رصاصة عشق " مكتمله "

الحلقه الحادي عشر

سلسله" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs

بارت رقم "11"..

في منزل عائله الألفي. ..
حوريه ببكاء:هي سابتني ي ماما،معدتش هشوفها خلاص هي قالتلي أنها هتفضل جمبي وتلبسني فستان فرحي
والده حوريه:ادعيلها ي حبيبتي هي دلوقتي محتاجه الدعاء
زينه ببكاء:كانت لسه صغيره ي طنط مينفعش يحصل فيها كدا ،رحمه دي مش اختي دي كانت بنتي انا اللي ربيتها بايدي ماما سبتهالي وانااا اناا ضيعتها من أيدي
عائشه بدموع :هي خالتو رحمه معدتش هتيجي ي ماما هي زعلانه مني عشان بحب خالو مازن اكتر منها والله هحبها بس قوليلها تيجي عشان خاطري
لتحتضنها زينه:لو بإيدي هجبها والله بس هي فوق في السماا عند ربنا ي روحي
والده حوريه:استهدوا بالله ي حبايبي واستغفروا ربنا وادعولها
--------------------------لا حول ولا قوه الا بالله😅💙
في عزاء الرجال بالخارج ...
احمد صديق مازن :البقاء لله ي مازن شده وتزول
مازن بتوهان:الحمد لله
الدكتور أحمد :البقاء لله ي مازن اجمد كده وشد حيلك
لينظر له مازن بكرهه ولم يرد عليه ..
عبدالله :الحمد لله ي دكتور معلش مازن تعبان مش قادر يرد
الدكتور أحمد بتفهم:ربنا يقويه ويصبره
حازم:البقاء لله ي مازن .. البقاء لله ي عمي
لم يرد عليه مازن ..
مصطفي:الحمد لله ي ابني
صهيب:البقاء لله ي مازن
مازن بضعف:الحمد لله شكرا ع تعبك معاياا
ليربط صهيب علي كتفه:هتشكرني علي اي ده واجبي ربنا يقويك انت راجل قوي وانا جمبك في اي وقت
لينظر ليري طفل صغير يبكي لوحده ...
صهيب:اي اللي مزعل القمر بس
يوسف بدموع:انت مين ي عمو !
صهيب:انا صاحب مازن ده
يوسف :انت عارف خالو مازن يبقي تعرف خالتو رحمه صح
صهيب:ايوه أعرفها
يوسف ببكاء:قولها تيجي ماما قالت اللي بيحب حد بيسمع كلامه وهي بتحبني وهتسمع كلامي صح ي عمو ،انا بحبها ومش عايزها تمشي عايزه تبقي معايا وتلعب معايا علطول ونعمل مقالب في خالو مازن ونضحك
ليحتضنه صهيب:ادعلها ي حبيبي ادعلها وهي هتحبك ..لينظر أمامه :وعد مني قدام ربنا هرجع حقهاااا
------------------------------استغفر الله😅💙
في منزل اياد الحصري .....
هاجر ببكاء:انا اسفه ي اياد كل ده حصل بسببي انا دخولي حياتك دمرها انت بتحاول تفرحني وانا ببوظ حياتك
اياد :بس ي قلبي متقوليش حاجه مفيش اي حاجه حصلت بسببك
هاجر بدموع:انت ومازن واللي حصل بسببي
اياد:مازن صاحبي وانا عارفه كويس هو بس الوقتي في حاله صدمه ومش عارف هو بيقول اي شويه وقت وكل حاجه هتتصلح .. اومال فين مريم !!
هاجر :في اوضتها
اياد:طب تعالي يلا عشان تنامي وترتاحي انتي تعبتي اوي النهارده .. ليحملها ويضعها ع السرير ويقعد بجانبها حتي غفلت والدموع ما زالت في عينييها ليمسح دموعها ويقبلها من جبينها ويطفي النور ويذهب،
ليخبط علي غرفه مريم ويدخل :ممكن ادخل ي ميرو
مريم :تعالي ي اياد
اياد:مالها بس حبيبه اخوها
لترتمي مريم في حضنه ببكاء:انا بحب رحمه اوي ي اياد وهي راحت وحتي مقدرتش اصلي الجنازه بتاعتها قلبي واجعني اوي
اياد:بس اهدي هي الوقتي عند ربنا ادعيلها وبعدين كلها اقدار وده أجلها احنا بقي ندعلها ونستغفر عشانها
مريم:وانت ومازن دي حتى حوريه معدتش هتقدر تكلمنا
اياد بزعل:كله هيتحل ان شاء الله سبيها علي ربنا
-----------------------------الحمد لله😅💙
قي مكان ماا خارج مصر ..
يقف عمرو مع شخص ماا
مجهول"1":اظن اني عملت اللي عليا وزياده
عمرو بضحكه شر:كده حلو اوي يومين كده ونبعت رساله لاخوهاا
مجهول"1":تمام ي كبير
ليتركه عمرو ويدخل إلي الداخل  ...
عمرو بضحك :شوفتي كلهم اهو ماشين في جنازتك ودفنوكي خلاص معدش حد هيدور عليكي اتفرجي معايا ع الفيديو
رحمه ببكاء ووجع:لااا مش هيسبوني مازن هيجي هنا وياخدني
عمرو بضحك عالي:ياخدوكي ! انتي بره مصر ومحدش هيعرفلك طريق ي قطه وخلاص دفنوكي وقفلوا عليكي قبر البقاااء لله👋🏻
---------------------الحمد لله😅💙
في مركز الشرطه ...
اسلام بتأثر:مكنتش اعرف انك بتحبها اوي كده ي صهيب
صهيب بزعل :بحبها بقالي "7" سنين وعمري ما فكرت اكلمها وكنت متردد ااتقدم وانت عارف ظروفي عشان كنت خايف اترفض بس هي راحت من قبل ما اعترفلها بحبي اللي ساكن في قلبي بقاله سنين راحت وسابتني في وجع القلب
اسلام:متزعلش ي صاحبي ادعلها بالرحمه
صهيب:انا مش هسيب حقها وهرجعه حتى لو علي موتي
-----------------------------الحمد لله😅💙
بعد يومين وانتهاء العزااء ....
تقعد حوريه في غرفتها ليأتيها اتصال لتنظر لفونها في تردد ثم تفتح وتزل صامته
مريم:حوريه !!! انا عارفه انك سمعاني ومش عايزه اعملك مشاكل مع مازن بس هاجر تعبانه اوي وانتي عارفه انك كنتي اقرب واحده ليها كنت اتمني لو بس تقدري تكلميها يمكن ترتاح شويه
حوريه بلهفه:تعبانه ؟!! هي عندك !!
مريم:ايوه قاعدين معايا تحت
حوريه:طب انا هاجي أشوفها
مريم بقلق:ومازن ؟!!
حوريه:متقلقيش انا هتصرف مع السلامه
لتلبس حوريه وتخرج ..
الام:حوريه !! انتي لابسه وراحه فين !
حوريه بتوتر:خارجه اشم شويه هواا مخنوقه
الام:ايوه كده ي حبيبتي اخرجي شويه اخلي أسماء تيجي معايا
حوريه بسرعه:لااا لااا خليها تذاكر انا مش هتاخر مع السلامه ي ماما
لتخرج وتركب تاكسي وفي ذلك الوقتي كان مازن بسيارته يركن عند بيتها ليراها ويستغرب من خروجها .. ليرن عليها ولكن لا يوجد رد فيذهب خلفها لكي يلحقها ...
امام منزل عائله الحصري تنزل حوريه وتدخل البيت لترن الجرس ...
مريم:حوريه ! اتفضلي
حوريه:فين هاجر مش عايزه اتأخر
هاجر:حوريه ؟!!! لتحتضنها حوريه ويبكوا سويااا
حوريه بدموع:كده تقلقيني عليكي مش كفايه رحمه اجمدي كدا
هاجر:رحمه راحت وسابتنا وراحت بسببي
حوريه:ده قدر مكتوب والحمد لله ربنا يرحمها ويصبرنا بس انتي اجمدي كداا وفوقي من اللي انتي فيه !
هاجر :انا مش عايزه اعملك مشاكل مع مازن !
حوريه:لا مفيش مشاكل هتحصل متخافيش ..ليقعدوا مع بعضهم بعضا من الوقت
حوريه :طب انا هقوم امشي عشان متاخرش
هاجر:هتيجي تاني؟!!
حوريه :مش عارفه ربنا يسهل مريم:تعالي اما اخرج معاكي
لتخرج حوريه وتنزل من البيت بأكمله لتري مازن أمامها
حوريه بصدمه:مااازن؟!!!
ليضربها مازن علي وجهها ..
حوريه بصدمه ووجع:انت بتضربني
ليمسكها مازن من يدها بشده ويدخلها السياره ويركب من الناحيه الاخري ...
مازن بزعيق:هتفضلي تعيطي كتير ما خلاص بقااا
لم ترد عليه حوريه ليقف مازن بالسياره ويمسكها من ذراعها بشده:لما اكلمك تردي عليا واما اقولك كلمه تتنفذ سااامعه !!!!
حوريه ببكاء:سيبني ي مازن وابعد عني
مازن بعصبيه ويضغط علي ذراعها أكثر :انا مش قولت مش عايز اسمع صوت عيااطك وبعدين انا مش قولتلك ملكيش دعوه بالناس دي تاني بتروحي عندهم ليه؟ !!
حوريه:هاجر كانت تعبانه وبشوفها
مازن بزعيق:واحنا مالنا تعبانه والا مش تعبانه ملكيش دعوه بيهم خالص واتقي شري ي حوريه علشان مزعلكش !
حوريه:هتضربني تاني !
لينظر لها مازن ويصمت ثم يدور بالسياره وبعد بعض الوقت يصلوا إلي بيتها ..
مازن :يلا انزلي واللي قولته يسمع
لتتركه حوريه وتذهب
------------------------صلوا علي المصطفي😅💙
في منزل عائله الحصري ...
يفتح الباب ويدخل اياد :السلام عليكم
مريم :حمد لله ع السلامه ي اياد
اياد:الله يسلمك ي حبيبتي اي ده هاجر خرجت من الاوضه نورتي ي قلبي وفرحتيني
هاجر بإبتسامه :تسلم ي اياد
ليرن موبايل اياد معلنا اتصال .. لينظر اياد للهاتف بصدمه وقلق ..
اياد:السلام عليكم ازيك ي مازن !
مازن بزعيق:بص ي اياد انا هقولك كلمتين بس ابعد مراتك واختك عن مراتي تمام !! وملكش دعوه بينا خالص واللي حصل النهارده عديته بمزاجي بس مش هعديه تاني ويلا مع السلامه
لينظر اياد لموبايله بصدمه وحزن:ي رب الطف بيناا
--------------------- صلي ع محمد😅💙