حنين اتخلعت وبقت بتسال في نفسها امجد عايز منها شنو في الوقت ده..جات تطلع غزل قالت ليها ماشه وين..حنين قالت ليها ماشه اشرب مويه وجايه..ونزلت وطلعت برا وقفلت الباب ومشت لقت امجد واقف ..اول من وصلت مد ليها ورقه..شالتها ولقتها الرساله الكتبتها غزل لشهاب..قال ليها انتي بتحبي شهاب؟ وحنين بس بتعاين ليهو..صرخ فيها وقال ليها ردي علي انتي بتحبي شهاب😠حنين حبت تنرفزو وقالت ليهو ماعندك دخل احبو ولا ما احبو وجات تمشي بس هو جراها وبقي ماسكها ومقربها عليهو وبضغط بيديها علي اكتافها لما اتوجعت..انا لما اتكلم معاك اياك تحاولي تمشي وتخليني ويلا جاوبي..حنين بتقول ليهو وانت مالك بهمك في شنو؟ امجد قال ليها وهو بكورك وبضغط عليها اللهم طولك يا روح حنين ردي علي سؤالي؟حنين مسكتو وجعتها شديد وقالت ليهو وهي بتصرخ ياخ انت مااالك ما لك دخل فيني بتسالني بصفتك منو؟ امجد ماقدر يستحمل وقال ليها بصفتي اني بحبك😠حنين حست انو الوقت وقف وكلمه بحبك بتتردد في اضانها الكلمه الحلمت بيها طول عمرها..معقوله يكون قالها اخيرا معقوله😍امجد قال ليها ايوة ياحنين والله بحبك صاح اني بتاع بنات وصايع وعلاقاتي كانت كتيره بس والله ماحبيت واحده فيهم..ماعارف انا حبيتك ليه بس فيك شي بشدني..كل ما حاول ابعد عنك بتجذبيني اكتر بس قلت ده ماحب احتمال اعجاب بس بعد شفت الرساله دمي غلي وخفت اني اخسرك والغيرة عمتني ..عرفت انو ده ما اعجاب ده حب..انابحبك ياحنين...حنين وهي مامضدقه انو قال بحبك ودموعها نزلت وبقت تبكي😢امجد مسح دموعها وقال ليها عليك الله ماتبكي مابستحمل الدموع دي تنزل منك ياحنيني😍حنين لما سمعت حنيني..بقت تبكي زياده وامجد بهدي فيها..حنين قالت ليهو انت ماعارف انا اللحظه دي منتظرها من متين انا من وعيت علي الدنيا بحبك😢امجد فرح من كلام حنين وقال ليها يعني بتحبيني😍حنين قالت ليهو موش بحبك انا بعشقك💕قال ليها طيب والرساله😕حنين قابت ليهو انا كتبتها فعلا بس ما لي دي غزل😯امجد فرح شديد ومسك يد حنين وباسها وقال ليها انتي ح تكوني لي انا وبس واوعدك ويلا امشي نومي لانو الوقت اتاخر بكرا ح اجي اوصلك الجامعه.ومشي ام وهو مبسووط شديد😍وحنين كانت طايرة من الفرح ومامصدقه انو طلع بحبها واعترف ليها كمان ..دخلت غرفتها لقت غزل بتبكي..جات جاريه عليها غزل في شنو بتبكي ليه😦غزل قالت ليها شهاب يا حنين قال مابحبني وبفكر فيني زي اختو الصغيرة وبقت تبكي وتبكي😢😢وحنين تحاول تهدي فيها بس ماقدرت لانو غزل بتبكي بكل حرقه لانها حبتو بالجد😢
يتبع....
