في تركيا بعد علا ومهند واحمد وايه اتفسحوا وزاروا امكان كتيرة في تركيا..رجعوا الفندق تعبانين شديد.علا ومهند دخلوا غرفتهم بعد ودعوا احمد وايه..مهند وعلا دخلوا الغرفه وعلا طوالي دخلت الحمام عشان تاخد ليها شور سريع كده ولبست ليها قميص نوم تحت الركبه باللون الازرق ومعاهو روب طويل وشعرها كان مبلول.طلعت لقت مهند ماسك الريموت وبقلب في القنوات..التفت عليها ووشو كلو بقي قلوب😍طوالي جا عليها وقال ليها ياخ حرام عليك ارحميني من جمالك ده شويه..كده كتير علي ده واشر بيدو علي قلبو😍علا ابتسمت وختت يدها في قلبو وقالت ليهو سلامه قلبك💕مهند قال ليها وهو مغمص عيونو اه💔علا قالت ليهو تبرا من الاه فيني ولافيك😍مهند قال ليها لا لا ماتقولي كده انا المصبرني علي الدنيا دي انك فيها..انا بس اشوف عيونك دي يومي كلوو بكون مبسوط ..ولما اشوف الابتسامه دي قلبي برجع ادق😍انا ياخ بعششقك😍وحضنها عليهو..علا قالت ليهو هي ماشه انوم😑مهند قال ليها تبقي علا كيف لو ماخربتي اللحظات الرومانسيه😒علا وهي ماشه علي الغرفه ضحكت هههه😃مهند قال لا كده كتير ودخل وراها😍
اما عند احمد واية..ايه دخلت الحمام وغيرت وطلعت والمرة دي اتشجعت ومالبست التوب كانت لابسه ليها بجامه ناعمه لونها اسود..احمد كان منتظر ايه تطلع اول من طلعت قال ليها اية..اتلفتت عليهو وهي منزله راسها نعم..قال ليها عايز اتكلم معاك ممكن تجي وتقعدي..جاتو وقعدها في السرير وقعد ليها تحت رجولها ومسك يديها وطوالي اية بقت ترجف..احمد شد علي يديها وقال ليها انا يا ايه عرفت اي حاجه حصلت ليك..ايه عايزة تتكلم كده احمد سكتها وقال ليها عايزك تسمعيني للنهايه..ايه انتي عارفه اني بحبك واني اي شي انجزتو في حياتي كان عشان اصل ليك واثبت اني استاهلك..ايه انا بقيت ليك كل اهلك لو ما حسيتي بالامان معاي ح تحسيهو مع منو..ولو يا اية انا ماحميتك منو ح يحميك..ايه انا ماعايز شي في الدنيا دي غير اخليك مبسوطه..ايه لازم تثقي فيني ولازم تنسي الخوف في وجودي..ايه انتي بتحبيني؟ وايه كانت بتبكي بس كلام احمد طمنها شديد وحست انها لقت الانسان الح تحس معاهو بالامان قالت ليهو بنبره كلها بكا وصوت متقطع ايوة ب ب بحبك❤احمد اول مره يسمعها من ايه طوالي نط ليها في السرير وحضنها..وقال ليها انا كده لو مت ح اموت مرتاح😚اية بعد احمد حضنها ماخافت بالعكس حست بالامان والراحه واتمنت انها تكمل كل حياتها في حضنو قالت ليهو بعد الشر عليك حبيبي💕احمد زح ايه منو وبقي منطط عيونو قال ليها قلتي شنو؟عليك الله عيديها؟اية قالت ليهو حبيبي❤احمد مسكها من خدودها وقال ليها احلي كلمه سمعتها من اتولدت وباسها🙊....وقضوا احلي اوقات ...
سمر بقت تتأقلم علي اسر شديد وحست انو هي بدات تحبو وتصرفاتو بتخليها تحبو غصب...بفتح ليها باب العربيه😍بحرص علي انها تاكل وتشرب ودايما بجيب ليها هدايا..واي حاجه عنها بكون عايز يعرفها..ودايما بنفذ ليها طلباتها😍مع انو ولا مرة قال ليها بحبك بالكلام بس قالا ليها الف مره بالافعال وسمر حست انو ده الاهم ..الافعال هي البترجم الحاجه الجو القلب😍 وكانت ريم طول الفترة ديك متواصله معاها وبتسالها عن اسر..مرة سمر وريم كانوا قاعدين في الكافتريا وسمر خاته تلفونها علي التربيزه ريم قالت ليها سمر اسفه اني ح اتعبك بس مصدعه شويه ممكن تجيبي لي بندول..سمر قالت ليها حاضر من عيوني ومشت ..ريم طوالي شالت تلفون سمر وهي كانت عارفه الباسويرد شالت رقم اسر سريع ورجعت التلفون في مكانو..سمر جات وجابت ليها البندول ادتو ليها ومشوا للمحاضرة
غزل طول الفترة الفاتت كانت حابسه نفسها وبس بتبكي بتبكي علي حبها الضاع منها😢اما شهاب بقي مقلق شديد علي غزل وكان دايما بسال حنين عليها وهي تطمنو بس برضو قلبو واجعو وحاسي بفراغ كبيره بدونها وطول الوقت سرحان وبجرب في رقمها ممكن تصدف ويدخل معاهوو
اما حنين وامجد عايشين حياتهم وكل يوم طلعه وامجد مواظب كل صباح يجيب ليها ورود وشوكلاته وجنين مبسوطه وطايرة ف السما بامجد.اما عزة بقت عايزه تصل لامجد البعد عنها وبقي ماشغال بيها ولما سالت عنو وكده قالوا ليها امجد بقي يطلع مع بت اسمها حنين وطول الوقت مع بعض ومابفترقوا..عزة زعلت وقالت مستحيل تخلي امجد لحنين وعندها خطه في بالها.مشت مكان امجد بكون قاعد ولحسن حظها لقتهو براهو مشت عليهو وقالت ليهو امجد يامفتري.تنسي اصحابك بالسرعه دي😯امجد قال ليها لا ياخ العفو معقوله وبقت تتبسم وتتحنكش ليهو لما شافت حنين جايه عليهم..طوالي عملت نفسها عايزه تقوم بس في حاجه كعبلتها وعايزه تقع قام امجد وقف ومسك يدها عشان ماتقع وفي اللحظه دي حنين جات داخله وشافت يد عزة في يد امجد وطوالي دموعها نزلوا..امجد انتبه لحنين وانتبه ليدو طوالي فك يد عزة ومشي علي حنيني.قال ليها حنيني انتي جيتي..وهي بتبكي قالت ليهو انت واحد كذاب وعمرك ما ح تتغير وجرت خلتو .هو عايز يلحقها عزة مسكتو قالت ليهو ما اكون سببت ليك مشكلة...
يتبع...
