اسر بعد طلع من الشقه بقي لافي بالعربيه ف الشوارع وهو ماقادر اصدق الشافو..معقووله دي سمر الحبها..معقوله تكون البت العاش عمرو كلو وهو بتمنها..وهو يضرب بيدو في الدركسون وزعلان ويقول انا كيف انخدعت فيها؟كيف قدرت تمثل علي دور البريئه😳ليه ياسمر تعملي فيني كده😢كان ترفضي من البدايه والله كنت احترمت قرارك😢ليه تكسري القلب الحباك وكان مستعد يضحي بنفسو عشانك..اسر حس انو الزمن وقف وكل احلامو في ثانيه انتهت..وشاف حياتو الكان راسمها مع سمر بتنهار قدام عيونو😔ولسه منظر سمر قدامو بقي يهز في راسو ويضرب فيهو بيديهو عشان ينسي المنظر بس ماقادر وبقي يبكي باعلي صوت عندو..ببكي علي حبو الانتهي قبل يبدا..ببكي علي الانسانه الوحيده القدرت تخش قلبو..ببكي علي السنين الضياعها وهو منتظر اليوم الح يجمعو بسمر..ببكي علي دعواتو الكان بدعيها في كل صلاة انو سمر تكون من نصيبو..ببكي علي قلبو البنزف من جرح الخيانه😢حس بالدنيا قفلت في وشو خلاص..طلع تلفونو وعايز يمسح كل صور سمر من هي صغيرة..رفع اصبعو علي زر المسح بس ما قدر ماقدر يدوسو..زاد في البكي وكره نفسو علي ضعفو وانو ماقادر يكرهها.....
سمر رجعت البيت وبقت تسأل علي اسر بس كلهم قالوا طلع فجاه ولسه مارجع..طلعت علي غرفتها وقفلت الباب وبقت تبكي..وهي بتبكي تلفونها دق وكان اسر..سمر من شافت اسمو..فكرتو انو خلاص عرف الحقيقه ردت بلهفه الو..مافي رد..سمر:الو اسر..جاها صوتو بعد مده وقال ليها..العرس ح يتم في وقتو😐سمر قالت ليهو يعنبي عرفت الحقيقه صح😀قال ليها اي حقيقه؟حقيقة انك بتحبي واحد تاني ولا حقيقه انك خدعتيني وكنتي بتتلاعبي بمشاعري😐سمر من سمعت كلامو انهارت وحاولت تبرر ليهو..بس هو ما اداها فرصه وقال ليها ماعايز اسمع منك شي كفي الشافتو عيوني😔سمر قالت ليهو انت مادام ما مصدقني عايز تكمل العرس ليه؟ قال ليها ماعشانك ح اكملو..عشان ابوي وعمي وعشان امك..سمر قالت ليهو انا واحد مابثق فيني ومابصدقني وما مديني فرصه ابرر ليهو مستحيل ارتبط بيهو..وانا ماعايزة العرس ده وح اكلم ابوي يلغيهو..اسر قاطعها وقال ليها ح تقولي ليهو شنو انو انا قبضت في شقه وانتي في احضان حبيبك😑سمر بعد كلامو بقت تشهق من البكا وقالت ليهو مستحيل تكون انت اسر الحبيتو مستحيل😭اسر قال ليها خلاص اطلعي من الدور ده لانك انكشفتي😒سمر حست مافي فايده من الكلام معاهو وانو ماح يسمع ليها اساسا فسكتت وما جاوبتو😔اسر تم كلامو وقال ليها لحدي العرس ينتهي ح نتصرف عادي مافي داعي الكل يعرف وساختك😒سمر الكلمه دي جرحتها شديد وطوالي قفلت التلفون ورمتو وبقت تبكي😢تبكي علي حياتها الادمرت..تبكي علي حبها الاول واتمنت لو انها ما حبتو😔سمر مسحت دموعها وقالت لنفسها سمر انتي ما عندك اي ذنب في الحصل ولازم تكوني قويه ومادام هو رفض يسمع ليك وشايفك انسانه خاينه..اياك تبرري ليهو وتسمحي ليهو يهين كرامتك اكتر لازم تكوني قويه وقدر حالك عشان تواجهيهو💪...اسر بعد سمر قفلت منو..قال لي نفسو ليه يا اسر انت مصر تتم العرس😧كان ممكن يتلغي وتلقي ميه سبب واهلك يتفهمو..بس انت رافض فكرة انو سمر تكون لغيرك..وبقي يضرب بيدو في العربيه ويقول غبي غبي لسه بتحبها بعد العملتو كلو😢😢
اليومين القبل العرس مرت علي سمر كانها سنتين..وكان نفسها توقف العرس بس شافت كيف كل اهلها فرحانين وبحضرو للعرس وهو مبسووطين ماقدرت تكسر فرحتهم فداست علي قلبها وقالت تستحمل عشانهم.اما اسر اخر مره شافتو كان في اليوم المشؤوم في الشقه..وريم قطعت علاقتها بيها ولا حاولت تتصل عليها او تشاكلها لانها شايفه مافي زول يستاهل تبرر ليهو او تثبت انها بريئه قدامو..حبيبها وكذبها وصدق الخدعه العملتها ليهو ريم..
جا يوم العرس وسمر من الصباح مشت الكوافير عشان تجهز..واسر ما ظهر للان وكلهم بسالوا عنو بقول ليهم عندو شغل بيعمل فيهو..
سمر جهزت وطلعت خرافيه😍كانت لابس فستان طوويل ويديهو نص كم وفيهو شغل من ناحية الصدر..ورافعه شعرها وخاته تاج وطالعه برنسيس😍غزل جات علي سمر وقالت ليها اسر تحت يلا ننزل ليهو..سمر لما غزل قالت ليها كده قلبها بقي يدق بسرعه واطرافها بردت..اخدت نفس وقامت نزلت تحت لقت اسر وكان اول مرة تشوفو بعد اليوم داك..كان جميل شديد بقصة الشعر والدقن المرتب..والبدله السودا مع قوامو الطويل كانت ح تاكل منو حته👌جا اسر عليها وكان بارد وعيونو خاليه من اي تعبير مسك يدها وباسها في راسها وساقه للعربيه ركبوا واتحركوا علي الصاله..وصلوا واستقبلوهم بالزغاريد والتبريكات والكل فرحان ومبسوط الا سمر واسر اي واحد فيهم قلبو بنزف من جرح الحبيب😢..وتمت الليله علي خير واسر قال ليهم لازم نسافر علي دبي.ابوهو قال ليهو شنو خلاك تغير رايك وتلغي شهر العسل وتمشي دبي بدل قطر ..اسر قال ليهو انو صاحبو ضرب ليهو وحصل مشكله في الشغل في الفرع الجديد في دبي وانو وانو محتاج ليهو هناك...سمر ودعت امها وابوها واخواتها وهي بتبكي بتبكي لانها داخله علي طريق ماعارفه ح يوديها وين..اسر جا لسمر وقال ليها يلا لانو ح نتاخر علي الطيارة..ودعوهم وركبوا العربيه ومشوا علي المطار...
ريم بعد سمعت انو العرس تم واسر وسمر سافروا..كانت ح تجن وبقت تكورك..كيف يتم العرس بعد الشافو كلو كييييف ليييه ما لغي العرس..الخطه ماكان فيها اي غلط..بس لا ياريم ما ح تستسلمي بالسهوله دي..وياسمر انا وراك وراك اذا ما خليت حياتك جحيم يبقي ما اسمي ريم😈..
اسر وسمر وصلوا دبي وكان صاحب اسر في انتظارهم ووسلم عليهو ووصلها شقتهم ومشي..طول الطريق اسر ما فتح خشمو بكلمه مع سمر وسمر كمان..
دخلوا شقتهم واول من سمر دخلت يجيها كف لماتقع في الارض..وصوت اسر وهو بصرخ..انا يا سمر تغشيني انا..كيف قدرتي تعملي كده كييف مافكرتي فيني ..طيب علي الاقل فكري في اهلك فكري في ابووك..سمر واقعه في الارض وبس تبكي..جا عليها وجراها من شعرها وسحبها بالارض وبقي يقول ليها الزيك ديل مفروض يندفنوا وهم حيين ..الزيك ديل مفروض يموتوا..وسمر تبكي وصرخت فيهو قالت ليهو اقتلني طيب لو ده ح يخليك تهدا وغليلك يشفي😢قال ليها لا الموت ليك راحه.انا ح اخليك تتمني الموت وماتلقيهو..ح اخليك تموتي ف اليوم ميه مرة..انتي اتفه وارخص واحده شفتها..انتي نزلتي بشرفنا الارض..سمر مسحت دموعها وقالت ليهو انا اشرف منك ومن عشرة زيك ومابسمح ليك تقول كلمه واحده في شرفنا..اناطول عمري محافظه علي شرفي وشرف ابوي..اسر اداها كف تاني لما وقعت في الارض وقال ليها وكمان بتعلي صوتك علي ولا كمان ليك عين تتكلمي..انتي من الليله ح تعيشي زي الكلبه تحت رجلي وانا ما ح ارحمك..ح تنومي هنا ف المطبخ وتكنسي وتفرشي وتعملي الاكل وتغسلي وتكوي فاااهمه وطلع وقفل الباب طااااخ..وخلي سمر تبكي علي حظها وعلي البحصل ليها وهي ماعندها اي ذنب..واتمنت الموت بس تاني استغفرت وقالت لازم يا سمر تكوني قويه ما من اول لحظه تضعفي😢
اسر طلع وهو برجف من الزعل وعيونو شرار من الغضب..ركب العربيه الخلاها ليهو صحبوو ومشي ليهو مطعم وقعدت فيهو وبقي بتذكر منظر سمر وهي بتبكي..ندم علي انو بكاها ونزل دموعها وهو كان واعد نفسو يسعدها..ندم انو مد يدو عليها وهو كان واعد يحميها...بس منظرها وهي ف الشقه لسه في بالوو ماقادر يشيلو من تفكير وكل مايشوف سمر بتذكر الحصل ومابقدر يضبط اعصابو...
يتبع....
