رصاصة عشق " مكتمله "

الحلقه السادس عشر

سلسله" انتِ قلبي وانتَ نبضي😅💙
#روايه_رصاصة عشق
#بقلمي_Møny Abàs 

باارت رقم "16"

امام كليه الصيدله للبنات ..
مازن :يلا خدي نفس كبير كداا واستغفري وصلي علي رسول الله وخوضي التجربه علشان تتخرجي ونتجوز بقاا
حوريه :ي رب ي ميزو
مازن :قلب ميزو انتي ،بالله ما هاين عليا اسيبك
حوريه بضحك :ما كلها شهر وهنفضل مع بعض العمر كله
مازن :بستنيه بفارغ الصبر ي روحي  ،كنت عايزه اقولك ان انااا حبيتك من ..
اياد:كابتن مازن انت هناا
مازن بغيظ:كابتن اياد اللي قاطع علينا الاحاسيس
اياد بضحك:اني اسف
هاجر :ازيك ي رورو اخبارك !
حوريه :الحمد لله ي هجوره يلا ندخل احنا
هاجر :يلااا
اياد :خلي بالك من نفسك ي هاجر يلا سلام عليكم
مازن :هعدي عليكي ي حوريه بعد المستشفي مع السلامه
-------------------------استغفر الله😅💙
بعد انتهاء أول يوم من الامتحانات ..
في منزل عائله الشيطي ..
عبدالله:اسكتوا النهارده وانا بستني اسماء قدام المدرسه الكل خارج يعيط وانا واقف قلبي بيوجعني عليها لقيت دي خارجه بقولها إي ي سمسم عملتي اي ومفكر أنها هتعيط مثلا لقيتها بتتنطط وتقولي زي الفل ي بودي وعايزه لب وترمس
أسماء بضحك:انا استرونج ي ابني ازعل ليه المهم صحتي بالدنياا
حوريه بضحك:جدعه بس اوعي تكوني محلتيش !
اسماء:حليت وكويس جدا كمان كله ببركه دعائكم وثقتي في ربناا
حوريه:ربنا يوفقك ي حلوه انتي وتدخلي اللي نفسك في
اسماء:وتجوزي ي أسماء بالله تكمليها علشان خاطري
لتضحك والدتهم:ي بت اعقلي شويه
اسماء:تؤ عايزه اتجوز ي امااا
عبدالله :مستعجله على اي بكره تشوفي وتقولي فين ايامك ي عبودي ي حبيبي
حوريه :ليه ماله الجواز ده حلو وجميل
عبدالله :ومالو ! انتي اقعدي حبي في سي مازن بتاعك واحنا نتفلق
حوريه:متقولش كده ي عبودي انت حبيبي
عبدالله :ربنا يفرحك ي نور عيني انا عارف ان مازن هيحافظ عليكي علشان لو جرالي حاجه ابقي مطمن عليكي لسه القرده دي
حوريه بخضه:بعد الشر عليك ي حبيبي ربنا يباركلنا فيك
اسماء:بتبصلي ليه مفكرني قلبي حنين زيها واقولك بعد الشر وكدا ، تؤ ي حبيبي مع السلامه والقلب دعيلك
عبدالله :بكره سأرحل وستندمي
أسماء :لا مش هندم روح وملكش دعوه
لتضحك عليهم حوريه :هتفضلوا ناقر ونقير
------------------------الحمد لله😅💙
في منزل عائله الألفي ..
مصطفي :عايزك ي رحمه !
رحمه :ايوه ي بابا اتفضل
مازن :بعد اذنك ي بابا اتكلم اناا .. فاكره الشاب اللي انقذك واللي كان معانا في المستشفي
رحمه :صاحبك اللي كان في الحفله وهيشتغل عند بابا اسمه صهيب تقريبا
مازن:ايوون ده بقي عايز يتجوزك
رحمه بصدمه:اناا .. لا انا مبفكرش في حاجه زي كده دلوقتي
مصطفي :مازن هيتجوز ومعدش غيرك عايز اطمن عليكي
رحمه :بس ي بابا اناا
مازن :عايزه رأيي شوفيه واقعدي معاه عجبك تتخطبي مش عاجبك خلاص وتبقي ريحتي بابا وهو شاب كويس جدا والله وكمان بدل ما نعلقه وهو دايب لوحده اصلا
رحمه بضحك :وحد قاله يدوب
مازن :حد يشوف القمر ده ويقول لااا ده لو انتي مش اختي كنت اتجوزتك
رحمه:وحوريه اي لما انا قمر
مازن بحب:هييح دي الكون بحاله قلبي من جواا كده
لتضحك رحمه:ربنا يهنيك ،عموما انا خلاص هقعد معاه بس مفيش خطوبه ولا حاجه غير بعد فرحك
-----------------------صلي علي الحبيب💙😅
في منزل صهيب المنوفي .. يرن هاتفه
صهيب:السلام عليكم ازيك ي مازن
مازن :الحمد لله ازيك ي صهيب
صهيب:بخير والحمد لله
مازن:طبعا فاكر موضوع الخطوبه رحمه خلاص قررت
صهيب بترقب:ورأيها ؟!!!!
مازن :مش عارف اقولك اي بس كل حاجه نصيب
صهيب بزعل:خلاص متكملش ربنا يسعدها مع اللي احسن مني
مازن بضحك:انت واقع اوي كده ،ي عم كنت بقولك ان نصيبك للاسف وقعك في طريق رحمه اختي
صهيب بفرحه:يعني وافقت !!
مازن :ايوه شوف الوقت اللي فاضي فيه وتعالي
صهيب :هاجي بكره
مازن :تمام يلا سلام عليكم
مصطفي:هاا قالك اي
مازن بضحك:ده ي عيني ميعرفش اللي هيحصله
لتضربه رحمه:بس ي ولااا ده انا غلبانه والله
مازن بتريقه:غلباانه !! عموما ي ست الغلبانه هو هيجي  بكره تقعدوا مع بعض وتشوفي هترتاحي والا لا
مصطفي:ربنا يصلح حالك واشوفك مبسوطه بقي ي رحمه
مازن :ي رب علشان نخلص منها بقاا
رحمه:ي رخم مش هرد عليك ي رخم ،تسلملي ي بابا ي حبيبي
---------------------لا اله الا الله😅💙
في منزل عائله الحصري ..
يقعد اياد وهاجر علي مائده الطعام ..
اياد:يعني حليتي كويس !
هاجر :ايوه والله متقلقش كله تمام كل اللي قولتهولي لقيته
اياد :طب الحمد لله عقبال الباقي عايزين نخلص بقي
لتقوم هاجر مسرعه إلى الحمام لتلقي بكل ما في بطنهاا
ليجري خلفها اياد بقلق:هااجر انتي كويسه ؟!!!
هاجر بتعب:ايوه كويسه متخافش
اياد بقلق:كويسه ازاي بس انتي باين عليكي التعب !!
هاجر:انا كويسه ي دودي لو حسيت اني تعبانه هقولك يلا علشان نبدأ مذاكره
اياد:متأكده ؟!!
هاجر بإبتسامه:ايوه يلا بقاا
اياد:طب جهزي كتبك اما اعمل عصير واجيلك
هاجر :ماشي ي حبيبي
----------------------الحمد لله😅💙
ليأتي تاني يوم ..
في منزل عائله الألفي ..
مازن:اي الحلاوه دي طالعه لاخوكي
رحمه :طول عمري حلوه مش محتاجه تقولي
مازن بإستغراب:انتي هتخرجي بالنقاب !!
رحمه:طبعا يلا
ليدخلوا علي صهيب ..
مازن :السلام عليكم ازيك ي صهيب
صهيب:الحمد لله ازيك ي مازن
مازن:الحمد لله ..انا هنا جمبكم
صهيب:احم !ازي حضرتك ي دكتوره رحمه
رحمه بخفوت:الحمد لله
ليصمتوا بعض الوقت ..
صهيب:عايزه تسألي عن اي ؟!
رحمه:تعرف اي عن الجواز ؟!
صهيب:الجواز قد ما هو ارتباط بين شخصين فهو ارتباط بين عيلتين وعيله جديده هتيجي الجواز موده ورحمه ومشاركه في كل حاجه مش راجل بيشتغل وست في البيت الجواز اللي قايم علي ان الراجل خزنه والست طباخه جواز فاشل لا الطريق لقلب الراجل معدته ولا يخطف قلب الست راجل بفلوسه اساس العلاقه وقوتها اهتمام واحترام أنه يصونها وميحوجهاش .. ميحوجهاش لكلمه حلوه من غيره ولا غيره هو اللي يطبطب عليها بنت الناس بتسيب بيت اهلها وفيه اكل وشرب ولبس وكلام حلو ودلع وكله مجاني فلما الراجل ياخدها بيته لازم يزودلها ويضيف للحاجات دي وميحوجهاش ابدا انا عندي نعيشها بناكل عيش ودقه بس واحنا في حضن بعض ملعونه الفلوس لو الحضن ساقع مبيدفيش
رحمه بعد ان اعجبها كلامه جداا:طب والخلفه والأطفال ؟!
صهيب:الخلفه دي بايد ربنا لا بأيدي ولا بايدك وربنا وقت ما يحب يديني من كرمه هيلاقيني مستعد ولو مدليش فأنا راضي وبقلب طيب كمان ولو كرمني هحافظ عليهم علشان دول امانه من ربنا ليا وهعلمهم دينهم وازاي يكونوا مسلمين بجد ومش هقول مراتي اللي تحمل وتربي لا انا واجبي اربي معاها ما هما مش عيالها لوحدها
لتنزل رحمه بالنقاب بدون اي مقدمات .. ليتفاجا صهيب بصدمه
رحمه باحراج:من حقك انك تشوفني
صهيب بابتسامه :كنت عارف اني بختار صح
ليدخل مازن ..
مازن:منور ي صهيب والله
صهيب:تسلم ي مازن طب بعد اذنكم لو الدكتوره رحمه مش هتسال في حاجه تاني يبقي تمام
رحمه:خلاص كده حضرتك مش عايز تسال في حاجه !
صهيب:لا مش هسال طيب ي مازن استأذن انا
مازن بابتسامه:علي تليفون بإذن الله
ليوصل صهيب بالخارج ويرجع إلي اخته ..
مازن :هاا رايك !
رحمه:مش عاارفه
مازن :ده انا اخوكي وحافظك كويس بلمعه عينك دي
رحمه بغيظ:الله يكون في عونها حوريه
مازن بحب:دي قلبي من جوه
رحمه:وجع في قلبك
مازن :انا قول لصهيب بلاش مسمعش مني
وبعد يومين تم الرد على صهيب بالموافقه ولكن كل شئ بعد فرح مازن وحوريه
-----------------------
وبكده انتهت حلقتنا الحلوه  💛