مر يوم الاربعاء سريع وجا يوم الخميس..اليوم الانتظرو احمد بفارغ الصبر..صحي الصباح وشال تلفونو واتصل علي حبيبه قلبو اية😘ردت عليهو ايه الو😀احمد اول من اية ردت قال ليها بحببك وحياة ربي بحببك وفرحان ياخ فرحان شويه ياخ انا طااير من الفرح😍مامصدق انو انتي اية البت المتمنيها طول عمري ح تبقي خطيبتي الليله😍اية انا لو كنت بحلم ماعايز اصحي ابدا😍اية انا والله ماقادر اصدق ياخ بحبك..وصدقيني عمري ماح اخذلك وح اكون معاك للابد😍ماح يفرقنا الا الموت❤اية مع كل كلمه احمد يقولها قلبها يعمل شححح ..احمد قال ليها اية انتي مبسوطه؟ اية سكتت مسافه وقالت ليهو اكتر مماتتصور😙احمد فرح شديد انو حبيبتو فرحانه وموافقه عليهو..قال ليها طيب حبيبتي اخليك تجهزي واشوفك بعدين المساء يا احلي اية..يا ايوويتي انا😍
..اية بعد احمد قفل منها ختت التلفون ومسكت المخده وحضنتها عليها وغمضت عيونها ونزلت منها دمعه😢في الوقت ده جات امها داخله عليها ولقتها ف النفس الوضع..امها نادتها ايه ايه..اية اتخلعت وقالت ليها ايوة يا امي..امها قالت ليها مالك ..انتي ماعايزة احمد؟اية قالت ليها لا بالعكس احمد شاب محترم وبحبني وانا متاكده ح يسعدني ..بس انا وبقت تبكي😭امها عرفت اية مالها وحضنتها عليها ومسحت ليها دموعها وقالت ليها يا اية ما تفكيري في الموضوع داك وانسيهو واحمد اكيد ح يسعدك وانتي كمان حاولي تنسي وخلي تركيزك مع احمد وبس❤اية قالت ليها بس ماقادرة انسي يا امي انا كل ما اجي انوم بتذكر😢امها قالت ليها قومي اتوضي واصلي وادعي ربنا يحميك ويوفقك ويشرح صدرك..وطلعت خلت اية تقوم تتوضي
..........
حنين وغزل وسمر وايه ودلال وعلا وايثار بعد مامسكت راجلها عماد بتو تالا طلعوا مشوا الكوافير عشان يجهزوا ..والشباب احمد وياسين وشهاب وامجد واسر مشوا الصالون...جات الساعه 8 دق تلفون اية وكان المتصل احمد😍قال ليها جهزتي عشان اجي اخدك ..قالت ليهو ايوة..بعد نص ساعه وصلوا ..ست الكوافير قالت ليها ماشاء الله في 5عربات مزينه واقفه برا😍متاكده دي خطوبه بس😕حنين قالت لسمر شكلو المرة دي ح تدينا عين الله اكبر عليها😑غزل قالت ليهم خلوا الكلام الكتير ويلا ننزل عشان الاوت دور😍 نزلت اية وكانت اية من الجمال..كانت لابس فستان كبدي مخنصر من الخصر وواسع تحت ومحجبه بطرحه كبدي بدهبي وعامل ميكاب خفيف اظهر جمالها اكتر ومع اكسسوارات بسيطه بالدهبي.احمد انبهر بجمالها واناقتها وهو كمان مابقل عنها كان لابس بدله سودا وبجوا لابس قميص لون نفس لون فستان ايه..جا وقال ليها الف مبروك علينا حبيبتي😍قالت ليهو وهي منزله راسها الله يبارك فيك😁ونزلوا باقي البنات .سمر كانت لابسه فستان اسود مع الجسم ومظهر قوامها الممشوق😍وفاكه شعرها الطويل واخيرا عملت ميكاب خفيف ولبست اكسسوارات بالفضي..دلال كانت لابس فستان قصير شويه لونو تركوازي مع لونها حاجه تحفه ورافعه شعرها ومنزله منو خصل😍غزل كانت لابسه فستان طويل لونو اوف وايت زي فستان سندريلا وشعرها اساسا مقصصو تحت الرقب فخلتو فاكي ولبست اكسسوارات بالاسود😍حنين كانت لابسه فستان سماوي وعامله شعرها باف وكانت حلوة شديد😍علا كانت لابس فستان وردي قصير شويه من قدام وطويل من ورا وكانت خاته شعرها كلو بجنب واحده علي كتفها وكانت حوريه😍مشوا واتصوروا وطلعوا..ايه ركبت مع احمد وباقي البنات كلهم ركبوا مع اسر ..والشباب سايقين عرباتهم وشغالين بووري وصفافير بالجد تحس انو عرس ماخطوبه😂وصلوا البيت واول من وصلوا كل الناس بقت تتشهد وامهاتهم يشيلوا واحصنوا فيهم..لانو كانوا خرافين..واي واحد مركز مع حبيبتو...عملوا الخطوبه واحمد لبس ايه الدبله وكانت اجمل ليله وبعدها قرروا يطلعوا يتعشوا برا بس اهلهم اعتذروا وقالوا تعبانين وخلوا الشباب يطلعوا يتموا سهرتهم برا..اتعشوا واحتفلوا وجوا راجعين واي زول رجع بيتو ..احمد واية ما ناموا ابدا كل الوقت كانوا بتكلم مع بعض في التلفون.....
....
مر يوم الخطوبة بسلام وباقي علي العرس اسبوعين..ايه وعلا نزلوا السوق وبقوا يشتروا في حاجاتهم عشان ح يتحبسوا خلاص...حنين نزلت الجامعه وكل يوم كانت بتشوف امجد ف الجامعه بس هو ما كان شغال بيهو ولاحظت انو دايما بتلقاهو مع بت حلوة كده بعد فترة عرفت انو اسمها عزة ..رجعت حنين من الجامعه وهي زهجانه لقت غزل خاته سمعاتها بتسمع وتضرب ف المناكير ..جات داخله وجدعت الشنطه وهي متوترة وبتاكل ف اضافرها..غزل لاحظت لحنين طلعت السماعات وقالت ليها مالك يابت جايه كده تقول مات ليك زول..حنين قالت ليها عليك الله يا غزل انا براي زهجانه ماتزهجيني زياده..غزل قالت ليها مالك احكي لي..قالت ليها يعني ح يكون مالي اكيد من زفت امجد ده..قالت ليها مالو امجد عمل شنو تاني..قالت ليها ياخ في بت مايعه كده 24ساعه لاصقه فيهو وهو يشيل ويضحك ليها ويتغزل فيها خايفه يكون بحبها😢غزل قالت ليها انتي هبله نسيتي وعدنا💪 احنا لازم نتحرك عشان مايضيعوا من يدينا😬حنين قالت ليها ح نعمل شنو يعني...غزل قالت ليها انا من بكرا ح انزل معاك الجامعه واحلي شي انو امجد وشهاب في نفس الجامعه كده اتسهل الموضوع..ومن بكرا ح ننفذ💪حنين قالت ليها تمام💪...سمر لسه مانزلت جامعه باقي ليها اسبوع ولسه مع نومها😂اما ياسين فبقي ملتزم شديد في شغلو وده كلو عشان يثبت انو يستاهل حبيتو دلال😍ودلال كل همها فساتينها وميكابها وماشغاله بيهو كتير😂امجد لسه مع صياعتو والايام دي بطلع مع عزة...شهاب لسه قافل قلبو ومامقتنع بشي اسمو حب....
يتبع
