رصاصة عشق " مكتمله "

الحلقه الثامن عشر

سلسله" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs 

باااارت رقم"18"

في صباح يوم جميل جداا وفرحه وسعاده بالنسبه للجميع ..
ف منزل عائله الحصري ..
هاجر :علشان خاطري بقي ي دودي
اياد:قولت لا يبقي لااا ي هاجر
هاجر:يعني يرضيك يبقي فرح صاحبتي ومروحش معاها الكوافير !
اياد:انتي حامل وممكن تتعبي
هاجر :وعد مني مش هيحصلي حاجه والله
اياد:انا خايف عليكي انتي الحمل بدأ معاكي بتعب،هاخدك معايا وانا رايح مع مازن
لتقعد هاجر وتكشر وجهها
ليقوم اياد ويقعدها على رجله:ممكن متزعليش
هاجر بزعل :انت مش بتحبني !
اياد :ااه بدأنا هرمونات الحمل،انتي عارفه اني بحبك جداا وخايف عليكي وبعدين قمر زيك كده اخاف يتخطف هناك
هاجر :ولا حتي نص ساعه !
اياد:انا والله خايف عليكي مش اكتر وخلاص ي ستي علشان متزعليش وارضيكي بردو هوديكي ليهم بدري شويه قبل ما مازن يروح، حلو كداا !
لتحتضنه هاجر بفرحه:حبيب قلبي ي دودي
اياد:من شويه كنت وحش ومش بحبك !!
هاجر :متزعلش مني !
اياد:انا عمري ما ازعل منك ابدا
-ليسمعوا خبط علي الباب .. ليفتح اياد ..
لتدخل مريم منفعله:اي الرساله اللي انتي بعتاها دي ي هاجر !!
اياد بهدوء:ف اي ي مريم !!
مريم:يعني اي مش هنروح الكوافير !! انت فعلا قولت كده !
اياد:ايوه علشان خايف عليكم
مريم:طب هاجر وتعبانه ، انا اي اللي يمنعني اروح !!
اياد:بصوا بقي عمرو هرب من السجن، وانا مش هرتاح طول ما عمرو موجود بره كده ،ومش هتخرجوا غير معايا !
هاجر بقلق:اياد انا خايفه عليك منه
ليطمنها اياد:متخافيش بس عايز عيني تبقي عليكم علطول
مريم:يعني هنفضل محبوسين كداا
اياد:هتخرجوا بس وانا معاكم وكليتك هوديكي واجيبك
مريم :والفرح والكوافير مش هنروح !!
اياد:هوديكم والله قبل ما مازن يروح ،متزعلوش بقاا
------------------------الحمد لله😅💙
ف كوافير كبير جدااا ..
حوريه بتوتر:انا خايفه اووي
لتضحك عليها رحمه:مش ده ميزو بتاعك
زينه:متخافيش من حاجه عيشي اللحظه وشيلي كل حاجه من دماغك
لتنهي لها سيده التجميل كل شئ :ما شاء الله ربنا يحميكي ي عروسه
لتصفر رحمه:واو ، حلو  جدا اقسم بالله
أسماء :ده انتي احلي مني بمراحل ي بنتي ،مينفعش كده انا عايز حد يعجب بيا
زينه :ربنا يحفظك
لتدخل هاجر ومريم عليهم ..
"هاجر تلبس فستان رقيق باللون الكشميري وعليه خمارها الجميل ومريم بملحفتها ويزينها نقابها"
هاجر :اي ده !! الحلوه دي صاحبتي اناا
مريم :ي جمالك ي رورو
حوريه :اتاخرتوا ليه !
هاجر :هقولك بعدين .. بس بجد قمر اوي ي حبيبتي ربنا يحفظك
اسماء:طب وانا محدش واخد باله من جمالي
مريم:ده انتي الحلو كله ي سمسم
هاجر :يلا بقي نتصور واحنا حلوين كداا
ليلتقطوا بعض الصور ف فرحه وسعااده ..
حوريه بقلق:هو مازن اتاخر ليه !!
رحمه:اكيد ف الطريق
ليرن موبايل رحمه معلنا اتصال ..
رحمه :السلام عليكم .. ازيك ي عريس
مازن بفرحه:اهلا باخت العريس ،بقولك ي رحومه عايز حوريه تبقي لوحدها .. ظبطيني بقاا
رحمه:ماشي عد الجمايل يلا سلام
زينه:مازن جه !!
رحمه :ايوه ..لتغمز لحوريه:وعايز رورو لوحدها
هاجر بضحك:تؤ مينفعش كداا
مريم:طب يلا ننزل احنا بدل ما يدعوا علينا
لينزلوا ويتركوا حوريه لوحدها ..
ليأتي رساله لها ع موبايلها"ازيك ي روحي انا عارف انك لوحدك وانا اللي داخلك علشان متتخضيش"
ليدخل عليها مازن :السلام عليكم ي حوريتي
ليقف مصدوم من جمال حوريه بفستانها الرقيق الجميل وحجابها ومكياجها الهادي تلك التي احبها حقا من قلبه بعد ان كان مغصوب عليها اليوم ستصبح له .. حبيبته .. وزوجته
ليقترب مازن منها : اي اللي انتي عملاه ده !
حوريه بتوتر:شكلي وحش .. صح !!
مازن :وحش !! ده انتي احلي من القمر انتي نور قلبي
حوريه بخجل:تسلم
مازن :حوريه ! انتي فعلا عايزه من قلبك تكملي حياتك معايا والا لسه حاسه انك مغصوبه عليا !
لتضمه حوريه الي حضنها:"انا حبيتك ي مازن حبيتك بعصبيتك وطيبه قلبك وروحك الحلوه ، انا مقدرش اعيش من غيرك"
مازن :"تعرفي انا عمري ما حسيت مع حد بالهدوء اللي بحسه وانا معاكي ،بحس اني اقدر أجي أسند عليكي في اي وقت وهلاقيكي في ضهري معايا وفهماني .. حوريه ! انتي احلي حاجه حصلتلي من سنين ،من وانا عيل من يوم موت ماما محستش بالامان غير معاكي ،انتي السلام .. انتي الملجأ من كل حاجه بتوجعني .. انا بحبك"
لتدمع حوريه وهي تضمه لها اكثر : انت مش جوزي بس انت حبيبي وابني، انا بحبك اكتر
ليدخل عليهم عبدالله بغيظ :يعني انتوا سايبنا تحت وقاعدين تحبوا بعض هنا ، ليكوا بيت يلمكوا
مازن:انت متأكد انك بتحبني !!
عبدالله بضحك:ده انت اخويا وجوز اختي ي جدع
مازن:طب وسع من طريقي علشان ننزل
عبدالله:تنزل فين !! انت هتنزل لوحدك تحت وانا اجبلك حوريه
مازن:نعم ي اخوياا
عبدالله:انت سمعت صح ! يلا اسبقني
مازن :انت عارف اتجوز بس ويتقفل علينا باب ومش هشوف وشك تاني .. انا نازل
ليمسك عبدالله يد اخته ويقبلها :مبروك ي قلب اخوكي انا فرحان بيكي وانا شايفك قدامي بفستانك منوره انتي أكبر مني فعلا بس بحسك بنتي وبغير من مازن علشان هياخدك مني
حوريه:محدش قادر ياخدني منك هفضل علي قلبك ومعاك
عبدالله بضحك:طب يلا اصل اكيد مازن هيولع تحت
لينزلوا ممسكين بيد بعضهم ..
مازن بزهق:ما كنت تخليك فوق لآخر الليل
عبدالله:ممكن اطلع تاني علفكره
ليأخذ مازن حوريه من يده:ده انت تحلم بيها بعد كده علشان مش هتشوفها
ليركبوا سياراتهم ..
في سياره إياد الحصري ..
اياد:هو احنا لازم نروح الفرح !!
هاجر :أه ده انا هرقص وهغني
اياد بتحذير:رقص مش عايز انتي تعبانه !!
هاجر بزعل:كل حاجه لاا كده
ليمسك اياد يدها ويقبلها:انا خايف عليكي ي روحي متزعليش
هاجر :ماشي ي دودي .. لتكمل بدلع:بس إي الحلاوه بتاعتك دي ، انت حلو اوي في بدلتك دي
ليضحك اياد بصوته كله:انت بتعاكسيني بقاا
هاجر:انا اعاكس براحتي والا عندك مانع
اياد:انا اقدر اعترض .. اي رأيك نروح البيت احسن وبلاش الفرح ده
لتضحك هاجر عليه:بص ي اياد ع الطريق اتاخرنا علي الفرح
--------------------لا اله الا الله😅💙
في قاعه المناسبات ..
يدخل العروسان"حوريه ومازن"لتبدأ الفرقه الاسلاميه بتاعتهم...
ليقعدوا مكانهم ويدخل البنات القاعه فقط اما الرجال فيكونوا ف القاعه التي تحتهم ..
لتبدأ حفلتهم الجميله ..
ليقوم مازن بالرقص مع حوريه رقصه اسلو ثم يقوم مازن بالغناء لها ..
-"هي دي اللي اختارتها .. اللي دينها مهرها "
-"اللي روحها فرضها .. اللي عارفه ربها"
-"يوم ما جيت دقيت علي بابها .. لقيتها لابسه حجابها"
-"كنتي فين ده انا ياما دعيت .. بحوريه تكون من الجنه"
-"لقيتها هي اللي ليقالي .. بس المهر هو الغالي"
-"آيات القرآن الهادي .. عشانه اختارتها"
-"ي عمي انا شاري .. اديني حلالي .. ف قلبي هحطها"
-"ي عمي هشورها .. دي هي شروطها .. تعيش على شرعها"
-"قالتلي ده بيتنا .. يزين فرشتنا ..بالسنه والقرآن"
-"والحب حياتنا .. يبعد عنا .. شئ اسمه الشيطان"
-"هي دي اللي اختارتها .. اللي دينها مهرها"
-"اللي روحها فرضها .. اللي حافظه ربها
-"لقيتها هي اللي ليقالي .. بس المهر هو الغالي"
-"آيات القرآن الهادي .. عشانه اختارتهااااااا"
         ...
لتنظر له حوريه بحب وفرحه .. ليقوم مازن بحملها ولفها .. ثم ينزلها ويقبل يدها وجبينها امام الجميع ..
مريم :هييح اوعدنا ي رب
لتضحك عليها رحمه:الرومانسيه ولعت
زينه:ربنا يسعدهم ي رب
لتأتي بسمه لتسلم علي رحمه ..
بسمه:ازيك ي دكتوره رحمه .. الف مبروك لاخوكي
رحمه بتأفف:الله يبارك فيكي
بسمه:كنت عايزه اسلم عليهم
رحمه:اتفضلي اقعدي لحد ما يخلصوا
لينتبهوا جميعا لصوت أحد ماا ويروا بقع حمراء تقع امام أعينهم لينظروا لذلك بصدمه ..
----------------------
حلقتنا الحلوه انتهت ..💙