رصاصة عشق " مكتمله "

الحلقه الواحد والعشرون

سلسله" انتِ قلبي وانتَ نبضي😅💙
روايه_رصاصة عشق
بأسمي_Møny Abàs

بااارت رقم "21"

ف منزل عائله الأدهمي ..
احمد بعصبيه :متقوليش ابنك دي انتي عارفه كويس ان حازم مش ابننا ولا عمره هيبقي ابنك !!
الام:انت بتعايرني ! لا ي احمد حازم ابني حتي لو مش انا اللي مخلفاه بس هو ابني وهيفضل طول عمره ابني ، حازم كبر قدامي واول ما قال ماما قلهالي انااا، ده انا لو اضطريت ابيعك علشان خاطر ابني وسعادته هعملها !
ليرفع يده بقوه ليضربها .. ليري من يمسك بيده
زين بعصبيه :انت بترفع ايدك علي ماما !!!!
احمد:انت كمان اتكلمت وبتمسك ايدي
زين بعصبيه:هو انت ليه كداا !!! بجد ليه ؟! حرام عليك بجد حراااام البيت ده كله مشااكل انا زهقت وقرفت اقولك حاجه انا ببقي مبسوط وانا بره البيت بدخل من الباب والزعيق يقابلني فضلت تعمل مشاكل لهاجر لحد ما خرجت من هنا واتجوزت وحاليا بتعمل مشاكل لحازم والمفروض الدور عليا بس بالله ي بابا ابقي عرفني عشان اشوف بيت اجهزه اروح فيه اما تطردني ،تعرف ي بابا انا دايما اقول لربنا انت بتعاقبني ي رب انك خليته ابوياا
احمد:ولا انا عايز حد منكم ولو عايز تحصل اخوك مع السلامه ، واسمعي انتي كمان عقلي زين وانسي حازم يكون احسن مع الف سلامه !
لتقعد الام تبكي علي حالهم ..
زين:ماما انا عايز افهم اي كلام بابا ده !!!
الام ببكاء:شوف اخوك فين انا خايفه عليه !
زين:هو فعلا حازم اخويا والا زي ما بابا بيقول
الام بسرعه:اوعي تصدقه ي زين حازم ابني وأخوك
زين:انا سامعك ي ماما بتقولي انك مخلفتهوش فهميني الحقيقه ي ماما والا انا كمان مش ابنك
الام:لا ي حبيبي انا خلفتك والله انت وهاجر
زين:وحازم ؟!!
الام :انا كنت الأول مبخلفش قعدت "7" سنين من غير خلفه وف يوم لقيت ابوك داخل عليا بطفل صغير ف اللفه لسه وبيقول انه لقاه قدام مسجد وقالي نربيه ويبقي ابننا وبعدها بكام سنه الرحم بتاعي اتحسن وخلفت هاجر وبعدين خلفتك !
زين بصدمه:وحازم يعرف الكلام ده ؟!!
الام بسرعه:لا محدش يعرف اوعي تقول لحازم ولا تقول لحد خالص
زين:ماشي ي ماما ، بس اعرفي حاجه واحده حازم اخويا ي ماما اخويااا حتي لو من اهل غيركم ولو احتاجني في حاجه تخص جوازه هعملها
----------------------الحمد لله😅💙
ف منزل عائله الشيطي ..
عبدالحميد:عامله اي ي حوريه ف بيتك !
حوريه بإبتسامه:بخير ي بابا الحمد لله، مازن شخص كويس جدااا وانا مبسوطه معاه جدااا
الام :ربنا يسعدك ي حبيبتي
عبدالحميد: قولتلك هتشكريني عليه ، فاكره !
حوريه:فعلا ي بابا ، انا لو كنت فضلت معنداك وخسرت مازن كنت هندم اوي ،الحمد لله ان ربنا رزقني بيه ، وتسلم اوي ي بابا ي حبيبي وان شاء الله ربنا يرزق اسماء بشخص كويس ويفرحها
عبدالحميد:ان شاء الله .. ليكمل بتعب:انا هقوم انام لما مازن وعبدالله يجوا يصحوني
حوريه :انا هدخل اشوف سمسمه شويه قبل ما مازن يجي
الام:ماشي ي حبيبتي ربنا يباركلكم ف بعض
لتدخل حوريه الي اسماء غرفتها ..
حوريه بإبتسامه:سمسمه بتعملي إي !!
أسماء :عادي بلعب ع الموبايل
حوريه:التنسيق هيفتح امته !!
أسماء :مش عارفه ولا عايزه اعرف
لتحتضنها حوريه:بصي ي روحي النصيب ده بإيد ربنا طبعا لكن ده ميمنعش انك تعافري وتحاربي علشان توصلي للقمه مش مجرد لما يحصل حاجه تبعدك عن هدفك او توقعي او تواجهي مشكله تستسلمي وتبعدي عن كل حاجه بحجه النصيب لا مش كده ابدا ربنا لو شافك بتحاربي علشان نفسك في الحاجه اللي فتحلك طريقها وبتدعي علشان توصلي للقمه فيها ممكن يغير قدرك ويخليكي حاجه عاليه أوي تفتخري بنفسك بيها ،الدعاء الكتير بيغير القدر لكن للاسف احنا كبشر بنستسهل ونعلق خبيتنا علي شماعه النصيب وده مينفعش، ادعي كتير وخلي عندك ثقه ف ربنا ونيه صافيه وانتي بتدعي علشان ربنا يرزقك بالحاجه اللي هترفع مقامك وخليكي عارفه ان اللي بيروح مش خير علشان الخير اصلا مبيروحش ،فهمتيني !
لتبتسم اسماء :انتي مش هتجبيلي نونو يقولي ي خالتو
لتضربها حوريه علي رأسها :بعد الكلام ده كله وتقولي كداا
اسماء:حقيقي انا فخوره انك اختي وطول ما انتي جمبي هكون بخير
حوريه:ربنا يفرحك ي روحي ، وفرفشي كدا علشان كلهم زعلانين علشانك
أسماء بإبتسامه:حاضر انا بحبك اوي
ليدخل عبدالله:وانا مليش شويه حب
حوريه: انت جيت !
عبدالله:لا لسه بره ،ادخل !!
اسماء:ما انت خلاص دخلت
عبدالله:مش عارف انتوا من غيري هتعملوا اي بس
اسماء:هنعمل كتييير
حوريه:لا طبعا ده عبودي حبيبنا اخونا الوحيد
عبدالله:طبعا .. طبعا ، صحيح مازن بستناكي بره
لتقوم حوريه:اطلعله انا بقاا
ليمسك عبدالله يدها :متبقيش تتاخري علينا علشان بتوحشيني
اسماء:والله بحس ان انت اللي جوزها
عبدالله:انتي ي اسماء تتاخري عادي
لتضحك عليهم حوريه:ناقر ونقير دايما ،اسيبكم انا بقاا
-------------------------لا حول ولا قوه الا بالله😅💙
ليأتي الصباح علي ابطالنا ..
ف النادي،خاصه ف صاله الرياضه ..
صديق عبدالله ويدعي يوسف:اومال المره اللي فاتت جيت النادي ومدخلتش الصاله ليه؟!
عبدالله:كان معايا اهلي ومازن جوز اختي
يوسف:جوز اختك ده شخص محترم جدااا ربنا يكرمه
عبدالله :تسلم ي كابتن ، استأذنك انا بقا
ليقوم عبدالله وهو يخرج من الصاله ليخبط في شخص ماا..
عبدالله:انا اسف مقصدش بعد اذنك
كريم:هو اي اللي بعد اذنك انت خبطتني عن قصد وانا عايز حقي دلوقتي
عبدالله :أنت اللي خابط فيا اصلا انا كلمتك والا اعرفك
يوسف :في اي ابني انت بتحجج علشان الشكل !!
حسن :ملكش دعوه ي جدع انت،وبعدين انت نسيته ده اللي كنت ضاربه ف المول !
ليتذكره عبدالله :ايوه انت بقي قليل الحيااا اللي كنت شوفته
ليمسكه كريم من قميصه:اتكلم عدل ي ولد احسنلك !
لينظر عبدالله الي مسكته:طب نزل ايدك ي حلو علشان مزعلكش
ليضربه كريم ف وجهه :وريني بقي هتزعلني ازاي
ليتشابكوا مع بعضهم .. ليحاولوا من ف الصاله الفصل بينهم ..
يوسف:انا مش فاهم انتوا ليه بتعملوا كده هو كلم حد فيكم !
كريم بزعيق: الولد ده بيقل ادبه معايا هو مش عارف انا مين والا اي
حسن:دا كريم السيوفي اللي النادي كله بيعمله حساب !!
عبدالله:انا مبخافش من حد واللي مش عاجبه يخبط رأسه ف الحيط
-------------------استغفر الله😅💙
ف منزل عائله الألفي ..
مصطفي:عدي كتير ي رحمه علي فرح اخوكي هتعملي خطوبتك امته !
رحمه:اللي تشوفه ي بابا كلم صهيب فيه
زينه:حلوه وانتي بتقولي اللي تشوفه ي بابا
رحمه:بطلي رخاامه
مصطفي :ربنا يفرحك ي بنتي واطمن عليكي زي اخواتك ،يجي مازن وهكلمه ف الموضوع ده
ليرن موبايل مصطفي معلنا اتصال ..
مصطفي:السلام عليكم ازيك ي اياد
اياد:الحمد لله، بعد اذنك ي عمو فين مازن بسرعه !
مصطفي بقلق:في اي ي ابني خير !!
اياد :حمااه هنا وتعبان اوي ف حاله خطره
ليقف مصطفي بصدمه:حالا ونكون عندك مع السلامه
زينه:في اي ي بابا
مصطفي:اطلعي ي رحمه بسرعه هاتي حوريه وانزلي ابوها تعبان ف المستشفي
رحمه:حاضر ي بابا
-----------------لا اله الا الله😅💙
ف مستشفي الأدهمي ..
اسماء ببكاء:ي رب قومه بالسلامه ملناش غيرك ي رب
ليخرج إليهم اياد:حاليا مفيش قدامنا غير نعمله عمليه بس مش عارفين اي هيحصل بعدها ومش هنقدر نعملها غير بموافقتكم !
الام:هستني عبدالله ابني يجي
اياد :متقلقيش خير ان شاء الله انا هكلمهولك
لينتظروا بعض الوقت .. لياتي مازن وعبدالله ..
مازن بقلق:وصلتوا ل اي ي اياد ؟!!
عبدالله بخوف:في اي ابويا ماله
اياد:اهدوا وحاولوا تقرروا للعمليه هتعملوا اي مفيش وقت
عبدالله :اعملها المهم ابويا يبقي بخير
ليأتي مازن ليدخل مع اياد .. ليمسك عبدالله يده:مازن ! انا عايز ابويا يعيش ارجوك
مازن:ادعيله
ليقعدوا ساعتين بالخارج يدعوا له بالشفاء ،ليخرج عليهم مازن واياد
الام:طمني ي ابني
مازن :الحمد لله العمليه نجحت اطمنوا شويه وهيفوق
اسماء:تعالي ي ماما ندخله
ليأخذ عبدالله مازن بعيدا عنهم:مازن بابا حالته اي قولي الحقيقه !
مازن بحزن شديد:العمليه نجحت فعلا،بس للاسف الحاله صعبه اوي
ليغمض عبد الله عينه بزعل:الحمد لله اللهم لا اعتراض الحمد لله
مازن :فين حوريه !!
ليأتي عليهم حوريه ومصطفي ..
لتجري حوريه وتحتضن مازن:ماله بابا ي مازن، تعبان ماله ، هيبقي كويس صح طمني
ليحاول مازن تهدئتها:اهدي متخافيش هيبقي كويس
ليأتي عليهم اياد:مازن ! مهندس عبدالحميد طالب يشوفكم كلكوا
ليذهبوا إلي غرفته ..
حوريه بدموع:الف سلامه عليك ي حبيبي ربنا يقومك بالسلامه
عبدالحميد بتعب:حوريه انتي قلب ابوكي، مازن هيحافظ عليكي انا متاكد وعبدالله مع أمه وأسماء هيبقي راجل بدالي
اسماء:بعد الشر عليك ي بابا
عبدالحميد :فين عبدالله .. ي عبدالله ..انا عايز اشوف ابني
ليأتي عبدالله ويمسك يده ويقبلها:انا جمبك ي بابا
عبدالحميد بصوت متقطع: اخواتك وامك حافظ عليهم
عبدالله بدموع:بابا ، متسبنيش ي بابا ،علشان خاطري متسبنيش مقدرش احميهم لوحدي
لبتسم عبد الحميد :هتحميهم انت راجل ،انااا .. كنت .. اناااا
عبدالله بخوف ودموع:اتكلم ي بابا انا سامعك والله اتكلم ،بالله ما تسكت ،بابا سامعني متسبنيش بالله عليك باباااا متسبنيش
ليرفع عبدالحميد عينه وينطق الشهادتين:لا اله الله الله محمد رسول الله
مازن بدموع:انا لله وانا اليه راجعون
الام ببكاء:ي رب الطف بينا لا حول ولا قوه الا بالله
اسماء ببكاء:باباااا لا ي باباااا متعملش فيا كده ي بابا علشان خاطري باباااااا
----------------انتهت💙