رصاصة عشق " مكتمله "

الحلقه السادسه والثلاثون

سلسله" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs

بااارت رقم "36"

ف كليه الفنون الجميله
تقعد اسماء مع صديقتها ساره، ليأتي عليهم زين بإبتسامه..
زين:ممكن دقيقه ي اسماء !
لتقف اسماء معه:خير ي استاذ زين
زين:ده الكشكول اللي قولتلك عليه ي ريت يعجبك
لتأخذ اسماء الكشكول منه: ان شاءالله هيكون حلو
زين بإبتسامه:اكيد هيبقي حلو زي اللي هتقرأه
اسماء بخجل وارتباك: شكرا، بعد اذنك
ليذهب زين ويتركهم..
ساره :ما شاء الله اتطورنا اهو وكنت لما اجي اتكلم عليه قدامك تقوليله كده عيب ي ساره
اسماء بإرتباك: هو بس مجرد كشكول والله
لتلوي ساره فمها:اه ما انا واخده بالي
------------------- استغفر الله😅💙
ف منزل عائله الحصري..
الجده:والعريس ده حلو ي اياد !
اياد:هو الصراحه حلو جدا ومحترم ودكتور
الجده:وانتي اي رأيك ي مريم!
مريم بخجل:اللي يشوفه اياد طبعا
لتضحك هاجر عليها وهي تقلدها:اللي يشوفه اياد طبعا ،
هاجر:بتكثفي ي بيضه
لتضربها مريم:اتلمي وخليكي ف بنتك
ليحمل اياد ابنته:حبيبه قلب بابا ي ليلو ، سيبك من عمتو الوحشه دي
هاجر:اللي يشوفك الوقتي ميشوفكش بليل وانت مش عايز تاخدها
اياد بصدمه مصطنعه:انا ي جوجو ،اخص عليكي ده انا ببقي نايم ي حبيبتي ومش واخد بالي
لتلوي هاجر فمها:ي سلام ظلمااك انااا
لتضحك الجده عليهم: انتوا ازاي اب وام وبتشاكلوا زي الاطفال كده
هاجر:لااا انا لسه صغيره هو اللي كبر وشاااب
لتضحك مريم كثيرا:شااب ، انت هبتك ضاعت خلاص ي اياد
اياد:انا غلطان اني قاعد معاكم اصلا انا هاخد بنتي وادخل جواا
ليقوم ويتركهم..
هاجر بضحك:استني بس ي دودي، عاجبك كده ي مريم اهو زعل
الجده:قومي بسرعه ورا جوزك وراضيه
هاجر بإبتسامه:حاضر
لتدخل هاجر عليه..
هاجر:اي ي دودي انت زعلت
اياد:ما تخليكي بره تكملي مسخره علياا
هاجر:ده انت زعلت بجد بقا، لا انا مليش حق والله ده انت شبابي وعسل وبغير عليك من ممرضات المستشفي كمان
ليشدها اياد الي حضنه: بتغيري عليا
هاجر بإبتسامه:طبعا مش جوزي حبيبي
اياد:انا مبزعلش منك اصلا علشان انتي روحي ومحدش يقدر يعيش من غير روحه
هاجر بإبتسامه:انت حبيبي ي دودي والله مقدرش علي زعلك
لتبكي بنتهما بصوت عالي..
اياد بغيظ:البنت دي لا يمكن تكون بتحبني ابدا، دي بتقطع عليا احلي لحظات يومي
لتضحك هاجر وهي تحمل ابنتها: بس ي اياد دي حبيبه ماما
----------------- الحمد لله😅💙
ف منزل عائله الالفي..
مازن بقلق:تعالي نروح لدكتور انا قلقان عليكي
حوريه بتعب: انا كويسه صدقني قوم روح شغلك
مازن:لا مش هروح لمكان واسيبك لوحدك
حوريه:متقلقش ي حبيبي رحمه معايا
لتدخل عليهم رحمه:ادي ي ست رورو شربه الخضار علشان تتغذي
حوريه بتعب:شوفت رحمه معايا اهو، روح انت شغلك
مازن بقلق :رحمه لو حصل اي حاجه او تعبت ترني عليا
رحمه:حاضر ي حبيبي
مازن:انا ممكن ارن علي اياد يروح بدالي واقعد معاكي
حوريه:مازن علشان خاطري قوم ي حبيبي يلا روح شغلك
ليقف مازن:انا همشي بس لو تعبتي ترني عليا
حوريه بإبتسامه تعب: حاضر
ليخرج مازن ويتركهم..
رحمه بعتاب:علفكره المفروض يعرف ومتخبيش عليه
حوريه:مش عايزه اقلقه واتعبه وهو قلقان لوحده اصلا
رحمه:طب يلا تاكلي  علشان تاخدي علاجك وانا جمبك اهو
حوريه:حااضر
-------------------- صلي ع محمد😅💙
بعد عده اياام لا يوجد فيها جديد..
ف منزل عائله الشيطي..
تقعد اسماء علي موبايلها تتحدث مع زين بسعاده ف بعد ان اعطاها كشكوله وسألها عن رأيها وجاوبته وبدون شعور منهم زاد الكلام بينهم بدون ان يراهم احد وهو لا يعلمون ان هناك رب يتطلع عليهم..
أسماء : بجد انت انسان جميل ي زين
زين :من بعض ما عندكم ي اخت
اسماء بضحك:طب براحه ي عم شويه
زين:تعرفي كان نفسي ف اخت تبقي معايا كده لان هاجر اتجوزت وخلفت كمان ومكنتش قريبه مني بس بعد ما عرفتك حبيبت الدنيا من جديد
اسماء وهي تتذكر اخيها: انا كان عبدالله ابويا واخويا وصاحبي وكنت بحكيله اي حاجه تزعلني بس موته وجعني اووي
زين: ربنا يرحمه هو كان صاحبي جدع وطيب وربنا اخد حقه
اسماء:ي رب ي زين
زين:طب يلا قومي ذاكري ي ماما انت عايزك تجيبي تقدير
اسماء :حاضر ، سلاام
لتقفل معه..
اسماءلنفسها: ي تري اي اللي هيحصل بينا ي زين انا عارفه ان تعارفنا ده غلط ، بس انا حاسه اني بتعلق بيك وانك بتعوضني عن عبدالله اخويا ومش عارفه اعمل اي
ف مكان اخر عند زين..
يقعد في صراع ما بين قلبه وعقله ، فقلبه يحاول ان يصدق انها بريئه وطيبه ولكن عقله يرفض ذلك وبشده..
صديق زين ويدعي حسن: اي ي عم الموزه بتاعتك اي الاخبار
زين بخنقه :ما تحترم نفسك ي حسن
حسن:اي ده زين باشا غيران وحب والا اي
زين:لا طبعاا انت عارف انا مبعترفش بالحب ده بس بردو هي بنت
حسن:ولما هي بنت وخايف عليها كنت بتقولي عليها ليه !!
زين بخنقه:كنت باخد رأيك ي عم وخلاص خلصنااا
حسن: وهتعمل اي ف الكلام اللي اتقالك عليها
زين:مش عااارف
حسن :بس هي كلمتك معني كده انها فعلا شمااال
لينظر زين امامه ف الفراغ ويصمت...
حسن بخبث: خد اشرب وروق دمك
لياخذ منه زين ويشرب بكثره..
ليقوم حسن بعيدا عنه ويتكلم ف موبايله
حسن:كله تمام ي ستي وهظبطهولك هو صاحبي وانا عارفه والبت دي مش هتطلع من تحت ايد زين الادهمي الا بدماار
------------------ لا حول ولا قوه الا بالله😅💙
ف مستشفي الادهمي..
اياد:مالك ي صاحبي بعد ما فرحت تاني برجوع مراتك قاعد مهموم ليه
مازن بخوف وقلق: حوريه تعبانه اووي وانا خايف عليها من ساعه كلام الدكتور ، ليكمل بضعف  ودموع .. ،انا مش عايز اخسرها ي اياد مقدرش اعيش من غيرها وكمان قلبي مقبوض من الصبح مش عارف ليه
اياد:اجمد كده ي راجل متقلقش والله ربنا هيفضل معاها وتقوم بالسلامه وتجبلنا مازن الصغير
مازن بضحك :والله ما خايف علي ابني غير منك
اياد:عيب عليك ي جدع ده هيبقي تربيه عمو اياد
مازن:يبقي عليا العوض ،صحيح بنتك عامله اي
اياد بإبتسامه:دي مزهقاني ي جدع كل شويه تعيط
مازن:ربنا يباركلك فيها ابقي هاتها معاك اشوفها
اياد بإبتسامه:حاضر ي سيدي
ليرن موبايل مازن معلنا اتصال..
مازن بقلق:رحمه بترن علياا
اياد:ي عم رد في اي متقلقش وتوتر نفسك كداا
ليفتح مازن الخط..
مازن:ايوه ي رحمه
رحمه ببكاء:الحقني ي مازن
ليقف مازن بخوف:في اي ! حوريه تعبت جرالها حاجه ؟ انطقي
رحمه بصوت متقطع من البكاء: انا نزلت تحت اشوف بابا وبعدين طلعت ملقتهاش بس لقيت علي السرير مكانها دم
مازن بصدمه:مش لقياها ومكانها دم
------------------- استغفرك ربي واتوب اليك 😅💙
ف منزل عائله الادهمي..
الام بفرحه:الحمد لله علي سلامتك ي حازم
ليحتضنها حازم:وحشتيني اووي والله ي ماما
سلمي:ابعد بقي عايزه اسلم علي ماما حبيبتي
الام:تعالي ي بنتي والله وحشتيني
سلمي بإبتسامه: وانتي كمان
الام: دي هاجر هتفرح اوي كانت بتسألني عليكم
حازم بحب:ده انا عايز اشوفها واشوف حفيده العيله ست ليلو
ليخرج زين من غرفته ليري حازم رجع من سفره..
زين بإستغراب:حازم !! رجعت امته
حازم بإبتسامه:لسه دلوقتي عامل اي ي كوتش
زين : كويس ، معلش انا خارج لما اجي هقعد معاك
ليتركهم زين ويخرج..
الام:مقولتش ليه ي حبيبي انك جاي كنت خليت حد يقابلك
حازم:مكنتش عامل حسابي انزل والله الا لما صهيب كلمني !
الام بإستغراب:ليه في حاجه والا اي !! 
حازم بتوتر:انا مش عارف اقولك ازاي، بس هو قدر ربنا قبل اي شيء
الام بقلق:في اي ي حازم قلقتني
حازم بزعل:بابا جاله شلل نصفي ي ماما
---------------- انتهت🌸
ي تري اي اللي حصل لحوريه وراحت فين ؟؟
واي رد فعل ام حازم واي اللي هيحصل معاهم ؟
ومين دي اللي عايزه تدمر اسماء علي ايد زين ؟؟