رصاصة عشق " مكتمله "

الحلقه الخامسه

سلسة" انتِ قلبي وانتَ نبضي"
رواية_رصاصة عشق
بإسمي_Møny Abàs

بارت رقم "5"

ف منزل عائله الحصري..
مريم :خلاص ي اياد هتعمل اللي ف دماغك !
اياد:ايوه ي مريم ! هو الدكتور أحمد رن عليا عشان موضوع طلبي لهاجر ..تفتكري هاجر وافقت !!
مريم:مش عارفه ! بس لو وافقت هترن عليا او ع رحمه وحوريه تكلم حد فينا ف الموضوع ده
اياد :خلاص ي ستي انا هروح وامري لله
مريم:ماشي ي حبيبي خلي بالك من نفسك ..لا اله الا الله
اياد:محمد رسول الله ..سلام عليكم
------------------------استغفر الله😅💙
مازن بصدمه:بسمه !! وينظر الي حوريه بتوتر
بسمه بإبتسامه :دكتور مازن ازيك ! مشوفتكش من زمان ليك وحشه والله
رحمه:مين دي ي مازن !! وتعرفك منين !!
مازن بتوتر:دي ..دي زميله كانت ليا ف الكليه
بسمه:مش تعرفنا ي دكتور
مازن :دي رحمه اختي ودي حوريه خطيبتي
بسمه بمكر:خطيبتك ! هو انت خطبت ! ..لتسلم ع حوريه ..ابقي اعزمينا ع فرحك بقي احنا حبايب الدكتور
حوريه بإبتسامه:كتب كتابنا بكره تشرفي اي وقت
بسمه بضحكه خبيثه:بكره ، تمام..هبقي اجيلك  ي مازن اروح معاك لاني معرفش بيت حوريه اكيد
رحمه بصدمه:تجيله  !!
بسمه :اه نروح سوا والا انت اي رأيك ي مازن
مازن بإبتسامه توتر:هاا.. اه تمام باذن الله بعد اذنك عشان اتاخرنا ..يلا ي حوريه انتي ورحمه سلام عليكم
ليركبوا سياره مازن ...
مازن والتوتر مسيطر عليه:احم ..عملتوا اي جبتوا كل اللي عايزينه
رحمه:ايوه ي مازن جبناا
مازن بإبتسامه:هتعملي اي ي حوريه هتروحي كوافير والا هيبقي ف البيت
حوريه:هبقي اعرف رحمه وهي تعرف حضرتك !
مازن بتوتر:تمام  براحتك
لتصل بيهم السياره الي منزل حوريه..
مازن :ثواني ي حوريه هاجي اطلعك
حوريه:شكرا ي دكتور ! انا هعرف اطلع بعد اذنكم..سلام عليكم
لتطلع حوريه الي منزلها ويذهب مازن بالسياره مع رحمه..
رحمه بزعيق:انا عايزه اعرف مين البت دي ي مازن !!!!
مازن :ما انا قلتلكم ي رحمه كانت زميله ليا ف الكليه
رحمه:بجد زميله ! دي كانت بتكلم بسهوكه ،لتقلدها رحمه بتريقه:وهجيلك ي مازن اروح معاك ..لتكمل بزعيق :ده اللي هو ازاي !!!!
مازن:انتي مكبره الموضوع عادي يعني،هي حوريه زعلت؟!
رحمه:اومال عايزها تعمل اي يعني انا لو مكانها كنت قطعتك سوق ي مازن وانت ساكت احسن خلينا نروح !
-----------------------الحمد لله 😅💙
في منزل عائله الأدهمي. ..
يقعد الدكتور أحمد واياد وحازم ..
احمد:ازيك ي اياد
اياد:الحمد لله بخير ..ازي حضرتك
احمد:هكون كويس ازاي وانت بتأذي ف بنتي وبتلعب بيها من ورايا
اياد بتوتر:محصلش مني اي حاجه والله انا بس انقذتها🥺
احمد:اشمعنا ف الوقت ده اللي طلبت ايدها ..اوعي تكون عملت حاجه معاها !!
اياد بصدمه :افندم !  حضرتك بتكلم ازاي مستحيل طبعااا
حازم :اي اللي انت بتقوله ده ي بابا !!!
احمد:اسكت انت ي حازم ،ها ي اياد هتعترف!
اياد:انا معرفش اللي حضرتك بتكلم عليه ده اي ولو كان طليقها اللي قالك كده يبقي كذاب والله هو اصلا كان بيخطفها وبيضربها
حازم بانفعال:بيضرب مين !! هاجر اختي انا بالله ما هسيبه
احمد بهدوء :انا مش قولت اسكت ي حازم ! هحاول اصدقك ي اياد وهوافق ع طلبك
اياد بفرحه:بجد ،شكرا اوي ي دكتور وصدقني هكون قد ثقتك
احمد :تماام تقدر الوقتي تتفضل
ليصافحه اياد بإبتسامه:بعد اذن حضرتك ..سلام عليكم
حازم :انت وافقت علطول كده ي بابا !!
احمد:اعمل اي مش عايز اخسر بنتي الوحيده
حازم :شكرا جداا ي بابا انك وافقت ع اياد المفروض هاجر تعرف عشان رأيها
احمد:هي اكيد هتوافق بس متقولهاش عايز اعملها مفاجأه
حازم :خلاص ي بابا زي ما تحب
----------------------صلي علي محمد😅💙
ف منزل عائله الشيطي ..
عبدالحميد:لسه ف حاجه نقصاكي ي حوريه !
حوريه بإبتسامه:لا ي بابا يسلملي قلبك
عبدالله بضحك:كبرتي ي رورو وبقيتي عروره
أسماء :واي هتجوز دكتور جراحه يشرحها بقا
الام:بس ي بت انتي وهو  .. دي هتجوز راجل زي الفل ربنا يفرحك ي بنتي
حوريه:ي رب ي ماماا
عبدالحميد:عامل اي ف الشركه ي عبدالله !!
عبدالله:متقلقش ي بابا كل حاجه ماشيه تمام وعمو مصطفي معايا علطول وف ضهري ..بجد والله ي حوريه حماكي راجل طيب جداا
حوريه :فعلا والله باين من تعاملاته معايا
عبدالحميد:يلا ي ولاد قوموا ناموا علشان بكره يوم متعب. .انتي هتروحي كوافير ي حوريه!
حوريه:لا ي بابا اصحابي هيبقوا معايا هنا
عبد الحميد :ماشي ي حبيبتي ربنا يفرحك ويفرحهم
------------------------صلي ع نبينا😅💙
ف مكان مظلم لا يوجد به شئ غير صوت الرياح يقف مازن امام قبر والدته..
مازن :ازيك ي ماما  وحشتيني اوي.. فاكره آخر مره جتلك هنا كنت زعلان بس المره دي انا فرحان اوووي،تعرفي هما يومين بس قعدتهم مع حوريه بس حاسس بحبها ف قلبي ،كان نفسي تبقي موجوده معانا وتشوفيني عريس وتفرحي وتشوفي عروسه ابنك،دايما كنتي تقوليلي انت هتجوز اللي يختارها قلبك وانا اقولك لا انا هتجوز اللي انتي تختاريها بس انتي جتيلي ف حلمي وقولتيلي ان حوريه وصيتي وأخلي بالي منها  وانا هكون قد ثقتك والله وعلطول هجيلك هنا انا وحوريه وعيالنا ان شاء الله هخلي عيالي يعرفوا أن انا ابن ست عظيمه وجميله اوي ادعيلي ي ماما حاسس ان قلبي مقبوض شويه بس طول ما انتي معايا وحواليا مش هيحصل حاجه انا متأكد انا هسيبك دلوقتي وهبقي اجيلك تاني مع السلامه ي امي
--------------------------الحمد لله😅💙
ليأتي تاني يوم ..وهو يوم فرح وسعاده بالنسبه للجميع
في منزل عائله الشيطي ..
تقعد حوريه وحواليها مريم ورحمه وهاجر وأسماء ..
هاجر :سبيلي نفسك خالص وانا هظبطلك الفستان والطرحه
رحمه بفرحه:وانا عليا الميك اب
مريم:انا بقي مليش ف اي حاجه ف همسكلك الفستان .. ليضحكوا جميعا
اسماء:مش المفروض ي رحمه كنتي تقعدي مع اخوكي تظبطيه
رحمه بضحك :متخافيش ي اختي اخويا مش هيخرج غير وهو عريس منور
ليبدأ كل منهم ف تظبيط حوريه. .
رحمه بتصفير:وااو اي القمر ده ي بختك ي مازن والله
حوريه بقلق:بجد ! شكلي حلو🥺
هاجر :حلو بس ده مازن هينبهر
ليسمعوا صوت عربيات لتنظر اسماء من الشباك
اسماء:ده العريس وأصحابه
لتنظر رحمه لاسفل:تعالى شوفي ي رورو مازن حلو ازاي
حوريه :اشوفه بعد كتب الكتاب احسن انا متوتره لوحدي اصلا🥺
هاجر بضحك:اجمدي كده ي رورو كلنا معاكي
ليدخل العريس مع أصحابه واقاربه. .
يقعد البنات ف نصف البيت والشباب ف النص الآخر
عند الشباااب..
يقعد المأذون بين عبدالحميد ومازن
المأذون:هاا آخر كلام ي بني هتجوز
عبدالله:هتندم
مازن:ملكش فيه ، يلا ي شيخ
المأذون:خلاص ي حاج موافق ع الراجل ده لبنتك مفيش رجوع😂
عبدالحميد:لا مش عايز بنتي تسبني🥺
مازن:هاا !! بالله عليك أبدا ي شيخ قبل ما يغير رأيه

ليضحكوا ع مازن..
المأذون :قول ورايا ي عريس..ليتموا أمور كتب الكتاب كامله
المأذون :قولوا ورايا ي جماعه الخير "بارك الله لهما وبارك عليهما وجمع بينهم ف خير وع خير" الف مبروك ي عريس
ليحتضن مازن والد حوريه :الف مبروك ي عمي
عبدالحميد بإبتسامه:الف مبروك ي ابني حوريه ف عنيك !
مازن بفرحه:ف عيوني ي عمي متقلقش
ليحتضن اياد مازن بفرحه:مبروك ي صاحبي ربنا يفرحك وعقبال الليله الكبيره
مازن :الله يبارك فيك عقبال ما اشوفك مع اللي يتمناها قلبك ومبسوط
عبدالله:الف مبروك ي مازن اوعي تزعل اختي !
مازن:الله يبارك فيك ي ابو نسب  ،ف قلبي اطمن
ليحتضن مازن والده ويقبل رأسه
مصطفي:الف مبروك ي حبيبي ربنا يفرحك
مازن :الله يبارك فيك ي بابا.
ليبارك له الجميع ويصوره أصحابه ويرقصوا ويغنوا مع بعضهم
ليقف مازن:خلاص كدا شكرا جداا ي جماعه والله بقولك اي ي عمي هو انا مش هدخل لحوريه بقي وإلا أي انا كتبت عليها والله
ليضحكوا عليه جميعا..
عند البنات ف الداخل ..
تقف حوريه تبكي بعد ان قال المأذون المباركه..
لتحتضنها والدتها بفرحه ودموع :مبروك ي قلب امك،ربنا يسعدك ويفرحك
حوريه:الله يبارك فيكي ي ماما
اسماء:بتعيطوا ليه عايزه افهم افرحوا ي جماعه افرحوا
الام:ربنا يهديكي ي اسمااء
اسماء:واتجوز ي ماماا ..ادعيلي اتجوز
ليضحكوا عليها، لتحتضن اسماء حوريه:مبروك ي قلبي
حوريه:الله يبارك فيكي ي سو
رحمه:ابعدي بقي ي بت عايزه احضن مرآه اخويا،الف مبروك ي عمري ربنا يبارك ليكي انتي ومازن
حوريه بفرحه:الله يبارك فيكي ي رحومه عقبالك ي حبيبتي
رحمه:لااا بعيد عني السيره دي مبحبهاش
هاجر بفرحه وتحتضنها :مبروك ي رورو تتهني انتي ومازن ي رب
مريم:مبروك ي رورو،دخلتي القفص برجليكي
لتضحك حوريه:بكره تدخلوا وراياا
ليخبط عبدالله ع الباب ..احم حوريه مازن عايز يدخل
حوريه:حاضر ..ثواني بس
هاجر بضحكه:اخوكي شكله مستعجل ي رحمه
لتضحك رحمه:ده مازن الألفي ان مستعجلش ع الجواز هيستعجل على اي
مريم:طب يلا احنا ي جماعه بدل ما يدعي علينا
لتحتضن زينه حوريه:الف مبروك ي حبيبتي انا ف مقام اختك ومازن ان عمل حاجه بس قوليلي وانا هكسرلك عضمه!
ليخبط مازن ع الباب..لتخرج له والده حوريه..
والده حوريه:ازيك ي مازن ألف مبروك ي حبيبي
مازن:الله يبارك فيكي ي حماتي
ليخرجوا البناات..
زينه:مبروك ي مزونه
ليحتضنها مازن:الله يبارك فيكي ي زوزو ي عسل انتي
رحمه:مبروك ي ميزو،اوعي تزعل رورو ي مازن اقتلك!
مازن:هو حد يقدر يزعلها اطلعي انتي منها
ليدخل مازن الي حوريه..
مازن:احم ! السلام عليكم
ليرفع وجهه ليقف مصدوم من جمال حوريه فستانها الموف الرقيق وميكياجاها الهادي..
ليحتضنها مازن بفرحه ويلفها ويضحك..
مازن بضحك وفرحه وهو مازال يرفعها:الف مبروك ي رورو،انا فرحان جدااا
حوريه بخجل:لو سمحت ممكن تنزلني
مازن بضحك:تؤ مش هنزلك انا مرتاح كداا
ليحمر وجهها ليضحك مازن عليها..
مازن:انتي هتبقي زي الفراولايه بقي خلاص انزلي ي ستي
ليقعد مازن ويقعدها بجانبه ويمسك مازن يدها:مبروك عليكي
حوريه بإبتسامه:الله يبارك فيك
مازن :حوريه انااا..
ليخبط البااب. ..
مازن:بيقطعوا الكلام الحلو كدهو
لتضحك عليه حوريه..
لتدخل والدتها:في واحده عايزه تسلم عليكم
بسمه بإبتسامه:مبروك ي مازن ..مبروك ي حوريه
مازن بتوتر:الله يبارك فيكي
حوريه بإبتسامه:الله يبارك فيكي عقبالك
بسمه:عقبالي !!! سامع ي مازن !! ده انا لحد الآن مش مصدقه انك خطبت ي مازن شوفت الزمن انا كنت حبيبتك بس متجوزتنيش !!
لتترك حوريه يد مازن:حبيبته !!
----------------
كده انتهت حلقتناا