رصاصة عشق " مكتمله "

الحلقه السابع عشر

سلسه" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs 

بااارت رقم"17"

بعد مرور شهر الامتحانات ..
في منزل عائله الشيطي  ..
حوريه بتعب:ياااه الواحد حاسس انه كان في سجن وافرج عنه
عبدالله:لسه هتدخلي سجن تاني بس مفيش منه خروج
حوريه بحب :ده احلي سجن بقاا
عبدالله بغيظ:بت  ،انتي فرحانه انك هتسيبينا
اسماء:دي يومين وهترجع مش هتستحمل اصلا
حوريه بضحك :بتغيروا من ميزو ليه مش عارفه
ليأخذها عبدالله في حضنه :بنغير اي انتي هبله ! انتي اختي وحته مني مش هاين عليا فراقك بحس بخنقه لما أتخيل اني ممكن اصحي في يوم ملقكيش هنا ونغلس علي بعض ونلعب واكسبك وتقعدي تجري ورايا وماما تيجي تزعقلنا ولما اكون مضايق وتضحكيني واما تكوني متغاظه مني وتقعدي تشديني من شعري حاجات كتير وذكريات مش هاين عليا فراقهم
أسماء :كده اعيط
عبدالله بتريقه:تعيطي ! ده انتي جبله ي سو
حوريه :انا بحبك جدا ي عبودي وانت اخويا وسندي وحبيبي حتى لو اتجوزت وسو بقي هتفضل معاك وتعوضك عني
اسماء:البيت ده كله اصلا ميقدرش يعيش من غيري
عبدالله:انا اقدر علفكره
اسماء:بكره اتجوز واسيبك
عبدالله :انا هسيبك الأول متخافيش
اسماء:لا ي بابا بالله ما انت متجوز قبلي
عبدالله :مش هتجوز اقعدي .. ما يمكن اسيبك بأي حاجه تانيه غير الجواز عادي
حوريه:اوعي تقول انك بتفكر في السفر تاني !!
عبدالله :لا مش هسافر
اسماء بضحك:انت شارب حاجه ي ابني
عبدالله :مش عارف بقي ده اللي جه في دماغي وقولته .. بقولكوا اي تعالوا نلعب
حوريه :شطرنج
اسماء:وربنا ما يحصل عبد الله بيكسبك كل مره وتنكدي علينا احنا
حوريه :خلاص صرااحه
عبدالله :يلاا هبدا
-------------------------استغفر الله😅💙
في منزل عائله الحصري ..
ينام اياد علي رجل هاجر ..
هاجر وهي تلعب في شعره :اياد !
اياد:ايوه ي روحي
هاجر بترقب:انت مخبي عليا حاجه !!
اياد بهدوء:ليه بتقولي كداا
هاجر :مش عارفه حاسه بكدا فسالتك
اياد بإبتسامه:متقلقيش من حاجه خالص ولا تفكري في حاجه انا عايزك تبقي قمر وحلوه في الفرح
لتقوم هاجر مسرعه الي الحمام ..
اياد بقلق:هاجر انتي اكيد فيكي حاجه !
هاجر بإبتسامه تعب:انا كويسه
اياد :لا والله ودلوقتي حالا هتكشفي
هاجر :مفيش داعي انا عارفه انا عندي اي
اياد بخوف:في اي قلقتيني !
لتمسك هاجر بيده لتضعها علي بطنها:في ضيف حلو هيشرفنا
اياد بغباء:مش فاهم يعني مالك !
هاجر بإبتسامه:ي ربي ! هتبقي بابا حلو
اياد بفرحه:قولي انك بتهزري .. انتي حامل
هاجر:ايوه عرفت وانا في الامتحانات وكنت عملهالك مفاجأه
ليحملها اياد ويلف بها بضحك وفرح:ي احلي حاجه في حياتي انا فرحان اوي هبقي اب وهجيب حته منك ي جوجو انا بحبك جدا عارفه انا هعمله كل حاجه حلوه هجيبله لعب وهدوم كتير وهعمله اوضه حلوه وسرير حلو وهلعب معاه علطول وهعلمه المشي وهوديه احسن مدارس وكمان اناا
لتضحك هاجر:خلاص اهدي  ،ونزلني بقي علشان دوخت
اياد:انزلك اي انتي هتفضلي في حضني كده
هاجر بإبتسامه:لازم اظبط نفسي علشان حوريه حنتها بكره
اياد:ده مازن هيولع لما بعرف اني هخلف قبله
هاجر:نزلني بقاا
ليمسكها اياد من خدها:خلاص هتنازل بس شويه صغنين
هاجر بضحك:ماشي ي روحي
------------------------الحمد لله😅💙
في منزل عائله الشيطي ..
مازن :ي ابني عايز اشوف مراتي
عبدالله:لسه مش مراتك مليش دعوه
مازن:ما تقولي حاجه ي حماتي
والده حوريه بضحك:حرام عليك ي عبدالله دخله لمراته
عبدالله :مش كفايه هياخدها بقيت العمر اي رأيك ي ماما نفض الموضوع ده
مازن:تفض اي هي كوسه والله اخطفها
لتخرج حوريه:اي ده مازن جيت امته
مازن :أخيرا خرجتي تعالي في حضني بقا
ليقف عبدالله بينهم:حضن مين ي كابتن ادخلي ي حوريه احنا فضينا الموضوع
مازن:والله لو عدوي ما هتبقي كداا
والده حوريه بضحك:بيغير منك علي اخته ي مازن
حوريه بضحك:انت بتغير ي بودي
مازن :طب حضن صغير
عبدالله بتحذير:هفضهااا !!!
مازن :ي ساتر عليك ،وعلي اي انا ماشي وهجيلك بكره نعمل زي ما اتفقنا
----------------------لا اله الا الله😅💙
في صباح يوم جديد ..
في منزل عائله الشيطي ..
رحمه بفرحه:مش مصدقه ان فرح اخويا بكره دي احلي فرحه
هاجر :اقولكوا فرحه كمان انا كام شهر وهيشرف شخص جديد حياتنا
حوريه بتنطيط وفرح:هييه هتجيبي نونو العب بيه
مريم :وانا هبقي عمتوو
لتحتضنها رحمه:ربنا يفرحك كمان واشوفك ارنبه كده
هاجر :ارنبه اي هما اتنين كفايه اوي
اسماء:مبروك ي هاجر
زينه :ربنا يجعله خير الذريه
لتدخل والده حوريه :ازيكوا ي بناات
رحمه:بقولك اي ي طنط عايزين حاجه نطبل عليها ونرقص واتجمعوا كلكوا بقاا
حوريه بضحك:والله انتي هبله
ليتجمعوا كلهم ..
اسماء:يلا ي جماعه سقفوا بقاا
هاجر:انا هبدا وهغني .. يلا ي أسماء طبلي
يا منجد ع المرتبه .. عروستنا حلوه مؤدبه .. واعمل حساب الشقلبه
هو اللي جانا لوحده .. ومحدش فينا راحله
وهيصه هيصه .. هيصه .. عند العروسه .. هيصه
تقعد جاره والده حوريه بجانب زينه:بقولك ي حلوه تعرفي البنت اللي بتغني وترقص دي
زينه بإبتسامه:دي صاحبه اختي
جاره والده حوريه:ما شاء الله زي العسل ممكن تقوليلها علي ابني اخدها ليه يعني
لتحاول مريم كتم ضحكتها:حضرتك دي مراه اخويا
جاره والده حوريه :دي متجوزه !! دي باين عليها صغيره ملهاش نصيب مع ابني بقي
لتهمس مريم لزينه:لو اياد سمع الكلام ده مش هيبقي فرح ده هيبقي عزاا
زينه بضحك:عدي الليله علي خير