رصاصة عشق " مكتمله "

الحلقه الرابعه والثلاثون

سلسله" انتِ قلبي وانتَ نبضي😅💙
#روايه _رصاصة عشق
#بإسمي_Møny Abàs

باارت رقم "34"

ف منزل عائله الشيطي ..
ليمسك مازن ذراع حوريه بعصبيه: عايزه تطلقي ماشي، انتي ط..
لتقع حوريه امامهم،  ليقفوا بصدمه يروا حوريه امامهم ع الارض يأتيها بعد الانتفاضات ..
لينزل مازن بجانبها ويمسكها ويحاول تهدئه انتفاضاتها : حوريه سمعاني اهدي انا جمبك
حسام بقلق:مازن حاول تحضنها علشان تحس بالأمان
مازن بخوف ودموع علي حالتها : حبيبتي اهدي انا معاكي اهدي علشان خاطري
ليدخل عليهم اسماء ووالدتها ..
الام :حوريه بنتي في اي !!
اسماء بخوف:مالها حوريه بتتنفض كده ليه
حسام:اهدي ي عمتو انتي واسماء
ليحتضن مازن حوريه بقوه ودموع:انا اسف والله ي روحي بس اهدي ومتسبنيش علشان خاطري بالله عليكي ردي عليا
حسام :مازن تعالي معايا بره لما اسماء تغيرلها هدومها ونروح المستشفي
وبعد قليل من الوقت ..
ف مستشفي الأدهمي ..
يقعد مازن يبكي على حال حوريه ..
ليقعد بجانبه حسام:علفكره ي مازن انا كنت لسه جاي البيت مكنتش موجود قبل ما انت تيجي،  وحوريه اختي مش غريبه عني وهي اصلا مكنتش  تعرف اني موجود وانا كنت داخل صدفه اجيب حاجه من جوا وسمعتكم واستغربت وجودكم ف البيت ومكنتش اعرف ان بينكم مشاكل علشان كده اتكلمت وكنت بهزر في كلامي
مازن بزعل:انا اسف بس انا مش عايز يجرالها حاجه هموت لو حصلها حاجه وخصوصا بسببي
حسام:ان شاء الله خير متقلقش
ليخرج الطبيب، ليجري عليه مازن ..
مازن :خير طمني
الدكتور:هي ضغطها واطي والميه زايده علي الجنين من كتر العصبيه والارهاق ومفيش تغذيه كويسه، خلوا بالكم منها وابعدوا عنها اي توتر لان العواقب هتكون صعبه ممكن نخسر الجنين واحتمال نخسر الجنين والام مع بعض ، بعد اذنكم
ليقعد مازن :كل ده بسببي انا السبب في كل حاجه حصلت
_____________ استغفر الله 😅💙
ف منزل عائله الحصري ..
تقعد هاجر علي سريرها ويقعد اياد بجانبها يحمل بنته ويلعب معها ..
اياد :ليلو حبيبه قلب بابا من جوا انتي زعلانه وبتعيطي متزعليش ي روح بابا
هاجر : هي كده يعني هتبطل عيااط
ليسمعوا جرس الباب ..
اياد :خديها اما اقوم اشوف مين
ليفتح الباب ليري مريم وجدته ..
اياد بإبتسامه:اتفضلوا
ليدخلوا على هاجر ..
الجده : الحمد لله علي سلامتك ي ام ليان
لتنظر هاجر إلي اياد بإستغراب ثم تبتسم: الله يسلمك ي جدتي
الجده : مش هتخليني اشوف بنت حفيدي والا اي !
هاجر : لا طبعا اتفضلي
لتحملها الجده: اللهم بارك علي حلاوتها،  مش شبهك ي اياد
اياد بإبتسامه:هي شبه هاجر
لتسكت الجده بعض الشئ،  ثم تبتسم: ما هي امها حلوه بردو .. مالكوا بتبصولي كده ليه !؟
اياد :الصراحه انا مستغرب كلامك !
الجده:انا فعلا كنت مش حابه الجوازه دي بس لما انت الشرطه اخدتك مراتك وقفت في وش أخوها والدنيا كلها علشانك ، انا جيتلك بردو وعاتبتها علي اللي حصل وقولتلك ان كله بسبب هاجر واهلها بس كنت عايزه اشوف هي هترد عليا والا لا ولقيتها سكتت وحطت وشها في الارض، كل مره كنت اكلمها كانت تسكت متردش عليا وده دليل علي احترامها وتربيه اهلها ليها الكويسه دي حتي مزعلتش منك انك سجنت ابوها علشان عارفه ان ده الصح وقتها عرفت انك اختارت صح ي اياد
اياد بإبتسامه:والله انا بحبك اوي ي جدتي
الجده:يعني محبتنيش الا لما رضيت علي مراتك ي ولاااا
لتضحك مريم : اوبااا وقعت
هاجر بإبتسامه:لا طبعا حضرتك اللي منور الدنيا والبيت والله
الجده:الله يكرمك ي بنتي
لتحمل مريم ليان:حبيبه قلب عمتو ، حلوه ي ولااد وصغنونه
________________ الحمد لله😅💙
ف مستشفي الأدهمي ..
تفيق حوريه لتري والدتها بجانبها واسماء بالجانب الآخر ..
الام:كده بردو تقلقيني عليكي
حوريه بإبتسامه تعب:انا كويسه ي ماما متخافيش
اسماء :خلاص بقي ي ماما متتعبهاش
لتدور حوريه بعينيها علي الغرفه بأكملها ..
اسماء:تحت عند الحسااب
حوريه بتوتر:هو مين ده !؟
اسماء:دكتور مازن ، ما انا قولت اريحك بدل ما تدوري عليه
حوريه :مين قالك اني عيزاه اصلا
ليدخل عليهم مازن ..
مازن :السلام عليكم
الام:تعالي ي حبيبي
مازن :ممكن تسبونا لوحدنا شويه !
ليخرجوا ويتركوهم ..
لتدور حوريه بوجهها الناحيه الاخري بعيدا عنه ..
مازن :ده انتي زعلانه مني اوي بقاا !! طب لو قولتلك هنروح بيتنا النهارده
لتنظر له حوريه:لا طبعا مش هروح معاك
مازن : تؤ هتروحي معايا ي حوريه
حوريه :غصب عني !!!
ليقف مازن :حاولي تقنعي نفسك بقي ميخصنيش انا خارج دقيقتين وأرجع الاقيكي مجهزه نفسك ، يلا ي قطه
_____________ لا اله الا الله😅💙
ف منزل عائله الحصري ..
اياد :مريومه عايزك ف موضوع !
مريم :خير
اياد :انتي جايلك عريس
هاجر بفرحه :بجد الف مبروك ي ميرو
مريم :مبروك علي اي ي بنتي اصبري كده ، مين ده ي اياد !!
اياد :دكتور حمزه الاسيوطي
هاجر :كنت حاسه ده دكتور محترم جدا
مريم :أقوم انا احسن وانتوا تكملوا الكلام
ليضحك اياد عليها :بصي ي ستي هو شافك لما كنت بوصلك انتي وهاجر علطول وهاجر كانت عنده وانا جبتك من الكليه علي هناك، وبعدين يوم جلسه عبدالله شافك بردو،  وكلمني عليكي امبارح هو ابوه متوفي ووالدته مع أخته مسافره بتتعلم بره بس هي خلصت وهيجوا النهارده من السفر
هاجر :وافقي ي مريومه علشان نفرح
مريم :انتي هتسكتي والا اقوم امشي
اياد :سيبك من هاجر خليكي معايا انا ، اي رأيك
هاجر : طبعا موافقه هو ده يترفض
مريم:استغفر الله العظيم
هاجر بضحك:خلاص خلااص
مريم :هصلي استخاره وارد عليك
____________ لا حول ولا قوه الا بالله😅💙
ف منزل عائله الشيطي ..
رحمه : والله كنتي وحشاني  اوي ي رورو
حوريه بإبتسامه : وانتي كمان
مصطفي:خلي بالك من صحتك ي بنتي
حوريه :حاضر ي عمو
رحمه :هنسيبك بقي ترتاحي وابقي اجيلك تاني
ليخرج كلا من رحمه ووالدها ..
مازن :مش مطمن لسكوتك ده وأنك جيتي معايا هنا من غير ما تتعبيني بس عارفه لو حاولتي تمشي ..
حوريه:هتعمل اي ! ؟
ليتقدم مازن منها : عايزه تعرفي هعمل اي !
حوريه بتوتر :انا عايزه اغير هدومي وارتاح،  ابعد من قدامي كداا
مازن :ما تعدي هو انا ماسكك
حوريه :ماازن !!!
مازن بآبتسامه:عيون مازن وقلب مازن وعقل مازن
حوريه :اي الرخامه اللي انت فيها دي ، بقولك عديني !
مازن :ماشي ي ستي عديت، ما رحمه ليها الضحك ومازن ليه الزعيق
لتدخل حوريه وهي تضحك عليه لتغير ثيابها وبعد عده دقائق يدخل عليها مازن ..
حوريه:مش في باب تخبط عليه !
ليرفع مازن حاجبه:دي اوضتي علفكره !
حوريه :انت هتنام فين ؟
مازن :علي السرير طبعا
حوريه:لا مش هتنام جمبي
مازن بتنهيده:ماشي ي ستي هنام ف اوضه الأطفال حلو كداا ، بس مش هسكت عن كده كتير !!، انا داخل اخد شاور عايزه مني حاجه ؟
حوريه :لا مش عايزه ، لتكمل في نفسها " ده انا هطلع عينك ي ابن الألفي "
ليدخل مازن ويفتح المياه وما هي الا ثواني وقام بأخذ الشامبو ووضعه على رأسه ليصرخ مازن فقد وجد وجهه ويده مليئه بالدماء فظل يرمش بعينه عده مرات وتتطلع علي المياه فوجدها طبيعيه، ففهم ان حوريه من فعلت ذلك فقد سكبت محتويات الشامبو وعبئتها بماده حمراء وماء،  لينهي مازن استحمامه ويخرج لها: حوريه انتي اللي عملتي كده !
لتقعد حوريه علي سريرها وتحاول كتم ضحكتها: عملت اي !
ليحاول الاقتراب منها ليقع على الارض لأن حوريه وضعت زيت علي الارض ..
مازن بألم:انتي عامله اي
حوريه :معملتش حاجه انت اللي فقري
ليحاول مازن القيام ولكن يقع مره اخري ..
مازن بمكر:ااه ضهري اتكسر ي ربي مش قادر
حوريه :انت بتهزر والا بتكلم بجد !
مازن بمكر:هو في الكلام ده هزار !
لتمد حوريه يدها له:طب هات ايدك معايا
ليقوم مازن ويحمل حوريه علي ذراعه: بقي انتي يطلع منك كل ده
حوريه بتوتر:مازن نزلني !
مازن :تؤ اخد حقي  الاول
حوريه:مازن بجد انا دايخه
مازن بقلق :في حاجه وجعاكي !
حوريه :عايزه ارتاح بس
ليضعها مازن علي سريرها:نامي يلا وارتاحي وانا هروح انام ف اوضه الاطفال ، تصبحي علي خير
____________ صلي علي محمد 😅💙
امام شركه عبد الحميد الشيطي ..
ينزل حسام من سيارته بعصبيه ..
حسام بعصبيه : انتي ي انسه خبطتي ف عربيتي من ورا،  طالما مبتعرفيش تسوقي بتركبي عربيات ليه !؟
لتنزل البنت من سيارتها: انت اللي ماشي براحه اعملك اي
ليتركها حسام ويذهب إلي سيارته: بنات مبتفهمش
لتأتي البنت امامه:ما تحترم نفسك ي كابتن ، انت مش عارف انا مين !
حسام بتريقه:لا معرفش مين السنيوره !
البنت :انا هناا الاسيوطي
حسام:محصليش الشرف
هنا:إنسان قليل الذوق
حسام:نعم !! اعتذري مني حالاا
هنا:انا مستحيل اعتذر من حد،  لتتركه ..
ليمسك بيدها حسام بعصبيه: بقولك اعتذري
لتسحب هنا يدها وتضربه علي وجهه ..، ليحمر وجه حسام بغضب،  لتذهب هنا من امامه بسرعه ..
حسام:تقعي في أيدي تاني وانا هوريكي
__________ انتهت😅