رصاصة عشق " مكتمله "

الحلقه الخامسه والثلاثون

سلسله" انتِ قلبي وانتَ نبضي😅💙
#روايه_رصاصة عشق
#بإسمي_Møny Abàs

باارت رقم 35"

ف منزل عائله الحصري ..
اياد:يلا ي مريومه ادخلي !
مريم :حاضر
ليدخل كلا من مريم واياد ..
اياد :السلام عليكم ، اقعدي ي مريم
والده حمزه:ما شاء الله زي القمر ي عروسه
مريم :تسلمي
لتدخل هاجر عليهم:طب ممكن تيجوا معايا ونسبهم مع بعض شويه
ليخرجوا جميعا ..
هاجر :انتي اسمك اي بقي ي جميله !
هنا:انا اسمي هنا متخرجه من كليه هندسه
هاجر :ما شاء الله ربنا يزيدك
هنا:بنوتك دي اسمها اي !
هاجر بإبتسامه:لياان
هنا:طب هاتيها العب معاها شويه
اما بالداخل ..
حمزه:ازيك ي دكتوره مريم
مريم : الحمد لله
حمزه:اعرفك بنفسي،
انا حمزه الاسيوطي دكتور نفسي وعندي اخت واحده اسمها هناا ووالدتي ، فاتح عياده خاصه بيا لوحدي بفضل ربنا حافظ كتاب الله واحب ان تكون زوجتي معينه ليا علي الطاعه ونكون قدوه صالحه انا فاتح بجانب شغلي دار أيتام ومش عايز في يوم من الايام زوجتي تقولي وفر الفلوس دي لينا علشان دي اكتر حاجه مش هتنازل عنها
مريم بإعجاب:ودي حاجه فعلا تشرف اي حد علشان كده مينفعش فيها تنازل
حمزه :اتفضلي لو عندك اي سؤال
مريم :اي رايك ف الشغل ؟!
حمزه:هو عموما انا بحب زوجتي تفضل ملكه ف البيت وانا قادر اصرف عليها وعلي أطفالنا بإذن الله ، بس مش هجبرها علي حاجه بردو علشان مبقاش حرمتها من حاجه هي عيزاها وبتحبها
مريم :طب لو حصل نصيب انا لسه ليا سنه والامتياز مش حابه اتجوز الا اما اخلص
حمزه بإبتسامه:مفيش عندي مشكله، بس نعجل بكتب كتاب علي الاقل
مريم :هصلي استخاره واخويا هيرد عليك ان شاء الله
___________ الحمد لله😅💙
ف منزل عائله الشيطي ..
تقعد اسماء تلعب في موبايلها وتتصفح علي الفيسبوك ..
اسماء:مفيش فيه حاجه عدله
لتري صديقتها ساره تعمل مشاركه لقصيده من الشعر ،لتقرأها ..
اسماء:اي الحلاوه دي شعر حلو اوي
لتتفاجئ بأن هذا الشعر لزين، لتفتح صفحته وتقرا كل اشعاره ، لتضغط علي الإعجاب بالغلط ، لتمسحه بسرعه ..
اسماء : اي الغباء بتاعي ده ي ربي
لتأتيها رساله مباشره لتفتحها وتري أنها من زين ..
زين:عجبك الشعر بتاعي
اسماء في نفسها"اعمل اي بقي ، هرد علي دي بس ومش هرد تاني"
اسماء :بصراحه حلو جداا اللهم بارك
زين:انا ممكن اجبلك الكشكول بتاعي اللي كاتب فيه الشعر كله وتقرأي فيه براحتك
اسماء :لا مش عايزه اتعب حضرتك !
زين : لا تعب ولا حاجه هجبهولك في الكليه
اسماء :تمام ، مع السلامه
لتقفل اسماء معه ..
اسماء:اي اللي انا هببته ده ، انا هاخد منه الكشكول وخلاص مش هكلمه تاني
____________ استغفر الله😅💙
ف منزل عائله الشيطي ..
تفيق حوريه من نومها ..
حوريه :الحمد لله حاسه اني مرتاحه ، اقوم اكل حاجه بقي واخد علاجي
لتقوم لتري مازن مجهز لها طعامها وعلاجها، لتبحث عنه في البيت بأكمله ولن تجده ..
حوريه :انا بدور عليه ليه ما انا اكل وخلاص
لتأكل حوريه وتاخذ علاجها لتقعد امام التلفاز،وبعد قليل من الوقت تسمع الباب يفتح، ليدخل مازن عليها ليراها تاكل فشار وتشاهد كرتون ..
مازن بإبتسامه:شكلك بقيتي احسن الحمد لله
حوريه:ايوه، اسكت بقا
ليقعد مازن بجانبها : وحشتيني
لتنظر له حوريه من طرف عينيها ولم ترد عليه ..
مازن :طب اكلتي
حوريه :ايوه ، لتكمل بتردد .. انت هتاكل !
مازن :لا اكلت بره، انا هقوم اخد شاور وارجعلك
وبعد عده دقائق يأتي مازن عليها ليراها تبكي ..
مازن بقلق:مالك في اي ! تعبانه ؟؟!
حوريه بدموع:البطله دي وحشه اوي مش عايزه تسامح البطل
ليتفاجئ مازن من سبب بكائها ولكن يحاول ان يأخذ الموقف في صالحه:طب ما هي لو بتحبه لازم تسامح علشان ميسبوش بعض
لتفهم حوريه مقصده:بس هو زعلها وجرحها اوي
مازن :وندم اوي وعلشان كده لازم تسامحه
لتفاجئه حوريه بسؤالها:انت عايز توصل ل اي ي مازن ؟!
مازن :سامحي بقي وخلينا نعيش حياتنا
لتقف حوريه بعصبيه:خلينا نعيش ؟! انت ناسي انت عملت اي ! انت جرحتني بالكلام وحسستني اني واحده مستهلش حاجه كده بتلعبها ووقت ما زهقت رميتها، في وقت انا كنت عايزه افرحك انت دمرتني عارف يعني اي دمرتني ي مازن ! انت زي اللي جه يفك عقده مربوطه في حبل بس بدل ما تشد الطرف الصح شديت الطرف الغلط وعقدتها اكتر، كنت عملتلك اي علشان تعمل معايا كده ! اذيتك في اي علشان تجرحني بالشكل ده قولتلي اني ساذجه وغبيه طب بعد ما فوقتني عايزني ارجع غبيه تاني، انا سيبت البلد بحالها ومشيت علشان ابعد عنك يمكن وجعي يخف بس كنت لسه بحبك علشان انا حبيتك بجد لكن انت واخدني في حياتك لعبه وخلاص
مازن بتفاجئ من انهيارها فلم يكن يتوقع ذلك : انا اسف والله انا اسف غلطت وسامحيني عملت كده من حبي وخوفي عليكي والله صدقيني بس اسف !
حوريه بدموع:عارف انا عايزه اعمل فيك اي !؟
مازن :اي !
حوريه :اخنقك علشان الايام اللي ضاعت من حياتنا بسبب اللي عملته
مازن بإبتسامه:والله انا بحبك ومقدرش اعيش من غيرك
حوريه:مش هتكرر اللي عملته تاني !
مازن :ابدا والله
حوريه :ومش هتخبي عليا حاجه تاني !
مازن :خالص وعد
حوريه بتعب :طب ابعد كده اصل انا تعبت
مازن بقلق عليها:نروح للدكتور !
حوريه: لا هرتاح بس وابقي كويسه
مازن :طب تعالي نامي علي رجلي
لينيمها مازن علي رجله ويمسح علي شعرها بحنان ..
مازن :عارفه وانا صغير ماما كانت بتغنيلي اغنيه حلوه علشان انام، اغنهالك !
حوريه:سمعني ي سيدي
مازن بغناء: "الساحر الصغير .. كان لسه عنده كلام .. لكن قرب ينام .. ويشاور بالعصايا .. تصبحوا علي خير .. ميزو حبيب مين .. حبيب قلب ماما .. هينام علطول .. تصبحوا علي خير "
حوريه بإبتسامه:دي حلوه اوي
مازن :مش احلي من ابتسامتك، عارفه ي رورو انا بحبك قد اي ووحشتيني اوي كنت بتقطع وانا بقلك الكلام الجارح بتاعي وكنت هتجنن وانا بدور عليكي ومش لاقيكي ومش عارف فيكي اي وكويسه والا لا كنت هموت من القلق والخوف عليكي ، بس انتي مش هتسيبيني تاني صح ، رورو !!
لينظر عليها ليراها نائمه بهدوء ليقبل رأسها ويعدل نومتها وياخدها في حضنه وينام داعيا لربه ان يديم عليهم السعاده ..
____________ لا اله الا الله😅💙
ف صباح يوم جديد ..
تقعد هناا في شركه عائله الشيطي تنتظر دورها في دخولها إلي مدير الشركه للبحث عن وظيفه سكرتيره، ليرن هاتفها .
هنا:السلام عليكم ، ازيك ي حمزه
حمزه:الحمد لله ، روحتي الشركه
هنا:ايوه وبستني دوري اهو، ادعيلي بقاا
حمزه:حاضر ، ابقي طمنيني عليكي
لتسمع مديره الأعمال تنادي عليها لتدخل الي مدير الشركه لتخبط علي الباب لتسمع الاذن لتفتح الباب وتدخل ..
هنا:السلام عليكم
اكرم:وعليكم السلام ، اتفضلي
هنا:انا المهندسه هنا الاسيوطي
اكرم:ملفك لو سمحتي
هنا:اتفضل
اكرم:انتي متخرجه من امريكا
هنا:ايوه دراستي كلها كانت هناك
ليعجب أكرم بالملف الخاص بها:تقدري تشتغلي من بكره بس لازم تمضي علي العقود دي وفي حاجه لازم تعرفيها الأول من ضمن العقود انك لازم تشتغلي سنه كامله بدون استقالات !
هنا:تمام مش مشكله ، انا هشتغل مع حضرتك !
اكرم:لا انا مساعد المدير فقط، المدير حسام الصعيدي في شغل بره ولما يجي هتعرفي كل اللي مطلوب منك والشغل يبدا من بكره
هنا:طب لو سمحت فين مكتبي ، انا مضيت علي العقود
اكرم:اتفضلي معايا
وبعد ساعه من الوقت ..
يدخل حسام علي أكرم مكتبه ليراه مندمج في الشغل ..
حسام:كرمله اي الأخبار
اكرم بفزع:في واحد عاقل يدخل علي حد كداا
حسام بضحك:خليك فرش ي كرمله ،المهم عملت اي ف موضوع السكرتيره !
اكرم:في بنوته مضت علي العقود واخده دراستها في امريكا وملفها عجبني اوي بصراحه اسمها هنا الاسيوطي
حسام بدون ان ينتبه للاسم:ماشي هروح اشوفها وارجعلك
ليذهب حسام الي مكتب السكرتيره الخاصه به ..
حسام بإبتسامه:اهلا بحضرتك ي مهندسه هنا
لترفع هناا وجهها لتصتدم بحسام امامها لتقف: انت
حسام بصدمه :انتي !!!
هنا: انت ماشي ورايا بقا
حسام :امشي وراكي ليه كنتي مين يعني !!
هنا:انا هنادي الأمن ياخدك من هنا
ليقعد حسام أمامها ببرود : طب يلا انا مستنيهم
لتضغط هناا علي الزر وتنادي للأمن ، ليأتوا إليها ..
الأمن :في اي اوامر ي حسام باشا !
هناا: باشا مين ؟!! ده واحد بيمشي ورايا طلعوه بره يلاا
ليقف الأمن ينظر لهم بحيره ..
حسام:روحوا انتوا شوفوا شغلكم
هنا بصدمه:استنوا انتوا رايحين فين !!
حسام ببرود:اسكتي صدعتيني ي جبروتك عيزاهم يطردوا مدير الشركه براا
هناا:مدير ال.. ، لتصمت بصدمه:نعم ! هو انت المدير هناا ؟!!!
حسام بإبتسامه:ايون شوفتي الصدف
هناا: انا مستحيل اشتغل هنا
ليقف حسام:الظاهر انك ناسيه العقود اللي مضيتي عليها، دقيقتين بالظبط والاقيكي عندي علشان اعرفك نظام شغلك !
ليتركها تقف بغيظ:ماشي والله انت اللي جبته لنفسك وهعرفك مين هي هناا الاسيوطي !
______________ انتهت🌸