بعد باركوا لاية والعيله كلها تتونس ويحكوا في امور الحياه ...وحنين بس كل انتبهها مع امجد مع كل حركاتو كيف بضحك وكيف بحرك يديهو وكيف برفع جواجبو لما يستغرب او يستنكر حاجه ..امجد لاحظ لحنين وهي بتعاين ليهو عاين ليها كده وابتسم ابتسامه ثقه😊حنين طووالي جسمها برد وبقت مقهيه اكتر فيهو ..غزل قالت لحنين ياحنين خلاص شيلي عيونك من الود كلهم ح ينتبهو عليك وحنين في عالم تاني عالم كلو امجد❤ غزل لكزت حنين بيدها شديد لما حنين قالت اييي ...امها قالت ليها مالك ..حنين قالت ليها لا يا ماما مافي شي ..امها قالت ليها طيب ...مها قالت لهاله يا هاله انتي ايثار ليه ما جات معاكم ..هاله قالت ليها ح تجي بكرا لانو راجلها شغال عمليات الليله ..مها قالت ليها يوصلوا بالسلامه ان شاء الله ...محمد قال لمرتو يا مها الغرف جاهزة قالت ليهو ايوة ..قال ليها خلاص يلا كلكم امشوا نوموا وانتو اكيد يا خالد تعبانين من السفر ..وقال لاخوهو علي وراجل اختو عادل انتو ح تبيتوا الليله معانا لانو الوقت اتاخر ..قالوا ليهو تمام..حنين فرحت شديد لانو هي وحبيبها ح ينوموا تحت سقف واحد😍 وياسين كمان فرحان انو ح يقدر يشوف دلال كتير ودلال همها كلو في مناكيرها ولاجايبه ليهو خبر 😂وطول القعده دي كان في زول ساكت بس قاعد يفتش بعيونو زي العندو حاجه رايحه ليهو😃بس سمع غزل بتقول لحنين يا حنين انتي سمر وين هنا زولنا طوالي عدل قعدتو وبقي يستمع ليهم 👂حنين قالت ليها سمر دي حمارة نوم ياخ عشقها الابدي النوم ..ضحكت غزل وقالت ليها ياحليلها ياخ والله احلي زول 💓اسر قال بقلبو والله فعلا احلي زول😘محمد قال ليهم يلا يلا بعد ده النوم السهر ده مابنفع معانا ..علي قال ليهو والله معاك حق كبرنا وعجزنا مرتو قالت ليهو براك ياخوي العجزت انا لسه بشبابي😌 كلهم ضحكوا عليها وشويه شويه الناس دخلت غرفتها تنوم..وغزل قالت لحنين يلا انا تعبانه خلينا نمشي ننوم ..حنين قالت ليها يلا وهم طالعين علي فوق حنين تصدم زول طويل وجسمو عريض وهي معاهو صغيرة شديد رفعت راسها وجات عيونها في عيونو وسرحت فيهم سرحت في جمال العيون النعسانه دي😍 حنين قالت ليهو شهاب كنت وين 😕قال ليها كنت برا بتكلم مع صاحبي وهو مادي يدو لغزل اللسه سرحانه في عيونو 😍 شهاب اشر ليها في عيونها وقال ليها هييي انتي بقيتي مابتصافحي ولاشنو..غزل قالت ليهم احم لا لا وسلمت عليهو ومشي خلاهم..حنين بقت تجر في غزل جر وطلعوا فوق الغرفه..حنين قالت لغزل ياااا والله اشتقت ليك عندي ليك حكايات كتيره نفسي احكيها ليك..انتي طبعا عارفه انو شالوني في نفس جامعه امجد 😘 يااااااااخ والله فرحانه تاني ح اشوفو دايما اساسا انا شلت هندسيه عشانو.يااا يا غزل والله بحبو ..بحب عيونو بحب رموشو وبحب حركاتو وبحب ضحكتو ياخ لما اشوفو بضحكه كده بحس الدنيا وقفت بحس انو مافي شي اجمل من ضحكتو ولالما يغمز لي انا بتشل ببقي ماعارفه اعمل شنو..مره ياحنين بحس انو بحبني ومرات بحس انو مافارقه معاهو ..ماعارفة هو بعمل معاي كده ليه 😢 وغزل في مكان تاني خالص ولامع حنين ..غزل قالت ليها الله من عيونو ..اول مرة اشوف عيون حلوة زي دي 😍 حنين قالت ليها ولا لما يرفع حواجبو وهو مستغرب ..غزل قالت ليها الله علي طولو حسيت نفسي معاهو قزمة 😍 حنين تقول ليها ياخ لما يعاين لي بحس قلبي ح يطلع من مكانو😍 غزل قالت ليها ولاصوتو ياخ فيهو بحه حلوه 😍 حنين عايزة تقول ولا كلا....انتبهت انو غزل سرحانه وعيونها تلمع.. قالت ليها غزل بتتكلمي عن منو ...غزل قالت ليها عن شهاب يعني منو..حنين شالت المخده وطااااخ في نص وشها..غزل اتخلعت ااااييي يا زفته مالك ياخ...حنين قالت ليها انا احكي ليك عن امجد وانتي تحكي لي عن شهاب😑قالت ليها ياخ اعمل شنو شال قلبي معاهو😍 حنين قالت ليها بس يا غزل شهاب ده ما بتاع حب وكلام زي ده ياخ ده اصعب من امجد...غزل قالت ليها لكن انا حبيتو .ومن اول نظرة عشقت عيونو😍 حنين قالت ليها طيب بقينا في الهوا سوا😂 حب من طرف واحد انتي عارفه يا غزل لازم نقاتل عشان حبنا 💪 ونخليهم يحبونا..غزل قامت ومشت لحنين في سريرها ومسكت يديها وقالت ليها اي لازم وح نقطع وعد انو يكونوا لينا 💪 حنين شدة علي يديها وقالت ليها وعد 😬نخليهم مع وعودهم دي ونمشي لياسين😍...
ياسين مشي لامو وابوهو في الغرفه ودق ليهم الباب..ابوهو فتح ليهو الباب وقال ليهو خير ياطير.ياسين قال ليهو في زول بقابل ولدو بطير ابوهو قال ليهو ياسين انا تعبان قول عايز شنو..ياسين قال ليهو ابوي انا قررت اشتغل معاكم ..ابوهو صلح وقفتو وقال ليهو انت محموم ولامالك عايز دكتور..ياسين قال في قلبو ..للدرجه دي انا فاشل ومامني امل..قال لابوهو والله يا ابوي انا جادي خلاص بعد ده كبرت ومابقيت طفل عشان ادلع لازم اساعدك واكون سندك بما اني ولدك الكبير..ابوهو عاين ليهو كده وقال ليهو دقيقه اغير واوديك المستشفي..ياسين قال بصوت واطي .. ياحليلك يا حجه فاطمه انتي الوحيدة الكنتي مشجعاني.. حجه فاطمه دي طبعا البمشي يشرب عندها الشاي😂صحبتو وفردتو شديد..علي صوتو شويه وقال لابوهو والله يا ابوي جادي معاك خلاص انا تعبت من القعده ساي وعايز اخليك تفتخر بي..ابوهو قال ليهو خلاص تمام من بكرا تنزل شغل معاي ب
س ماتغير رايك 😑ياسين وهو متحمس لا والله يا ابوي ما ح اخذلك ابدا وحضن ابوهو شديد وباسو في راسو ونزل وهو بغني ..
يتبع
