رصاصة عشق " مكتمله "

الحلقه الثانيه عشر

سلسله" انتِ قلبي وانتَ نبضي😅💙
روايه_رصاصة عشق
بإسمي_Møny  Abàs

في مركز الشرطه
صهيب بزعيق:انا عايز افهم ازاي وصلت الجثه دي وهي اصلا مماتتش انا مشغل رجاله والا مشغل ناس مبتفهمش
شخص"1":والله ي باشا احنا دورنا ودي اللي جت قدامنا
صهيب بزعيق:قدامك ازاي يعني !! هي اي واحده تبقي هي وخلاص
شخص"2" بخوف:الظابط إسلام هو اول واحد شافها وقالنا عليها نبلغك
صهيب بإستغراب:إسلام !! طب غوروا من وشي وقسما بالله ان ما عرفتوا توصلوا ليها هتشوفوا مني وش مش هيعجبكوا
ليقعد صهيب يفكر بحيره :يعني هي عايشه مش ميته ! اومال مين اللي ماتت ؟! واي دخل إسلام في الموضوع انا لازم افهم !
ليرن علي اسلام :بقولك ي إسلام انا عايزك لو فاضي
اسلام:ماشي ي صاحبي بشوف قضيه كده دقايق وهجيلك
صهيب:مستنيك سلام
ليدخل عليه مازن:السلام عليكم ازيك ي صهيب
صهيب:الحمد لله .. ها ي مازن في جديد !!
ليقعد مازن بتنهيده ويريه الرساله. ..
صهيب:الرقم ده بره مصر  معني كده إنها مش في مصر اصلا واحنا بندور هنا وده غلط !!
مازن :يعني اي ؟!
صهيب:متقلقش هنفكر براحه وكله هيتحل
ليأتي مازن اتصال  ...
صهيب :افتح المكبر ي مازن
مازن :الوو
عمرو:دكتور مازن اهلين ها فكرت
مازن:ايوه وهعملك اللي انت عاوزه
عمرو بضحك وشر:كده تعجبني ساعه واحده والقيك في مطار مصر ومعاك هديتي مع السلامه
مازن :هعمل اي ي صهيب
صهيب :انا هقولك تعالي معاياا
ليخرجوا من المكتب ليقابلهم إسلام ..
اسلام:رايح فين ي صهيب انت خارج .. دكتور مازن ازيك البقاء لله ربنا يجعلها اخر الاحزان
مازن :الحمد لله ..شكرا
صهيب:ورايا شغل بره شويه هرجعلك بعدين
----------------------------استغفر الله😅💙
في منزل عائله الشيطي ..
أسماء :انتي خيلتيني ومش عارفه أركز اقعدي بقاا
حوريه بزهق:وحد قالك تذاكري هناا ما تدخلي اوضتك
الام :انا مش عارفه انتي قلقانه ليه ؟!
حوريه:مش عارفه قلبي مقبوض ومازن كمان مبيردش عليا
الام:تلاقيه نايم شويه ي حبيبي تعبان من ساعه اللي حصل
ليصل حوريه رساله من مازن "رورو متقلقيش عليا انا كويس بس عايز اريح شويه نامي وارتاحي انتي وانا هكلمك الصبح"
الام:ي ريت تبقي ارتحتي بقا
حوريه :والله ما اطمنت بردو بس هستني للصبح واشوف
--------------------------الحمد لله😅💙
في منزل عائله الأدهمي. ...
الدكتور أحمد :اومال فين زين !!
الام بإرتباك:كان بيراجع شويه حاجات للكليه مع أصحابه
احمد:الولد ده قلقني وحاسه مبقاش مظبوط !
الام:لا متقلقش عليه زين راجل
احمد:وحازم فين ؟!
الام:جاي من الشغل بقاله شويه ودخل نام
احمد:هو هيفضل كده كتير من غير جواز كلميه في الموضوع ده وخليه يخلص والا هجوزوا انا واحده علي مزاجي !!!
الام بزعل:مش كفايه اللي حصل في هاجر عايز تعيده علي حازم !
احمد بزعيق:انتي ناسيه الكلام اللي عمرو قاله على بنتك المحترمه
الام:يعني انت مصدق الغريب ومكذب بنتك انا سكوتي علي اللي انت عملته معاها خليني شايله ذنبها !
احمد بزعيق:وهو في حد في البيت ده يقدر يكسر لياا كلمه
الام:اهو ده اللي وجع هاجر وخلاص كده بس انا مطمنه عليها علشان معاها راجل هيحافظ عليها ويحطها في عينه
احمد :بقولك اي فضي السيره دي خلينا ننام
-------------------------الحمد لله😅💙
صهيب:فهمت ي مازن اللي هتعمله !!
مازن :ايوه بس ممكن متظبطش ويعمل في رحمه حاجه !
صهيب :متقلقش انا عامل حسابي لكل حاجه وانتي كمان عرفتي هتعملي اي مش عايز غلطه !
البنت :فهمت ي باشا
مازن بقلق:بلاش البنت علشان ممكن تتأذي وانا مش عايز حد ملوش ذنب يجراله حاجه
صهيب :متقلقش انا مأمنها من كل حاجه وكمان مش هخليها تدخل غير للضروره اوي ... وانتوا عايز كل حاجه تمشي زي ما خططت
الرجاله:تمام ي باشاا
صهيب:يلا ي مازن اركب عربيتك ومعاك البنت دي وانا وراك مع الرجاله
-ليصلوا إلي مطار القاهره ...
ليرن موبايل مازن ..
عمرو:جبت الامانه
مازن:ايوه معايا .. انت فين !!
عمرو:تعالي علي المكان اللي هبعتهولك في رساله .. سلام
ليذهب مازن الي المكان المحدد وينزل .. بقولك ي آنسه خليكي هنا لحد ما ارن عليكي تدخلي وي رب ما نحتاجك
البنت :تمام
كل ذلك أمام أعين صهيب ورجالته خلف الجدران ..
صهيب:اجهزوا واول ما أشاور تدخلوا علطول
الرجاله:تمام ي باشا
يدخل مازن المكان ولكن لم يري أحد ..
عمرو:تعالي مستنيك في اوضه علي ايدك اليمين
ليدخل مازن ويراه وحوله رجالته ..
مازن :فين أختى؟ !
عمرو :وهااجر! !!
مازن :معايا بره بس اشوف أختى الأول
لينظر عمرو لأحد رجالته .. ليأتي برحمه
مازن بلهفه:رحمه حبيبتي انتي كويسه .... لتهز له رأسها فقط
عمرو:هاا هاجر فين ؟!
مازن :اطلع بأختي الأول من هناا
ليضحك عمرو :بجد ! طب شرفنا هنا مع اختك بقا
-ليسمعوا ضرب نار بالخارج .. ليلتفت عمرو حوله .. في اي بيحصل هناا !!! .. ليزقه مازن ويضربه ويجري وراء الشخص الممسك برحمه
ليسبقه عمرو ويمسك برحمه:أتحرك من مكانك هقتلها !!
ليقف مازن وينظر خلفه .. ليري رحمه بيد عمرو ..
مازن :ملكش دعوه بيها خليك معايا انا
عمرو بضحك وشر:لاا حركه حلوه  .. كله بقي ينزل أسلحته والا هقتلهاا
صهيب:كلكوا نزلوا السلااح
ليأمر عمرو رجالته بربط كلا من مازن وصهيب ومن معهم ..
عمرو :بتضحكوا عليا طب وروني بقي الذكاء بتاعكم انا هعد من "1" ل"10" ان هاجر مظهرتش قدامي هقتلها. .. "1" ... "2" ... "3" ..
مازن بخوف:استني بس وهعملك اللي انت عايزه
عمرو بضحك :"4" ... "5" ...
صهيب :طب ادينا شويه وقت بس والله
عمرو :"6" .. "7" .. "8"..
مازن :بالله عليك لااا طب اقتلني انا وسبها تمشي
صهيب:هنعمل اللي انت عايزه والله
عمرو :"9"... "10".. ليطلق النار علي رأسها لتقع أمامهم جثه ..
مازن بصراخ:لاااا رحمااااه
ليغمض صهيب عينه
ليضحك عمرو ضحكات شر ومكر:متخافوش لسه عايشه لتاني مره قرصه ودن  .. ليأتي برحمه أمامهم
رحمه ببكاء:مازن انت هناا كنت عارفه انك هتيجى
مازن :هطلعك من هنا وعد مني متخافيش
ليدخل عليهم شخص ماا .. ازيكوا ي جمااعه
صهيب بصدمه:اسلااام
اسلام بضحك:ايوه اسلام .. ليكمل بشر .. اللي انت واخد منه كل حاجه في الكليه جبت مجموع اكبر مني وكنت الاول عليا ولما دخلنا الكليه كنت محبوب اكتر مني حتي بعد ما اشتغلنا انت محبوب اكتر مني بردو وليك كل التقدير ويتتعلي عني ولما عرفت ان دي حبيبتك قولت استغل الوضع واشوفك مذلول شويه قدامي
عمرو:مش وقته الكلام ده كله المهم عندي هااجر !
اسلام:بس مش قبل ما اخد حقي منه
عمرو بزعيق:انت كده استووب اخد اللي عايزه وبعدين انت حر هسيبهولك تقتله
اسلام بزعيق:يعني اي !! انا لولايا مكنتش هتعرف تعمل كل ده لوحدك
ليستغل صهيب شكلهم ويغمز لمازن .. ليحاولوا في فك اربطتهم وينجحوا في ذلك ..
ليقوم صهيب بوقوع اسلام علي عمرو .. وتجري رحمه من بينهم في حضن مازن ..
رحمه ببكاء:مشيني من هنا ي مازن علشان خاطري انا خايفه
ليمسك مازن وجهها :بصي ي عمري عايزك تخرجي بره مع شويه من رجاله صهيب علشان مينفعش اسيبه لوحده انا هطلع انا وهو من هنا سوا يلا انتي اخرجي معاهم بسرعه
ليخرج معها بعضا من رجاله صهيب ..
ليبدأ مازن في ضرب عمرو:انا تلعب بأختي وتعمل فيها كده وكمان تلعب بمشاعرنا وعايزني ابيع صاحبي واجبلك مراته ده انا هموتك
وصهيب يضرب برجاله عمرو .. ويجري اسلام ليهرب ليمسك بيه صهيب:رايح فين ده انا هوريك اللي ما شوفته في حياتك ! يلا ي رجاله هاتوهم علشان يظبطوا في الحبس. . يلا ي مازن قوم معايا
ليمسكوا بيهم جميعا .. لينظر عمرو إلي مازن وصهيب بغل. ..ويقوم بإطلاق النار علي ذراع مازن من خلفه
ليقف مازن مكانه. ..
صهيب بصدمه:مازن !!!!

-------------
وبكده انتهت حلقتنا الحلوه 😅