رصاصة عشق " مكتمله "

الحلقه الواحد والثلاثون

سلسله" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs 

بااارت رقم "31"

بعد مرور ثلاثه أشهر علي ذلك اليوم ..
ف منزل عائله الألفي
تتكلم رحمه ف موبايلها ..
رحمه:والله وحشتيني اووي
حوريه:وانتي كمان ي روحي
رحمه:هتنزلي بكره !
حوريه:مش عارفه بس جلسه عبد الله بكره وعايزه احضرها
رحمه:مازن لسه بيحبك ي حوريه واتغير اوي ولا بقي يضحك ولا يهزر مع حد، ودايما حابس نفسه ف اوضته وبيعيط علي فراقك ، ومفيش مكان مدورش عليكي فيه
لتغير حوريه الموضوع :مش انا هجيب ولد
رحمه:وطبعا هيطلع عسول وقمر زي عمتو رحمه
لتضحك حوريه علي كلامها، ليدخل مازن علي رحمه ويسمع صوت ضحكه حوريه
رحمه:طب ي رورو هقفل معاكي،  وهبقي اكلمك تاني ، سلاام
مازن بإبتسامه حزينه:كانت بتضحك صح !
رحمه : ايوه
مازن بزعل:ضحكتها الحلوه دي وحشتني
رحمه:هيجيلك ولد ي مازن
مازن :كان نفسي ابقي معاها ف لحظات زي دي بس انا بغبائي ضيعت كل حاجه من ايدي
رحمه:ان شاء الله كل حاجه هترجع واحسن من الأول ، وعلفكره هي ممكن تنزل بكره
مازن بأمل وفرحه:بجد ي رحمه !!
رحمه:لان بكره جلسه أخوها في الجنايات
مازن :ربنا يرد حقه الأيام عدت بسرعه، بس لسه فاكر مواقفه واما كان يغير علي حوريه مني وهزارنا سواا
رحمه :ربنا يرد حقه وينتقم منهم
_________________ الحمد لله😅💙
ف منزل عائله الحصري ..
اياد :اقعدي معاها ي مريم لأني هتجن
مريم :انتي عايزه اي ي هاجر ؟!
هاجر :عايزه بطيخ
مريم :هو مش موجود الوقتي،  اجبلك مانجا حلوه
لتبدأ هاجر ف البكاء..
اياد:والله ما تعيطي، اقلب نفسي بطيخه
لتضحك مريم عليه:مش للدرجه دي ي اياد
اياد :انتي مش بتشوفيها بليل بتصحيني من النوم علشان بطيخ
هاجر بدموع :مليش دعوه انت عايز يطلع ف بنتي حاجه !
اياد:انا أب وحش وبنتي حبيبتي هتسامحني
مريم:طب اي رأيك نخرج واياد يروح شغله
هاجر :والبطيخ
اياد:هجبلك وانا جاي
هاجر بإبتسامه:ماشي
اياد:الحمد لله ي رب دي ضحكت كمان ، اطير ع الشغل قبل ما تغير رأيها تاني
________________ استغفر الله😅💙
ف جامعه الفنون الجميله ..
ساره :ما تبطلي تلبسي اسود بقاا
اسماء:معلش انا مرتاحه كداا
ساره:ي بنتي بطلي نكد واكتئاب وبلاش الأسود المقرف داا
اسماء بحده:هو زعلي علي اخويا يبقي نكد وقرف !! اصل انتي متعرفيش يعني اي حرقه قلبك على اخوكي الوحيد، متعرفيش يعني اي تتحرمي من اخوكي وكمان ميت مقتول ومغدور بيه
ساره: انا بتكلم عادي علفكره
اسماء:متكلميش ف موضوع اخويا تاني
ساره : شوفتي زين النهارده !
اسماء: وانا اشوفه ليه يعني !!
ساره :انا حاسه انه مايل نحيتك
اسماء:لا متحسيش ،ويلا نشوف محاضرتنا
_______________ أستغفرك ربي واتوب اليك😅💙
ف مستشفي الأدهمي ..
يقعد كلا من مازن واياد مع بعضهم ..
اياد:ي عم ده الحمل متعب اوي ، اجيب منين بطيخ مش عاارف
مازن بإبتسامه:كله يهون علشان خاطر تشوف بنتك ،ي ريتها هناا وتهبلني وانا هبقي مبسوط بكداا
اياد:عارف ي مازن انا اول مره احس انك مكسور كده دايما قوي حتى ف أصعب المواقف، بس ازاي رغم الوقت اللي عدي ده لسه مكمل ف حبها رغم أنها مكنتش الحب الأول ومر علي فراقكم شهور ، ولا بتشوفها ولا بتكلمها ؟!
مازن بإبتسامه:علشان هي مش اي بنت،  ومفيش حاجه اسمها حب اول وحب تاني لكن في حب دائم هو ده الحب اللي بيفضل بعد الفراق،  حتي لو كل واحد بعيد عن التأني زي ما انا كده مش عارف حتي مكانها، والحب الحقيقي والقوي ده مش بيتوجد بالساهل ده بيتوجد لما تلاقي شخص يكملك شخص قادر انه يفهمك ويخرجك من اي حزن ، شخص اللي تقدر تنسي الدنيا كلها بهموهها وتعبها وانت معاه، هي كانت بعد نهايه اليوم بعد الشغل والتعب لما اسمع منها كلمه بسيطه تهون بيها عليا بنسي التعب وكأني كنت نايم ومرتاح طول اليوم، انا بحبها لدرجه اني بموت في اليوم مليون مره من غيرها، ده من كتر حبي ليها مش قادر اعيش في البيت من غيرها عايش مع ابويا واختي، وحشتني ووحشني صوتها وضحكتها وحشني كل حاجه فيها انا وحش من غيرها ي اياد
اياد :ربنا يفرحك ويردهالك ي صاحبي
مازن :هتيجي الجلسه بكره ! ؟
اياد:ايوه اكيد، تفتكر العيال دول هياخدوا حكم
مازن : لازم ياخدوا علشان حق الغلبان اللي مات
اياد : ربنا يرحمه ويغفرله
_____________ صلي علي محمد 😅💙
ف صباح اليوم التالي ..
ف محكمه الجنايات العلياا
يقعد كلا من مازن واخته رحمه ووالدهم، ومن خلفهم اسماء ووالدتها ، وعلي يمين المحكمه يقعد زين وهاجر ووالدتهم وبجانبهم اياد ومريم ..
مازن بقلق:هي حوريه مش هتيجي !
رحمه:هي قالت هتيجي
لتدخل عليهم حوريه المحكمه ..
حوريه :ماما وحشتيني
لتحتضنها والدتها بفرحه:وحشتيني ي قلب ماما
اسماء:عامله اي ي رورو
حوريه:الحمد لله ي روحي
قاضي المحكمه:هدوووء ي جماااعه
ليقعد كل شخص ف مكاانه ..
قاضي المحكمه:هات المتهمين ي عسكري !
ليأتي بالمتهمين ويضعهم في أماكنهم ..
محامي عبدالله:حضرتك المتهمين دول اتفقوا علي المجني عليه وقتلوه بأبشع الطرق، بالرغم من ان المجني عليه لم يعرفهم من قبل ولم يأذي أحد منهم ، ومعايا شهود وادله علي ذلك !
قاضي:الشاهد الأول يتفضل
ليطلع يوسف علي منصه الشهود : انا صاحب عبدالله ، وحصل قدامي موقف ف صاله النادي ، وكريم خبط في عبدالله قصد وبرغم كده عبدالله اعتذر منه بس كريم قعد يزعق ويتشاكل معااه، وبعدها بكام يوم جه دكتور مازن واتكلم مع كريم وابن عمه حسن علشان يبعدوا عن عبدالله ، وتاني يوم عبدالله راح صالحه واعتذر منه وكريم قبل الصلح بس معرفش انه هيبقي مش راجل ويغدر بيه، عبدالله موجهش اي اذيه ليهم وهما يستاهلوا الموت علشان حرموني من صاحبي
محامي كريم : اعتراااض
قاضي المحكمه:اتفضل !
محامي كريم: المجني ادي الجريمه بدون قصد منه ومكنش يقصد أنه يقتله كان مجرد اشتباك مش اكتر ومتهمي بيدافع عن نفسه لان عبدالله كان بيضربه، ولا كان فيه اي مشاكل بينهم قبل كده
لتقوم والده كريم: انا ابني بقاله شهر قبل الحادثه مبيخرجش علشان تعباان الكلام اللي قاله ده كذب !
ليعلو صوت الاعتراضات الموجوده في المحكمه ..
قاضي المحكمه:هدوء ي جمااعه
محامي عبدالله:انا معايا ادله وشهود تثبت أنه مجرم وان كان في مشاكل بينه وبين المجني عليه قبل الحادثه وحضرتك سمعت شاهد منهم !
قاضي المحكمه :هات الشاهد التاني يتفضل
ليطلع مازن علي منصه الشهود:انا حضرت أول مشكله حصلت بينهم وكانت في المول وقتها كان كريم بيعاكس اخت عبدالله ، ولما عبدالله زعق معاه كريم عوره في ايده وكان معايا مراتي واختها
لتتكلم حوريه:كل اللي قاله حصل ! انا اخويا عمره ما اذي حد دايما كان في حاله ، كان كل حاجه بالنسبالنا بس هو بإجرامه حرمنا من اخونا الوحيد
اسماء:انا البنت اللي بسببها حصلت أول مشكله ! هو كان بيعاكسني هو وابن عمه، واخويا وقف قصادهم ضربوه .. لتختنق بالبكاء .. قتلوا اخوياا الوحيد ، انا بابا مات وساب عبد الله معانا سند لينا بس هما قضوا علي سندنا الوحيد، اللي عايزه اقولهولك ي سياده القاضي قبل ما تنطق بالحكم فكر كويس في الشاب الغلبان اليتيم اللي قتلوه بدون وجه حق ، قضوا عليه بوحشيه وغدر، وان بعد الحكم في الجريمه دي ! اما المجرمين يخافوا ويبعدوا عن الشر او مش هيفضل ناس عايشه من كتر الإجرام والظلم
قاضي المحكمه:لسه في حد عايز يقول حاجه ؟!
لتقف والده عبدالله: انا ي سياده القاضي
قاضي المحكمه : اتفضلي !
الام بدموع وقهر:انا كان عندي ابن وحيد وصغير ربيته وكبرته وعلمته الصح من الغلط ، كان راجل اخواته وسندهم كان عمود البيت عمره ما اتكسر شااب طول بعرض كان اخواته بيتباهوا بيه، ابوه مات وسابه معانا وكان عارف انه سايب راجل واعي هيحافظ علينا ويحمينا، كان شاب حلو زي كل الشباب شاب زي الورد  ، احنا بقينا عايشين في زمن الغلبان حقه دايما بيروح والمجرم بيمشي يتباهي بإجرامه ، زمن ميخليش الناس تخرج من بيوتها من الخوف ، بيكلموني علشان يدولي فلوس في دم ابني علشان اتنازل عن حقه هو ابني يشري بالفلوس ! ضحكه ابني وطلته عليا اشتريها بالفلوس ،انتوا بتكلموا في اي ده ابني مش فرخه وادبحت ابني رااااجل ابني شاب زي الفل شوفت جثه ابني قبل ما اشوفه عريس ابني معملش فيهم حاجه علشان يقتلوه ابني .. ابني حبيبي حرموني من شوفته وسماع صوته وضحكته ودخلته عليا حرموا اخواته من فرحتهم باخوهم الوحيد حرمونا من الفرحه ،انا كل اللي طلباه منك ي سياده القاضي تطفي النار اللي ف قلبي من قهرتي علي ابني،  ترجع حق اليتيم اللي الرسول موصي عليه ريح ابني في قبره ورد حقه، انا ابني كدا كدا مش هيرجع بس علشان اما اقابله أقوله انا مستسلمتش ورجعت حقك ي ضنايا
قاضي المحكمه:بعد الإطلاع علي اوراق القضيه وسماع الشهود والادله حكمت المحكمه العليا للجنايات علي المتهمين كريم السيوفي وحسن السيوفي المتهمين ف جريمه قتل عبدالله عبدالحميد الشيطي قتلا عمدا وبدون وجه حق بالإعدام شنقا حتى الموت ، رفعت الجلسه
لتعلو المحكمه بالتكبيرات ..
كريم بصرااخ :لاااا مش عايز امووت
حسن:والله هو اللي خلاني اعمل كده انا مليش دعوه
لتحتضن الام بناتها حوريه واسماء بدموع وفرحه..
ليأتي عليهم مازن بإبتسامه:مبروك ي امي انا وعدتك ان عبدالله هيرجع حقه !
الام:الحمد والشكر لله
ليمد مازن يده لحوريه:ممكن اقول مبروك علي رجوعنا لبعض
____________ انتهت😅