عدي شهر كامل واسر بطلع الصباح وبرجع اخر الليل..ما شاف سمر خلال الشهر ده كلوو كانهم مافي بيت واحد..بجي بليل وبجيب معاهم حاجات للبيت ويدخل غرفتو ينوم..يصح من الفجر يغير ويطلع علي شغلو وده روتينو بقي كده....
اما سمر ضعفت شديد وكرهت حياتهاوتدعي بس ربنا يخلصها من العذاب الهي فيهو..
ريم لسه مواصله مع اسر وتتكلم معاهو وبتحاول تتقرب ليهو..
يوم اسر جا البيت بدري شويه وكان مشتاق لسمر شديد ليهو شهر منها..بعد كل العملتو وانو هي خاينه في نظرو لسه بحبها..اتسحب براحه علي غرفتها وفتح الباب لقاها نايمه في السرير قرب منها وشاف هي كيف ضعفت وملامح وشها اتغيرت وكانت بتصر في وشها كانو في شي واجعها..قرب منها اكتر لقاها بتقول بصوت ضعيف ا س ر اااسر..خت يدو علي خدها لقاهو مولع نار..سمر كانت محمومه شديد..طوالي شالها وطلع بيها علي اقرب مستشفي..ودخل بيها وبقي ينادي في الدكتور زي المجنون..جاتو ممرضه وقالت لبهو تعال دخلها هنا...دخلها وجا الدكتور والممرضه طلعت اسر برا...بعد الدكتور فحصها طلع وقال ليهو عندها فقر دم حاد وانو هي مهمله نفسها شديد ومابتتغذا كويس لازم تقعد يومين عشان يراقبو حالتها وتاخد دربات عشان تعوضها...اسر بعد سمع كلام الدكتور لام نفسو شديد انو هو السبب..وهي امانه في رقبتو بس هو اهملها..دخل عند سمر ولقاها تعبانه شديد جا وقعد ف كرسي جنبها ومسك يدها وحضنها عليهو وقعد يبكي ويقول ليها سامحيني انا السبب😢وبقي يديها الادويه في مواعيدها ومابتحرك من جنبها ابدا وبصلي جوا الغرفه ودق علي صحبو وقال ليهو ح يغيب اسبوع عن الشغل...في اليوم التاني سمر صحت لقت اسر قاعد في كرسي ومرجع راسو لورا وشكلو مرهق شديد وما نايم..قالت ليهو اسر..اسر من سمع صوت سمر ردت فيهو الروح..ابتسم وقال ليهاانتي كويسه؟ سمر هزت راسها بمعني ايوة..اسر قال ليها ح امشي انادي الدكتور واجي...بعد دقايق جا اسر ومعاهو الدكتور وفحص عليها وقال انو اتحسنت بس لازم ترتاح الايام دي وتتغذا كويس..وقال ليهو ممكن ترجعها البيت...
اسر وسمر رجعوا الشقه واسر دخل سمر الغرفه..وبقي يهتم بيها شديد وبحرص علي اكلها وشرابها وبديها ادويتها في اوقاتها..سمر بقت محتاره فيهو قبل كم يوم ماكان بضيق اشوفها واسي بهتم بها...
سمر اتحسنت وبقت تتحرك وصحتها رجعت ليها...واسر الاجازه خلصت ونزل شغل وكان بدق عليها كل دقيقه يطمن بقت كيف؟سمر كانت زهجانه وقالت قبل ما يجي اسر اقوم ارتب البيت واعمل الغداء..ورتبت سمر البيت وعملت الغداء وبعد انتهت دخلت الحمام تاخد شور....اسر رجع البيت بس مالقي سمر..دخل المطبخ وكانت ريحه الاكل معبياهو اسر شم الريحه وقال الله ريحه الاكل حلوة شديد..وطلع من المطبخ وبقي ينادي ياسمر سمر..سمر جات وكانت لابسه اسكرت فوق الركبه اسود وبلوزه ورديه وفاكه شعرها😍اسر اعجب بسمر شديد وبدون مايحس قال ليها طالعه حلوة😍سمر خجلت وقالت ليهو شكرا ومشت علي المطبخ وبقت تخت ف الغدا..ختو الغدا واكلوا وشربوا الشاي..سمر جات تقوم اسر مسكها من يدها وقام وقف قدامها وخت يدو علي خدها وباس خدها التاني...وباس رقبتها وحضنها شديد وشالها ودخل الغرفه😍...
اما عند علا ومهند..علا كانت حامل في الشهر 2 واتعبت مهند شديد معاها...علا قالت لمهند مهنند عايزة ايسكريم بالشوكولاته..مهند بجاوبها وهو شبه نايم..علا الساعه 3ص نومي بكرا بجيبها ليك..علا بقت تبكي 😢انت بقيت مابتحبني😢وتضرب فيهو..مهند قام وقال ليها بقيت حساسه شديد😕علا وتبكي زياده يعني بقيت نكديه😢مهند قال ليها قلت حساسه الجاب نكديه لحساسه شنو😑يعني انا بجيب من راسي وتبكي اكتر😢لا يا علا خلاص خلاص انا اسف..علا قالت ليهو وكمان بتختصر فيني😢مهند ماعرف يقول ليها شنو قام علي حيلو ولبس وجاها وباسها في راسها وقال ليها ماشي اجيب احلي ابسكريم لاحلي علا💋وطلع.....
اما ايه واحمد حياتهم ماشه زي العسل وكلها حب واحترام وتفاهم وايه حامل كمان بس لي اسابيعها الاولي😍..
ياسين ودلال لسه زي ماهم..ياسين ينكت ليها ودلال تضحك😍
وحنين وامجد كل يوم حبهم زايد اكتر وكل الاهل بقوا يعلقوا عليهم وقصتهم بقت معروفه..وامجد بقنع ف حنين انو يخطبها بس هي ماعايزة الحاجات دي اسي الا بعد تتخرج...
وغزل وشهاب كمان حبهم كل يوم بكبر وبتكبر معاهو مشاكلهم بس مابقدروا ينوموا زعلانين من بعض يعني المشاكل بتنتهي في يومها😍
سمر صحت الصباح ولقت اسر مافي..قامت واخدت ليها حمام واتذكرت يوم امس..اتبسطت بس زعلت لانها استسلمت ليهو ونست في لحظه اي حاجه عملها فيها..وكل الاهانات والاتهامات البشعه البتهمها ليها....
اسر كان قاعد في مكتبو واتذكر الحصل امس وخت يديهو علي راسو وقال انا كييف ضعفت كييف؟نسيت يا اسر انو هي خانتك؟ ليه ضعفت قدامها😢وهو بعاتب في نفسو كده جاتو رساله من ريم...طوالي جات في بالو فكره...... سمر قلقت علي اسر شديد لانو ليهو تلاته يوم غايب وماعارفاهو وين؟وماقادره تصل ليهو؟تلفونو مقفول؟وماعندها
رقم صاحبو..ومابتقدر تتصل علي اهلها..عشان ح يشكوا في الموضوع وهي ماعايزاهم يعرفو...وجا اليوم الرابع واسر لسه ما ظهر وسمر خلاص فاض بيها وبقت تمشي وتجي في الصاله وكل دقيقه تعاين للباب..بعد شوية سمر تسمع الباب فتح..تجري عليهو بلهفه وتقول اكيد ده اسر رجع😀مشت علي الباب وطلع ده اسر جا داخل عليها ووشو مابتفسر وعيونو خالي من اي تعبير..بعد شويه يجي زول من وراء اسر ..سمر بقت منططه عيونها ومخلوعه وجسمها كلو بقي يرجف وقلبها يدق..وتهز في راسها وتغمض عيونها وتفتحهم بس ده ماحلم دي حقيقه😳اسر قال ليها اعرفك ريم مرتي😐سمر حست انو راسها بقي تقييل والارض لافه بيها وماقادرة تصدق السمعتو قالت ليهو شنو م ر ت ك؟😳
يتبع....
