احمد وقف العربيه وبقي يعاين لاية زي الطفل الضايع وعيونو محمرة وقلبو بضرب..بالجد اصعب شعور واسوء انتظار انك تكون منتظر كلمه من الانسان البتحبو..كلمه ممكن تخليك اسعد انسان او اتعس انسان..اية اخيرا قررت تخلي شباكها😂وتتلفت علي احمد...واحمد اول من اية اتلفتت عليهو قلبو بقي يدق شديد شويه ويطلع من مكانو ويديهو تلجت وبضغط علي الدركسودن بكل قوتو ذنبو شنو ارحمو ياخ😂..اية قالت ليهو بهمس وصوت متقطع وهي كلها كانت بترجف ممم وو افقه.. وفتحت الباب وجرت..احمد لسه في مكانو وكلمه موافقه.بتتردد ليهو 😍 وبقي زي الاهبل يتبسم شويه شويه لحدي كل ضروسو ظهرت ويعاين للكرسي الجنبو وهو يقول الحمدلله الحمدلله اخيرا يا اية ح تكوني حقتي اخيييرا ودموعو نزلت لانو مامصدق حبيبه طفولتو الانسانه العاش سنينو دي كلها يحلم بيها ويحلم انو يجمعهم بيت واحد خلاص باقي بس خطوه وتبقي مرتو وحلالو..احمد قعد قريب ساعه وهو يبكي ويتبسم ويتذكر اية بكل تفاصيلها وكل مواقفو معاها ويحمد ربنا..نخلي احمد ونمشي لاية 😂 اية من قالت ليهو مواقفه كتحت كتحي في ثواني وصلت غرفتها وقفلت الباب وتكلت ضهرها علي الباب وختت يديها علي قلبها الكان ح يطلع من مكانو وبتتبسم وهي بتتذكر ملامح احمد لما قالت ليهو موافقه وبتتذكر كل كلمه قالها ليها احمد...سمعت دق في الباب فتحت لقتها امها قالت ليها كيفك يا بتي ..اية:كويسه الحمدلله يا امي انتي كيف ..الحمدلله يا بتي دقيقه واخليهم يحضروا ليك الاكل😊 اية لا لا يا امي انا شبعانه اكلت في المستشفي ..لا بتك شبعانه من كلام احمد😂 ..خلاص طيب اخليك ترتاحي عشان ناس عمك خالد ح يجوا زي الساعه 8 ..اية: تمام يا امي ..طلعت امها ومشت اية استحمت وصلت صلواتها وصلت ليها ركعتين استخارة وارتاحت انها وافقت باحمد ودعت انو يكون ليها نعم الزوج ويقدرها ونامت وعلي وشها احلي ابتسامه ابتسامه الحب😍نخلي اية مع احلامها وحبها الجديد ....
نمشي لامجد وشهاب وهم قاعدين في شارع النيل مع اصحابهم واخر ونسه وضحك وهزار.....امجد قال لشهاب كشف كشف المزتين الهناك ديل شوف ديك بتعاين ليك كيف...شهاب ولاكلف نفسو يعاين ليهم قال ليهو عليك الله يامان انت عارف جو البنات والحبكانيات ده مابنفع معاي وماعندي ليهم شي..امجد قال ليهو اساسا انت وشك ده ما وش بنات خليني امشي عليهم..شهاب رفع ليهو يدو احساس الله معاك..امجد طوالي مشي وجاب كرسي وقعد معاهم ..قال ليهم قلت اجي امتع عيوني بالحاجات السمحه دي 😍 البتين قعدوا يضحكوا بطريقه مايعه كده ههههاهاهاي....امجد قال ليهم اموووت انا في الضحكه 😙بالمناسبه انا امجد علي الهادي وانتو يا عسل ...البتين من سمعوا اسم علي الهادي وشهم بقي كلو قلبو 😍 ولد مز وود عز عايزين اكتر من كده شنو ...واحده قالت ليهو انا ميساء ودي عزة 😊 عزة كانت حلوه شديد وكانت لابسه فستان اسود فنايلي ضييق شديد ومعاهو جكت جنز وعامله شعرها باف ومنزله الباقي علي ضهرها وخات الطرحه في اكتافها ..عزة عاينت ليهو كده ورفعت حاجبها وابتسمت نص ابتسامه ..طوالي ميساء عرفت انو عزه ختت امجد في راسها وعزة مافي شي بغلبها ..امجد اتعرف علي البنات واتونس واخد رقم عزة ...جاهو شهاب قال ليهو يلا يا امجد لانو مفروض نمشي المطار ..امجد قال ليهو ياااا تصدق نسيت ياخ طلع من بالي ..لكن كييف ما انسي وانا مع القمر شخصيا وعاين لعزة وغمز ليها 😉 ماعارفه امجد ده حكايتو شنو مع الغمزات 😂😂 المهم مشي منهم مع شهاب وعزة بتتابعهم بعيونها وشافت اي واحد ركب عربيتو توسان سوداء 2016 وابتسمت ابتسامه نصر انها لقت ليها فريسة وحلفت توقعو في شباكها ..بس ماعارفه انو امجد اصيع ولد😂 .....
اجتمعت العايله كلها في بيت محمد وكلهم قاعدين ف الصاله الا سمر طبعا نايمه كالعاده😂حمارة نوم😂 جات االساعه 7 قال ليهم محمد يلا ياجماعه نتحرك نجيبهم ح نمشي انا واحمد وياسين وانتو خليكم هنا ...احمد قال لياسين انت اسبقنا بعربيتك ويلا يا عمي اركب معاي...محمد ركب مع احمد اللي شغال يتبسم من ما وصل بيتهم😂 محمد قال ليهو ماشاء الله شايفك مبسوط من قبيل توزع ف الابتسامات ان شاء الله دايما😂 احمد خجل وقال ليهو والله يا عمي عايز اقول ليك ااااا وسكت...محمد شاف المدة طالت واحمد ساكت قال ليهو عايز شنو اتكلم😕 قال ليهو والله يا عمي انا طالب يد بتك اية وبتمني بالجد انك توافق 😀 محمد سكت كده ..وده وتر احمد شديد خايف انو يرفض قال ليهو والله يا احمد انت ولدي واي شي بس 😅احمد مع بس دي قلبو وقع تحت رجليهو وبقي منطط عيونو والكلام غلبو وتاني بقي يضغط علي الدريكسون 😂 شكلو ح يتعذب شديد الدريكسون ده.فجاه محمد بقي يضحك😂 علي شكل احمد وقال ليهو والله يا احمد يا ولدي مابلقي احسن منك اامنو علي بت اية واكيد موافق وانت ولدي قبل تكون ود اخوي 😍 احمد يادب هدا وتنفس الصعداء😂 قال ليهو ان شاء الله يا عمي ما ح اخذلك واية ح تكون جوووا عيوني ...وواصلوا طريقهم للمطار....
يتبع
