صباح يوم الجمعه بيت ناس سمر جايط شديد والشغالات ماشين وجايين والبجهز في الاكل والبرتب في البيت ..وسمر في غرفتها في سابع نومه ولا جايبه للدنيا خبر لانها نامت متاخر بعد ماكانت مساهرة علي النت تتونس مع علا وصحباتهم..تجي عليها حنين وتجر منها الغطا يااازفتة يا سمر قوومي ياخ ناسيه انو الليله الجمعه واللمه عندنا والناس بعد ده ح تجي قووم يا زفت😠تصحي سمر وعين مفتحه وعين مغمضه ياربي انا ياخ مالك من الصباح بتصرخي خليني انوووم عليك الله ياحنين زحي من وشي 😑 قلت ليك قوومي مابتفهمي ناس عمي وعمتي واولادهم في الطريق يعني شويه ويصلوا😒 اوووف طيب طيب خلاص قمت 😪 وترجع تاني ترقد في السرير 😂سمر والله ما تقومي اكلم ليك امي 😏 لا لا الا امك خلاص قمت ..وقبل سمر تقوم من السرير تسمع ليك سلامات وجوطه تحت ...حنين تقول لسمر شفت وصلوا وانتي لسه ما جهزتي😬
سمر :ياخ خلاص ماتنقي اسي بستحمي واجهز وانزل طيب يلا...
نزلت حنين وكانت لابس اسكيرت اسود هاي وست قصير شويه ومعاهو بلوزه بصليه وشعرها ضنب حصان وعامله ايلاينر وقلوز وردي كانت جميله😍 طبعا لازم تتجمل لانو الحوووب امجد جاي 😍 ..واول من تنزل حنين تلقي في وشها امجد كان لابس بنطلون اسود وتيشيرت ابيض وساعه سودا وجزمه نايك بيضاء يعني طالع حاجه خرافيه😍 حنين اول من شافتو وقفت وبقت سرحانه فيهو..امجد انتبه لحنين الفي السلم وهو عارف انها بتحبو من هم شفع بس هو عامل نفسو ماعارف وتقيل..عاين ليها وقال ليها يالله يالله ده شنو الجمال ده كلو 😍 لا صراحه مابقدر علي كده انا😍 ..حنين انتبهت ليهو وخجلت ونزلت سلمت عليهو وقالت ليهو احم احم طول عمري جميله😌 يادب تنتبه 😑 قال ليها لا منتبه من زمان وغمز ليها 😉 وفات خلاها لسه سرحانه مع الغمزة ..هو مستغل فكرة انها بتحبو شديد وهو بحب يتسلي عشان كده بغازلها وبعمل ليها حركات يشبع بيها غرورو وانو بت زي حنين بتحبو وجاريه وراهو.. حقير😒... جات علا وبقت تصفق لحنين البقت في عالم تاني بعد غمزة امجد😉 ياااحنييييين هييييي حنيييييين ولاحيا لمن تناجي 😂 قامت علا صرخت ليها في اضانها يااحنييييين ..حنين اتخلعت وحمرت لعلا ياخ مالك يا زفت انتي في شنو😠 ياخ بنادي ليك من الصباح وانتي في عالم تاني 😯 ياخ الزول ما يسرح معاكم يعني دي شنو الناس التقرف دي ومشت خلت علا واقفه 😂 علا بقت 😕 دي مالا دي اتهبلت ولا مالا صحيح المجانين في نعيم..علي سيرة المجانين خليني امشي اشوف الهوومارة سمر اكيد للان نايمه 😒 وطلعت فوق لسمر ..لقت سمر واقفع جنب المراية وكانت لابسه بنطلون بيجي وتيشيرت ابيض ومرسوم فيهو بالبيجي وكانت رافعه شعرها لفوق وماعامله اي شي في وشها ماتحتاج 😍😍 التفت سمر لعلا واللي كانت لابس بنطلون اسود وقميص ازررق وشاكه القميص مع البنطلون ولابسه عقد رفيع بالاسود وفاكه شعرها وعامل برمه بقدام وعامله روج بمبي😍
سمر : ياجمالووو اخخخ فات مهند كان ح يتجنن عليك 😍 علا قعدت تضحك وسرحت وقالت بهيام < مهند يااااا اشتقت ليهو 😍
سمر قالت ليه هيي اصحي من فيلمك الهندي ده وخلينا ننزل عشان امي ح تجي تقلع عيوني 😥 علا قالت ليها فعلا يلا ننزل 😂 نزلوا تحت ولقوا كل العيله مجتمعه وبضحكوا ويتونسوا ..جات سمر وسلمت عليهم كلهم وقعدت وشويه كده وحضروا الغدا😆 بعد خلصوا غداء...قعدوا يشربوا الشاي ..قام محمد قال ليهم يا جماعه عندي ليكم اخبار حلوة ناس عمك خالد ح يجوا بعد يومين وح يعدوا الاجازة معانا 😍 كلهم فرحوا وانبسطوا شديد خاصه حنين لانو اشتاقت لغزل شديد 😍 وتم محمد كلامو وقال ومهند ولد كمان عندو اجازة ونازل السودان وااتلفت علي راجل اختو عادل وقال ليهو 😃يا عادل مهند ماعندو اجازة قريب غير دي فعشان كده رايك شنو نعمل العرس مرة واحده ويسوق عرستو معاهو ولو علي القراية ممكن تخلص قرايتها هناك 😊 عادل قال ليهو والله انا ماعندي مانع وعلي بركه الله😆 كلهم التفتوا علي علا الوشها بقي الوان قوس قزح من الخجل وبقوا يعملوا ليها حركات😂 قام محمد قال طيب نشوف راي العروس اها يا علا يا بتي رايك شنو ؟😊
سمر ناطت وقالت ليهو السكوت علامة الرضا وبعدين هي شويه وكانت ح تقول ليكم عاينوا عرسوا لي مهند😂 طوالي علا قرصت سمر لما صرخت اييييي يابنت الايه دي كلها قرصه ياخ الله يعينك يا مهند وكلهم قعدوا يضحكوا ومبسوطين😂 وياسين يشيل ويزغرد ايووووووييييي ايوووويييي .ويعاين لدلال ويقول بصووت علي اووووعدنا يارب ..امو قالت ليهو كدي انت خلي العطال اول واشتغل كان تلقي ليك واحده ترضي بك 😑 قال ليها لا ياحجه ماكده طيرتي ام الجبهه😂 وتموا يومهم داك ضحك وونسه واي زول رجع بيتو وبدوأ يخططوا للعرس ووكده
يوم الاتنين العصر كانت عايله سمر مجتمعين وبشربوا في شاي الغدا ..محمد ابو سمر قال لمرتو ...يامها عليك الله خلي الشغالات يجهزوا الغرف عشان ناس خالد اخوي ح يصلوا الليله الساعه 8 وح ينزلوا زي كل مرة معانا والمرة دي نازل معاهم ولدو اسر ..
مها: خير يا حاج بكلمهم اسي...
يتبع
