اسر قال لسمر ايووة مرتي..ومن الليله اي حاجه عايزاها ريم تعمليها ليها..يعني ريم هنا ستك تنفذي ليها كل طلباتها..ريم جات لاسر وباستو في خدو وقالت ليهو تسلم لي حبيبي انا😍قال ليها يلا اوريك غرفتك عشان بتكوني تعبتي من السفر..وساقها ودخلوا الغرفه..سمر لسه واقفه في مكانها بين مصدقه ومامصدقه😢معقوله اسر يعمل فيني كده😢اسر جاها وقال ليها امشي اعملي لينا حاجه ناكلها لانو ريم دي بتكون جعانه😐سمر بقت تكورك وتقول ليهو انت بني ادم انت😢مستحيل تكون من البشر..وجات عليهو ومسكتو من لياقه قميصو..ليه بتعمل فيني كده لييييه عملت ليك شنو انا😢ذنبي اني حبيتك دي..موش انت الكنت توعدني بانك ح تسعديني موش انت الكنت بتمسح دمعتي وقلت لي ماعايزة دموعك دي تنزل..اسي انت سبب دموعي..وبكيتني بدل الدموع دم..ونزلت ووقعت تحت رجليهو..ليه يا اسر ليييييه تعمل فيني كده.حررام عليك حرام عليك..وين كلامك لي مشي وين تكورك باعلي صوتها جااااويبني😢تعرس علي ومنو صحبتي والعملت فيني كل ده😢اسر واقف قدامها وماعاين ليها ابدا ماعايز يعاين ليها ويضعف تاني..واي كلمه قالتها ليهو بتطعن قلبو..كان نفسو يحضنها ويقول ليها انا مستحيل احب غيرك وانو لسه ع حبي ليك بس انتي ياسمر خاينه وماتستاهلي المشاعر دي😢
ريم في غرفتها وسامعه صوت سمر وهي بتبكي وتكورك وفرحانه انها اخيرا وصلت للعايزاهو وقالت انتي لسه ح تتعذبي ياسمر..عايزه اي حاجه ليك..الجمال والمال وكمان عايزه اسر مستحيل اخليهو ليك😈....
اسر قال لي سمر قوومي وامشي اعملي الغدا..سمر وقفت وقالت ليهو ماح اعمل ليك ولا للجربوعه بتاعتك دي وانا من الليله ما ح اسكت ليك😐ومشت خلتو ودخلت غرفتها وقفلتها بالمفتاح ورقدت في سرير ومسكت المخده وبقت تبكي...
اسر ما حاول يمشي عليها..طلع مشي جاب ليهو اكل خت جزء منو لسمر وشال الباقي ومشي غرفتو واكلو هو وريم...بعد اكلوا ريم قالت ليهو تحب اعمل ليك مساج حبيبي💋اسر ولا عاين ليها رقد طوالي وقال ليها لا عايز انوم عشان بكرا عندي شغل كفي الايام الغبتها..اسر ماعندو شي لريم ولابحبها ولابحب قربها منو..بس عرسها عشان تاني مايضعف لسمر وعشان يقهرها اكتر...
وعدي شهررين وسمر بس تطلع لما اسر يمشي الشغل تشيل اكلها وتدخل الغرفه وريم لافه في البيت براها..واسر ماكان بعاملها كويس ..بطلع الصباح برجع تعبان بياكل بنوم..ريم ماكانت خاته في بالها انو اسر ح يعاملها بالبرود ده بس ماح تستسلم بعد وصلت نهايه الطريق وقالت لازم تلقي طريقه تخليهو يحبها....
سمر وهي طالعه من غرفتها تلقي ريم في وشها..سمر قالت استغفر الله..ريم قالت ليها مالك يختي بتستغفري..سمر قالت ليها الزول مايستغفر ربو اها ولا انتي ما بتعرفي حاجات زي دي😒ريم قالت ليها مابعرف بس بعرف اسر وجرتها ضحكه..سمر قالت ليها ماتفكيري انك خلاص كده حققتي كل الفي بالك ح يجي يوم وح تتكشف لانو عمرو الحقيقه مابتتخبي😐ريم قالت ليها المهم انو اسر اسي معاي وبحبني وبكرهك وبقرف منك ومابستحمل يشوفك وضحكت..سمر قالت ليها ح نشوف الضحك ده ح يستمر لمتين ودخلت غرفتها وقفلت االباب وبقي تبكي😢...
اسر جا راجع البيت ولقي ريم مجهزه ليهو الغدا واول من وصل جات وكانت عايزه تبوسو هو زح منها وقال ليها الغداء بشنو..ريم وقفت مده في مكانها بعدين جات عليهو وقالت ليهو كل النفسك فيهو ياحبيبي😍سمر كان ما اكلت من الصباح وجااعت شديد وقالت تمشي تجيب ليهاةاكل من برا وتجي طلعت الصاله لقت اسر بياكل ومعاهو ريم..ريم اول من شافت سمر اكلت اسر في خشمو..سمر عاينت ليها ودخلت المطبخ..بعد شويه يسمعوا صوت قزاز اتكسر..يجروا علي المطبخ يلقوا سمر واقعه😱اسر جن وجا طوالي شال سمر ونزل بيها ومشي المستشفي ودخلها علي الدكتور..الدكتور طلب منهم تحاليل..اسر قاعد مع سمر ف الغرفه منتظرين النتيجه..جا الدكتور عليهم بعد النتيجه ظهرت وقال ليهم..الف مبروك المدام حامل في الشهر التاني وطلع...اسر بقي مصدوم وسمر كمان..وبقوا يعاينوا لبعض..بعد شويه سمر بقت تبكي وقالت لاسر لازم تطلقني😢اسر قال ليها انتي مجنونه مستحيل اطلقك وولدي الفي بطنك دا..سمر قالت ليهو طلقني بس ماعايززاااك مااعايزااك.عايزه اعيش مع ولد في امان وهدوء بعيد عنك وعن مرتك😢اسر قال ليها اخر مرة اقول ليك كلام دي طلاااق مابطلق ويلا نرجع البيت..سمر خافت علي الفي بطنها من ريم مادام عملت فيها كل ده ممكن تعمل لولدها حاجه عشان تتخلص منو..قالت ليهو ما برجع معاك لو ماعايز تطلقني تخليني ارجع السودان😢عايزه اكون قريبه من امي وبقت تبكي😢....
اسر قال ليها خلاص بكرا بقطع ليك تيكت للسودان..
رجعت سمر وكان طلبت من اسر مايكلم ريم بحملها..دخلت غرفتها وبقت تجهز في حاجاتها للسفر..ريم قالت لاسر مالا سمر قال ليها شويه ارهاق..قالت ليهو كذابه دي حركات منها عشان تخلي قلبك يلين عليها..اسر قال ليها عليك الله ياريم انا مافاضي ليك خليني انوم عندي صحيه بدري..ريم قالت ليهو عندك شنو..قال ليها ح اوصل سمر ا المطار ماشه السودان..ريم لما عرفت سمر مسافره عايزه تموووت من الفرح قالت ليهو طيب نوم حبيبي😍سمر صحت الصباح لانو طيارتها كانت8ص جهزت باقي حاجاتها وهي جهزت وطلعت لقت اسر منتظرها برا..وطلع قبلها وهي وراهو وركبوا العربيه وطول الطريق ما اتكلمووا مع بعض...وصلوا المطار وكان النداء لطيارة سمر..اسر مد ليها يدو وقال ليها تصلي بالسلامه.سمر سلمت عليهو ومشت ركبت الطيارة..اسر حس انو سمر اخدت معاها رووحو ..ومشي علي شغلوو
سمر حاسه براحه لانها ح تشوف اهلها ومضايقه لانها ما ح تشوف اسر....
يتبع...
