رصاصة عشق " مكتمله "

الحلقه الرابعه عشر

سلسله" انتِ قلبي وانتَ نبضي"
رواية_رصاصة عشق
بإسمي_Møny  Abàs

حلقه رقم "14"

-في منزل عائله الحصري..
اياد :اي ي جوجو قعدتي هنا ليه مش هتنامي !!
هاجر:تؤ ..تعالي اقعد معايا شويه
اياد بإبتسامه:قعدت ي ستي هاا مالك بقاا
هاجربحب :اياد !!
اياد:هاا سامعك
هاجر بحب:انا بحبك اووي اووي ي اياد
اياد بصدمه :هاا.. قولتي اي
هاجر:بحبك ي اياد ..انا حبيتك من طيبه قلبك معايا فضلت صابر عليا شهر بحاله ومطلبتش اي حاجه مع انه حقك بس انت مصعبتش حاجه عليا .. بتحبنى وبتحترمني وعمرك ما زعلتني ،دايما بتدور ع اللي بيفرحني وتعمله بتحتويني وحنين علياا انت الوحيد اللي طلعت بيه من الدنيا دي ي اياد ببقي مطمنه معاك وهفضل احبك لآخر نفس فياا
اياد بفرحه:انا عمري ما كنت فرحان قد اللحظه دي
هاجر:اوعدك انك هتشوف الفرحه معايا
اياد بحب:وانا معاكي مش محتاج حاجه غير وجودك وضحكتك الحلوه ونفسي اجيب منك بنوته زي القمر شبهك
هاجر:وانا موافقه
اياد بفرحه : بجد !!!
هاجر بحب : اهاا
-ليبدأو حياتهم الزوجيه بحب وحنان بينهم ..
-----------------------------استغفر الله😅💙
بتفرق جداا لما توفي بوعدك لما تهتم بإهتمامات اللي حواليك مهما كانت طريقه تفكيره ممكن ساعتها يشيلك زي التاج ع رأسه اهتموا باللي يخصوكم ي جدعاان قدروهم الحاجات التافهه في نظرنا دي هي اللي بتزيد العلاقه صلابه وتسندها الاوضه شكلها ممكن يحلو لو حطيت فيها برواز مثلا اللمسات البسيطه هي اللي بتعمل بصمه وطابع ملفت ميروحش من القلوب البوسه ع الراس بتنسي الشقي وتمسحه باستيكه حبوا بعض وتبتوا😻💙
-------------------------استغفر الله😅💙
في منزل عائله الألفي..
مازن بصلابه :بس انا مش موافق
صهيب بصدمه:مش موافق
مصطفي:مش موافق ليه ي مازن !!
ليقعد مازن:خايف عليه من رحمه اختي
ليضربه صهيب:حرام عليك وقفت قلبي
ليضحك مازن:كنت شاكك فيك واتأكدت لما كنا وقت الخطف وإسلام قال انك بتحبها
صهيب:متفكرنيش كنت هموت من الاحراج ،عموماا انا هستني رأيكم
مصطفي:استني اتصال لما نشوف رحمه
صهيب بإبتسامه :تماام ..يلا سلام عليكم
--------------------------الحمد لله😅💙
في صباح اليوم التاالي ..
-في منزل عائله الشيطي
..علي مائده الإفطار ..تقف أسماء تشرب قهوتها..
الام:ما تقعدي ي بنتي تأكلي اي حاجه
أسماء بإستعجال:اتأخرت جدا ع الدرس يلا سلام عليكم
الام:ربنا ينورها ف طريقك ي بنتي
عبدالحميد:حوريه حاولي تشوفي لو حاجه نقصاكي الوقتي عشان الإمتحانات هتشغلك
حوريه:هتفق مع مازن نجيب الفستان والبدله
عبدالله:هتبقي عروسه ي رورو ونخلص منك
الام بدموع:دي على عيني والله أنها هتمشي وتسبنا
عبدالحميد:هتنسينا ي حوريه
حوريه ببكاء:اخص عليك ي بابا،والله ارن ع مازن واقوله مش هتجوز ! وافضل معاكم هنا
عبدالله:في اي ي جماعه استهدوا بالله انتوا فرح وحزن تعيطوا .. ليحتضن حوريه ..دي حبيبه أخوها هتبقي احلي عروسه
عبدالحميد :دي احلى عروسه شافتها عيني
حوريه:ربنا يباركلي فيك ي بابا
------------------------صلي علي نبينا😅💙
في منزل صهيب المنوفي ..
يقعد ع سجادته بعد أن انهي صلاته داعيا:ي رب حنن قلبها عليا انا جتلك لما حبيتها وصبرت مده كبيره اوي لحد ما جبرت قلبي ولما قالوا أنها ماتت جتلك ي رب تطيب بخاطري ورجعتها والوقتي ي رب جايلك وطالب تجبر قلبي بموافقتها عليا وتحببها فيا زي ما حببتني فيها
-----------------------في منزل عائله الأدهمي ...
حازم :بابا  انا قررت اخطب !
الدكتور أحمد بفرحه:بجد ومستني اي
حازم:مش عايز تعرف عنها اي حاجه !!
الدكتور احمد:قول ابوها مين وانا اكيد هعرف علطول ..هو بيشتغل اي !!
حازم :هي باباها ..ليكمل بقلق ..باباها فاتح بقاله وراجل علي قد حاله
الدكتور أحمد بزعيق:بقاله !!وجاي تكلم بقلب جامد
حازم:بس انا بحبها ي بابا
الدكتور احمد:مفيش حاجه اسمها حب ،انا هجبلك واحده من بنات اصحابي
حازم بقوه:بس انا مش هتجوز غيرها
الدكتور أحمد بزعيق:ولد !! انت بتعلي صوتك عليا عشان حته بنت لا راحت ولا جات ابوها فاتح بقاله
حازم :وفيها اي ي بابا ما هي انسانه زينا وهي كويسه ومحترمه اوي والله وأهلها ناس محترمين وكمان معاها كليه تربيه رياضيه !!
الدكتور أحمد :انا قولت لا يبقي خلاص
ليقف حازم بزعيق :وانا مش هتجوز غيرها ولو موافقتش هتجوزها لوحدي ..انا خارج
الدكتور أحمد :مع الف سلامه
----------------------------لا اله الا الله😅💙
في منزل عائله الحصري ..
يفيق اياد من نومه ليري هاجر ما زالت نائمه لينظر إلي وجهها ويبتسم..ثم يقبلها علي جبينها ويقوم..وبعد قليل تفيق هاجر ..اي ده فين اياد !!
ليدخل عليها اياد:احلى فطار لاحلى عروسه
هاجر بضحكه:تاعب نفسك ليه
اياد:تعبك راحه ي ست البنات،افطري كده براحتك واعملي حسابك عشان نخرج تجيبي فستان حلو زيك كده تلبسيه في فرح صاحبتك عشان عايزين نفوق لمذاكرتنا وامتحاناتنا بقاا
هاجر بابتسامه:حاضر
اياد :انا نازل اشوف ميرو عشان تعمل حسابها
هاجر :ماشي ي حبيبي
اياد بابتسامه:تصدقي هتوحشيني الدقيقتين دول !
هاجر بكسوف:طب يلا انزل بقا
اياد:طياره واجيلك ي قلبي
------------------------الحمد لله😅💙
في منزل عائله الشيطي ..يرن جرس بابهم..
عبدالله:مازن اتفضل ومعاك الجماعه كمان
مازن :ابو نسب،فين رورو
عبدالله:تقصد جوليت،جوه في اوضتها تعالوا اتفضلوا
-ليدخلوا جميعا
والده حوريه بابتسامه:اهلا اي النور  ده نورتوني والله
زينه:ده نور حضرتك ي طنط
رحمه:اومال فين عروستنا الحلوه
حوريه:انا اهو ..ازيك ي رحومه ..ازيك ي زينه ..عائش وحشتيني
عائشه:وانتي كمان ي طنط
حوريه:ازيك ي جوو
يوسف:الحمد لله ..ازيك ي طنط
مازن:ومفيش ازيك  ي جوزي ي حبيبي وكأني بصله قاعد
عبدالله :متقولش كده ي مازن البصل غالي خليك جزر
حوريه بضحك:بس ي عبدالله،ازيك ي مازن
ليلوي مازن فمه:بعد اي !! ما خلاص حلاوتها راحت
حوريه:خلاص بقي عشان خاطري تزعلش
مازن بابتسامه:عشان خاطرك بس
عبدالله:مسم،ي سلام ع الحب
مازن:انا هزعلك
عبدالله:مش هتشوف اختي تاني،زعلني بقاا
مازن :كلها شهر وتبقي في بيتي،وابقي شوفها انت بقا
عبدالله:اما نشوف
--------------لا اله الا الله😅💙
في مول دميااط الجديد..
اياد:ي هاجر عشان خاطري ارحميني
هاجر :ي حبيبي مش بجيب فستان حلو
مريم:ما انا جبت اهو يلا بقي ي جوجو
اياد:واو اي رأيك في ده شوفي كداا !!
هاجر بفرحه :جميل اوي ي دودي،هدخل اشوفه
وبعد قليل من الوقت..
اياد:الحمد لله نروح بقي
وهم في سياره اياد..
اياد:اظن انتي ي مريم امتحاناتك مش الوقتي خالص
مريم:طبعا،هرقص بقي في الفرح براحتي
هاجر :ما انا هخلص كليه ،انتي هتبقي لسه
اياد :بصي بقي ي هاجر فستان وجبنا ..فسح وفسحنا..مذاكره وعايزين نلمها
مريم بضحك :اقعدي بقي لمذاكره اياد
هاجر:عادي ده دودي
مريم:لسه هتشوفي دودي بتاعك ده هيعمل اي
اياد:هاجر انا مش عايز اعطلك بس امتحاناتك هتخلص والفرح يخلص وهنروح للدكتور بتاعك !
هاجر :حاضر بإذن الله
----------------------------استغفر الله💙😅
زينه:انا كده خلصت انا ويوسف وعائشه
رحمه:وانا كمان معدش غيركم !!
عبد الله :أسماء كلمتني هجبها وارجعلكم
مازن:تمام هنستناك هناا
زينه:في محل فساتين اهو شكله حلو
مازن :حوريه تعالي نشوف الحاجات دي .. رورو ..انتي فين !
لتمسك حوريه بيده :تعال شوف الفستان ده .. ليري أمامه فستان جميل جداا مفصل بطريقه تركيه وطرحه كبيره نوعا ماا
رحمه:جامد جداا وهيبقي  تحفه عليكي
زينه:جميل اوي
لتنظر حوريه لمازن:رأيك انت ي ميزو
مازن بإبتسامه:حلو اوي ي قلب ميزو
حوريه بفرحه:يبقي نشوفه
ليأتي عليهم عبدالله واسماء ..
عبدالله:اي الأخبار !!
مازن:بتقيس واحد جوه
عبدالله:طب يلا ي أسماء شوفي اي يعجبك
لتقوم اسماء لتتفرج على الفساتين
-وبعد قليل من الوقت ينظر عبدالله علي أسماء ليري شخصا ما يضايقها ...
عبدالله:في حاجه ي كابتن والا اي!!!
ولد يدعي كريم:وانت اي دخلك ي عم الأمور البنت دي تبعناا
عبدالله:تبعك !!! طب خد بقي .. ليضربه بدماغه
ليلتف اصحاب كريم حول عبدالله يريدون ضربه .. ليراهم مازن ليجري عليه .. ويقوم أصحاب المحل بفصلهم عن بعض ولكن في لحظه غفله منهم يضرب كريم عبدالله بشئ من اغراض المحل في يده ..
أسماء بصراخ :عبد الله !!
------------------
وبكده انتهت حلقتنا الحلوه