مها قالت لشغاله ختي الغداء خلاص عشان البنات طالعين السوق..وقالت لعلا علا امشي نادي مهند عشان يجي يتغدا..علا مشت غرفة مهند ودقت الباب بس هو مارد ليها..فتحت الباب ودخلت لقتو نايم وشكلو تعبان😯حنت عليهو وقعدت جنبو في السرير ومسحت شعرو وسرحت فيهو😍بس صوت مهند شالها من سرحانها وهو بقول ليها احلي شي انك تصحي علي الوش الحلو ده❤علا انتبهت ليهو وشالت يدها وكانت عايزه تطلع بس مهند مسك يدها وقال ليها علا والله انا بحبك💋واوعدك اني اسعدك وما ازعلك ابدا😍علا خجلت شديد وقالت ليهو بصوت واطي وانا كمان وبتمني اني اقدر اسعدك..مهند قال ليها سعادتي في قربك 😍قالت ليهو عاين خلاص خلي دور قيس ده وانزل تحت عشان منتظرنك للغدا..مهند بقي😑يعني لازم لازم تخربي اي لحظه رومانسيه..علا جرت يدها منو ومدت ليهو لسانها وقالت ليهو انا كده اساسا عجبك ولا لا وجرت خلتو..ضحك وقال ليها وحياتك عاجباني ونص😍نزل مهند تحت واتغدوا ..والبنات مشوا اتجهزوا عشان يمشوا السوق ...ياسين قال لمهند ياخ لازم نمشي نديها قعده كده في شارع النيل مع حجه فاطمه ..مهند قال ليهو انت للان مع حجه فاطمه حقتك دي😂ياسين قال ليهو ياخ بحس بالانتماء هناك وبلقي انو في افشل مني😃اسر قال ليهو كويس انك عارف انك فاشل..ياسين قال ليهو ياخ انت تسكت اليوم كلو ووقت تقرر تتكلم تقصف جبهتي عليك الله خليك ساكت طوالي😑كلهم قعدوا يضحكوا عليهو😂هاله جات لولدها اسر وقالت ليهو يا اسر وانت في طريقك للمطار وصل معاك البنات السوق ..وانت يا شهاب رجعهم من هناك..قالوا ليها تمام...غزل جات قالت ليهو يا اسر يلا خلينا نمشي..قام اسر وشال مفاتيحو وطلع..لقي اية وعلا وحنين وغزل والحبيبة سمر منتظرنو..فتح ليهم العربيه وركبو ..غزل ركبت بقدام مع اخوها..وايه جنب الشباك وحنين جنب الشباك التاني وسمر وعلا ف النص .اسر اتبسط شديد لانو موقع سمر بخليهو يشوفها في المرايه..طول الطريق اسر ما شال عيونو عن سمر .سمر حست بيهو بس ما اخدت في بالها لانها مركزة مع تلفونها وصلهم السوق وطلع علي المطار..البنات لفوا في السوق قريب اربع ساعات واشتروا كل العايزنو ..بعدها علا دقت علي شهاب يجيهم..جاهم شهاب والمرة دي ركبت علا قدام وايه لسه مع شباكها😂 وسمر وغزل ف النص وحنين جنب الشباك..وغزل شكلها مشت علي خطوات اخوها 😂 وبقت تعاين لشهاب بالمرايه ..اخيرا وصلوا البيت ولقوا ايثار وراجلها وبتهم وصلوا..سلموا عليهم ..وسمر شالت تالا وبقت تلاعب فيها واسر مراقبها بعيونو...اخدوا سهرتهم ديك ...وهدي وراجلها واولادها رجعوا البيت ..وكمان علي ومرتو رجعوا البيت ..واتواعدوا انهم يجوا يوم الخميس من الصباح للخطوبه ...
يتبع
