مهند واحمد واية وعلا وصلوا تركيا ونزلوا في فندق واي زوجين اخدوا مفاتيح غرفتهم ومشوا واتواعدوا يتلاقوا بكرا يفطروا مع بعض ...مهند وعلا دخلوا الغرفه وكانوا تعبانين شديد..علا قالت لمهند ياااخ تعبانه مووووت ماشايفه قدامي بس عايزه اصل السرير وانوووووووم..مهند قال ليها وانا والله اسي انتي امشي استحمي وغيري انا بطلب لينا اكل ناكل وننوم ..قالت ليهو تمام ودخلت الحمام استحمت ولبست ليها بجامه حريريه باللون الاسود وخلت شعرها فاكي وطلعت لقت مهند طلب الاكل ولابس ليهو شورت بني وتيشيرت ابيض وكان قرض😍مهند اول من شاف علا قال ليها الله علي الجمااال الله الله..معقوله الجمال ده كلو بقي حقي براي😍علا خجلت وعايزة تغير الموضوع قالت ليهو طيب يلا ناكل عشان انا تعبانه😥اكلووا وبعد انتهوا مهند قرب علي علا وقال ليها كنا بنقول في شنو😍 وعلا تزح منو وتقول ليهو قلنا ح ننوموا😯وهو يقرب منها وهي تبعد لحدي وصلت اخر الكنبه..مهند قال ليها انتي خايفه مني ولاشنو😂علا طوالي وقفت وقالت ليهو اخاف منك ليه😟مهند وقف قدامها ومسك خصله من شعرها وقال ليها اممممممم ماعارف بس تصرفاتك بتقول كده..وقرب منها وهمس ليها في اضانها بحبك💋انتي بقيتي حقتي ولي براي وانفاسو الحاره علي رقبتها.وختا ليها شعرها كلو علي جنبه واحده وباسها في رقبتها..علا في اللحظه ديك اتخدرت وغمضت عيونا ومهند شال علا ودخل الغرفه🙊..اما عند احمد واية..اية دخلت استحمت ولبست ليها بجامه ولبست معاها توب😂وطلعت لاحمد الكان لابس ترينق طويل اسود وتيشيرت ازرق.عاين ليها وقعد اضحك قال ليها علي فكرة انا راجلك يعني عادي ممكن تقلعي التوب😂اية منزله راسه وبتحك رجولها مع بعض..احمد جا عليها ورفع يدو ونزل التوب من راسها وكانت دي اول مرة يشوف شعرها..اسود وحريري طوويل💕لاحظ لانو اية بقت كلها ترجف وعيونها حمر قرب عليها عايز يمسك يدها دفرتو بقت تصرخ ابعد عني ياحيووان ماتقرب لي لااا لااا لا وخاته يديها في راسها وتصرخ..احمد اتخلع وبقي منطط عيونو ومافاهم حاجه..بقي يقرب ليها وهي تبعد وتصرخ اكتر..احمد قال ليها اهدي يا ايه انا احمد..واية لسه تزيد في الصراخ وتقول ليهو ابعد..احمد شال جكتو وطلع وخلي ايه لسه بتبكي..طلع من الفندق وبقي لافي ف الشوارع ومافاهم ايه مالا..وافكارو تودي وتجيب..ي ربي ايه ماعايزاني ولا عمي غصبها علي ولا بتحب غيري لما وصل لفكرة انها ممكن تكون بتحب غيرو جن جنونو وماقدر يستحمل الفكره دي..وهو في افكارو دي لقي الشمس طلعت خلاص قام ورجع علي الفندق اول من فتح الباب لقي ايه نايمه ف السرير واثار البكي لسه عليها..دخل استحمي وغير ولبس ليهو بنطلون ابيض وقميص اسود..دق عليهو مهند وقال ليهو انو يتلاقوا ف الفندق تحت عشان يمشوا يفطروا ويتفسحوا سوا...مهند بعد قفل من احمد رجع لعلا اللي نايمه ..نزل عليها وباسها في خدها وقال ليها اصحي يا كسلانه..علا صحت واول من شافت مهند خجلت شديد وبقت تتفادي تعاين لمهند في عيونو..مهند قال ليها اموووت علي الخجلان😍ومسك يدها وباسها.قال ليها يلا اجهزي عشان ح نطلع نفطر مع ناس احمد..طلع مهند برا الغرفه وخلي علا تجهز..علا لبست ليها فستان علي الجسم لونو وردي وعملت باف واتعطرت وطلعت..مهند اول من شافها تنح فيها😍علا قالت ليهو احم احم👏مهند قرب عليها ومسكها من خصرها وقربها عليها وقال ليها رايك شنو نخلي الطلعه دي😍علا طوالي شالت يديهو منها وقالت ليهو لالا ايه واحمد منتظرننا تحت يلا ننزل ليهم😀مهند قال ليهم امممم طيب بس مصيرك تقعي في يدي وجا باسها💋علا اتخلعت وقالت ليهو مجنون😑قال ليها بك ياقلبي..وبعدين البوسة دي تصبيرة😍ونزلوا تحت ولقوا احمد وايه لسه مانزلوا..وانتظروهم في الرسيبشن....
اية صحت لقت احمد قاعد في الكرسي وهو بعاين ليها قامت سريع وجرت عليها الغطا وهي منزله راسها..احمد قال ليها يلا قومي اجهزي سريع لانو علا ومهند منتظرننا تحت هزت ليهو راسها وقامت دخلت الحمام ولبست ليها فستان اسود وحجبت طرحتها وطلعت وكانت عامله ميكاب خفيف وطالعه قرض شديد😍 مهند عاين ليها كده👀وقال ليها يلا ننزل..نزلوا تحت وسلاموا علي ناس مهند وطلعوا مشوا ليهم مطعم ظريف وطلبوا اكل..احمد طول القعده كان سرحان ومابياكل ..مهند لاحظ ليهو وقال لاحمد تعال معاي دقيقه..طلعوا الاتنين برا المطعم..مهند قال لاحمد مالك انت من قبيل سرحان وشايفك زعلان ف شنو احكي😕احمد اتنهد وقال ليهو مافي حاجه ماتشغل بالك☺بس مهند اصر وقال ليهو لا فيك ولازم تحكي لي ياخ انا صحبك واخوك ..مالا ايه عملت شنو؟😕احمد قال ليهو والله يامهند ماعارف حاسي ايه مابتحبني😔مهند قال ليهو كيف يعني مابتحبك؟حصل شنو خلاك تقول كده؟😕احمد حكي ليهو عن الحصل امس😔مهند قال ليهو اها انا زاتي كنت متوقع احصل كده😐احمد قال لمهند كيف يعني متوقع😳مهند قال ليهو رد فعل ايه ده حاجه طبيعي بعد الصدمه الاتعرضت ليها😟احمد اتوتر وقال ليهو طبيعي وصدمه؟صدمة شنو الاتعرضت ليها؟😳 مهند قال ليهو انا ح احكي ليك وانت اتصرف وحاول تخليها تثق فيك وتنسي خوفها..قال ليهو ايه لما كانت في الجامعه كان عندها دكتور طلب منها تجي لموضوع ضروري..اية مشت ليهو ودخلت وكان بتكلم معاها عادي بعد شوية بقي يقرب منها اكتر واكتر واتهجم عليها وباقي يضربها وعايز يعتدي عليها..احمد من سمع كده كانو اتكبت فيهو مويه وعروقو قامت ودمو غلي😠مهند لاحظ ليهو وقال ليهو اهدي يا احمد الحمدلله ماحصل حاجه لانو اية قبل تمشي كلمت زميلتها..وزميلتها لما شافت ايه اتاخرت لحقتها ولقت الحيوان ده بضرب فيها وبحاول يعتدي عليها زميلتها بقت تصرخ وجرت نادت السيكيورتي والحمدلله لحقوها..لكن بعدها اية دخلت في حاله نفسيه وتعبت شديد وبقت بتخاف ومابتنوم الا والنور مولع..امي طلبت مننا نسكت علي الموضوع بحكم انها بت وسمعتها ممكن تخرب واحنا عشان خاطر ايه سكتنا بس الدكتور اترفد وسحبو منو كل صلاحياتو واتسجن..وخت يدو في كتف احمد وقال ليهو يا احمد انت لازم تطلع ايه من الحاله دي وتخليها تثق فيك هي اسي محتاجه ليك😊احمد بين مبسوط وزعلان مبسوط انو ايه طلعت مابتحب زول تاني وزعلان علي اية وعلي انها مرت بتجربه صعبه..وقال لمهند اوعدك اني اقيف معاها واحميها واطلعها من حالتها دي انا من اليوم الحبيت فيهو ايه وانا وعدت نفسي اكون ليها سند وامان وما اخذلها..مهند قال ليهو وده العشم..بعد شويه جاتهم علا وقالت ليهما ما كانكم طولتوا😒مهند قال ليها ههه طيب يلا ندخل يا احمد.
اما عند سمر..دلال جهزت سمر وطلعتها حوريه😍وكانت لابسه فستان اوف وايت ومنزله شعرها علي ضهرها😍نزلت تحت وكانت العيله كلها مجتمعه واسر لابس بدله سودا وقصه الشعر والسكسوكه كانت حاجه مابتخلص👌اسر لبس سمر الدبله وسمر لبستو الدبله بس كانت حزينه وبترسم ابتسامه باهته بتجامل بيها الحضور😊اسر حس علي سمر وعرف انها ماعايزاهو وزعل شديد حتي ملامح وشو اتغيرت وبقوا الاتنين يوزعوا ف الابتسامه مجاملة بس...اما غزل وحنين خلصوا كتابه الرساله وبقوا في الطريقه البتوصل الرساله لشهاب..حنين قالت لغزل انتي اشغلي لي شهاب وانا بسحب منو مفتاح العربيه واخت ليهو الرساله واجي..غزل قالت ليها خطه ظريفه طيب يلا😈غزل بقت تشغل في شهاب وتتونس معاهو وحنين براحه سحبت المفتاح وجرت طلعت برا وفتحت العربيه وختت الرساله بس كان في زول متابعها اول من طلعت..وجا وراها ..حنين تسمع ليك بتعملي في شنو؟ حنين اتجمدت وخافت انها تتكشف اتلفتت بالحركه البطيئه لمكان الصوت تلقي ليك امجد.حنين عايزه توزيعو منها عشان مايعرف بموضوع الرساله بقت متوترة وبتقطع في الكلام قالت ليهو ولا حاجه وطوالي جرت ونست مفتاح العربيه..امجد شك انو في شي مشي فتح العربيه لقي ليهو ظرف شالو وفتحو لقاهو رساله بقي يقرا فيها لقاها كلام حب واعتراف لشهاب..بس ما مكتوب اسم المعجبه .امجد دقق في الخط لقاهو بشبه خط حنين شديد.شال الرساله ورجع لشهاب اداهو المفتاح ولا اتكلم معاهو وطلع طوالي...غزل قالت لحنين اها عملتي شنو..قالت ليها ماتخافي اديتو الرساله بس ياغزل انتي ماكتبتي اسمك؟ غزل قالت ليها انا ماح اقدر اقول ليهو الكلام الفي الرساله ده عشان كده كتبتو وبعدين ح اقول ليهو اني انا الكتبت الرساله وهو ح يفهم براهو..حنين قالت ليها كده قربنا علي نهايه الطريق😍وبقي يضحكوا الاتنين ومبسوطات...الحفله خلصت واي زول مشي بيتو وسمر طلعت غرفتها وكملت بكا الصباح..اسر وهو في الصاله دق تلفونو لقاها ايثار اختو..اول من رد ..ايثار قالت ليهو الللففف مبروووك يا عريس😍رد ليها من دون نفس الله يبارك فيك..ايثار قالت ليهو مالك يا اسر ليه مافرحان موش دي امنيتك من زمان😕اسر قال ليها امنيتي ما امنيه سمر😔ايثار قالت ليهو كيف يعني؟اسر قال ليها حسيت انو سمر ما مبسوطه كانها مغصوبه😔ايثار قالت ليهو بتكون بتتوهم وحتي لو كانت مابتحبك انا واثقه انو انت ح تخليها تحبك وبعدين الحب بجي مع الايام انت بس حاول تقرب ليها وصدقني ح تحبك انا عارفه اخوي وتوامي لا يقاوم😍ضحك علي كلامها وقال ليها بكل ثقه ان شاء الله ح اخليها تحبني واسعدها😍ايثار قالت ليهو ايوه ده اخوي😍وخلص كلامو معاها وقفل..ايثار ادتو طاقه ايجابيه وعرف انو لازم يثبت حبو ويخلي سمر تحبو بس ما ح يعترف ليها اسي ح يخليها بعد يتاكد من حبها ليهو...شال تلفونو وعايز يطلع لغرفتو..سمع ليهو كركبه من المطبخ..مشي علي اتجاه المطبخ لقي سمر واقفه علي اصابع رجولها وبتحاول تنزل الملح من فوق الرف..اتكل علي الباب وبقي بعاين ليها وهي بتحاول تصل ليهو وماقادرة ماقدر يمسك نفسو وهو شايف منظرها ضحك😂سمر اتخلعت ولفتو عليهو وقالت بسم الله😲انت😬ياخ انت عايز تجنني😬اسر قال ليها اعمل ليك شنو انتي بتظهر في الوقت ده😂سمر قالت ليهو جعانه عايزه اكل...ولفت علي الدولاب وبتحاول تصل العلبه..اسر جا عليها وخت يدو في الدولاب وبقي محاصرها ورفع يدو وجاب ليها العلبه..سمر اول من اسر قرب عليها ريحة عطرو دوختها😍وهي معاهو سنفووره❤جاب العلبه وادها ليها وهو لسه محاصرها وقال ليها القصر مشكله😂سمر وبقت زي المخدره من عطرو وبس بتعاين ليهو👀وسرحانه مع عيونو ورموشو الطويله وحواجبو الغزيره وانفو وشفايفو واي شي فيهو..اسر عرف انو سمر بتتأمل فيهو قام ابتسم😁اول من ابتسم سمر قالت ماشاء الله😍اسر قال ليها نعم قلتي حاجه؟ سمر قالت احم احم لا ولاشي وشكرا ليك وزحت منو..اسر قال ليها ياسمر انا عارف انك مابتعرفيني والخطوبة جات فجاه وانتي اكيد اسي راسك جايط ومامستوعبه..لكن لسه قدامنا وقت ممكن نعرف فيهو بعض.وبعدها انتي بتحددي اذا عايزاني او لا وماتخافي لو علي عمي انا بقنعو لو انتي رفضت بس لازم ندي نفسنا فرصه في الاول..وقال كلامو وطلع..خلي سمر محتارة فيهو سمر وهي بتكلم في نفسها..بالجد الاسر ده مامفهوم انسان كتوم وعملي ونظرتو تخوف..بس تعاملو راقيه وحنون وبعدين هو خيرني يعني ما اجبرني ودي نقطه كويسه..طيب يا سمر انتي استخيري وشوفي البحصل وزي ماقال لازم ندي نفسنا فرصه..سمر اكلت وطلعت غرفتها استخارت وحست براحه ورقدت نامت لانو بكرا من الصباح عندها جامعه... حنين وغزل في غرفتهم..وماسكين تلفوناتهم حنين جاها اتصال من امجد اتخلعت وقالت امجد؟ عايز مني شنو ف الوقت ده.ردت الو..امجد قال ليها انزلي تحت انا منتظرك ورا الجنينه.حنين قالت ليهو انت مجنون في شنو يعني؟خليهو للصباح..امجد وهو بكورك حنين والله ما تنزلي اسي اطلع ليك بديك 5دقايق مانزلتي انا بطلع وقفل التلفون
يتبع...
