رصاصة عشق " مكتمله "

الحلقه التاسعه

سلسله" انتِ قلبي وانتَ نبضي😅💙
#رواية_رصاصه عشق
#بإسمي_ Møny Abàs

باارت رقم "9"

ف مستشفي أحمد الأدهمي..
مازن:حمد لله ع السلامه ي رحومه عايزه تعرفي غلاوتك عندنا يعني
رحمه بتعب:الله يسلمك ي مازن
مازن:اضحكي طيب ده حتى وحشني رخامتك ي رخمه
رحمه بضحكه:هو حد فيكم يقدر يقعد من غيري اصلا
مازن بضحك:اسد ي ولااا ي وحش انت
ليدخل والدهم:حمد لله ع السلامه ي حبيبه بابا
رحمه بإبتسامه:الله يسلمك ي بابا
مصطفي:متزعليش مني ي حبيبتي انتي عارفه اني خايف ع مصلحتك
رحمه :ولا يهمك ي بابا انا عارفه
مازن:صحيح ي بابا انت مقولتش ليه انك دفعت الحسابات بدل ما أنزل !
مصطفي باستغراب:انا مدفعتش ..ليتذكر ..ااه كان في شاب اسمه صهيب معانا فضل جمبنا والله مسبناش لحظه الله يكرمه ويعزه عايزك تكلمه وتشكره ي ابني
لتدخل اختها زينه مع أولادها. ..
زينه:كده ي رحمه تخوفينا عليكي ده لسه مازن قايلي الوقتي ربنا يسامحه
مازن:بالله ما اعرف غير الوقتي وقولتلك علطول
رحمه:متقلقيش ي زوزو انا كويسه والله♥
يوسف:ربنا يشفيكي ي خالتو رحمه انا بحبك اوي وعايزك معايا علطول 🥺
رحمه بابتسامه:حبيبي ي جو وانا بحبك ي قلب خالتو♥
عائشه:سلامتك ي خالتو بس انا بحب خالو مازن اكتر منك
ليضحك مازن عاليا:بنت خالك ي بت تربيتي
رحمه:بقي كده ماشي ي عائش ما انتي تربيه مازن أتوقع منك اي
لتقعد عائشه ع رجل مازن:خالو انا عايزه طنط حوريه هي مش بتيجي عندنا ليه مش هي بقت بتاعتك خلاص
مازن بشرود:هتيجي ي عائش ..وبعدين تعالي هنا اي بتاعتك دي
عائشه ببراءه:انا سمعت ماما بتقول لخالتو رحمه كده إنها بقت بتاعتك وانت هتتعدل بقي هو انت معووج ي خالو
مازن :معووج !!!! لينظر لزينه
زينه بإرتباك:انا هكلم حوريه اقولها عشان متزعلش
رحمه:مالك ي مازن انت زعلان ليه
مازن: مش زعلان ي قلب اخوكي انتي بس وحشتيني
رحمه بغمزه:انا اللي وحشتك والا ناس تانيه
مازن بإبتسامه:انتي مش تعبانه والا مبتسبيش حقك ف الكلام
رحمه بفخر مصطنع:مبقاش رحمه الألفي
--------------------------استغفر الله😅💙
ف منزل اياد الحصري ...
هاجر :انا خلصت اتأخرت عليك !!
اياد:هاجر انتي خلصتي علاجك النفسي والا لسه؟ !
هاجر بزعل:لا لسه !!
اياد :تمام لما تقرري تكملي عرفيني عشان اجي معاكي
هاجر :ماشي ..لتمسك هاجر بيده :يلا ننزل بقاا
اياد بإبتسامه:يلا ي ست البنات
لينزلوا سويا ..ويخبطوا ع الباب لتفتح لهم مريم ..
مريم بفرحه:اي ده ! اي المفاجاه الحلوه دي♥
اياد:ابعدي ي بت عايزه ادخل .. ليدخلوا
مريم:وحشتيني اوي ي هاجر عامله اي اوعي يكون اياد بيزعلك
هاجر بإبتسامه:انا كويسه جدا والله وفرحانه
مريم بإبتسامه:ي رب دايما ي حبيبتي♥
مريم :مالك ي اياد ساكت ليه
اياد:سايبكم براحتكم مع بعض .. ليرن موبايله
اياد:السلام عليكم ..ازيك ي جدع واحشني والله
مازن:وانت كمان واحشني اخبارك اي ي عريس
اياد :الحمد لله المهم انت طمني عليك
ماازن :انا كويس بس كنت عايزك تبلغ اختك ان رحمه اختي ف المستشفي
اياد:ليه خير اي اللي حصل !!
مازن :وقعت من ع السلم ف شركه بابا
اياد:الف سلامه عليها ..حاضر دقايق ونكون عندك مع السلامه
بقولكم ي بنات رحمه صاحبتكم ف المستشفي وتعبانه قوموا البسوا عشان اخدكم ليها يلاا
----------------------الحمد لله💙😅
ف منزل عائله الشيطي ..
عبدالحميد:حوريه .. ي حوريه .. انتي فين ؟
حوريه:نعم ي بابا .. انا اهو
عبدالحميد:تعالي ي بنتي اما اقولك .. رحمه ف المستشفي ابقي روحيلها
حوريه بخضه:مستشفي ليه  !!!!
عبدالله بإستغراب:هو انتي ومازن بينكم حاجه غلط ما هو قايلي قبل ما يخرج من هناا
حوريه:لو سمحت ي عبدالله متدخلش بيني وبين مازن !
عبد الله :متدخلش !!! هو انا قولت اي
حوريه :هو كده وخلاص
عبدالله:ماشي ي ستي انا غلطان حقك عليا .. انا خارج ي بابا
عبدالحميد :استني وصل اختك المستشفي روحي البسي ي حوريه يلا
لتتركهم حوريه وتذهب إلي غرفتها ...
عبدالحميد:متزعلش من اختك ي عبدالله الله اعلم فيها اي وهي بتعمل الصح المشاكل تتحل بين الزوجين بس
عبد الله :انا بس خايف عليها
عبدالحميد :عارف ي حبيبي بس مش لازم تعرف اي اللي مزعلها المهم أنها لما تميل او تقع تلاقيك واقف فاتحلها درعاتك تستخبي فيهم من الدنيا انت سندها واخوها وقوتها من بعدي
عبدالله:ربنا يباركلنا فيك ي بابا
--------------------------صلي ع سيد الخلق😅💙
ف مستشفي أحمد الأدهمي..
رحمه:مكنش ينفع تخرجي ي هاجر والله انتي لسه عروسه
هاجر:واطمن عليكي ازاي وانا مش شيفاكي قدامي ي حلوه
رحمه بغمزه:طب طالما كده قوليلي عملتي اي ف الجواز اياد حلو معاكي
هاجر بضحكه:جداااا ربنا يباركلي فيه
مريم:سيدي ي سيدي
رحمه:ربنا يديمكوا  لبعض ي حبيبتي واشوف ضحكتك دي علطول ويعوضك بيه وبالذريه الصالحه عن كل تعبك
هاجر:ي رب،اومال فين رورو وحشتني جدااا
-بينما ف الخارج أمام الغرفه..
عبدالله:مازن .. ازيك  !
مازن:الحمد لله .. ازيك ي حوريه
حوريه بدون ان تنظر له:الحمد لله .. بعد اذنكم انا داخله لرحمه
-لتدخل عليهم ..
حوريه:السلام عليكم .. رحومه ي عمري انتي مالك !!
رحمه بضحكه:تعالي ي نصاابه
هاجر:انتي ي بت ما صدقتي تجوزيني وتنسيني
مريم :ما هي كام شهر وتجوز هي كمان وتنساناا
حوريه:مالكم داخلين عليا كده ليه
رحمه:تعالي جمبي ي مراه اخويا الحلوه وسيبك منهم
حوريه:ليا اسم علفكره
رحمه:تعالي ي حوريه ي مراه اخويا بردو
ليضحكوا كلا من هاجر ومريم عليها..
واثناء حديثهم يخبط مازن ع باب الغرفه..
مازن :رحمه اعملي حسابك يلا عشان هنمشي
رحمه:حاضر ي مازن
-لتبدأ رحمه ف تجهيز نفسها بمساعده مريم ...
رحمه:الواحد مش عارف هيدخل الامتحان ازاي بشكله ده وكمان لسه عندنا فرح حوريه ومازن
هاجر :بالله انا اللي ما عارفه هدخل ازاي بمذاكرتي دي
مريم:خلي اياد يقعد معاكي هيخليكي دكتوره بجد
هاجر :ده يبقي اشطا خالص
رحمه:حوريه انتي مش عجباني ساكته علي غير العاده
حوريه:لا عادي مفيش حاجه انتي وحشاني بس
لتضحك رحمه:نفس اجابه مازن
مريم:القلوب عند بعضها بقا
حوريه لتقفل مجري الحديث:مش يلا عشان منتاخرش
رحمه:ثواني ارن ع مازن
-----------------------------لا اله الا الله😅💙
بالخارج ف كافتريا المستشفي...
مازن:مالك ي اياد مش طبيعي
اياد بخنقه:ف رساله غريبه جاتلي النهارده قلقتني .. شوف كداا
مازن:اي ده !! تتوقع تكون من مين !!
اياد:مش عارف بس انا خايف عليهم اوي وقلقان🥺
ليربط مازن ع كتفه:متقلقش ي صاحبي انا جمبك ووكل امرك لله هيحل امورك صدقني
بينما هم يتحدثون يأتي عليهم شخصا ماا ....
صهيب:السلام عليكم ..دكتور مازن مش كده
مازن:وعليكم السلام .. ايوه انا مين حضرتك
صهيب:صهيب المنوفي انا اللي كنت مع والدك ساعه ما الحادثه حصلت
مازن:اهاا شكرا جداا لحضرتك والله ع اللي عملته
صهيب:لا شكر ع واجب
ليرن موبايل مازن ..
مازن:ايوه ي رحمه ..خلصتي.. تمام انا جايلك
طب ي صهيب معلش اسيبك مع صاحبي اياد علشان اجيب اختي من جوه
صهيب:خد راحتك

ليأتي مازن برحمه يسندها وحوريه من الناحيه الاخري..
ومن وراءهم اياد ومعه هاجر ومريم ومن خلفهم صهيب ..
وبينما مازن يفتح سيارته اذ بعربيه سوداء تأتي من خلفهم لتشد رحمه من مازن وتقع حوريه وتذهب بسرعه ولم يلحقها أحد..
لتمسك هاجر ف اياد بخوف ليطمنها اياد بيده أنه بجانبها
مازن بصدمه:رحماااه اي اللي حصل ده اختي !!! لينتبه:حوريه قومي انتي كويسه !
لتمسك حوريه به بتعب:اه كويسه رحمه الحقها
مازن:اختي راحت من جمبي ومعرفتش الحقها !!!!
اياد:اهدي ي مازن هنتصرف
صهيب:اهدوا ي جماعه انا ظابط مخابرات ..ودي عربيه خطف لأنها كانت موجوده وانا طالع المستشفي يعني مترتبه وجاهزه ف اكيد هيبقي في اتصال روحوا البنات وتعالوا معايا مكتبي
مازن:معلش ي اياد روحهم وروح حوريه في طريقك وانا هروح معاه لما تلحقني .. حوريه متخافيش وأهدي وانا هعرفك اي جديد
حوريه بدموع:هي هترجع صح !
مازن :هترجع يلا روحي معاهم
ليربط اياد ع كتف مازن:متقلقش ي صاحبي هنقدر نوصلها
مازن بزعل:ي رب تفضل سليمه وكويسه لحد ما اقدر اوصلها
---------------------------انتهت🌸