سمر محمد بت حلبية وعيونها كبار وشفايفها صغيرة وطولها متوسط وقوامها جميل وشعرها اسود وفيهو خصلات بالدهبي يعني بالمختصر بت قرض شديدد 👌وطيبه وحبوبه لكن مجنونه وتصرفاتها طفوليه وعاجبها نفسها شديد وحاسه انو ما اي زول بستاهلها 😌..
سمر عمرها 19 سنه بتقرا صيدله ... عندها اختين واخ ..اختها الاكبر منها اسمها اية وعمرها 22سنه يدوب خلصت جامعه وكانت بتدرس طب ونزلت خدمه ..اية بت طويله وحلبيه وملامحها هادئه شديد بت طيبه وفي حالها😍😍 عكس سمر تماما.😏.
واخوهم الكبير اسمو مهند عمرو 24سنه مهند طويل وحلبي وشعرو ناعم يعني سمح سمح اتخرج من هندسة معمار وسافر قطر يشتغل هناك ..واخيرا اختهم الصغيرة حنين اخر العنقود عمرها 17 سنه بتشبه مهند كانها تؤامو ومتعلقه بيهو شديد وبتحب ود عمها اسمو امجد.. بس هو ما شغال بيها😔.. قدمت هندسه في نفس جامعه امجد وح تنزل بعد اسبوع الجامعه😷ديل اخوان سمر ..يلا امها اسمها مها مرة جميله شديد وحلبيه وناس سمر ورثوا اللون منها ولسه محافظه علي شبابها 😚..مرة طيبه وبتحب اولادها شديد وعايشة عشانهم عمرها 45 كانت شغاله استاذة بس خلت الشغل وبقي كل اهتمامها اولادها
وراجلها.😊☺..
ابو سمر محمد الهادي رجل اعمال كبير شديد وزول محترم وليهو مكانتو وسمعتو في السوق واكبر زول في اخوانو .اللي هم خالد وعلي واختهم الوحيدة هدي...خالد بعد محمد طوالي كمان زول محترم ودكتور كبير لكن مغترب ومستقر في قطر ومرتو اسمها هالة وهي كمان دكتورة وكانت زميلتو واولادهم .. اسر وايثار وهم تؤام وغزل اصغر واحده..اسر عمرو 27 سنه ..جسمو رياضي وطووويل واسمراني زي ابوهو وشعرو ناعم والسكسوكه تخليها ليهو😍 وانفو سيف وحواجبو غزيرة وتحسها شويه كده مقرونه😍 ..نظراتو تخوف زول جدي وعملي شديد وكتوم ومابحب يتكلم كتير..قاري هندسه معمار😦...اختو التؤام ايثار بتشبهو شديد ولونها اسمر كمان وشعرها طويل واسود متزوجه من دكتور كان بتدرب عند ابوها اسمو عماد زول طيب ومحترم شديد وبحب ايثار شديد😍😍 من اول يوم شافها فيهو حباهاا وعندهم بت واحده اسمها تالا عمرها 3سنوات دلوعة خالها😍 اسر بحبها شديد ..واخيرا اخر العنقود غزل عمرها 17 صحبة حنين شديد وبتواصلوا بالنت دايما ولما تجي اجازة وينزلوا السودان مابتفارق حنين..غزل حلبيه زي امها وشعرها بني وقاصلهو تحت رقبتها طوالي بت انيقه وراقيه ...
نجي لعايله علي.. علي رجل اعمال زي اخوهو الكبير وماسك معاهو الشركه ومرتو اسمها امل مرة علي نياتها وطيبانه واولادهم ..احمد وعمرو 26سنه طويل واسمراني وملامحو تحسسك بالراحه زول خجول شديد ومحترم وبحب امو وابو شديد ومابعصي ليهم كلمه عشان كده قرا اداره اعمال عشان يساعد ابوهو وعمو في الشغل .. وبعششق حاجه اسمها اية بحبها من هم صغار بس خجلو الزايد منعو انو يعترف ليها...عندو اختو اصغر منو اسمها دلال عمرها 21 سنه بت دلوووعه شديد لانها البت الوحيده وقصيرة وشعرها طووويل وقصاهو مدرج وعامله اطرافو باللون البني ووسمحه شديد بس عندها شويه غباء بس كمان طيبه قرات الثانوي وماحبت تقرا جامعه لانها حاسه عدم موضوع وهي معترفة انها غبيه 😂 ..واخوهم الاخير امجد اصغر واحد عمرو 20 سنه بقرا هندسة كهرباء ولد سمح وطويل وجسمو رياضي وشعرو ناعم بس صاايع شدديد وبتاع بنات وحناك...
نجي لعايله هدي اصغر اخوانها ووالبت الوحيده..هدي مرة جميله ومحبوبة من اخوانها شديد ومابرفضوا ليها طلب اتزوجت ود جيرانهم عادل بعد قصة حب عنيفه😂 وراجلها عندو معرض عربات وشركه اسبيرات سيارات يعني هو كمان وضعو كويس شديد مقارنة بيهم .واولادهم ..ياسين اكبر واحد عمرو 24 سنه طوويل واسمراني شوية ضعيف وزول هظار وضحك وبحب دلال بت خالو شديد وبستغل نقطه انها غبيه وبشغلها ليها دايما قاري هندسة معمار كمان بس قاعد عاطل ولافي بعربيتو من ست شاي لست شاي وحياتو كلها ضحك😂 بعدو اخوهو شهاب عمرو 20سنه وصاحب امجد شديد وبقرا معاهو وماعندو شي اسمو حب وبحسو كذب في كذب يعني عكس امجد الجنو بنات...واختهم اصغر واحده اسمها علا عمرها 19 سنه بتقرا طب وهي حلوة وسمرا وقوامها جميل صحبة سمر شديد ونفس الجن والحركات ومخطوبة لود خالها مهند وبتعشقوو ...دي هي عايله ال هادي الابطال كتار بس ح تحفظوهم لقدام😂😂
يتبع
