حنين رجعت البيت وهي بتبكي وامجد يشيل وادق عليها وهي تقفل في وشو لحدي قفلت التلفون💔غزل جات الغرفه لقت حنين بتبكي سالتها مالك يابت في شنو؟ حنين بس تزيد في البكا وماعايزه ترد😢غزل جات عليها وختت يدها في شعرها وقالت ليها حنيني مالك؟حنين اول من سمعت كلمه حنيني من غزل بقيت تبكي اكتر وتشهق لما غزل اتخلعت😳حضنتها وقالت ليها في شنو ردي علي عليك الله ما تقلقيني😯ردت عليها حنين من بين دموعها وقالت ليها ماقادره احكي اسي😢غزل سكتت وماحبت تضغط عليها قالت بعد تهدي ح اسألها😐....
اسر مشي لسمر في الجامعه وطلعوا مشوا يتغدوا...في المطعم اسر قال لسمر طبعا زي ماعارفه باقي لاجازتي بس يومين وعايز اعرف رايك شنو؟ سمر لما قال ليها باقي يومين بس قلبها وجعها شديد لانو ح يسافر وهي اتعودت عليهو وبقي بالنسبه ليها حاجه ثابته واتمنت انها تقول ليهو ماتمشي بس عارفه انو لازم يمشي كل حياتو وشغلو هناك وهي سرحانه وبتكلم نفسها..اسر قال ليها ما رديتي علي يا سمر انتي حاسه بالراحه في علاقتنا؟سمر سكتت مدة بعدين هزت براسها بمعني ايوه😀اسر فهم عليها بس حب يحرجها قال ليها مافهمت ردي لي ب لا او نعم😬سمر اتحرجت بالجد وماعرفت تقول شنو والكلمه زاتها ابت تطلع ليها لانو مامتعوده علي كميه الصراحه دي معاهم فعلا الفترة الفاتت دي اتقربوا شديد لبعض بس مافي واحد فيهم قال بالكلام انو مرتاح للتاني او حابي يكمل حياتو معاهو..سمر رفعت راسها وعاينت لاسر في عيونو ومن عيونهم اتلاقوا سمر قلبها بقي يدق شديد❤اسر ابتسم وقال ليها ح تخليني انتظر كتير😬سمر برضو ساكته وماردت..بعد شويه جا الاكل واكلوا ومشوا واسر ما سألها وماحب يضغط عليها وقال لسه باقي ليهو تاني يومين.....
حنين بعد بكت قدرتها وارتحت شويه حكت لغزل الحصل وغزل قالت ليها ياحنين الموضوع مابستاهل بعدين انتي عارفه انو عزة دي خاته عينها علي امجد واكيد بتكون خطه منها عشان تبعدك عنو وانتي زي الهبله اديتيها مرادها كان مفروض تمشي وتزحي يدها وتمسكي يد امجد وتمشي..قادرة يا غزل😂سمر قالت ليها ياخ انا مافكرت في ده كلو "وختت يدها علي راسها وتدلك فيهو"انا من شفت يدها في يدو بقيت اشوف طشاش وقلبي وجعني ومخي وقف عن التفكير😢غزل قالت ليها ياخ صدقيني البنات الزي عزة ديل بعملوا اي شي عشان يصلوا للعايزنو وانتي براك شفتيها زمان كانت بتتلصق فيهو كيف وتعمل ليهو في الحركات..لازم تقيفي ليها وما تنسحبي بالسهوله دي وبعدين امجد بحبك انتي😉سمر قالت ليها تفتكري كده؟غزل قالت ليها افتكر ونص..وبعدين انا متاكده امجد ح يجي يراضيك وانتي ما تقعدي تتهابلي ليهو وتخربي علاقتكم ببعض عشان واحده هايفه زيها😒حنين قالت ليها طيب اسي انا مصدعه عايزة انوم وبعدين نشوف البحصل شنو😪غزل قالت ليها الصداع من البكا البكيتيهو ده😒المهم اسي نومي وارتاحي يلا..حنين رقدت في السرير وغمضت عيونها ونامت😪غزل بعد حنين نامت جات تتسحب براحه وشالت تلفون حنين وطلعت برا الغرقه ودقت علي رقم وقالت ليهو الوو..ايوه نامت .انت تعال اسي وانا بأمن ليك المكان تمام يلا..وقفلت التلغون ورجعت الغرفه وختت التلفون وطلعت طوالي وقبل تمشي قفلت الغرفه بالمفتاح ونزلت تحت....حنين حست بحاجه بتمشي في وشها..بقت تتقلب وتصر في وشها..بعد شويه سمعت صوت ضحكه فتحت عيونها تشوف امجد في وشها😳قالت اكيد انا بحلم اكيد يعني امجد الح يجيبو غرفتي شنو😕وبقت تدعك في عيونها ولسه امجد واقف قدامها وماسك ورده في يدو..امجد ضحك وقال ليها لا ما بتحلمي انا امجد بشحمو ولحمو😍حنين اتخلعت وقالت ليهو الجابك هنا شنو انت مجنون😳قال ليها مستحيل اخلي حنيني حبيبتي تنوم وهي زعلانه مني❤حنين انبسطت شديد من كلامو بس قالت ليهو لو شافك زول😳قال ليها لا ماتخافي غزل امنت المكان😉قالت ليهو يعني غزل مشتركه معاك تصبر لي الحيوانه😒امجد قال ليها خلينا من غزل..عارفه انك حلوه شديد وانتي صاحيه من النوم😍حنين خجلت ويدوب انتبهت لنفسها وعاينت في المرايه لقت شعرهت منكوش وعيونها مورمه من البكا......
..ورجعت عاينت ليهو وقالت ليهو بتضحك علي😒قال ليها لا ابدا والله.."وقرب منها" وقال ليها معقوله اضحك علي حنيني😍حنين لما ينطق اسمها بالطريقه دي بتتكسر وقلبها بعمل شححح ومابتقدر تتكلم❤قال ليها والله يا حنين انتي قبيل فهمتيني غلط والله ماقصدي شي هي كانت عايزة تقع وانا تلقائيا مسكت يدها عشان ماتقع والله ياحنين انا بحبك انتي ومستحيل اشوف غيرك😍حنين طوالي بقت تبكي واتذكرت لما كان ماسك يد عزة😢امجد بقي يمسح ليها في دموعها وقال ليها لا يا حنين انا الدموع دي ماعايزها تنزل منك ابدا وماعايز اكون سبب في دموعك انا والله مع كل دمعه بتتزل منك قلبي بوجعني😔ماتعملي فيني كده واوعدك ما ازعلك ابدا وبس عليك الله سامحيني😔حنين قالت ليهو طيب مسامحاك😆امجد اداها ورده وباسها في في راسها وقال ليها بتي قلبي الحلوة😍دلوعتي انا❤وعليك الله ياحنيني ماعايز اشوف الدموع دي تاني الا في يوم عرسنا
وتكون دموع فرح..حنين رفعت راسها وعاينت ليهو في عيونو وقالت ليهو الله مايحرمني منك يانعمه من ربنا😍امجد قال ليها ولا يحرمني منك ياحنيني😍وقال ليها هااا صافي لبن😀قالت ليهو حليب ياقشطه😁وقعدوا يضحكوا...وامجد طلع ورجع البيت اول من رجع مسك تلفونو واتصل علي عزة وفهمها انو ماعندو ليها شي ومفروض تبطل حركاتها والا ماح يحصل خير وانو حنين خط احمر ماتصلو😠
سمر بعد رجعت من المطعم مع اسر ..طلعت غرفتها ولقت مكالمه من ريم..رجعت ليها واول من ريم ردت قالت ليها مالك مابتردي؟سمر قالت ليها كنت عاملاهو سايلنت سوري حبيبتي وما فتحت التافون الا اسي ورجعت ليك طوالي😊قالت ليها كنتي وين؟سمر قالت ليها مشيت مع اسر اتغدينا في مطعم واتونسنا ورجعنا😀قالت ليها واتونستوا في شنو؟ سمر قالت ليها سألني اذا موافقه عليهو واذا حاسه براحه من علاقتنا دي😊ريم خافت وقالت ليها بشفقه كده قلتي ليهو شنو؟سمر قالت ليها اهدي يا بت مارديت ليهو ماقدرت مع انو كان نفسي ارد واقول ليهو اني موافقه❤💕ريم قالت ليها ايااااك تقولي ليهو😲سمر قالت ليها ليه؟ ريم قالت ليها خليها ليهو مفاجاه وبعد يرجع فرحيهو وخليك تقيله ما طوالي تقولي ليهو موافقه😑سمر قالت ليها انتي شايفه كده؟ ريم قالت ليها ايووة اساليني انا الاولاد بحبو البت التقيله والبتتعبهم كده بحبوها اكتر وبجروا ورراها وبقت تديها في النصايح وانها تعمل شنو وتتعامل معاهو كيف وسمر علي حسب طيبتها مفكره ريم عايزة مصلحتها واقتنعت بكلامها....
يتبع
