عدي اليومين سريعع وجا وقت سفر اسر واهلو..وسمر اليوم كلو زهجانه ومضايقه لانو اسر ح يسافر وهي اتعودت عليهو شديد ومن اسي بدات تفقدو😯اسر وهو بوصل سمر للجامعه قال ليها الليله ح اسافر اها الرد شنو؟ سمر كان نفسها تقول ليها موافقه بس اتذكرت كلام ريم..قالت ليهو بعد تجي ح تسمعو😌اسر قال ليها شنووو ح تخليني في نار لمده شهر😳سمر هزت كتفها ورفعت حاجبها وقالت ليهو وشنو يعني انتظر شويه ولا مابستاهل😌قال ليها ماشي ح انتظر ومستعد انتظرك لاخر العمر💋❤سمر لما سمعت كلامو فرحت شديد وحست بحبو ليها وحتي لو ماقال ليها بس تصرفاتو بتقول كده لانو دي ماتصرفات زول الا بحب....وصلها الجامعه ومشي يتم باقي االاجراءات...
حنين وامجد عايشين احلي ايامهم ومقضنها رومانسيات وامجد بقي بحب حنين لدرجه الجنون واتعلقوا ببعض شديد ينوموا ويصحوا وهم بتكلم مع بعض وفي الجامعه مابفترقوا الا للمحاضرات وكل يوم بوصلها وبرجعها....
اما غزل لسه حزينه وقلبها بتقطع ونفسها تسمع صوت شهاب بس لازم تعصر علي قلبها وتنساهو لانو حب من طرف واحد..وح تستحمل الوجع ده لحدي ينتهي..
وشهاب بقي فاقد غزل شديد وكل مايحاول يصل ليها هي تمنعو لو مشي البيت هي تقفل علي نفسها في الغرفه واذا دق علي حنين عشان يتكلم معاها غزل ترفض تتكلم معاهو وبقي بس لافي جسد بدون روح..مافكر انو بعد غزل ح يأثر معاهو للدرجه دي وانها ح تاخد روحو معاها..ولما عرف انها ح تسافر الليله بقي زي المجنون بس عايز يشوفها..دق لامجد وحنين وطلب اشوفهم ضروري...
بعد ساعه امجد وحنين وشهاب اتقابلوا في كافيه وحاله شهاب كعبه شديد ونفسيتو محطمه...امجد قال ليهو مالك يا صحبي بقيت كده الحصل عليك شنو؟ امجد حس بالذنب لانو اهمل صحبو الفتره الفاتت شديد وكان بس مركز مع حنين ..شهاب قال ليهم وهو خاتي يديهو في راسو وتاكلهم في التربيزة ومنزل راسو...انا بحب غزل😢حنين فرحت شددديييد وكان نفسها تقوم وتصرخ بس احترمت نفسها لانها في مكان عام😂وامجد ضحك علي شهاب وقال ليهو وده المزعلك😂شهاب حمر ليهو وقال ليهو انت كنت عارف رايي في الحب وغير كده غزل زعلانه مني وما مدياني فرصه اشوفها واحكي ليها واتنهد وعاين للسقف😧حنين قالت ليهو ولا يهمك انا عندي فكرة ..وبقيت تحكي ليهم عن فكرتها..امجد قال ليها ياااا حبيبتي عبقريه❤حنين قالت ليهو عندك شك؟ قال ليها وهو بعاين ليها وبسبسب ليها بعيونو ورموشو لا ابدا والله يابت قلبي😘حنين ابتسمت ليهو وقالت يلا ننطلق وننفذ😍...
حنين دقت لغزل وبقت تبكي وقالت ليها غزل الحقيني..غزل قامت علي حيلها وقالت ليها مالك يابت ف شنو؟حنين قالت ليها اتشاكلت مع امجد ومشي خلاني وانا في.....تعالي لي😢غزل قالت ليها طيب طيب اسي بكون عندك..قفلت التلفون ومشت لبست سريع ونزلت ووقفت ليها ركشه وادتو العنوان واتحرك..لما وصلت المحل لقتهو كافيه دخلت وبقت تفتش علي حنين بس لقت ليك شهاب في وشها❤غزل قلبها دق واطرافها بردت واتجمدت في مكانها..ليها اسبوع ماشافتو😢شهاب جا عليها وقال ليها ممكن بس دقايق من وقتك عايز اقول ليك حاجه..غزل عايزة تتكلم قاطعها وقال ليها ما ح تخسري شي بس دقايق عليك الله..غزل اقتنعت وقعدت..شهاب بقي متوتر ويشيل ويصلح في قميصو ويقول احم احم وغزل تعاين ليهو..اخيرا شهاب استجمع قوتو وقال ليها..غزل انا ما متخيل نفسي اقول الكلام ده لبت ولا عمري فكرت انو اتخت في موقف زي ده بس انتي يا غزل غيرتيني..انا كنت باني حاجز في قلبي وانتي جيتي هدمتيهو في فترة بسيطه..غزل انا الايام الفاتت دي كنت زي الضايع بدونك..حالي اتغير ونفسيتي بقت زفت..وتعبت شديد بدونك يا غزل..انتي لما جيتي واعترفتي لي انا مابنكر فرحت وماكنت عارف سبب الفرحه دي وماكنت عارف نفسي اني يا غزل...غزل قالت ليهو انو انت شنو؟ قال ليها اني بحبك..غزل هنا كان ح يغمي عليها بقت زي الصنم ما بتتحرك..شهاب خاف عليها وقال ليها غزل ياغزل..غزل شويه شويه ابتسامتها توسع وبقت تضحك وتقول ليهو عليك الله قلت شنو؟شهاب قال ليها بحبك..غزل قالت ليهو ياااااااااه اخيييرا ياشهاب اخيرا😍قال ليها اعذريني كنت غبي وماعرفت مشاعري من بدري بس اسي مافات شي ح نعوض الايام😍يلا قولي لي بحبك..غزل قالت ليهو انت بتحلم لو ماضوقت العذاب الضوقتو مابرحمك😌شهاب قال ليها ياااا ده كلوو حقد😂قالت ليهو ايوووون😌قال ليها انا زاتي كنت بتعذب معاك😒قالت ليهو مابهمني المهم اتسدا😌قال ليها انت قلبك قاسي😡غزل قالت ليهو اوي اوي😂تلفون غزل دق وكانت حنين قالت ليها غزووولتي بصرخه..غزل قالت ليها اها يا وطيه علقتك عندي تعملي فيني كده وتضحكي علي..حنين قالت ليها نسيتي لما اتفقتي علي مع امجد يلا جا وقتي اتسدا واتسدي مستحيل اضيع فرصه زي دي والمهم يلا يلا وقفلت وما ادت غزل فرصه تتكلم ضحكت عليها وقبلت علي شهاب واتونسوا واتغزلوا في بعض ورجعوا عشان غزل تجهز للسفر
