رصاصة عشق " مكتمله "

الحلقه السابعه والعشرون

سلسله" انتِ قلبي وانتَ نبضي😅💙
روايه_رصاصه عشق
بإسمي_Møny Abàs

باارت رقم "27"

ف منزل عائله الشيطي ..
عبدالله بحيره:انا مبقتش فاهم حاجه ازاي مازن طلق اختي وعمل معاها كده ورايح النادي يصلحلي مشاكلي هناك، معقوله يكون مازن مظلوم وفي حاجه غلط، بس مفيش اي سبب يخليه يعمل كده ! ما انا لازم افهم !!
ليحاول الاتصال علي مازن وبعد عده دقائق ..
مازن:السلام عليكم،  ازيك ي عبدالله
عبدالله: وعليكم السلام، الحمد لله، مازن انا عايز اقابلك واتكلم معاك
مازن:خير في حاجه ؟!
عبدالله:موضوع هكلمك فيه لما اشوفك !
مازن:تمام، نتقابل بكره في النادي بعد المغرب
عبدالله:تمام، مع السلامه
لتدخل عليه حوريه: ازيك ي عبدالله
عبدالله بإبتسامه:كويس طول ما انتي كويسه
حوريه:انا زعلانه علشان ماما اوي
عبدالله:شويه وقت وكل حاجه هتتحل
حوريه:روحت النادي !
عبدالله:ايوه روحت
حوريه:انت في حاجه مزعلاك حاسه انك مضايق
عبدالله:قلقان عليكي بس
لتدخل عليهم اسماء ...
اسماء بصرااخ:خيااااااانه
ليرميها عبدالله بالمخده: ي بت وقفتي قلبي
اسماء:قاعدين تحبوا في بعض ومحدش معبرني
عبدالله:ده انتي السكر بتاع البيت ي سمسمه
لتنام اسماء علي رجل اخيها: طالما كده هنام علي رجلك بقاا
عبدالله بإبتسامه:نامي ي ستي
اسماء : اي الكرم ده كله بتاع النهارده
عبدالله :اختي وروحي بقي اعمل اي
اسماء:كده هتغر في نفسي
حوريه:ربنا يديم فرحتكم
اسماء:عرفتي هتجيبي اي !
حوريه : لسه بدري علي ما اعرف !
اسماء:إحساس اني هبقي خالتو حلو اوي
عبدالله :خالتو هبله ان شاء الله
اسماء:بكره نشوف هتعمل اي مع النونو
عبدالله :هعمل اي ده انا هحبه اكتر واحد ف الدنيا علشان هيبقي ابن اختي وهجبله لعب وكل شويه هاخده وانا خارج ومش هسيبه لحوريه اصلا
لتدخل عليهم والدتهم ..
الام:أسماء انتي مش عليكي مذاكره بتعملي اي هناا ؟!
لتقوم اسماء من علي رجل اخيها وتتكلم بصوت واطي لا يسمعها غير عبدالله:كل واحد مضايق يطلع ضيقته علي الغلبانه اسماء
عبدالله:سبيها ي ماما تضحك معانا شويه
حوريه:ادخلي اقعدي معانا ي ماما
لتنظر لها والدتها دون ان تتكلم ..
ليقوم عبدالله بإدخالها ويقعدها بجانب حوريه ..
عبدالله:انتي عارفه حوريه اكتر مننا ي ماما وعارفه أنها ملهاش ذنب في طلاقها وانها خبت عليكي علشان انتي متزعليش !
اسماء:دي هتخليكي تيتا ي ماما وتجبلك بيبي يزهقك بقا
حوريه بدموع:انا اسفه ي ماما والله حقك عليا
لتحتضنها والدتها: انا خايفه عليكي ي قلب امك وزعلانه على اللي حصل معاكي ، بس ليه حصل الطلاق
حوريه بإرتباك: متفقناش سواا، وانا اللي طلبت الطلاق !
الام :وابنك اللي في بطنك !!
حوريه:هقوله بس لما يبقي في فرصه
اسماء:جوزوني ي جماعه علشان عايزه احس بالامومه زيها كده
عبدالله:اجوزك بس بشرط تقعدي معايا هناا، كفايه حوريه بعدت عننا
اسماء:علي قلبك مش هتحرك ي حبيبي، اي رايكوا نلعب
عبدالله:اشطا انا موافق ، يلااا
_____________ الحمد لله😅💙
ليأتي عليهم الصباح ويحمل معه المفاجآت ..
ف منزل عائله الحصري ..
اياد:طلع اي في السونار امبارح !!
هاجر بإبتسامه:هجيب بنوته ان شاء الله
اياد بفرحه:هتجبيلي بنوته حلوه زيك كداا
هاجر :هتيجي معايا بكره للدكتور !
اياد:طبعا هاجي معاكي، معلش مقدرتش اجي معاكي امبارح كنت مشغول في المستشفي
هاجر بإبتسامه: انا عارفه ومقدره
اياد:اي اللي مزعلك مش علي بعضك كداا
هاجر:انا زعلانه علشان حوريه اووي
اياد:ربنا هيفرحها ويعوضها عن اللي حصل خير
هاجر: اياد لو انت عارف حاجه قولهالي لأن الهدوء اللي اتكلمت معايا فيه المره اللي فاتت مش مطمني !
ليدور اياد بوجهه الناحيه الاخري : انا معرفش حاجه عنهم وملناش دعوه
هاجر :وحياتي عندك
اياد: اقولك كل حاجه بس متقوليش لحد ولا حتي لحوريه !!
هاجر :حاضر مش هقول
اياد :فاكره يوم ما اتشاكلنا بسبب الموضوع ده !
هاجر:ايوه فاكره
اياد:يومها انا كنت جاي من المستشفي مع مازن ..
فلاااش باااك..👇🏻
ف مستشفي الأدهمي
اياد بزعيق: انت اتجننت ازاي قدرت تعمل كده طلقت مراتك اللي بتحبها علشان شويه خوف !!!
مازن :كنت عايزني اعمل اي ؟!
اياد بزعيق وعصبيه: انت كده بتحميها يعني ! فكرك ان اللي عايز ياخدها ميقدرش ياخدها من بيت والدها ، انا عايز افهم انت دماغك فيها اي ! ما انا زيك اهو شوفتني سبت هاجر وطلقتها انا بردو خايف عليها بس مقدرش ابعدها عن عيني علشان اقدر احميها
مازن بهروب : انت جايلك ولد في الطريق لكن انا مفيش حد
اياد:انت عايز تقنعني انك واخد حوريه علشان تجيب عيال !؟ انا متأكد ان قلبك بيتحرق دلوقتي في بعدها وهتموت وتروح تشوفها بس بتكابر !، ساكت ليه ؟! ما ترد ي مازن
مازن بعصبيه : انا مش بحبها انا بعشقهاا ومقدرش اعيش في الدنيا دي من غير ابتسامتها وضحكتها اللي بترد روحي ، متعرفش انا قلبي كان محروق ازاي وانا شايفها منهاره وبتعيط بسببي حسيت قد اي انا حقير في اللي عملته فيها، حسستها انها متستهلش مع أنها تستاهل حياتي كلها ،عارف ي اياد انا فرحت لما بابا طردني من البيت لأني كنت هموت في اليوم الف مره وانا بفتكر ضحكتها ومواقفها في البيت
اياد:ارجع لمراتك ي مازن حرام عليك العذاب ده !!
مازن بزعل:مقدرش انا استحمل بعدها بس مستحملش انها تتاذي لازم احميها مش هخاطر بيها ابدا
------
هاجر بصدمه:يعني هو بيحبها !! اومال ليه طلقها واي اللي خايف منه !  وانت زيه في اي ! انا مش فاهمه حاجه
اياد :ما انا هقولك هو خايف من اي ! وكمان في حاجه تخصني عايز اعترفلك بيها
ليرن موبايل اياد معلنا اتصال ..
لينظر اياد لموبايله بقلق ..
اياد:هرد علي الموبايل واجيلك
_______________ استغفرك ربي واتوب اليك😅💙
ف منزل عائله الشيطي ..
الام:ما بلاش تروح النادي النهارده
عبدالله:عيزاني في حاجه يعني !
الام:لا بس مش عارفه مش عيزاك تروح
عبدالله : انا رايح اقابل واحد صاحبي بعد المغرب وهاجي علطول مش هقعد هناك
اسماء:عملالكم احلي كيك هتاكلوا ايدكم وراه من حلاوته
لياكل عبدالله منه:واو طعمه تحفه
اسماء :عجبك هعملك منه علطول
الام:ربنا يباركلي فيكم وافرح بيكم ي رب
ليقبل عبدالله يدها وراسها :ويباركلنا فيكي ي ست الكل
الام:قلبي راضي عليك ي ابني ليوم الدين
حوريه:انا راحه للدكتوره النهارده بتاعه الحمل
عبدالله:استني لما اجي من النادي علشان هروح معاكي
حوريه :ماشي ي حبيبي تروح وتيجي بالسلامه
ليقوم عبدالله:همشي انا بقاا
لتحتضنه اسماء بقوه:هتوحشني ي روحي
عبدالله بضحك:انتي بتطلعي فراغك العاطفي عليا والا اي ي بنتي انا اول مره اخرج والا يكون هخرج ومش هرجع تاني
الام:بعد الشر عليك ي حبيبي
اسماء:مش عارفه بس حسيت باني عايزه احضنك
عبدالله بإبتسامه:ماشي ي ستي، تعالي ي رورو انتي كمان بقي هاتي حضن
لتحتضنه حوريه:متتاخرش عليا وخلى بالك من نفسك
عبدالله :حاضر مع السلامه
____________ صلي علي محمد😅💙

في نادي"......."
عبدالله:السلام عليكم ازيك ي مازن
مازن:وعليكم السلام ، ازيك ي عبدالله
ليقعد عبدالله:الحمد لله ، انت ليه طلقت اختي ي مازن ؟!
ليتفاجئ مازن من سؤاله: انت عرفت !
عبدالله: انا كنت عارف من اول يوم اختي جات فيه عندنا مكسوره، ومكنتش أتوقع ان انت اللي تكسرها
مازن:محصلش بينا نصيب !
عبدالله:انا عايز افهم ازاي ده حصل ! واي اسبابك وي ريت بصراحه علشان انا عندي حقيقه تخصك انت متعرفهاش !
ليحكي له مازن كل شئ في قلبه ولم فعل ذلك ..
عبدالله بصدمه: ازاي ده !! وكان لازم حوريه تعرف !
مازن بسرعه : متقولهاش حاجه علشان خاطري انا خايف عليها
عبدالله:حوريه حامل منك ي مازن !
مازن بصدمه:حااامل ؟! يبقي ده الحاجه اللي كانت عايزه تقولهالي يومها !
ليرن موبايل مازن معلنا اتصال ..
مازن:هرد ثواني واجيلك
ليري عبدالله من يضع يده عليه .. لينظر خلفه
ليتلقي سكيناا في بطنه ..
ليلقي عبدالله بالدم من فمه بوجع: اااه
ليشد كريم السكينه بغل: اتوجع ومش هرحمك علشان تعرف مين هو كريم السيوفي !
ليضربه حسن في رجله بسكينا ااخر :ودي علشان زعلت ابن عمي
ليتركوه غارق في دمه ويجروا بعيدا عنه ..
ليتدحرج عبدالله بعض الشئ وهو يتخيل امه واخواته أمامه ..
عبدالله بوجع ودموع : اااه ياارب
ليقع علي الارض مغشياا عليه علي الفور
_____________ انتهت😅