ياسين وصل المطار قبل احمد وعمو..كان ماسك التلفون وبتونس مع دلال ويشيل ويتبسم ومرة يضحك علي غباءها..وبقي يكلم في نفسو ياربي انا بحب دلال دي كده ليه هي حلوة بس البلد ملانه بنات حلوات وغير بحس براحه نفسيه وانا بتغزل بيها وهي زي الهبله مافاهمه حاجه وبحسها بريئه وعيونها اخخخ من عيونها تحير 😍..وهو بكلم في نفسو كده جا عمو محمد واحمد ..احمد ضربو في ضهرو وقال ليهو جنيت ولا شنو تتكلم براك..ياسين غمض عيونو من الوجع واتلفت قال ليها ياخ يا بني ادم براحه ياخ دي يد ولا طوبة بلوك انا ماعارف عمتي هدي دي كانت بتغزيك شنو ...احمد مسك يدو وقرا المصحف كامل قال ليهو الله اكبر عليك ياخ ح تشل لي يدي 😂 ياسين قال ليهو لا ماتخاف انت مصفح العين تلف وتلف وماتقدر تصيبك 😂احمد بقي منطط عيونو وقال ليهو عليك الله يا ياسين اسكت ماتسحرني وابقي في شلل ومستشفي وانا داخل علي الحياة الزوجيه 😍ياسين قال ليهو ح شنو 😳 احمد قال ليهو ال ح ي اة الزوجيه كده سمعت كويس 😉 ياسين كان عارف انو احمد بحب اية من زمان وهو كان دايما بشجعو انو يعترف ليها عشان ما يجي زول ويخطفها منو ...ياسين فرح شديد لاحمد وقال ليهو ياخ اخيرا نطقتها والله الف مبرووك واتنهد كده وخت يدو في قلبو وقال يالله متين يا دلال نتلم في بيت واحد😍 احمد قال ليهو كدي انت اشتغل اول وخلي عطالك ده 😒ياسين قال ليهو ماممكن معاكم الزول حتي خيال ما بتخيل يعني لازم ترجعوهو للواقع😑احمد قال ليهو يا ياسين انت عارف اني بحب ايه من احنا شفع بس عمري ما حاولت اكلمها او اتقرب ليها واجتهدت وقريت واسست نفسي ده كلو عشان اصل ليها وعشان اعيشها احلي عيشه وبنفس المستوي العايشاهو وعشان ما تتبهدل معاي ..انا كنت كل ما اتعب او ازهج اتذكر ايه وضحكتها واقول الزيها يستاهل احسن من كده وضغطت علي نفسي والحمدلله اسي كونت نفسي واقدر اسعدها باذن الله عشان كده لازم تجتهد وتحسن نفسك عشان الانسانه البتحبها ..احي راجل والله😍ياسين بقي يفكر في كلام احمد وقال في سرو فعلا والله معاهو حق انا لوبحبها لازم اجتهد عشانها وبعدين لو عايز اعرسها اقول شغال شنو والله غير ستات الشاي يا ياسين انت ما بتعرف شي لازم يا ياسين انت تثبت نفسك وانك بتستاهلها وبعدين دلال دي دلوعه شديد وطلباتها كتيره ...اخخخ والله لما تجيبها ماديا كده بتلقي الحب ده حار😂 واثناء هو ما بكلم نفسو...يلكزو احمد ويقول ليهو هييي يا العاشق الولهان ناس عمك خالد وصلوا ...ينتبه ياسين ويمشوا كلهم ويسلموا عليهم وبعد الاحضان والسلام وكده ركبوا عربيتهم..خالد ومرتو ومحمد ركبو مع احمد..واسر وغزل والشنط مع ياسين😂 وطوول الطريق غزل واسر ما سلمو من لسان ياسين....
وصلوا البيت زي الساعه 8:30 ولقوا كل العيله في انتظارهم وزي ماقلت ليكم كالعاده سمر نايمه😂 الموهم ..وتاني المشهد الدرامي اتعاد وبقوا في السلام والاحضان والمرة دي بقي فيها دموع وبتاع..ياسين عاين ليهم كده وقال ليهم يا جماعه ممكن توقفوا فيلم الحرمان العيشتونا فيهو ده شنو تبكوا وتتمخطوا فينا...دلال قالت ليهو يعععععع مقرف 😖 ياسين عاين ليها وخت يدو في قلبو وقال ليها احلي يععع في الدنيا ..دلال قالت دا مالو دا 😦وياسين لسه خاتي يدو في قلبو وسرحان في دلال ودلال زي الهبله مافاهمة هو مالو ...احمد قال ليهم احم احم يا جماعه ممكن تنتبهوا لي ثواني .هنا اية اول من سمعت صوتو 😍 اطرافها بردت وقلبها رجع لنفس النغمه دق دق ددق...احمد كمل كلامو وقال انا الليله يا ابوي بعد اذنك طلبت من عمي محمد يد بتو ايه..وانا بعتذر ليك ولامي انو اتكلمت في الموضوع ده من غير ما ارجع ليك او استئذنك..احييي ولد السرور يا يمه😍😍ابوهو قال ليهو لا يا ولدي ما تعتذر والله فرحتني شديد ويا زين ما اخترت 😍 امو قالت ليهو والله اية دي زي بتي وانا بحبها شديد وماشاء الله زوله ادب واخلاق وخلقه مافيها كلمه ❤اية خلاص شويه تختفي من الخجل😂 علي قال لاخوهو محمد طيب رايك شنو نعمل خطوبه ف الاسبوع ده ونعمل العرس مع ناس مهند مافي داعي للتاخير ❤هنا احمد حب ابوهو حب وقام فجاه وحضنو وبقي يقول ليهو ينصر دينك يا ابوي والله بتقول درر ما حس بنفسو الا لما كلهم قعدوا يضحكوا😂 امو قالت ليهو والله شكلك مستعجل شديد عملتي ليهو شنو يا اية😂 واية وشها بقي طماطم وبقت ماحاسه بشي من الخجل 😂 احمد طوالي عدل قميصو ورجع مكانو ونزل راسو وعمل رايح😂 محمد قال ليهم خلاص ع بركه الله الخطوبه تكون نهايه الاسبوع يعني يوم الخميس والحمدلله انو ناس خالد ح يحضروها 💕 وام اية وامل وهدي بقوا يزغردوا وطبعا كالعاده معاهم ياسين😂وهو شغال اووعدنا يارب اوعدنا يارب ...حنين قالت لاية الففف مبروووك يا قلبوشتي انتي 😍طلعتي ماهينه ودشدشت اتقل ولد في العيله😘اية قرصتها وقالت ليها وبعدين معاك 😐حنين ضحكت وقالت ليها اموووت انا علي الخجلان😂 هاله امها بقت تبكي وتبارك لبتها وهي فرحانه شديد😍 وعمتها وعمها واولادهم باركوا ليها 😘
يتبع
