي
اياد:انا حاليا ف الطريق مروح ، كنت بعرفك بس ، يلا سلاام
لتقفل مريم مع اخيها..
مريم بقلق:مش عارفه ليه حاسه ان اخويا فيه حاجه صوته متغير..  انا همشي انا دلوقتي وهبقي اكلمكم بعدين
حوريه:ماشي ي حبيبتي وابقي طمنيني ومتقلقيش كدا ان شاء الله خير ومفيش حاجه
رحمه:طب انا هقوم امشي انا كمان معاها ، وهشوف مازن هيعمل اي ي رورو وهعرفك .. سلام عليكم
-------------------لا اله الا الله😅💙
ف منزل عائله الادهمي..
احمد بزعيق:انطقي ي بت اي بينك وبين اياد الحصري !!
حازم:ي بابا اهدي مينفعش كدا بالله عليك بقي كفايه ارحمنااا
أحمد :اسكت انت ي حازم ، انا عايز افهم عرفك منين علشان يطلب ايدك واللي عمرو قاله ده اي كمان
لتقف هاجر بزعيق:انت عايز اي !!  انت بتصدق عمرو اللي هو واحد من الشارع وتكذب بنتك عايزني ارد أقول اي هاا ! تعرف ي بابا انا بستعار اقرل عليك ابوياا..  آه والله .. محدش يبصلي بصدمه كداا انتوا كلكوا اخدتوا حب وحنان انا مشوفتش حاجه منهم كل اللي شوفته ضرب وزعيق واهانه ومن كتر سكوتي آخرها بقت جوازه بالغصب ، بس اتطلقت وانا بكرامتي وعزه نفس ومش ندمانه ابدا ع الطلاق ، وقسما بالله ان فكرت ي بابا انك تجوزني لعمرو تاني والله هقتل نفسي
احمد بزعيق:بتهدديني انك تقتلي نفسك ، طب يلا مع السلامه
الام:مع السلامه !! لا طبعا دي بنتي ومش هسمح لحاجه زي كدا ابدا كفايه سكوت بقي دي ضنايا وبنتي الوحيده
حازم :بص ي بابا انا يمكن مبقفش قصادك خالص بس هاجر اختي وحته مني ، وكفايه اللي حصلها بسبب قرارتك وسكوتنا ومش هسكت عن اي حد يمسها بكلمه تاني مهما كان هو مين حتي لو ابويا .. وعلفكره اياد اللي مش عاجبك ده احسن مليون مره من عمرو اللي انت رافعه اوي وهو اصلا ميستهلش ضافر هاجر
احمد:ما شاء الله .. كلكوا بقيتوا تكلموا..  والله انا ممكن اوافق علي اياد بس بشرط انه يعمل كل اللي اطلبع منه غير كده مفيش غير عمرو وكلمتي مش هتنزل الارض
ليتركهم ويذهب وتخرج والدتهم ورآه ..
ليأخذ حازم اخته في حضنه:متزعليش نفسك ي عمري مفيش حد هيأذيكي انا جمبك وهقف في وش الدنيا كلها علشانك
لتبكي هاجر:انا مش عايزه اتجوز خالص ي حازم لا عمرو ولا غيره ، مش مستعده للفكره دي
حازم:بس اهدي مفيش حاجه هتحصل من غير رضاكي
--------------------سبحان الله😅💙
ف منزل عائله الحصري..  ينام اياد علي رجل اخته مريم..
مريم :متزعلش نفسك ي اياد علشان خاطري
ايتد بحزن شديد:متعرفيش سكلي كان عامل ازاب قدام اصحابي ف المستشفي والدكتور احمد قاعد يزعقلي حتي مازن مقدرش يسكته ، واللي اسمه عمرو ده قاعد يقولي "هاجر مراتي اناا .. ومش هسمح لاي حد ياخدها مني .. حته واحد زيك هيقف في وش عمرو الحديدي .. بكره ترجع لحضني وشوف هتعبرك ازاي " ، والمشكله ان ابوها واقف معااه
مريم:متزعلش ي حبيبي ، ربنا هيحاسبه هو مبيسبش مظلوم وقادر يجبلك حقك كفايه انه عورك ف ايدك والكلام اللي بيطلعه علي هاجر واللي عمله فيها وكسره قلبها اللي بسببه ، وربنا يهدي والدها هو السبب ف كل حاجه
اياد:تفتكري هاجر هتوافق عليا بعد اللي حصل داا !!
مريم بحيره :مش عارفه..  بس سيبك من كل حاجه والجأ لربنا وادعيله هو حاسس بيك وبزعلك وهيجبر بخاطرك بإن والله وهيحصل كل خير
----------------الحمد لله😅💙
ف صباح يوم جديد جميل جداا بالنسبه للبعض ، وحزن وزعل بالنسبه للآخرين ..
ف مستشفي حمزه الاسيوطي..
تقعد هاجر بجانب اخيها حازم لتنادي عليها السكرتيره..
حازم بإطمئنان:متخافيش انا مستنيكي هناا مش هتحرك
هاجر:تمام ، انا داخله
لتدخل هاجر الي الدكتور  ..
هاجر:السلام عليكم .. ازي حضرتك ي دكتور
حمزه:وعليكم السلام..  بخير..  ازيك ي دكتوره
هاجر:الحمد لله
لتقعد هاجر ف المكان المخصص لها..
هاجر بضحكه وجع:شفت عمرو امبارح..  واتقدملي اخو صاحبتي امبارح
حمزه :عمرو ! ودي حاجه حلوه تواجهي بيها الماضي ، واخو صاحبتك ودي ممكن تبقي فرحه تدخلي بيها ع المستقبل
هاجر:بس الجواز خوف ومعقد
حمزه:اي اللي معقدك منه ؟!
هاجر:انا مش معقده من الجواز انا مرعوبه ، العلاقات ف اولها حلوه وبعد ما طرف منهم يضمن قلب التاني بيطفي قلبه
حمزه:مش كله كداا الحب ق
فيه الحلو وفيه الوحش كله مبني علي اختيارك !
هاجر بحيره:خايفه اختار فيطلع الاختيار غلط وانا مش قادره اتحمل عواقبه واعيد مسيره عمرو تاني ، وخايفه مختارش فالخوف ده يضيع عليا الاختيار الصح اللي ممكن ميتعوضش تاني الحب قد ما هو حلو بس مؤذي ومخيف
حمزه:حبي بس من غير ما تأذي روحك ولا تسبيها تحارب ف الجهه الخسرانه  ،تخيلي كدا تمشي طريق طويل وكل يافطه تقابلك تأكدلك انك ماشيه ف الطيق الغلط وانتي مصره تكذبيها وتصدقي احساسك اللي متعرفيش هو صادق والا كذاب وف النهايه تلاقي نفسك بتوصلي لحيطه سد .. ساعتها لا ف طريق قدامك تخرجي منه وتكملي ولا هيبقي فيكي حيل ترجعي اللي مشتيه وتبدأي طريق جديد ولا هتلاقي حد تطلعي عليه غلطك غير نفسك ، جلد الذات مفيش اصعب منه .. يبقي نحب علي قد ما ناخد مش اكتر منه علشان منجرحش قلبنا والحاجه اللي عارفين انها بتوجعنا بلاش منها والشخص اللي يجلنا منه وجع نقفل عليه بابه
هاجر براحه :معااك حق ، بس عارف ي دكتور انا حاسه اني مرتاحه لاخو صاحبتي برغم اني متعقده من الجواز
حمزه:استخيري ربناا وهيردلك الخير ويوقف قصادك طريق النجاه ،وهستني عزومه ع الخطوبه قريب جداا
هاجر:مش اوي كداا يعني ، مش عارفه اي اللي هيحصل بس اللي انا عرفاه اني هفضل طول عمري فاكره القصه دي وبحكيها بفخر وبعتبرها درس اني حبيت الشخص ده حب عظيم خسره بسهوله وبون اي ادني وعي وعمره ما هيلاقي زيه
حمزه :صح كداا ، انتي كده الدكتوره هاجر الادهمي القويه بس لسه حاجه صغيره"اهلك" سامحي اهلك وحاولي تكلمي معاهم مهما صدر منهم هما اطيب قلوب عليكي من اي حد
هاجر بزعل:كل ما بحاول اسامح واتعامل معاهم كعيله بيحصل حاجه تخليني ابعد ، يعني امبارح روحت وقفت قدام اوضه ماما كان نفسي اترمي ف حضنها واعيط من كل حاجه حواليا علشان ارتاح واحس بالامان لقيتها بتقولي "جعانه ؟! محتاجه فلوس ! " كأن ده اللي ممكن اكون محتجاه منها ، ماافتكرش امتي آخر مره خدتني ف حضنها او باستني من غير مناسبه ، والغريب ان عمرها ما حست ان دي مشكله عمرها ما شافت حجم الفجوه اللي كل يوم بتكبر ما بينا ، كان لازم حد يفهم ماما ان التربيه مش بس اكل وشرب وفلوس..
ليرن موبايلها معلنا اتصال..
هاجر:طب انا اسفه ي دكتور مضطره امشي
حمزه بإبتسامه:اتفضلي ي دكتوره هاجر
لتخرج هاجر الي اخيها..
حازم بإبتسامه:يلا ي ست البنات علشان انا مفضي اليوم كله اقضيه معاكي
هاجر بفرحه:يلا ي زوماا
--------------------صلي علي نبينا😅💙
ف مكان ماا مزدحم بالناس يوجد فيه حوريه ورحمه ومازن انه "مول دميااط الكبير"
مازن بزهق:لا بجد كفايه انا تعبت..  بقالنا 5 ساعات بنلف ومفيش حاجه عجباكم
رحمه بضحك:انا مليش دعوه انا اشتريت هي اللي لسه
ليلعب مازن في شعره:هي براحتها اكيد بس مش اووي كداا يعني
لتضحك حوريه بهدوء..
مازن:طب هقولكم حاجه انا موجود ف الكافتريا اللي قصادكم دي خلصوا براحتكم واديلي رنه ي رحمه
-ليدخلوا رحمه وحوريه الي مكان الفساتين..
لتقف حوريه:الله .. الفستان ده تحفه اوي.. اي رأيك ي رحومه
رحمه:فعلا تحفه..  وكمان لون الموف اللي مازن بيحبه
حوريه بضحكه: هو بيحب اللون ده بجد اشطاا ندخل نجيبه طالما ميزو بيحبه
لتضحك رحمه:ميزو !! اللهم صلي علي النبي اومال بعد الجواز هتقولي اي
لتضحك حوريه:بكره نشوفك ، يلا بقي علشان منتاخرش
لينهوا كل شئ ويذهبوا الي مازن..
رحمه:هييح خلصناا
مازن:اخيراا .. الحمد لله ي رب ، انتي راحه فين ي رحمه انتي لسه هتقعدي قومي قبل ما تفتكروا حاجه تانيه تجبوها ، يلا احنا هنطير حالاا
بينما هم يخرجون من المول لكي يركبوا سياره مازن.. تخبط فتاه ف مازن لتقع علي الارض..
مازن:انا اسف ي آنسه..  انتي كويسه ؟!
لتقف الفتاه :حصل خير ، لتصتدم:مازن !!
لتنزل الصدمه علي مازن :بسمه
!!
خلصت حلقتنا الحلوه🌸