رصاصة عشق " مكتمله "

الحلقه التاسع عشر

سلسله" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs 

بااارت رقم "19"

-لينتبهوا جميعا لصوت أحد ما ويروا بقع حمراء تقع امام أعينهم لينظروا لذلك بصدمه ..
ليروا عبدالله وهو ينزل عليهم بقع من الورد الأحمر والياسمين
حوريه بفرحه :ي احلى واحن أخ في الدنيا
مازن بإبتسامه:تشكر ي ابو نسب
عبد الله بضحكه:عد الجمايل ي مازن
ليحتضن عبدالله اخته ويرقص معها بعضا من الوقت ثم يخرج مع مازن..
ليطلعوا أصدقاء حوريه إليها ..
هاجر :بجد فرح يجنن وعروسه زي العسل
مريم:رومانسيه تجنن
رحمه:اول مره اشوف اخويا بيغني علفكره
حوريه بفخر مصطنع:طبعا انا غيرت كل قواعده
لتأتي عليهم بسمه بإبتسامه مزيفه:مبروك ي دكتوره حوريه !
حوريه:الله يبارك فيكي عقبالك يااا .. اي .. انسه اي !!
بسمه بغيظ:دكتوره بسمه
حوريه:عقبالك ي انسه بسمه !
بسمه:دكتور مازن بيعرف يغني اهو مكنش باين عليه قبل كده خالص
حوريه بإبتسامه:طبعا معايا كل حاجه اتغيرت ربنا يباركلي فيه ،عقبال ما ربنا يرزقك بواحد كويس زي مازن مع اني أعتقد ان مش هتلاقي زيه اصل مازن شخص واحد بس
لتتركها بسمه بغيظ وتذهب ..
لتضحك هاجر عليها :جامده ي رورو
مريم:شكلها مش سهله علفكره خدي بالك منهاا
حوريه :ولا يتهزلي شعره
اسماء:احنا هنقضيها كلام يلا نرقص ونهيص
ليرقصوا بفرح وسعاده ولكن فرح اسلامي كما يحبه الله لذلك عم عليهم الفرح والسعاده برضا الله عزوجل
وبعد وقت كبير انتهي فرح العروسين ..!
والده حوريه:هتوحشيني ي قلب امك هروح ازاي من غيرك
أسماء :خلاص بقي ي ماما .. تعالي ي رورو هاتي حضن كبير
حوريه:خلي بالك من نفسك ومتتزعقيش مع عبدالله ده هو اخونا الوحيد
لترفع اسماء حاجبها : حتي وانتي ماشيه بتوصي علي عبد الله ده انا اللي غلبانه والله
حوريه :عبدالله طيب وحنين انا عرفاه
ليحتضنها والدها:مع السلامه ي حبيبه قلبى احنا دايما جمبك وخلي بالك من مازن هو بيحبك .. حافظي على بيتك
حوريه:حاضر ي بابا .. مش هتسلم عليا ي عبدالله !!
عبدالله بزعل:ما انتي هتسبينا وتمشي ومازن هياخدك مني !
حوريه :لو عايزنى مروحش همشي معاك
مازن بسرعه:صلوا على النبي ي جماعه تروحي فين بس ي  حوريه ، هو انا حظي مايل كده !
عبدالله بتحذير:عارف لو زعلتها هعمل فيك اي !!
مازن :متخافش هي ف امان .. يلا ي رورو
حوريه :مع السلاامه
-ليذهبوا الي عش الزوجيه ..
مازن :استني راحه  فين !!
حوريه بإستغراب:هدخل !
ليحملها مازن على ذراعه بإبتسامه:كده ممكن أفكر انك تدخلي
ثم يدخل بها مازن وينزلها  :يلا ي روحي نصلي الأول انا داخل اتوضي
- ثم يأتي عليها مازن ليراها بإسدالها الجميل ليبتسم لها ثم يبدأ في الصلاه لتبكي حوريه من خشوع صوته في تلاوه القرآن .. لينهي صلاته ويرفع يده داعيا " اللهم ي رب ان هذا اول يوم ف بيتنا وحياتنا معا فاكتب لنا فيه الرضا والفرح ولا تجعل للفراق طريقا إلينا اللهم اكتب لنا السعاده والذريه الصالحه واجعل حياتنا سعاده ونعيم برضاك ي ارحم الراحمين" لتأمن حوريه وراءه
ليلتفت لها مازن واضعا يده علي جبينها"اللهم اني أسألك من خيرها ومن خير ما جبلت عليه وأعوذ بك من شرها ومن شر ما جبلت عليه "
مازن بإبتسامه:مبارك عليكي ي روح قلبي
حوريه:انا جعااانه
ليكشر مازن وجهه:جعانه !! ده وقته
حوريه ببراءه:والله بجد جعانه اوي
ليمسك مازن يدها:يلا ي ستي تعالي ناكل
ليبدأو ف الاكل ..
مازن :اكل مامتك حلو اوي علفكره
حوريه :طبعا وحلويتها تحفه
مازن :وانتي بقي بتعرفي تطبخي !
حوريه:نص نص كده مش اوي بس بعرف اعمل حلويات
مازن بمشاغبه:بالله انتي اللي حلويات ي قشطه
لتخجل حوريه ولم ترد عليه ..
مازن :مش كفايه اكل
لتبلع حوريه بصعوبه:هااا .. لااا .. قصدي ايوه كفايه
ليحملها مازن علي كتفه:انتي خفيفه كده ليه !...  يلا غمضي عينك وقولي سيبت نفسي ليك ي ميزو
--------------------------الحمد لله😅💙
في منزل اياد الحصري ..
هاجر بتعب:الفرح كان جميل جدااا بس الواحد تعب
اياد:ربنا يسعدهم ،وبعدين تعاليلي هناا انا مش قولت مفيش رقص !!
هاجر بضحك:مقدرتش امسك نفسي
اياد:ماشي ي مغلباني ،ليكمل بقلق:حابه ترجعي للدكتور حمزه !
هاجر:ايوه علشان اخلص علاج وانهي الصفحه دي من حياتي !
اياد بحب ليمسك يدها:انا جمبك عمري ما هسيبك
هاجر:انا متأكده.. بقولك اي انا عايزه انام لأني حاسه بإرهاق
ليحملها اياد:تعالي ي روحي ارتاحي
ليضعها علي سريرها ويغني لها حتي تنام ..
اياد في نفسه"ي رب قدرني اني احميها من اي حد ، دي فرحه قلبي مقدرش اعيش من غيرها ،مقدرش أقولها اللي بعمله بس علشان بحبها "
---------------------لا حول ولا قوه الا بالله😅💙
في صباح يوم جديد مشرق ..
في منزل مازن الشيطي ..
فتحت عينيها بإرتياح وتكاسل فتفاجئت بعدم وجودها ف غرفتها التي اعتادت عليها ولكنها تذكرت  أنها تزوجت وانتقلت إلى منزل زوجها فابتسمت بفرحه وسمعت صوت الغرفه وهو يفتح ..
مازن بإبتسامه:صباح القشطه ي قشطه
حوريه :صباح النور ي مازن
مازن:يلا بقي خدي دش حلو وتعالي علشان عاملك فطار حلو
حوريه:مكنتش اعرف ان ده في الواقع كنت مفكراه في الأحلام بس
مازن:اقعدي اتكلمي بقي وانا هاكل لوحدي ومش هتاكلي من اكل ميزو
حوريه:لاااا طياره واجيلك
ليضحك مازن عليها ..
وبعد قليل من الوقت ..
حوريه:مكنتش اعرف انك طباخ حلو كداا
مازن بغرور مصطنع:طول عمري رحمه بتشكر في اكلي بس بلاش تسأليها ،وعلفكره هما شويه القهوه والفطار اللي بعرف اعملهم
حوريه:هعلمك اناا
مازن:مش لما تعرفي الاول
حوريه:هتعلم كل حاجه وعد
مازن :ادينا مع بعض اهو
-----------------سبحان الله😅💙
في منزل عائله الأدهمي ..
حازم:بابا لو سمحت فكرت في موضوعي !
احمد:موضوع اي ؟!
حازم:الجواز ي بابا !
احمد بهدوء:هشوفلك بنت مناسبه واقولك
حازم:بابا انا مش عيل صغير ولا بنت علشان تغصبني انا هتجوز البنت اللي بحبها مش غيرها !
احمد بهدوء:وانا قولت البنت دي مش مناسبه
حازم برجاء:لو سمحت ي بابا علشان خاطري انا بحبها وصدقني هي كويسه واهلها كويسين جدا وهتشوف ده بنفسك بس علشان خاطري فكر مره واحده
احمد :انت عرفتها منين !!؟
حازم ببعض الفرحه :أخوها بيشتغل ف شركه عمو عبدالحميد وفي يوم جاتله اخته سلمي وكان والدها تعبان ومحتاج عمليه قلب وانا ساعدتهم وخليته يعملها في المستشفي بتاعتنا ومن وقتها وانا واخوها اكرم اصحاب
ليقف احمد بزعيق:المستشفي بتاعتنا !!
حضرتك ناسي أنها مستشفي الدكتور احمد الادهمي ومش اي متسول يدخل ويخرج فيها بمزاجه !
حازم بصدمه:اي ي بابا الكلام اللي حضرتك بتقوله ده ،هي مستشفي علشان نساعد المرضي مش صفقه وفلوس !
احمد:الكلام ده يخصك انت مش يخصني وبعد كده تستأذن مني الأول قبل ما تعمل حاجه من دماغك ، وجواز من البنت دي مفيش ، كلامي مفهوم !!!
حازم :لااا اسف لحضرتك بس انا هتجوزها سواء رضيت او لااا
احمد:يبقي انسي انك ابني وانسي العربيه والفلوس
حازم :حضرتك بتهددني ي بابا !!؟
تمام .. انا هخرج من البيت ده ومش راجع تاني وعلشان تبقي عارف انا عمري ما الفلوس والعربيه كانوا من تفكيري انا تفكيري انضج من كده بكتير لأني واحد بدور علي الراحه والسعاده ورضا ربنا مش الفلوس إطلاقا !! وقت ما تخسر كل الفلوس دي ساعتها هتكون خسرتنا احنا كمان بعد اذنك !
لتأتي والدته بعد ان سمعت آخر كلام حازم :حازم انت هتمشي وتسيب البيت !
حازم :اسف ي امي بس معدش ينفع اقعد ف البيت اكتر من كداا
الام بدموع:علشان خاطري ي ابني خليك متمشيش
ليقبل حازم رأسها:انا هكون دايما جمبك بس صدقيني قعدتي في البيت مش هتنفع بعد اذنك ي ماما لا اله الا الله
لتقعد الام تبكي على حال ابنها:قوله ي احمد يرجع وجوزهاله ،ابني هيروح مني
احمد:هو حر محدش قاله يمشي مع الف سلاامه
ليدخل عليهم زين بإستغراب:هو في اي بيحصل هناا !! حازم طالع متعصب وماما هنا بتعيط !!
الام ببكاء:اخوك مشي ومعدش راجع تاني
زين بصدمه:نعم !! واي السبب !!!
احمد:اللي مش عاجبه نظام البيت ده يتفضل الباب موجود ! ،وانت كنت فين ي استاذ
زين:هاجر حامل ي بابا وكنت عندها في البيت
الام بفرحه في وسط دموعها:اللهم لك الحمد ربنا يعوضك ي بنتي
زين :حضرتك مش فرحان لهاجر ي بابا !!
احمد :ربنا يسعدها بعد اذنكم انا خارج
ليأخذ زين والدته في حضنه:متزعليش ي ماما اكيد حازم هيرجع
الام بدموع:ي رب ي ابني
------------------صلي علي محمد 😅💙
ف منزل عائله الحصري..
يقعد هاجر واياد علي مائده الإفطار ليرن جرس الباب ..
هاجر بإستغراب:مين جاي بدري كداا !!
اياد:هقوم اشوف
ليفتح الباب ليتفاجئ بمريم وهي ف حاله قلق كبير ..
اياد:في اي ي مريم !!
مريم بقلق:جدتنا جات من الغردقه !
ااياد بصدمه :اي !!!!
مريم:مش وقت صدمه هي جات وسألت عليك قولتلها انك هنا بتعمل حاجه ،قولي هنتصرف ازاي !!
اياد بهدوء:هقولها حقيقه جوازي عادي جدااا
هاجر:في اي ي اياد !! وجدتك مين ؟! وليه مخبي جوازنا ؟!
اياد :موضوع هحكهولك بعدين المهم البسي علشان هننزل تحت
وبعد قليل من الوقت ..
اياد:السلام عليكم ، ازيك ي جدتي
الجده:حفيدي،تعال ي حبيبي وحشتني
ليحتضنها اياد بإبتسامه:وانتي كمان وحشتيني
الجده بإستغراب:مين البنت اللي واقفه دي !!
اياد بهدوء:مراتي وام ابني اللي جاي
لتقف الجده بصدمه:مراتك؟! ده علي جثتي !!
----------------انتهت 😅
ي تري اياد مخبي اي علي هاجر ؟!!
واي اللي هيحصل مع حازم !!
ومين جده اياد واي حكايتها ؟!!