رصاصة عشق " مكتمله "

الحلقه التامنه

سلسله" انتِ قلبي وانتَ نبضي😅💙
#رواية_رصاصه عشق
#بقلمي_Møny Abàs 

بااارت رقم "8"

يبدأ الصباح بيوم ملئ بالمفاجات...
في منزل عائله الشيطي ..
تقعد حوريه مع والدتها واخوها ع مائده الفطار
عبدالله:مالك ي رورو مكلتيش حاجه من ساعه ما قعدتي وسرحانه
لتتصنع حوريه الابتسامه:لا ي حبيبي انا باكل اهو
الام:تلاقي مازن بس واحشها ،فاكره لما مكونتيش موافقه عليه !
عبدالله بضحك ومشاغبه:الوقتي بتقول سبوني معاه وعدولي
لتغير حوريه الموضوع :اومال فين بابا واسماء !!
الام:باباكي عمك مصطفي رن عليه وخرج وأسماء ف االدروس
حوريه بإستغراب:رن عليه هو ف حاجه !!
عبدالله:المفروض انتي اللي تبقى عارفه من مازن بس الله اعلم بقا
ليرن جرس الباب ويقوم عبدالله بالفتح..
عبدالله:اي ده مازن واحشني ي جدع والله تعالى حماتك بتحبك
-لتسمع حوريه ذلك وتقوم تدخل غرفتها لتنظر عليها والدتها بإستغراب..
مازن:السلام عليكم ازي حضرتك ي امي
الام :وعليكم السلام تعالي ي حبيبي
ليتفت مازن حوله ..
عبدالله:جوه ف اوضتها
مازن باستعباط:هي مين دي !!
عبدالله:اللي قلبك بيدور عليها
ليضحك مازن :طب ما تكملها للاخر وتدخلني ليها
عبدالله :تعالي ..بس اي شكل مزاجها وحش النهارده
مازن وهو يتصنع التكبر:الوقتي تشوفها بتضحك وهي معايا
ليلوي عبدالله فمه:شكلك متعرفش اختي وهي مضايقه،تعالي اما ادخلك
-ليخبط عبدالله ع باب غرفتها :رورو مازن هنا وعايز يدخلك ..تعالي اتفضل ي مازن ..اسيبكم انا بقا
مازن بإبتسامه:احم ازيك ي حوريه
حوريه بإقتضاب:الحمد لله
مازن:عامله اي ف مذاكرتك لسه ع امتحاناتك شهرين !
حوريه :تمام الحمد لله
ليقوم مازن ليذهب ويقعد جمبها:مالك ي رورو مين مزعلك
لتدمع عين حوريه :هتجبلي حقي🥺
مازن:اكيد طبعا انتي مراتي ومحدش يقدر يزعلك وانا موجود
حوريه :انت اللي مزعلني وقهرني
مازن بإستغراب وصدمه:اناا.. طب عملت اي زعلك مني
لتقف حوريه وتختلط دموعها مع الكلام:ضحكت عليا واستغفلتني قولتلك خلي بينا صراحه وانت وعدتني وف الاخر خلفت بوعدك وكذبت عليا وعشان انا بصدقك بتلعب بعقلي بكلمتين يلا افسحها شويه اضحك معاها وأحب فيها شويه عشان اعرف ادخل قلبها وتحبني ..ليبدأ صوتها بالعلو .. تلعب بمشاعر البنات عادي وميفرقش معاك ومفكر ان بنات الناس لعبه وكسره القلب حاجه عاديه
ليقف مازن بصدمه من كلامها:اي اللي انتي بتقوليه ده انتي اتجننتي !!!
لتضحك حوريه بتريقه:اتجننت عشان بواجههك بقذارتك
ليمسك مازن ذارعها بقوه:حوريه الزمي حدودك واعرفي انتي بتقولي اي ! !!
حوريه:لا متفكرش انك هتاخدني بالصوت عمري ما اسمح لواحد يلعب معايا كده طلقني ي مازن !!
مازن بصدمه:نعم !! اعمل اي !!
حوريه بثبات:طلقني وحالااا
---------------------استغفر الله😅💙
ف مستشفي أحمد الادهمي. ..
يقف المهندس مصطفي وبجانبه والد حوريه وشخصا ماا
عبدالحميد:اهدي ي مصطفي ان شاء الله هتبقي كويسه
مصطفي بقلق:لو جرالها حاجه مش هستحمل امها ماتت وهي بتولدها وسبتهالي هي ومازن وزينه أمانه