اسر رجع الشقه ولقي سمر لسه في الارض ونايمه وخدودها محمرة واثار الكف مبينه فيها..قلبو وجعو شديد عليهو واتمني لو يدو اتقطع قبل يمدها عليها..مشي ليها براحه ونزل ليها تحت ومد يدو ومسح علي خدها وطوالي نزلت منو دمعه😢وهمس ليها ليه ياسمر تعملي كده..ماعارفه قدر شنو بحبك..اخخ ياسمر جرحتيني جرح كبير😢ومسح دمعتو وشال سمر ودخلها في غرفتها وقفل الباب وطلع..ودخل هو غرفه تانيه اخد ليهو شور وجا رقد في السرير وبقي يتقلب غلبو النوم. شال تلفونو وفتح صورة سمر وبقي يتأمل فيهو ويسأل نفسو معقوله البراءة دي كلها تطلع كذب😔ونام وهو حاضن صورة سمر....
صحت سمر الصباح وختت يدها علي راسها وهي حاسه بصداع شديد..بعدين انتبهت انها في غرفه وراقده في السرير..وقالت منو جابني هنا.اكيد اسر مافي غيرو..بس هو بقي يكرهني ليه جابني هنا؟وشالت الافكار دي من راسها ودخلت الحمام وطلعت وكانت لابسه بجامه قصيره وشعرها مبلول طلعت برا ما لقت اسر.قالت امشي اشوف لي حاجه اكلها من امس ما اكلت جعانه شديد😥دخلت المطبخ وفتحت التلاجه ولقت فيها اكل كتير..قالت الظاهر صاحب اسر مجهز كل شي😍اممم طيب يا سمر تاكلي شنو..وهي بتفكر كده تحس ليك زول وراها..اول من اتلفتت عليهو راسها ضرب في صدرو..رفعت عيونها لقتو اسر وشعرو مبلول ونازل علي وشو بقت سرحانه فيهو😍اسر قرب منها وبقي يمرر يدو علي شعرها بعدين خدها بعدين رقبتها وتاني يرجع امررها علي شعرها❤وقرب منها شديد لما انفاسو اختلطت بانفسها..سمر بقت زي المخدره💋مسك وشها بيديهو الاتنين وقرب وشها من وشو..سمر قلبها بقي يدق سريع وبطنها وجعتها..غمضت عيونها❤ما حست بنفسها الا واسر لزاحها بيديهو ورماها في الارض وقال ليها مسستحيل اقرب من واحده رخيصه زيك ممكن تبيع نفسها في اي لحظه😠وطلع خلاها لدموعها..بقت تبكي وندمت انها استسلمت ليهو وكان لازم هي تبعدو منها😢لازم ماتضعف قدامو ابدا...
اسر دخل غرفتو وغير ملابسو وجا لسمر في المطبخ الكانت لسه بتبكي..قلبو وجعو وكان نفسو يمسح دموعها وياخدها في حضنو بس هي في عينو خاينه وماتستاهل حبو ولا تعاطفو معاها فعشان كده لازم يدوس علي قلبوو..قال ليها لما اجي راجع من الشغل القي البيت كلوو نضيف وملابسي مرتبه في الدولاب والاكل جاهز فاهمه..سمر قالت ليهو انا ماخدامه عندك😐جاها وشدها من شعرها وقال ليها الاقولو انا يتنفذ والا ما ح يحصل ليك خير ورمها تاني💔وطلع خلاها...سمر مسحت دموعها وقالت ياخ ماتبكي مفروض ماتبيني ليهو انك ضعيفه..واسي لازم اعمل القالو عشان مايضربني والعبرة خنقتها😭
ريم بقت ترسل لاسر وتقول ليهو اني هي كانت دايما بتنصح سمر وتقول ليها ابعدي عن الطريق ده بس سمر دايما بترفض وتحاول تواسيهو وتبين ليهو انها عايزة مصلحتو وانو جرحو كبير ولو عايز زول يفضفض ليهو هي قاعده😴...
ومرت الايام عليهم واسر كل يوم يهين سمر ويذكرها انها خاينه ويجرحها بالكلام...وسمر صابره وساكته علي اهاناتو وبتدعي ربنا ينصرها واسر يعرف الحقيقه....
اسر بقي ماقادر يستحمل الوضع ده..سمر حب حياتو معاهو تحت سقف واحد وعايشين زي الغرباء..وبقي دايما شارد في الشغل ومامركز..دخل عليهو صحبو وقال ليهو يا اسر شركه......رسلت العقد وده نسخه منو وووو...لقي اسر ما منتبه ليهو سرحان..صحبو بقي ينادي عليهو واسر لسه سرحان..صحبو جا ودق ليهو المكتب حتي اسر انتبه عليهو..قال ليهو سرحان وين انت؟وشكلك ده ليهو كم يوم ماعاجبني😕اسر اتنهد وقال ليهو لا ماتشغل بالك شويه مشاكل وان شاء الله بتتحل😪صحبو قال ليهو احكي لي يمكن اقدر افيدك ولو ما استفيدت مني ياخ علي الاقل تكون فضفضت وشيلت شويه من همومك😆اسر قال ليهو شويه خلافات مع المدام..عملت حاجه وانا ماقادره اسامحها وكل ما اشوفها بتذكرها😢صحبو قال ليهو يا اسر الحياة مابتمشي الا بالمسامحه والانسان البحب بسامح البحبو..ولازم تفتحو صفحه جديده وتنسوا الحاصل😉اسر قال ليهو ان شاء الله ورجعوا لشغلهم..... اسر رجع البيت ولقاهو نضيف والاكل جاهز..نادي ياسمر ياسمر..سمر جات طالعه من غرفتها وكانت لابسه فستان نص كم مع الجسم تحت الركبه وكانت رافعه شعرها بشباصه ونازل علي ضهرها كانت حلوة شديد😘اسر بعد شافها كان للحظات ح يضعف بس مسك نفسو وقال ليها احم انا ح استحمي واغير وانتي ختي الغداء..سمر ما ناقشتو ودخلت المطبخ طوالي وبدات تخت في الغداء"قالت في نفسها..ياسمر لازم تتقي شرو وتسمعي كلامو لحدي تشوفي نهايتو"..اسر جا وقعد وسمر ختت الغدا وعايزة تمشي اسر قال ليها تعالي اقعدي اتغدي معاي..سمر فرحت وقعدت"بعد الاهانات دي كلها منو والضرب سمر ماقدرت تكرهو وحاسه انو ممكن تسامحو لو هو حس بغلطو واتمنت انو يكون حس بغلطو" وبقوا يتغدوا في سكوت تام..بعد خلصوا سمر شالت الصحون واسر ساعدها فيهم...اسر طلع قعد في الصاله وسمر عايزة تعمل الشاي...
اسر حس انو مستحيل يقدر يقاوم سمر ويقاوم حبها الفي قلبو..وانو دي ماحياة العايشنها دي..واتذكر كلام صحبو في انو البحب لازم يسامح..وانو يفتحو صفحه جديده...اثناء ماهو بفكر كده سمر جات وجابت معاها الشاي..ختتو وكبت ليهو وادتو الشاي...اسر بشرب في الشاي وبعاين ليها..وسمر حست بنظرات اسر ليها والمرة دي نظراتو كلها حب😍اسر قرر انو يكلم سمر في الموضوع وانهم يفتحوا صفحه جديده خت الشاي وعاين ليها وقال ليها سمر..سمر مع نطقو لاسمها وقفت شراب وختت الكوبايه وقبلت عليهو وقالت ليهو نعم...اسر بقي ماعارف يفتح الموضوع كيف..اثناء مابفكر في طريقه يفتح بيها الموضوع..تلفون سمر ضرب عاينت للرقم ورفضت المكالمه وبقت متوتره شديد وملامح وشها اتغيرت..والرقم كل دقيقه يضرب وسمر ترفض المكالمه..اسر حس علي سمر وقال ليها ليه مابتردي؟ سمر قالت ليهو غلطان ف النمره😊اسر قال ليها عرفتي كيف وانتي مارديتي؟😑اتوترت وقالت ليهو لانو رقم غريب😥شويه ووصلت رساله لسمر فتحتها وكانت صدمه ليها وبقت مخلوعه😳😳 اسر قال ليها مالك؟ ماردت عليهو جا شال التلفون ولقي صورة لسمر في اوضاع ماكويسه..اسر حس الارض بتلف بيهو ودمو غلي وعروقو ح تضق..وعيونو بقت شرر تاني وصلت رساله فتحها اسر ولقي مكتوب "تتذكري حبيبتي الصوره دي؟ دي كانت لما كنتي معاي اخر مرة في الشقه قبل عرسك بيومين..هي المصبراني علي بعدك😍اسر شال التلفون وضرب بيهو الارض وقال ليها انتي مستحيل تتغيري😠حتي بعد بقيتي علي زمه راجل تاني لسن مواصله مع حبيبك...انتي مستحيل تتطلعي من وساختك وقرفك ده😠سمر بقت تبكي وتقول ليهو والله دي ما انا والله😢واسر بقي يضرب فيها زي المجنون...وطلع خلاها..
يتبع...
