رصاصة عشق " مكتمله "

الحلقه الخامس عشر

سلسه" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs

باارت رقم "15"

أسماء بصراخ :عبدالله
ليهربوا كلا من كريم وأصحابه ..
لتخرج حوريه :في اي .. عبدالله .. مااالك؟!!!!
مازن :عادي متخافوش دي تعويره بسيطه في ايده .. ليقوم مازن بعمل الإسعافات الاوليه له ويقوم بلف يده بشاش
أسماء ببكاء :عبدالله انت كويس !!
عبدالله باطمئنان:كويس متخافيش
مازن :مين العيال دول ي عبدالله !!
عبدالله :معرفش حد فيهم والله هما ضايقوا اسماء فعشان كده شديت قصادهم
حوريه ببكاء:مش مهم هما مين الحمد لله أنه كويس
مازن بغمزه:الجمال ده تبعناا اي الحلاوه والقمر ده
حوريه بإحراج:ده وقته ي مازن
عبدالله بغيظ:يعني انا مضروب وتعبان وانت بتعاكس اختي
مازن :وانا عملت اي غلط مراتي وبعاكسها خليك في جرحك ي جدع وانا اخليني في قمري
عبدالله :ولااا ملكش دعوه باختي
مازن :ي شيخ انت لولا تعبان كنت خدتها ومشيت وسيبتك بس انا طيب هخليها تغيره ونمشي سوا
عبدالله :لااا حنين ي جوز اختي
مازن :طبعا من غير ما تقول
-----------------------الحمد لله😅💙
في منزل اياد الحصري ..
هاجر :انا فرحانه علشان حوريه اووي
اياد:مازن بردو طيب ربنا يوفق ما بينهم
ليرن جرس الباب .. ليفتح اياد
اياد :حازم اتفضل !
حازم :ازيك ي اياد اومال فين هاجر !
هاجر بفرحه:زومااا وحشتني
ليحتضنها حازم :وحشتيني ي قرده
اياد بغيظ:براحه شويه ي عم
حازم بضحك :غيران مني دي اختي
اياد :مليش دعوه مراتي بردو
هاجر :خلاص انتوا هتشاكلوا تعالوا نقعد
اياد:عامل اي في شغلك !
حازم :الحمد لله انا الوسيط في الشركتين بتاعه المهندس عبدالحميد والمهندس مصطفي ومرتاح جدا معاهم والشغل زي الفل معانا انا وعبدالله
اياد :ربنا يكرمك عقبال ما تجوز بقاا
حازم بزعل:علي عيني والله بس الظروف
هاجر :قولي لو حد في قلبك وانا اظبطلك كل حاجه
ليحكي لهم حازم كل ما دار معه هو والده ..
هاجر بزعل:اصبر عليه ي اياد وبأذن الله هتجوزها
حازم :بحبها اوي ي هاجر اوي احساس ان هي ممكن متكونش ليا بيموتني
هاجر :اسمها اي وشوفتها فين اللي موقعه قلبك اوي كده
حازم :سلمي،واخوها بشتغل في شركه المهندس عبدالحميد شغال تحت ايد عبدالله
اياد:سلمي وحازم ثنائي حلو
حازم :تفتكر هتظبط !!
اياد:متقلقش كل حاجه هتظبط اطمن وبعدين نسيت أن اخوها في شركه عمو عبدالحميد يعني هيظبطلك الموضوع من نحيته بردو وانا هشتغل عليه انا وعبدالله مش هنسيبك
هاجر بإبتسامه:وانا معاك ي حبيبي اطمن
حازم :انا اسف علي اللي حصل مني وقت جوزاكم والله الدم غلي في عروقي لما شوفت الصور والاسكرينات انشليت ان ممكن يكون حد اذي اختي كده وخصوصا اني عارف حالتها بس والله ماكنت قادر اجي اوجهكم هنا بعد اللي حصل مع مازن انا بجد اسف
هاجر بإبتسامه:ولا يهمك انا مش زعلانه انت اخويا وادري بمصلحتي وعارفه انك مش هتعمل حاحه تضرني وبعدين دي احلي حاجه جوازتي اصلا انا عمري ما انسالك المعروف ده
حازم :ربنا يبارك ليكم في بعض كنت عارف ان اياد راجل وهيحافظ عليكي عقبال ما تجيبوا عيال حلوين كده
اياد:ي رب اسمع منه ده غلباان
هاجر :بإذن الله قريب
حازم :ربنا يفرحكم علطول
-----------------------الحمد لله😅💙
في منزل عائله الشيطي..
الام ببكاء:ربنا ينتقم منهم ي حبيبي الف سلامه عليك
عبدالله :والله ي ماما انا كويس مش مصدقاني ليه !
حوريه:الحمد لله جات سليمه
مازن :ربنا يشفيك ويخفف وجعك
عبدالله بضحك:وانت كمان ما انت دراعك وانا ايدي الفرح ده جاي ببركه علينا انا من رأي نفضه
مازن :تفض اي ي اخويا خليني اقوم اكمل علي ايدك التانيه احسن
عبدالله :والله طب كمل وانا اقفلها خالص ومعندناش بنات للجواز
مازن :شايفه ابنك ي حماتي هزعله
عبدالله :دي امي انا علفكره يعني هتقف في صفي
الام:ما تسكت بقي ي عبدالله كل شويه تضايق في مازن مش شايف والله ي حبيبي خس وضعف وعايز يتغذي
عبدالله بغيظ:انتي امي والا امه
مازن بضحك:متحرجش نفسك اكتر من كده
اسماء:الف سلامه عليك ي عبدالله انا اسفه
عبدالله:انتي معملتيش حاجه وبعدين انا اقسم بالله كويس وزي الفل
مازن:طب استأذن بقي علشان عبدالله يرتاح والبنات يشوفوا مذاكرتهم
الام:ماشي ي حبيبي ربنا ينورها في طريقك
مازن:تسلمي ي ست الكل يلا سلام عليكم
-------------------------لا اله الا الله😅💙
في صباح اليوم التالي .. في منزل عائله الشيطي ..
الام:ي حوريه اصحي يلاا
حوريه:انا صاحيه ي ماما بذاكر
الام:ربنا يوفقك علشان تتخرجي وتبقي دكتوره حلوه
حوريه:ي رب ي ماما اومال فين سمسمه وعبدالله !
الام:بتذاكر ومبهدله نفسها قاعده تعيط،وعبدالله قعد يضحكها شويه وبعدين راح الشغل
حوريه :طب انا هقوم اشوف سمسم .. لتدخل حوريه علي اسماء
حوريه:سمسمه أخبار الدكتوره بتاعتنا اي
اسماء ببكاء:خايفه ااوي من الامتحانات وحاسه اني متوتره ومش عارفه اذاكر
حوريه:انتي ذاكرتي وتعبتي وربنا شايف ده فكرك هينساه ده هيجازيكي عليه ويفرحك ويجبر قلبك ادعيله ومش هيخذلك وكل حاجه هتجيلك خير سواء قلبك يحبه او يكرهه ده ربنا ي سمسم عارفه يعني اي ربنا يعني ادري بينا من نفسنا ومن اهلنا كمان هو عارف فين الخير وهيفتح طريقه قدامنا احنا علينا بس نسلم نفسنا ليه ونطمن انتي بس اعملي اللي عليه وسيبي الباقي علي ربنا ومهما حصل كوني فخوره بنفسك انك انجزتي وعملتي كل اللي عليكي وده الطريق اللي هيريح قلبك
أسماء :ي رب بقاا
حوريه:بتذاكري اي !!
اسماء:شويه عضويه معقداني في الكيمياا كلهااا
حوريه:دي جميله خالص تعالي اراجع معاكي
-------------------------------صلي علي الحبيب😅💙
في منزل اياد الحصري ..
اياد:كل ده بتاكلي سندوتش ي بنتي يلا عايزين نخلص الكتاب ده !!
هاجر:انا زهقت كفايه كده النهارده
اياد:ده اللي هو ازاي انا مش عايز دلع هتخلصيه يبقي هيخلص
هاجر بدلع:دودي علشان خاطري
اياد:بلا دودي بلا صرصوري هتذاكري وهتخلصيه النهارده يلا انجزي
هاجر :يووه انت صعب اوي في المذاكره
ليرن موبايل اياد .. السلام عليكم .. الحمد لله .. حاضر مش هتاخر ثواني وهكون عند حضرتك في المستشفي .. مع السلامه
هاجر بفرحه:انت خارج
اياد :وانتي مالك فرحانه كده ليه انا جالي عمليه في المستشفي هعملها واجي مش هتاخر واجي الاقيكي مخلصه الكتاب مذاكره
هاجر بإرتياح:حاضر وهاتلي شوكلاته وشيبسي وانت جاي
اياد:ماشي ي مغلبااني
وبعد قليل من الوقت ..
مريم بضحك:قولتلك اياد في المذاكره دمار
هاجر بحب:ده انا مببقاش مركزه في الكلام وبقعد ابصيله وهو حلو كده بعيونه العسلي دي
مريم بضحك :وقعتي ي هاجر  ولا حد سمي عليكي
هاجر:دي احلي وقعه
مريم:اللهم عافينا من هذا ي رب
هاجر:بس ي بت ده الجواز حلو وجميل
مريم:مبحبووش
هاجر:لا حبيه علي ضمانتي
مريم:لما يجي صاحب النصيب بقي
هاجر:هيجي وتحلوي ي مريم وتبقي عروره
مريم:ي رب ي ستي
------------------------استغفر الله😅💙
وبعد عده ايام يأتي اول يوم في الامتحانات
في منزل عائله الشيطي ..
حوريه:ي بنتي حرام عليكي نفسك متوتره ليه !!
اسماء:اول يوم امتحانات وخايفه حاسه اني ناسيه كل حاجه
حوريه بإطمئنان:كلها من الشيطان والله صدقيني دلوقتي تشوفي هتروحي وتيجي فرحانه ادخلي بس اللجنه كده قويه انتي مذاكره وهتحلي وسمي الله وقولي توكلت عليك ي رب ي رحيم وحلي وخلصي وقولي ي رب استودعتك ورقتي واجابتي فردها اليا بفرحه وخير
عبدالله:ي سمسمه ي حلوه انتي خدي الشوكلاته دي وادعيلي وانتي ي رورو الشوكلاته بتاعتك ويلا بقي ي سمسم علشان اوصلك
اسماء:انت هتيجي معايا
عبدالله :هوصلك واستناكي كمان انا ليا بركه غيرك ي قلب اخوكي
اسماء:طب يلا انا جاهزه
عبدالله :يلا ي حلوتي اما انتي بقي ي حوريه خلي جوزك حبيبك يوصلك الامتحان
حوريه بضحك :هيوصلني ملكش فيه انت بتغير منه اوي كداا
عبدالله :اغير بس،ده واخد حته من روحي كل اما اشوفه حضنك او بيكلمك او بتضحكي معاه بيبقي هاين عليا اكسر الدنيا انتي اختي ي هبله يعني اغير عليكي من الهواا
حوريه:ربنا يباركلي فيك ي حبيبي
عبدالله:ويباركلي فيكم واشوفكم فرحانين
-----------------------صلي علي الحبيب 😅💙
في منزل عائله الحصري ..
اياد:ي هاااجر .. ي لهوي عليك ي اياد بدري ،صوتك رااح ي حبيبي ،ي هاااجر ي أختى انتي بتعملي اي كل ده
هاجر :إي ي دودي مش كنت بلبس
اياد:ما انا اهو لبست وخلصت من بدري
هاجر :ما علينا اي رأيك !!
اياد بحب:حلوه زي عادتك ،يلا ي ست البنات اوصلك
هاجر:يلا ي حبيبي
في السياره ..
اياد:ادعي الأذكار ي هاجر واستغفري طول ما انتي قاعده علشان ربنا يوفقك
هاجر:حاضر بس ادعيلي
ليمسك اياد يدها ليقبلها:بدعيلك ي روحي متقلقيش
هاجر:بحبك اوي ي قلبي
اياد:وقلبك بيدوب فيكي
--------------
كده خلصت حلقتنا الحلوه💛