رصاصة عشق " مكتمله "

الحلقه الثامنه وثلاثون

سلسله" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs

بااارت رقم "38"

وبعد ساعه من الوقت يسمعوا صوت بكاء طفل..
مازن بصدمه وخوف: اناا.. انا قولتله يختار حوريه، يعني اي صوت الطفل ده،هي مش هتسبني لااا
اياد بقلق: اهدي كده واستني الدكتور يخرج
ليخرج عليهم الطبيب ،ليجري عليه مازن ومن ورائه الباقي..
مازن بدموع وعصبيه:فين مراتي هااا فين ؟! انا قولتلك اختار مراتي منقذتهااش ليه !!!
الدكتور: اهدي ي دكتور مازن المدام بخير
مازن:يعني هي كويسه ، اوماا اي صوت الطفل داا
الدكتور بإبتسامه: بجد دي معجزه كبيره بفضل ربنا قدرنا ننقذهم سواا ،وعلفكره المدام جابت توأم ولدين ربنا يباركلك فيهم وهما دلوقتي بيتعرضوا علي دكتور اطفال يشوفهم ونتطمن عليهم ، بس خلي بالك من المدام الفتره دي علشان متتعبش ويحصل مضاعفات وغذيها كويس علشان ضعيفه
مازن بإبتسامه وهو يحتضن الطبيب :شكرا اوي والله روح الهي ربنا يفرحك وينولك اللي في بالك
الطبيب بضحك عليه:ربنا يباركلك فيهم ، بعد اذنك
مازن بفرحه:انا لسه مش مستوعب
اياد بإبتسامه لفرحه صديقه: روح اطمن عليهم يلاا ، ده انت بقيت اب لولدين وانا متجوز قبلك
مازن : عارفه لو ابني كان اكبر من بنتك كنت خدتها ليه
اياد : ي عم المرات لسه جايه كتيير
مازن :اطير انا بقي اطمن علي مراتي
ليدخل مازن ومعه اسماء ورحمه ووالده حوريه ..
مازن بإبتسامه وهو يمسك بيد حوريه ويقبلها: الحمد لله علي سلامتك ي روحي الف مبروك ي ام العيال
حوريه بتعب:الله يسلمك ي حبيبي
الام:الحمد لله علي سلامتك ي حبيبتي
اسماء:انا بقيت خالتو مش مصدق نفسي ي لمبي
لتضربها رحمه علي رأسها: بره تعيطي والوقتي ترقصي انتي اي مفيش سكوت خالص
حوريه بقلق:شوفتوا ابني يعني هو كويس
مازن بإبتسامه:شوفت ولادنا قصدك
حوريه بغباء:مش فاهمه !!
اسماء :اصل انتي ارنبه وجبتي ولدين
لتدخل عليهم الممرضه بالاطفال ليحملهم مازن منها..
رحمه :ي خراشي علي العسل الطفل ده شبهك اووي ي مازن
اسماء:والتاني ده شبه عبدالله اووي
حوريه بزعل:ربنا يرحمه
مازن:شوفي ي رورو عسل ازاي ، هنسميهم اي
اسماء:انا عايزه اسمي واحد ممكن
لتنظر حوريه الي مازن..
مازن بإبتسامه:خلاص انتي تسمي واحد و رورو واحد
اسماء بإبتسامه:هسمي اللي شبه عبدالله ياسين
حوريه: وانا هسمي التاني فهد
مازن بإبتسامه:ياسين وفهد ربنا يبارك فيهم
رحمه:ويبارك في امهم العسل
ليقترب مازن من حوريه بحيث لا يسمعهم احد:انا كنت هموت من الخوف عليكي وفرحت بسلامتك انتي وولادي ،بس بردو هتتعاقبي علي انك مقولتليش
ليرفع صوته:هشوف صهيب والحسابات بره وارجعلكم
ليخرج مازن من الغرفه ليري اياد يقف مع صهيب..
مازن :اي الاخبار ي صهيب !
صهيب:حاول يهرب حذرته موقفش فضربت عليه نار وهو دلوقتي ف المشرحه اتوفي
مازن :لا حول ولا قوه الا بالله، ربنا يرحمه بقاا
صهيب:الف مبروك ي عم
مازن بإبتسامه:الله يبارك فيك، انا اسف علي زعيقي عليك بس كنت قلقان
ليربط صهيب علي كتفه : ولا يهمك انا مقدر موقفك، ليضع صهيب يده خلف رأسه: هو انا مش هكتب كتابي علي رحمه بقاا
مازن بضحك:ده انت مستعجل
صهيب بإبتسامه:اوي اوي الصراحه ،مكذبش عليك خلاص اتنقطت واختك مبترداش تكلمني غير بالعافيه قدام ابوك وانا مش فاضي من شغلي
مازن :لااا ده انت صعبت عليا ،خلاص ي سيدي هشوف الحكايه كده وارد عليك
صهيب:تماام ، اروح انا علشان شغلي ، بعد اذنك
اياد:هاا ي عم العيال عاملين اي
مازن بإبتسامه:حلوين ي سيدي، ياسين وفهد
اياد:مبارك عليك ي ابو فهد
لينظر مازن حوله:اومال فين حسام مش باين يعني !!
اياد:مش شايف انك زودتها عليه شويه
مازن :انا كنت قلقان علي مراتي وهو اللي بيعصبني
اياد:هي اخته وخايف عليها زيك بالظبط مكنش ينفع تتعصب عليه كده وتضربه كمان انت ناسي ان هو صااحبك !!
مازن :خلاص ي عم انا غلطان وحقه عليا ، متزعلش انت بقاا
اياد:انت مغلطتش معايا غلطت مع حسام يبقي تروح تراضيه
مازن :هو فين ؟!
اياد:تحت ف الكافتيرا روح ،وانا هروح اشوف مراتي اكيد قلقانه
مازن :روح طمنها علشان متقلقش
لينزل مازن الي الكافتيرا ، ليري حسام يقعد ويضع راسه ف الارض..
ليضع مازن يده علي كتفه بإبتسامه:ينفع متجيش تشوف ولاد اختك
حسام بعتاب:مش عايز اضايقك
ليقعد مازن بجانبه:انا اسف ي درش عارف اني زودتها معاك بس والله كنت قلقان وخايف علي حوريه متزعلش مني ي صاحبي
حسام بإبتسامه:مش زعلاان،بس اي مش هشوف ابن اختي والا اي
مازن :ولااد اختك ، ولو سمحت اسمهم ياسين باشااا وفهد باشااا
حسام :ايوه بقي ابوهم مازن الالفي باشاا بنفسه
مازن بفخر مصطنع:طبعاا ي ابني ، يلا قوم معايااا
--------------------- الحمد لله😅💙
ف منزل عائله الحصري..
سلمي:ي هاجر اهدي ان شاء الله خير
هاجر بقلق ودموع:لحد الان مكلمنيش
الام:طب خدي دخلي بنتك جواا هي نامت
لتسمع صوت الباب لتجري عليه..
هاجر : مريم ! تعالي ادخلي
مريم :اي مالك كداا
لتحكي لها هاجر ما بعثه اياد لها في رساله ..
مريم بخوف:ربنا يستر ويرجعها بالسلامه
ليسمعوا الباب يفتح..
اياد :السلاام عليكم
هاجر بدموع:اي ي اياد لا ترن عليا ولا تطمني
اباد:اهدي كداا ، انا كنت مع مازن في المستشفي
مريم بخوف:مستشغي ليه ، حوريه جرالها حاجه
اياد:ولدت وجابت ياسين وفهد
هاجر بفرحه:اللهم بارك انا لازم اشوفهاا
اياد:تروح البيت بالسلامه ، وتروحي انتي ومريم تشوفوهاا
ليسمعوا جرس الباب.. ليفتح اياد..
اياد:حاازم أهلا وحشتني ي جدع والله
ليحتضنه حازم:وانت ي دوك وحشتني
ليدخلوا معاا...
حازم: انا روحت المركز وكان صهيب بره ولما رجع كلمته بخصوص بابا ، وقالي ان ممكن يخرج بكفاله بسبب علاجه ومرضه بس الكفاله هتبقي كبيره
اياد:انا ممكن اساعدك معنديش مشكله
حازم:طب نقوم أحنا علشان ترتاحوا واكلمك بكره ونتفق نشوف هنعمل اي
اياد:ماشي
حازم :يلا ي ماما انتي وسلمي، بعد اذنكم
--------------------- استغفرك ربي واتوب اليك😅💙
ف منزل عائله الالفي
رحمه:براحه عليها ي ماازن
ليسندها مازن:مرتاحه كداا
حوريه بإبتسامه:ايوه مرتاحه
مصطفي:انتي جيبالي احفاد زي العسل ربنا يبارك فيهم
حوريه:تسلم ي عمي
مازن:هي زينه هترجع امتي وحشتني هي والعيال !
رحمه:دي عائشه لو شافتك بتدلع العيال دول هتبهدلك
مازن بضحك:ربنا يستر، انتي راحه الكليه امته
رحمه:شهر بس وهروح بقاا
مصطفي:طب يلا ي رحمه علشان حوريه ترتاح
ليذهب مصطفي ورحمه ويتركوهم ..
ليقعد مازن بتعب:معتش قادر خلاااااص
حوريه بحب:قوم ي حبيبي ريح شويه
لينظر لها مازن بعتاب : يهمك راحتي
حوريه :اكيد طبعاا
مازن:لو كان يهمك كنتي قولتيلي علي الرساله بدل اللي حصل ده كله
حوريه :ماازن اناا
ليقاطعها مازن:معلش انا تعبان وعايز انام
------------------- لا حول ولا قوه الا بالله😅💙
ف منزل عائله الشيطي..
تمسك موبايلها لتري رسائل كثيره من زين.. "عامله اي ي اسمااء النهارده.. ، فينك ي بنتي.. ، انا قلقت.. ، طب انتي كويسه.. ، طمنيني عليكي"
اسماء: ي لهووي كل دي رساايل
لتدخل عليها والدتها :اسمااء انتي..
لترتبك اسماء ويقع من يدها موبايلها..
الام بإستغراب: في اي ومالك كده وشك اصفر كده ليه ؟!
اسماء بإرتباك:مفيش حاجه ي ماما ، هو انتي كنتي عايزه حاجه والا اي !
الام:انتي هتروحي لاختك بكره
اسماء:مش عارفه لما اخلص محاضرااتي
الام: في اكل وحلويات لو هتروحي تاخديهم معاكي
اسماء:حااضر
-------------------- صلي علي محمد😅💙
ف منزل عائله الادهمي..
يدخل كلا من سلمي وحازم ووالدته منزلهم..
حازم:اومال زين فين كل ده ي ماما ؟
الام:اكيد مع اصحابه
حازم:والمذاكره فين من قعاده من اصحابه وازاي تسبيه طول اليوم يخرج كده والا هو اتعود ان مفيش حد في البيت يمنعه
الام بكذب عليه: ما هو بيروح يذاكر مع اصحابه ي حازم سيبه براحته متزعلوش
ليدخل عليهم زين..
حازم:اهلاا ي استااذ
زين بدون وعي :اااا.. ازيك ياا.. ياا حازم
ليمسكه حازم:انت شاارب حاجه ي ولااااا
زين بضحك ودون وعي منه:ااه تعالي جرب دي حلوه اوي ي حازم
حازم بصدمه:تعالي جرب !! ده انت يومك اسود معاياا
ليقع زين مغشيا عليه..
---------- الحمد لله😅💙
ف منزل عائله الالفي
مازن :يلا علشان تاكلي وتاخدي علاجك
حوريه :هتفضل زعلان مني كده كتيير
مازن بحده مصطنعه :يلا قبل ما الاولاد يصحوا وانا كمان ورايا شغل
لتدمع عين حوريه وتدور بوجهها:مش عايزه اكل حاجه
مازن :استغفر الله العظيم، حوريه انتي لازم تتغذي علشان الولاد
حوريه :وانا قولت مش هاكل
مازن:يبقي انا كمان مش هاكل ، يرضيكي اروح المستشفي وادخل عمليات من غير اكل
لتبكي حوريه:والله كنت خايفه عليك ومش عايزه اقلقك انا عارفه اني غلطانه واسفه بس متزعلش مني
مازن بعتاب:مينفعش تفكري بالطريقه دي علشان انا سندك اللي لازم احميكي !
حوريه ببكاء:حقك عليا ي مازن انت متعرفش انا كنت حاسه ب اي وكنت مقهوره وانا بشعري وشكلي ده قدامه وهو قاعد يلمسني وكنت هموت من الخوف والقهر وكان نفسي اترمي ف حضنك
ليحتضنها مازن بوجع:حقك عليا ي ست البنات انا مقدرتش احميكي واتحطيتي في موقف زي ده متزعليش مني
حوريه من بين دموعها : انت اللي متزعلش مني
مازن :مش زعلان بس بطلي عيااط بقا ، بليتي قميصي من كتر العيااط
حوريه :احسن علشان متخرجش
مازن بضحك:ده انتي بتعمليها حجه بقا
حوريه بإبتسامه:ايوه خليك معايا انا والولاد
مازن وهو يقبل يدها:ست البنات تؤمر وانا انفذ
ليبكي فهد بشده..
مازن :الولاا ده غيران علفكره
لتحمله حوريه وتحاول تهدئته ، ليحمله مازن منها :خلصي اكل انتي وانا هسكته
--------------------------- استغفر الله😅💙
ف منزل عائله الادهمي..
حازم :اخيرا فوقت
زين بإرهاق:هو احناا امته ؟!
حازم بحده :الصبح ي محترم
زين بخنقه:في اي ي حازم علي الصبح !
حازم:انت كنت شارب اي امبارح
زين بإرتباك:مش شارب حاجه
حازم بزعيق:متكذبش احسنلك
زين بتأفف:والله انا حر اعمل اللي انا عايزه انت ملكش كلمه عليا !!
حازم بعصبيه:اقسم بالله ي زين لو ما اتعدلت همشي من هناا ومش هتشوفني تاني وتبقي عدمتني فعلا
زين :واي لازمته الكلام داا
حازم:انا قولت اللي عندي انتهينا
زين بخنقه:حاضر ي حازم
حازم :احنا هنتطلع بابا من السجن
زين بإستغراب:اشمعناا ؟!
حازم:علشان جاله شلل نصفي
زين بدون اهتمام:اااه مااشي
حازم :انت سمعت انا قولت اي ، هو عادي عندك كداا
زين:معلش ي حازم دي مشاعري بقي وانا حر فيها ومعرفش اغيرها
حازم:ماشي لما اشوف اخرتها معاك ، قوم ظبط نفسك علشان تروح كليتك
زين وهو ينهض من مكانه:حاضر
ليتركه حازم ويخرج من الغرفه ..
حازم :صباح الخير ي ماما
الام:صباح النور ي حبيبي
حازم:كنت عايز اقولك ي ماما اني هتنقل انا وسلمي بيتنا بقاا
الام بزعل:ليه كده ي ابني ما تخليك معانا
حازم :انتي عارفه مينفعش وجود سلمي مع زين !
الام:نظبطلك شقتك اللي فوق وتنقل فيها وتبقي معانا
حازم:هشوف كده واقولك، اومال فين سلمي
الام:في المطبخ
ليذهب حازم الي المطبخ مباشره، ليري زوجته تطبخ ليمسكها من خصرها بحيث يلصق ظهرها في صدره:الحلوه بتعمل اي
سلمي بخضه:حرام عليك ي حازم خضتني
حازم:انتي لسه زعلانه من كلام هاجر
سلمي بإرتباك:هاجر مكنش قصدها حاجه هي نفسها تفرح باخوها وتشوف عياله
ليلفها حازم لتكون في مقابلته وما زال ممسك بخصرها:وانا مبسوط كده عارفه ليه ؟ علشان تفضلي تحبيني كده ومتنشغليش عني
سلمي بدموع:بس انت من حقك تجوز تاني علشان تخلف
حازم بحده:سلمي انا مش عايز عيال غير منك انتي وبس وياريت متفتحتيش الموضوع ده تاني
------------------- الحمد لله😅💙
ف منزل عائله الاسيوطي..
حمزه:ماما لو سمحتي علشان خاطري
الام بحده:قولت لاا يعني لاا ي حمزه
حمزه بتأفف:مش عارفه انتي رافضه ليه ،مريم بنت كويسه ومحترمه وهتحبيها صدقيني
الام:مش هتجوز غير سمر بنت خالتك
حمزه:كلامك علي راسي من فوق، بس دي حياتي والمفروض اني حر فيها واعمل اللي يريحني ويبسطني
الام بحده:يعني هتعصي اوامري ؟!!!
حمزه بخنقه:ماماا انا كلمت اخوها ومينفعش اطلع عيل قدامه ومش راجل وقد كلامي !!
الام بلا مباالاه:انا خلصت اللي عندي
ليقف حمزه بخنقه:ماشي ي ماما ، بعد اذنك
لتقابله هناا:زومي وحشتني
حمزه:معلش ي هناا انا مش طايق نفسي ، سلاام
لتدخل هناا علي والدتها:هو ماله حمزه ؟
الام:زعلان ومقموص علشان مش وافقه علي السنيوره بتاعته
هناا:انا شايفه انك متزعليش حمزه، وبعدين انتي كنتي معانا لما راحلها وقعد معاها اي اللي غير كلامك
الام:انتوا عارفين اني مش موافقه من الاول وقولت ده شويه طيش وهيروحوا لحالهم وعلشان محرجوش مع اخوها بس ده طلع بجد عايز يتجوزها
هنا:بلاش تخسري حمزه ي ماما وسمر اصلا رخمه مبحبهااش
الام بحده:اتكلمي عن بنت خالتك كويس ي بت
هنا:لا اتكلم ولا متكلمش انا راحه شغلي ، سلاام
----------------- لا اله الا الله😅💙
ف شركه عائله الشيطي..
اكرم:المنافسه خلصت علينا ي معلم
حسام بإبتسامه وغرور:كنت عارف مفيش حاجه تقف قدامي
اكرم:لو تبطل غرور
حسام :مبقااش حسام الصعيدي
ليضحكوا سويااا ..
اكرم بغمزه:بس قولي اي حكايه السكرتيره بتااعتك
حسام :عاادي مالها يعني !!
اكرم:بحس بشرارات بينكم كده ومش طايقين بعض
ليسرح حسام في ابتسامتها عندما كانت تتكلم مع زميلتها في الشغل..
اكرم:اي ي عم روحت فين !
حسام:انا قايم اشوف شغلي، اه صح واحد صاحبي هيجي يشتغل معانا هناا اسمه حازم الادهمي ، كان بيشتغل مع عبدالله "الله يرحمه"
اكرم:نتعرف عليه ي سيدي
حسام:تمام، خلص ورق المناقصه اللي معاك وابعتهولي
اكرم :ماشي ي كبير
ليخرج حسام ويتركه ويمشي ف الشركه قاصدا مكتبه ليري نظرات الاعجاب من الموظفات ليزداد غرور علي غروره حتي يصل الي مكتب هناا ليراها تقعد وتزفر بضيق..
حسام بإستغراب:في مشكله ي هناا ؟؟!!
هناا بحده:اي هناا دي بلعب معاك اسمي بشهمندسه هناا
حسام بعصبيه من حدتها:انا اقول اللي انا عايزه سامعه !!
لتقف هناا بحده:لا مش سامعه ومتزعقش عليا كده
حسام ببرود وهو يضع يده في جيبه:الزمي حدودك احسنلك
هناا: انت هتزلني بام الشغل ده ،اطردني احسن والله
حسام بهدوء وابتسامه استفزاز: لما ازهق منك صدقيني هرميكي برا الشركه دي
ليتركها ويدخل مكتبه ويتركها تشتعل غيظا من كلامه..
------------------صلي علي محمد 😅💙
ف كليه الفنون الجميله..
اسماء:بس ي ستي دي كل الحكايه
ساره:ومخبيه عليا ي جزمه ، بس جدعه وقعتي احلي واغني واحد في الكليه
اسماء:وقعت اي ي بت كل اللي بينا كلام عادي
ساره بغمزه: ي بت علياا ،لمعه عينك وانتي بتكلمي عنه مش عاادي
اسماء بإرتباك:بس بقي ي ساره
ساره:طب اعترفي يلاا بليييز ي سمسم يلااا
اسماء بخجل :مش عارفه والله بس بكون فرحانه وانا بكلمه ، وببقي مخنوقه ومضايقه لما يعدي يوم منتكلمش فيه ، حاسه انه حاجه حلوه اوي وهينورني
لتضحك ساره عليها:يبقي حبتيه ي سمسم

-ف مكان اخر بالكليه..
حسن:عملت اي مع اسمااء
زين:لازم اتاكد من الكلام اللي وصلني عليها
حسن:لسه بتكلمك ؟!
زين:عادي بنتكلم شويه
ليأتي زين رساله..
زين:طب اسيبك بقي واخلع
حسن بغمزه:رايح للمزه الجديده
زين:متحطش عينك انت بس
حسن:ماشي ي عم الله يسهلواا
ليتركه زين ويذهب..
ليمسك حسن موبايله ويجري اتصال..
حسن:عايز يتاكد من الكلام
شخص ماا:يبقي في حفله صاحبتها ننفذ الخطه
ليضحك حسن :اوامرك ي جميل انت تؤمر
شخص ماا:عيزاها تدمر علي ايد زين سامعني
حسن:من عنياا ي ست الكل
--------------- انتهت🌸