رصاصة عشق " مكتمله "

الحلقه الرابعه والعشرون

سلسله" انتِ قلبي وانتَ نبضي😅💙
#روايه_رصاصة عشق
#بقلمي_Møny Abàs

بااارت رقم "24"

في منزل مازن الالفي ..
مازن بهدوء:حوريه .. انتي .. انتي .. حوريه انتي طالق !
لتقف حوريه بصدمه:انا .. اناا اي !!
مازن بصدمه:زي ما سمعتي !
حوريه وهي ما زالت علي صدمتها:زي ما سمعت يعني اي !! انت رميت عليا يمين الطلاق ي مازن عارف انت عملت اي !! انت.. انت بتحبني .. احنا بنحب بعض
ليضحك مازن عاليا:بنحب بعض وبحبك !! انتي مجنونه ،انا هحبك في كام شهر، ي بنتي انا ابويا غاصبني عليكي هحبك ازاي،هاا قولي !! انا عمري ما حبيتك ولا هحبك انا محبتش غير بسمه وبس ! انا ضحكت عليكي بكلمتين وعلطول صدقتي انتي ساذجه اوي علفكره
حوريه بدموع :كله كذب !! الحب اللي كنت بتبينه ده كذب ، وموت بابا ووقفتك جمبي وصحوبيتك مع عبدالله !
مازن :وقفتي جمبك في موت  والدك كانت شفقه مش اكتر ،صعبتي عليا انا اصلا كنت عارف بموضوع والدك ومقولتلكش حاجه عارفه ليه ؟! علشان تتوجعي مره واحده والصدمه تبقي كبيره عليكي وانا بقي اعرف العب دوري اعمل اني بحبك وانتي تصدقي وصحوبيتي مع اخوكي فأنا صاحبته علشان دخل مزاجي مش علشان هو اخوكي وكله يهون علشان مصلحتي ورضيت نفسي ورضيت ابوياا شوفتي سهله ازاي ؟!
حوريه :مش ممكن انت خدعتني
مازن :لسه هتعيطي يلا خدي هدومك علشان تروحي بيت اهلك خمس دقايق وتكوني خلصتي
ليتركها مازن لوحدها ويدخل غرفته ..
لتقعد حوريه تبكي:معقوله يكون كل ده كذب وخداع يعني هو محبنيش كان بيضحك عليا وعايز يوجعني علشان والده غصبه عليا، لتضع يدها علي بطنها وتضحك بوجع"وانا اللي كنت جايه افرحك وكنت فاكره انك هتطير من الفرحه،فعلا معاك حق انا غبيه وساذجه قدرت تضحك عليا ي مازن ، ده انا جرحي من موت بابا مخفش تيجي انت تقضي عليا ، ليه ي مازن ده انا حبيتك"
ليخرج عليها مازن بزعيق:انتي لسه قاعده مكانك انا جهزت شنطتك يلا قومي البسي علشان تمشي
لتنظر له حوريه بدموع ..
مازن بزعيق:قومي مش ساامعه !!
لتنكمش حوريه علي نفسها وتذهب من امامه
وبعد قليل من الوقت ،تاتي عليه حوريه ..
مازن:هعمل فيكي آخر جميل واوصلك لبيت أهلك
-----------------------لا اله الا الله😅💙
ف مستشفي الأدهمي
اياد بزعيق:يعني إي العمليه متمتش في معادها اكيد في حد كشفنا انا لازم اتصرف باسرع وقت ،العمليه هتتعمل تاني بعد أسبوع !
ليدخل عليه زين:اياد !
اياد بصدمه:زين انت هناا
زين:مالك اتصدمت كده ليه ! شوفت عفريت !!
اياد:لا ابدا بس مستغرب وجودك
زين :كنت جاي لبابا، هو انت كنت بتكلم حد
اياد بإرتباك:لا مفيش حد ده اللاب مفتوح
-------------------الحمد لله😅💙
امام منزل عائله الشيطي ..
مازن وهو ينظر امامه:يلا انزلي
حوريه بدموع:ليه ي مازن عملت كده ليه !! انت بتحبني انا متأكده انا كنت بشوف الحب في عنيك
مازن :قولت محبتكيش !
حوريه :بتكذب،  ايوه بتكذب ي مازن ! قولهالي وانتي بتبصيلي لو كنت صادق !
لينظر لها مازن بقوه:مبحبكيش ي حوريه واقولك حاجه كمان انا بكرهك لان ابويا غصبني عليكي ! ،، ليكمل بضحك .. كنت فاكرك ذكيه بس طلعتي غبيه اوى وساذجه كمان قدرت اضحك عليكي بسهوله وانتي كنتي شاطره وبتسمعي الكلام بس قرفتيني في موت والدك وعياط ونكد واهو خلصت منك ،فرصه سعيده مع اللقاء ي دكتوره
حوريه:انت متستهلش حد فيناا
مازن:فيكم .. اللي هو مين !!
حوريه:انا عمري ما هسامحك ولا هرجعلك مهما حصل حتي لو علي موتي وحبي ليك كله طلع من قلبي من اللحظه دي وجعي وجرحي الكبير اللي بسببك ده مش هنساه، ربنا ينتقم منك .. لتتركه وتذهب
-------------------استغفر الله😅💙
ف منزل عائله الألفي ..
زينه:انتوا مش هتعملوا الخطوبه بقي قبل ما اسافر
رحمه :قوليلهم ده احنا اتحللنا خلااص
مصطفي:رني علي اخوكي يجيب حوريه وينزل ونتفق
ليسمعوا صوت الباب ..
عائشه:هيييه خالو جه
رحمه:لسه بنجيب في سيرتك ،اومال فين رورو !!
زينه:دي وحشاني اوي والله هي فين !
مصطفي:ساكت ليه ي مازن ما ترد علي اخواتك !
مازن :مش معايااا  !!
مصطفي:عند والدتها يعني !
مازن:ايوه
رحمه:هرن عليها علشان اخد رايها
مازن:استني مترنيش عليها !
زينه بضحك:انت غيران عليها كمان من رنه الموبايل
مازن بهدوء:انا طلقت حوريه !
لينظروا له بصدمه بعض الوقت ..
مصطفي:طلقتها ازاي يعني !!!
مازن:طلقتها وودتها عند اهلها ومش هترجع تاني !
رحمه بصدمه:انت بتقول اي !! ازاي وامتي ده حصل
مصطفي:انت اتجننت طلقتها وروحتها كمان ولسه جاي تقولي !!
ليدور مازن بوجهه الناحيه الاخري:انا اتجوزتها غصب عني علشان ارضيك ي بابا ومحبتهاش وقعدنا مع بعض شويه لحد ما ابوها اتوفي وطلقتها !!
زينه:محبتهاااش !!! واللي كنا بنشوفه ميبقاش حب !
مازن :كله علشان ارضي بابا مش اكتر، انما ابوها يموت والا يعيش مليش دعوه مش فارقه معايا
مصطفي بزعيق:ماااازن ، ليضربه علي وجهه ..
انت مفيش فيك عقل وقليل الأدب كمان ده ابوها ده صاحبي واخويا ووصاك علي بنته تقوم انت تعمل كده وتكسر قلبها، الحمد لله ان امك مش عايشه كان جرالها حاجه لما املها في ابنها الوحيد يروح ،القلم دا يمكن يفوقك شويه وعارف انت اصلا متستهلهاش ابدا انت من النهارده مش ابني اطلع من البيت ده يلا براااا
رحمه ببكاء:اهدي ي بابا هيروح فين !
زينه:استني بس ي بابا اكيد في حاجه غلط !!
مصطفي بعصبيه:انا قولت اطلع بره ومترجعش هنا تاني يلا براا !
ليتركهم مازن ويذهب
--------------------صلي علي محمد😅💙
ف منزل عائله الشيطي ..
الام بإستغراب:يعني مازن سافر فجأه كده من غير ما يقول !!
حوريه:انا قولتلك ي ماما مازن سافر علشان شغل وانا قاعده هنا لحد اما يرجع !
أسماء بإبتسامه:سبيها ي ماما علشان هتفضل زعلانه لحد ما سي مازن بتاعها يرجع
ليدخل عليهم عبدالله ..
عبدالله : وانا بقول بيتنا منور علشان رورو عندنا
حوريه بإبتسامه حزينه:منور بيك ي حبيبي
عبدالله:اومال فين مازن انا عايزه ضروري !
حوريه بإرتباك:سافر في شغل !
عبدالله:طب تعالي معايا جواا عاوزك !
ليدخلوا غرفه عبدالله ..
عبدالله بقلق:انتي كويسه ؟!!
حوريه:ايوه كويسه
عبدالله:اومال مالك كده حاسك مكسوره ومش علي بعضك !!
حوريه بإبتسامه:مين قالك كده ما انا بضحك وحلوه اهو
عبدالله:انتي مفكره انك هتقولي كويسه خلاص هصدقك انا اخوكي وفاهمك كويس !
لتبكي حوريه كثيرا ..
عبدالله بخضه:اهدي .. اهدي ليه كل العياط ده في اي ؟!!
حوريه ببكاء:ماازن .. ماازن
عبدالله بقلق:ماله مازن !! جراله حاجه ؟
حوريه :ماازن طلقني ي عبدالله
عبدالله بصدمه:طلقك !!
لتحكي له كل ما صار بينها وبين مازن ..
عبدالله بصدمه:ازاي؟! اكيد في حاجه غلط ، مازن ! مش معقول انا متأكد في حاجه غلط !!
حوريه ببكاء:انا خلاص مش عيزااه انا اقدر اعمل كل حاجه لنفسي واوفر حمايه لينا احنا الاتنين ومش عيزااه تاني !
عبدالله:انتوا الاتنين !! تقصدي اي !
لتصمت حوريه ..
عبدالله بصدمه:اوعي تقولي انك حاامل !! طب مازن يعرف !
حوريه:كنت لسه هقوله بس هو سبقني بكلامه، وبالله عليك انا حكيتلك وقولتلك كل حاجه مش عايزه ماما واسماء يعرفوا حاجه حاليا علشان الظروف اللي كانت موجوده ،وكماان اااا كماان ..
عبدالله: مش قادره تكملي ! مش عيزاني اقول لمازن انك حامل مع انه من حقه يعرف وانتي عارفه الكلام ده كويس من حق الولد يعيش بين ابوه وامه
حوريه بدموع:مش عايزه احس في يوم انه رجعلي علشان الولد مش علشاني
عبدالله:بس اللي انتي بتعمليه ده غلط !
حوريه بهروب:مش عارفه بس الموضوع بيني وبينك بس
-----------
وكده انتهت حلقتنا الحلوه🌸