ياسين وهو راجع من غرفة ابوهو وماشي علي غرفتو وهو لسه بغني يلقي شهاب اخوهو في وشو..
شهاب : ماشاء الله مبسوط وتغني كمان الباسطك شنو..
ياسين وهو عايز ارد علي اخوهو كده يشوف دلال وهي طالعه علي غرفتها ..طوالي يخت يدو في قلبو..حركتو البعملها اول من يشوف دلال 😍انت عارف ياشهاب انا بحبك شديد شديد شديد ويشيل ويعيد في شديد وهو بعاين لدلال..والله ياشهاب ح اشتاق ليك ماعارف ح اقدر انوم كيف بدون ما اشوف وشك ..شهاب عاين للمكان البعاين فيهو ياسين ولقي دلال واقفه وبتعاين ليهم ببلاهه..
شهاب قال لياسبن ركز معاي هنا..ياسين وهو لسه مركز مع دلال ايوة ماهدا انا مركز معاك الله علي جمالك يا شهاب 😍 شهاب عاين لياسين اللسه مركز مع دلال وقال ليهو يلا ت ع خ يا سي روميو...بعد شهاب مشي ..ياسين قال لدلال ت ع خ يا اجمل بت في الدنيا😍 دلال ابتسمت وقالت ليهو وانت من اهل الخير💟ياسين شويه وكان ح يتهور بس مسك نفسو..وقال اجمد يا ياسين شويه وح تكون من نصيبك😍 ومشي علي غرفتو وهو بدعي انو دلال تكون ليهو....
صحت سمر ولقت في هدوء عاينت للساعه لقتها 3ص ..قالت يااا انا نمت ده كلو والله من التعب ما حسيت بنفسي..وزحت منها الغطا ونزلت كانت لابسه بجامه لونها وردي ومرسوم فيها لولو كاتي بالاسود وشعرها كانو كان فيهو الحرب العالميه منكوش شديد ..وهي نازل لتحت وبتحك في راسها وبتتساب وهي ما ملاحظه للعيون المتابعاها..قالت شكلو كلهم ناموا امشي اشوف لي حاجه اكلها وارجع انوم .نعسانه شديد..😂 وهي ماشه في الصاله كده تشوف ليك شبح زول بقت منطط عيونها وتدعك فيهم وتقول ياربي انا لسه نايمه وبحلم ولابتخيل وبقت تقول بسم الله والشبح يقرب عليها وهي راجعه لوراء وتقرا ف القران وتقول اكيد ده شيطان بسم الله بسم الله وهي لسه راجعه لورا وهو جاي عليها لحدي وصلت الجدار ولصقت عليهو..تسمع زول يقول ليها سمر ..قالت واي وكمان عارف اسمي شيلي شيلتك يا سمر وشويه وتبكي ياربي تنقذني وعايزة تصرخ كده الزول يمسكها ويقفل خشمها ويقول ليها سمر اهدي اهدي وهي شغاله زي التور المضبوح ترفس بيديها ورجليها..وهو يابت اسكتي انا اسر اسكتي..ح افكيك لكن ما ح تصرخي كويس..هزت ليهو راسها يعني كويس..اول من فكها صرخت طوالي رجع مسكها تاني قال ليها يابت اهدي انا اسر والله ود عمك خالد.حس انو اطرافها بدات ترخي وهدات شويه ..قال ليها ح افكيك كويس اياك تصرخي..هزت راسها وبقي يزح منها شويه شويه ..لحدي اتاكد انها ماح تصرخ..قالت ليهو انت المصحيك لاسي شنو..قال ليها جيت اشرب مويه بس وانتي المصحيك شنو .قالت ليهو جعانه عايزه انوم قصدي عايزه اكل 😆قال ليها للان انتي مع حب النوم والاكل..قالت ليهو اساسا ديل عشقي ف الحياه😍 ضكحك عليها وقال ليها تمام ..قالت ليهو طيب يلا ت ع خ..قال ليها وانت من اهلي..استغربت سمر من كلمه من اهلي دي بس قالت احتمال بردوا كده انا العرفني شنو خليني امشي اكل احسن لي ومشت المطبخ شالت سندوتش وطلعت لغرفتها..واسر يدوب حس انو ممكن ينوم بعد شاف حب حياتو😍
طلع التلفون واتصل علي تؤامي جاهو جرس بعد شويه صوت زول نعسان ياخ ماممكن ازعاجك ده عارف الساعه كم ..قبل تخلص كلامها قال ليها شفتها😍 ايثار قالت ليهو منو سمر؟..قال ليها يعني منو ياخ ركزي..قالت ليهو ماهو ماممكن ضارب لي انصاص الليالي وعايزني اركز..قال ليها المهم يلا وقفل التلفون ..صحي عماد وقال لايثار ده منو ..قالت ليهو ده اسر ..قال ليها اها وحضنها وناموا الاتنين😍اسر بعد قفل التلفون فتح الاستديو وبقي يقلب ف الصور وكلها صور لسمر من هي صغيرة لحدي اسي..قفل التلفون وهو في راسو حاجه وقال ح ينفذها بعد خطوبة اية واحمد
يتبع
