رصاصة عشق " مكتمله "

الحلقه الثلاثه والعشرون

سلسله" انتِ قلبي وانتَ نبضي😅💙
روايه_رصاصة عشق
بإسمي_Møny Abàs 

باارت رقم "23"

ف منزل اياد الحصري ..
تقعد هاجر امام التلفاز
هاجر بملل:الساعه بقت 8 بليل كل ده اياد في المستشفى وكمان مبيردش علي موبايله اعمل  اي !!
لتسمع صوت الجرس ..
هاجر بإبتسامه:اخيراا
لتفتح الباب .. لتري أخوها حازم ومعه بنت لا تعرفها
هاجر بفرحه:زومااا وحشتني اتفضل
حازم :اعرفك سلمي مراتي
هاجر بصدمه:مراتك !؟؟
ليحكي لها حازم كل التفاصيل إلى نهايه خروجه من بيت والده ..
هاجر :متزعلش ي حازم انت عارف بابا عصبي شويه بس ان شاء الله هيرضي عنك قريب وكل حاجه هتتحل
حازم :كان رضي عنك ي هاجر من يوم ما اتجوزتي وهو مبيكلمش !
هاجر :لا علشان مفيش مقابلات بس
حازم :المهم انتي عرفتي هتجيبي اي والا لسه !
هاجر بإبتسامه:لسه شويه، وانتي ي سكره هتجيبي بنوته عسل زيك كده امته
سلمي بإبتسامه :شويه بردو كده انا لسه اخر سنه دراسه
هاجر :عايزين نبقي أصحاب بقاا
سلمي:طبعا
حازم :اومال فين اياد ؟!
هاجر:لسه ف الشغل انت عارف بقي شغل المستشفيات
حازم :ربنا يعينه ابقي سلميلي عليه علشان هنمشي احنا
هاجر :خليك شويه معايا انت وحشني
حازم :هجيلك تاني وعد مني
وبعد عده ساعات ..
تستيقظ هاجر من نومها على صوت ضجه ..
هاجر بنوم:اياد ! انت جيت امته ؟ هي الساعه كام اصلا !
اياد:لسه جاي من نص ساعه والساعه الوقتي 12 بليل
هاجر :واتاخرت ليه كدا
اياد بهروب:شغل المستشفي ما انتي عارفه
هاجر :طب اعملك اكل
اياد:لا انا هنام .. تصبحي علي خير
اياد ف نفسه"سامحيني ي هاجر مقدرش اقولك حاجه مش هتستحملي اني مشارك ف حاجه زي كداا"
------------------الحمد لله 😅💛
ف جامعه الفنون الجميله
تقعد اسماء لحالها، لتاتي عليها فتااه
البنت:قاعده لوحدك ليه ي جميل
اسماء :مش عارفه حد هناا
لتقعد البنت بجانبها:انا ساره ممكن نبقي أصحاب انا كمان مش عارفه حد هنا 
اسماء بإبتسامه:اهلا بيكي وانا اسماء
ساره:تعالي نشوف الجدول بتاعنا
وبينما هم يتطلعون على جدولهم .. ليسمعوا صوت الشباب بجانبهم ..
شاب"1":شايف ي عم البنات دول
شاب"2":شكلهم سنه اولي بس قمرات
ليضحك شاب"1" :تعالي نشوف بنفسنا
اسماء بخوف:تعالي ي ساره نمشي من هناا
ليقف أمامها شاب"2":رايح فين ي جميل
لياتي من خلفهم زين:في حاجه ي كابتن انت وهو
شاب"1":وانت مالك ي عم
زين:دول يخصوني ويلا ي حلو انت وهو من هنااا انا زين الادهمي تعرفوا يعني اي "زين الادهمي" والا أعرفكم 😒
ليذهبوا الشباب ويتركوهم ..
ساره:شكرا جدا ي استاذ زين
زين وهو يتطلع علي أسماء :العفو اي اوامر، بعد اذنكم
ساره بفرحه:تعرفي انا مبسوطه اوي انه دافع عننا ده زين الادهمي معروف في الكليه شاب حلو ويجنن وكمان غني،  انتي ي بنتي رحتي فين !
اسماء بإنتباه:هااا تعالي نشوف بقيت الجدول
----------------استغفر الله😅💙
ف منزل عائله الشيطي ..
الام:نورتي البيت والله ي حوريه انتي ومازن
حوريه:تسلمي ي ماما
مازن بإبتسامه:والله انتي اللي منورانا وانتي عسل كداا
لتضحك الام عليه:عسل اي ي مازن الله يكرمك
مازن:طب والله عسل عارفه انا ممكن اسيب حوريه واتجوزك انتي
ليدخل عبدالله عليهم :هو انا طايقك جوز اختي لما عايز كمان تجوز امي
مازن بضحك:بتحبني والله بتحبني
ليحتضنه عبدالله:وحشتني ي جدع والله
مازن :اغتنيت بقي والشغل واخدك مننا
الام:قوله ي مازن عايزه اخطبله يمكن يفك شويه من الشغل مش راضي
مازن :هجبله انا العروسه وعد مني متقلقيش
حوريه:طالما مازن وعدك يبقي خلاص اطمني
ليهمس مازن لعبدالله:مالك !! مش مطمن ليك ليه ؟!
عبدالله بخنقه:موضوع كده هقلك عليه لوحدنا
ليرفع مازن صوته:طيب ي جماعه احنا في البلكونه شويه
ليدخلوا لوحدهم ..
مازن :هااا ي عم في اي !!
عبدالله :فاكر يوم ما كنا بنجيب فستان حوريه وشويه شباب غلسوا علي أسماء
ليتذكر مازن :لما ضربوك في ايدك !
عبدالله :ايوه
مازن :مالهم بقا !!
ليحكي له عبدالله ما صار في صاله النادي ..
مازن :شكلهم مش ناوين على خير !
عبدالله:انا مرحتش اصلا النادي من يومها انت عارف الظروف اللي حصلت
مازن :متقلقش هاجي معاك هناك ونشوف اي الحكايه
عبدالله :تسلم ي جدع والله
مازن:اشكرني اشكرني انا اصلا بركه بس انت مش مصدق
عبدالله بضحك:انت هتقولي
مازن:مش ناوي تفرح امك وتخطب !
عبدالله :صدقني الجواز مش في دماغي خالص،انا عايز اطمن علي أسماء قبل ما اموت
مازن :لا اله الا الله اقول تخطب تقول اموت
عبدالله:محدش يعرف الموت بيجي امته ي مازن ،انت شوفت بابا اهو
مازن :انت كنت عارف انه تعبان ،بس هو سابك راجل تسند امك واختك وانت قد المسؤليه وانا معاك
لتدخل حوريه:عبدالله انت ازاي متقوليش حاجه زي كداا
لينظر مازن وعبدالله الي بعضهم ..
عبدالله بترقب:حاجه اي !!
حوريه:ان انت وجوزي ما شاء الله طلعتوا بتحبوا بعض
مازن بإرتياح:وقفتي قلبي !
حوريه بإستغراب:انتوا مخبين حاجه بجد والا اي
ليضع عبدالله يده علي كتفها:انتي مش ناويه تخليني خالو
مازن:وانااا .. وانااا بابا متنسانيش
-----------------صلي علي محمد😅💙
ف منزل اياد الحصري ..
تنظر هاجر علي اياد وهو يلعب في طبقه:مالك ي اياد مش بتاكل ليه؟!
اياد بإنتباه:انا شبعت
هاجر بإستغراب:انت مكلتش اصلا
اياد:مش قولت شبعت يبقي خلااص
لتقف هاجر:مالك ي اياد في اي ؟! مش طايقلي كلمه من امبارح وجاي متأخر وصحيت ملقتكش هنا والوقتي مش بتاكل فهمني في اي !!
اياد :ضغط شغل ي هاجر اعمل اي !!
هاجر بتنهيده وابتسامه:خلاص ي حبيبي اقعد انا اسفه متزعلش
اياد:روحتي للدكتورامبارح
هاجر :ايوه وطمني علي الجنين وقال انه كويس ، وصحيح حازم كان هنا امبارح واتجوز
اياد:طب وابوكي وافق ؟!!
هاجر :لا من ورا اهلي بس عرفوا امبارح
اياد:ربنا يكرمه هو يستاهل كل خير
هاجر :تعرف اي عن تجاره الاعضاء ي اياد !!
اياد بصدمه:عرفتي منين !
هاجر :مالك اتصدمت كده ليه ! التليفزيون كله بيتكلم عن الموضوع ده
اياد بإرتياح:اه ، ربنا يستر
هاجر :مش عارفه اي الناس دي قلبهم حجر يقتلوا أطفال علشان اعضائهم
اياد بهروب:مش يمكن محتاجين فلوس !
هاجر:مش علي حساب الناس مفيش خوف من ربنا بينام ازاي وهو عارف انه بياكل من فلوس حرام انا مستحيل اسامح حد يعمل كده !
----------------------الحمد لله 😅💙
ف منزل مازن الألفي ..
تخرج حوريه من حمامها وهي لا تصدق ما تراه امام عينيها ..
حوريه"هو ده بجد ! انا حامل  ،مش مصدقه .. انا حااامل ده مازن لما يعرف هيطير من الفرحه ،انا لازم أكلمه حالا ، لااا استني اما يجي احسن انا عرفااه مجنون ويسيب المستشفي ويجي، ي لهوووي مش مصدقه نفسي"
لتسمع صوت الباب وهو يفتح ..
حوريه بإبتسامه:اهلا ي مازن جيت بدري النهارده !
ليقعد مازن بهدوء :عادي خلصت وجيت !
حوريه بفرحه:في حاجه عايزه اقولهالك
مازن:انا كمان عايز اقولك حاجه !
حوريه :خلاص قول الأول وبعدين اقولك اناا
مازن بهدوء:حوريه أنتي .. انتي حوريه انتي طالق!
----------انتهت😅