رصاصة عشق " مكتمله "

الحلقه الثامنه والعشرون

سلسله" انتِ قلبي وانتَ نبضي😅💙
روايه_رصاصة عشق
بإسمي_Møny Abàs

باارت رقم "28"

في نادي "..."
ليري عبدالله من يضع يده عليه .. لينظر خلفه
ليلقي سكيناا في بطنه ..
ليلقي عبدالله بالدم من فمه بوجع:اااه
ليشد كريم السكينه بغل: اتوجع ومش هرحمك علشان تعرف مين هو كريم السيوفي !
ليضربه حسن في رجله بسكينا آخر : ودي علشان زعلت ابن عمي
ليتركوه غارق في دمه ويجروا بعيدا عنه ..
ليتدحرج عبدالله بعض الشئ وهو يتخيل امه واخواته أمامه ..
عبدالله بوجع ودموع:ااه يااارب
ليقع على الارض مغشيا عليه علي الفور
ليرجع مازن الي المكان الذي ترك فيه عبدالله ليري تجمع من النااس ..
مازن :في اي ي جمااعه ؟!
شخص ما:ده شاب مضروب بالسكينه هناا
ليحاول مازن ان يدخل من بينهم:خلوني اشوفه انا دكتور
ليتفاجئ بان الملقي علي الارض غارق في دمه هو عبدالله ..!!!!
مازن بصدمه:عبد الله ؟! امتي ده حصل !!
شخص ما:الحقه بسرعه ي ابني الشاب هيموت
ليتحسسه مازن ليري ان مازال فيه نفس ..
ليحمله ويذهب إلي سيارته فورا ويرن علي اياد بتوتر :اياد ! الحقني عبدالله معايا مضروب بالسكينه انا رايح علي المستشفي
----------------لا اله الا الله😅💙
ف منزل عائله الشيطي  ..
حوريه:عبدالله اتأخر !
الام:رني علي اخوكي قلبي مش مطمن !
حوريه:رنيت عليه 4 مرات مبيردش !
اسماء:والله هتلاقوه داخل علينا دلوقتي
حوريه :استني ارن تاني
لتحاول الاتصال به مره أخري .. ليفتح الخط ..
حوريه:اي ي عبدالله كل ده علشان ترد انت عارف انا بستناك علشان تيجي معايا لدكتوره الحمل !
مازن :ازيك ي حوريه !
لتنصدم حوريه:ااا .. فين عبدالله مش ده موبايله
مازن :عبدالله في المستشفي هاتي والدتك وتعالي
حوريه بخوف وقلق:مستشفي اي ؟! اخويا جراله اي !!
مازن :تعويره بسيطه بس هو في مستشفي الأدهمي
حوريه: ماشي مع السلامه
الام بقلق:في اي ي حوريه
اسماء بدموع:ماله عبدالله ي بنتي في اي ؟!!!
حوريه : انتي بتعيطي ليه ! هو مازن اللي رد عليا وبيقول متعور تعويره بسيطه وهو في المستشفي
الام: طب يلا نروح بسرعه
------------------ استغفر الله😅💙
في مكاان مااا ..
عمرو بغل: خلاص يوم بس وهضرب ضربتي القويه
شخص "1": وهنخلص من اياد للأبد
عمرو:صح ! مبروك عليك ي شريكي
شخص"1": خلي تجاره الاعضاء تنفعه
--------------------- الحمد لله😅💙
في مستشفي الأدهمي
ينقلون عبدالله علي العمليات فورا ..
مازن بقلق:براحه عليه ي جماعه ده مجروح جرحين !
طبيب:حطله جهاز التنفس بسرعه
مازن :اسعفه وانا هشوف رجله لان جرحها كبير
طبيب آخر:زود ضرباات القلب
ليحاولوا كثيرا معه ، ثم ينظرون إلي بعضهم بقلق ..
وبالخارج .. !! تاتي حوريه واختها ووالدتهم ..
الام:لو سمحت انا ابني هنا مجروح هو فين !
ممرض:لو قصدك اللي جاي مع دكتور مازن فهو في العمليات
اسماء:عمليات !!!
ممرض:ادعيله
وبعد سااعه، يخرج الأطباء من غرفه العمليات
الدكتور:الحاله جيالنا صعبه مضروب بسكنتين جرحه في بطنه كان كبير ولما قدرنا نغطي علي الجرح بدأ يتنفس بس رجله انقطع منها شريان متصل بالقلب ووقف نبضاات القلب مباشره ومقدرناش نربط الشريان في مكانه قبل ما القلب يتوقف ، انا اسف احنا عملنا اللي علينا.. البقاااء لله !
حوريه:نعم !! حاله اي اللي اتوفت ؟! انت بتقول اي ! اكيد غلطان في الحاله ، ايوه غلطان ، اخوياا .. اخوياا كان معايا من كام ساعه ! سابني ونزل وكنت بستناه .. لتنظر إلى مازن وتظل تضربه في صدره:انت اللي قولتلهم يضحكوا عليا علشان تنتقم مني عايز توجعني اوجعني بس بلاش اخويا ابوس ايدك بلاش اخوياا
ليحاول مازن في تهدئتها :اهدي والله ما عملت فيه حاجه ، اهدي
حوريه ببكاء:مش انت دكتور قول انه كذاب ادخل شوف اخويا يلا ي مازن شوفه وخليه يكلمني ، مش هتدخل !! طب ابعد انا هدخل اشوفه ..
لتدخل الي غرفه العمليات .. لتري أخوها جثه هامده علي السرير لا حول له ولا قوه وما زال مغطي  بالدمااء ..
لتتحسسه حوريه ببكاء: عبدالله قوم ،قوم قولهم انك عايش يلاا ،قوم اثبت انهم مبيفهموش حاجه، انت وعدتني هتفضل سندي حتي لو اتجوزت، بتغير من مازن طب انا معاك وهفضل معاك علطول قوم بقي ،كنت مستني اولد علشان تشتال البيبي وتلعب بيه وتقولي هعملها وهجبلها وهتبقي حبيبه خالو .. صح ! قوم بقي متتعبنيش انا تعبانه لوحدي
ليدخل عليها مازن :حوريه مينفعش كده اخرجي بره
حوريه:ابعد عني ! انا مش عايزه حد منكم انا عايزه اخويا وبس عبدالله
لتقع مغشيا عليها ..
--------------------- صلي علي محمد😅💙
لتقعد والدتهم امام غرفه العمليات لا تسمع لأحد تترد وفقط:ابني !! ابني مات ! اتقتل اتغدر بيه ي قلب امه ،ي حبيبي ي ضنايا ملحقتش لسه تشبع من الدنيا ، ابني شاب زي الفل صغير لسه كان هيبدا حياته ،كسروا فرحته وفرحه اخواته بيه،  طب هعيش من غيره ازاي واخواته اللي لسه محتاجينه جمبهم
لتحاول اسماء استعاب ما يدور حولها ودخول الشرطي عليهم وانقلاب المستشفي بسبب جريمه القتل والكل يتكلم عن قتل شاب غدرا علي يد شابين، ثم  تدخل علي أخيها .. وتحسس وجهه بيدها وتقبل رأسه :عبدالله ! بوستك حلوه ودافيه سامعني ي حبيبي انا عارفه اني هبله وبقعد اغيظ فيك بس بلاش العقاب ده بالله انت عارف اني بتكلم وخلاص بس جوايا حاجه تانيه عارف اني بحبك وبعتبرك اخويا وأبويا وكل حاجه ليا انا مليش غيرك ي اخويا ، بابا مات وسابك معايا مليش سند في الدنيا غيرك مليش حد يحميني ويخاف عليا غيرك ، انت هدومك غرقانه دم كده ليه ! قوم ي عبدالله علشان خاطري ،طب رد عليا طب بصيلي !
اسماء بإنهيار لتضربه علي صدره: عبدالله قوم متسبنيش والله مليش غيرك ،طب قوم وانا مش هزعلك تاني والله ولا هعلي صوتي عليك وهعمل كل اللي أنت عايزه وهسمع كلامك والله اي حاجه تقولها هقولك حاضر علطول وهعملك الكيك اللي بتحبه قوم بقاا
لتدخل عليها هاجر:أسماء ي حبيبتي مينفعش كده ! تعالي معايا بره
اسماء :انا مش همشي غير واخويا معايا يلا ي عبدالله قوم  ،بقولك قوم !!  قوم بالله عليك ما تسبني
هاجر بدموع : ي حبيبتي حرام عليكي انتي بتعذبيه هو مات خلاص
لتصرخ اسماء في وجهها :اخوياا مماتش هو هيمشي معايا اخويا مماتش
ليدخلوا الممرضات ويحاولوا ان يسحبوها للخارج ..
اياد بزعل:البقاء لله ي مازن
مازن بدموع : انا مش متخيل ازاي وامتي ده حصل كان قاعد معايا بنتكلم قمت دقيقتين كل ده يحصل عبد الله مات مقتول وبقصد منهم بس وحياه حوريه عندي ما هرحم حد فيهم !
اياد:روح لمراتك ي مازن واقف جمبها وسيب خوفك علي جمب
لياتي عليهم الشرطه ..
صهيب بزعل:البقاء لله ي مازن ، انا عارف ان الظروف متسمحش بس الجنازه هتم ولازم نشوف إجراءات الجريمه !
الدكتور:الايجراءات كلها خلصت وتم التغسيل وسبب الوفاه باقي بس تتنقل الجثه ويتصلي عليها ..
ليذهب مازن الي والده حوريه:بعد اذنك ي امي يلا علشان صلاه الجنازه انا جهزت عربيه الإسعاف اللي هتاخده المسجد
ليذهبوا إلي المسجد ليصلوا عليه ثم بعد الصلاه يذهبوا لبيتهم ويذهب مازن واياد مع صهيب إلي النادي ..
صهيب:معايا أمر من النيابه بكشف الكاميرا علشان جريمه القتل اللي حصلت هناا من 3 ساعات
صاحب النادي :اتفضل !
ليفتح لهم الكاميرا ليروا كل شئ من بعد قيام مازن وضرب كريم وحسن لعبدالله بالسكين ..
اياد:ده يبقي دليل قوي ضدهم
مازن:المفروض تقبض عليهم دلوقتي !
صهيب:هعرف المعلومات عنهم وهقبض عليهم حالا
------------------- الحمد لله😅💙
ف منزل عائله الشيطي ..
هاجر:البقاء لله ي حوريه معلش ي حبيبتي ده نصيب ومكتوب والموت علينا حق ربنا هيرحمه ده مات شهيد
حوريه ببكاء:انتي متعرفيش عبدالله كان بالنسبالي اي ، ده كان أقرب ليا من ابويا وامي كنت ساعات بحسه ابني مع انه اصغر مني بسنه واحده ، كان لسه قاعد معايا وبنضحك سواا مره واحده كده يختفي ويقولوا مش راجع تاني هقعد ازاي من غيره ده صوت ضحكته بيرن في قلبي قبل ودني ، نور عيني ده عارفه انا كنت قاعده معاه في الإسعاف وببص علي العربيات والناس اللي ماشيه واقول فين عبدالله مش ماشي معاهم ليه ! والناس دي كلها راحه فين ! ، حتي وانا في المسجد بقول الناس دي بتعيط وبتصلي علي مين هو مين اللي ماات مين اللي بيقولوا انه اتقتل حد يفهمني بتصلوا وتصوتوا علي مين وماما ليه بتصرخ وبتقول هاتوا ابني واسماء كمان قاعده تقول اخويا اتقتل، قتل !! ، هو بقاله فتره يقول سارحل وستندمون مكنتش اعرف انه هيمشي فعلا ، انا لسه فكراه يوم موت بابا وهو بيعيط وماسك ايده ويقوله متسبنيش ي بابا علشان خاطري مش هعرف احمي اخواتي كان حاسس انه هيموت وعارف واحنا مش عارفين حتي بابا كان قاعد ينده عليه شكله مكنش عايز يسبهولنا خده معاه وسبونا الاتنين لوحدنا ،عبدالله قالي استناه علشان هيجي معايا وكان فرحان وبيضحك وكمان .. كمان حضني قبل ما ينزل
رحمه بتأثر:هو ارتاح من الدنيا والله ربنا اختاره بالذات من بين الناس دي كلها يبقي شهيد انتي اخت شهيد ي حوريه ادعيله وطلعي ليه صدقات كتير
مريم:انتي قويه ي حوريه انا عارفه انه صعب عليكي طلاقك من مازن وبعدين وفاه اخوكي بس ربنا بيختبرك وبيختبر صبرك وايمانك وانتي قد الاختبار
ليسمعوا صراخ اسمااء .. ليجروا إلي غرفتها ..
لتحاول ان تحتضنها حوريه بدموع: اهدي ي روحي انا جمبك معاكي
اسماء بصراخ وبكاء: قتلوا اخويااا حرموني منه ده اخويا الوحيد حرام عليهم ربنا ينتقم منهم ،انا عايزه عبدالله هاتيلي عبدالله ي حوريه هو بيسمع كلامك خليه يجي .. اااه ي وجع قلبي عليك ي اخوياا
حوريه:رحمه هاتيلي حقنه منوم بسرعه من اوضتي !
لتأتي بها رحمه وتعطيها لها فتنام اسماء ولم تشعر بشئ ..
حوريه ببكاء:اعمل اي ي رب ابويا مش معايا وعبدالله راح وسابني وحاله اسماء دلوقتي ، اديني القوه علشان اقدر ، اسندني ي رب معدش ليا سند غيرك
-------------
وانتهت حلقتناا الحلوه  😅