صحت سمر وهي لسه بتتساب عاينت للساعه لقتها 11ص.قالت بعد ده ياخ لازم اتعود علي الصحيه البدري لانو الجامعه ح تفتح قريب..قامت سمر ودخلت استحمت ولبست ليها بنطلون اسود وتيشيرت ولادي احمر ورفعت شعرها لفوق ..وكالعاده ماعملت شي في وشها.طلعت من غرفتها ونازله تحت شافت غزل في وشها ..غزل بقت تصرخ سمرررررر وجات حضنتها وباستها وقالت ليها والله اشتقت ليك ياخ ..سمر قالت ليها وانا كمان والله 😘غزل قالت ليها طبعا لانك كنتي نايمه امس ماعارفه المستجدات..سمر قالت ليها مستجدات شنو😕 غزل قالت ليها احمد خطب اية😍سمر قالت ليها اية منو واحمد منو😕غزل قالت ليها يعني ايه منو اية اختك يا هبله واحمد ود عمك😒سمر قالت ليها انا اصلا كنت حاسه انو احمد ده عندو شي لاية بس ياخ والله فرحت ليهم😍 وهي بتتكلم مع غزل اية جات طالعه .سمر قالت ليها ايووووويه حبيبتي انا الف مبروك ياخ😍بس يا خيوانه تتخطبي من وراي😬اية قالت ليها اعمل ليك شنو وانتي 24ساعه نايمه😑سمر حكت راسها وقالت ليها ياخ اعمل شنو بحب النوم😍حنين جات ناطه وقالت ليها وخطوبتهم كمان يوم الخميس😍 سمر قالت ليها ياااا قريبه شديد واحنا لسه ما حضرنا ولاشي😦حنين قالت ليها فعلا ياخ معاك حق😯غزل قالت ليهم طيب يلا ننزل تحت نكلمهم عشان نمشي السوق..نزلوا تحت ولقوا كل العيله متلميه ..الشباب في الصاله ويلعبوا ف بلاستيشن ويصرخوا .والاباء قاعدين يتونسوا في مواضيع الشغل وكده ..والامهات قاعدين يخططوا للخطوبه والعرس..سمر مشت سلمت علي عمها ومرتو..ولقت اسر مع الشباب مشت عليهو.وهي كل ماتقرب اسر قلبو يدق ..لماوصلتو مدت ليهو يدها وقالت ليهو امس ماقدرت اسلم عليك كويس واقول ليك حمدلله ع السلامه 😂 قال ليها لاعادي ولايهمك..والله يسلمك وابتسم وسلم عليها..سمر هنا يدوب تركز في ملامح اسر ولقتو قرض شديد😍سلمت ورجعت قعدت جنب غزل وحنين ولسه اسر عيونو معاها..حنين قالت لامها يا ماما لازم نمشي السوق عندنا حاجات كتيرة ناقصانا والعروس لسه ما اشترت فستان الخطوبة😍 واية ولامعاهم كانت بتعاين لاحمد البعاين ليها وهو بحرك في شفايفو بكلمه ..بحبك..وهي تشيل وتتبسم😍حنين قالت ليها هي انتي يلا امشي جهزي نفسك نمشي السوق😍غزل قالت ليهم وين علا..سمر قالت ليهم خليتها داخله ع الحمام اسي بتنزل😍قاعدين كده وهم بتونسوا ..يفتح الباب😍حنين صرخت باعلي صووت مهنننننننند..كلهم اتلفتوا لقوا مهند واقف جنب الباب..جرت عليهو حنين اول واحده وحضنتو وهو شالها وبقي يقول ليها حنييني اشتقت ليككك😍ياقلبي انتي...جات ناطه سمر وفكت منو حنين بعد تعب وسلمت عليهو ..وكلهم جوا سلموا عليهو بالدور..غزل قالت ليهو مادام اساسا جاي ليه ماجيت معانا من امس..قال ليها البركه في اخوك خلي لي كووم شغل وفات خلاني بس الحمدلله نهيتو سريع وجيت..لاني اشتقت ليكم😍حنين قالت ليهو لينا ولا للمدام 😉مهند قال ليها احم احم بمناسبه المدام وين علا😍سمر قالت ليهو قاعده فوق في غرفتي ..امو قالت ليهو امشي استحمي وارتاح شويه مسافه الغداء يجهز..قال ليها اي والله يا حجه تعبااان شدييد...ياسين قال ليهو طيب امشي ارتاح وتعال ياخ طولنا منك ..مهند وهو طالع لغرفتو قال ليهو تمام يافردة..مهند طلع فوق وقبل امشي غرفتو مشي لغرفة سمر..ماقدر ينتظر لبعدين عشان يشوف حبيبتو💓اول من دخل الغرفه علا كانت طالعه من الحمام ولافه البشكير علي راسها ولابسه اسكيرت قصير شويه ابيض وفيهو ورود بالاحمر وبلوزه حمرا..اول من شفت مهند اتجمدت ووقفت في مكانها😍مهند من شاف شكل علا ادشدش فيها..وطوالي جا عليها وحضنها شديد وقال ليها والله اشتقت ليك..6شهور دي ماعارفاها مرت علي كيف..كنت بعدهم بالساعات عشان اشوفك..بس خلاص المرة دي ما برجع الا وانتي معاي بصفتك مرتي😍علا لسه مخلوعه ومامستوعبه قالت ليهو مهند انت جيت متين😯فكها وعاين ليها في عيونها وقال ليها اسي قبل شويه وحبيت اعملها ليك مفاجاه😍قالت ليهو وين شنطك😻عاين ليها باستغراب كده😕وقال ليها شنطي عايزة بيهم شنو..قالت ليهو عايزة اشوف جبت لي شنو😻في اللحظه ديك مهند غلبو التعبير..مسكها من وشها وقال ليها عايني لي انا مهند حبيبك اللي هو خطيبك السافر قطر وليك 6شهور ما شفتيهو😕قالت ليهو اي عارفه😑قال ليها انتي يابت طبيعيه انا جايك واقول ليك مشتاق ليك واعدي الساعات وبتاع..وجو كاظم الساهر ده كلو ما اثر معاك..وهمك بس في الشنط وجبت ليك شنو😠ضربتو في يدو قالت ليهو ياخ اكييد اشتقت ليك دي ماعايزة كلام..بس كنت عايزة اضمن حاجاتي قبل حنين وسمر ياخدوهم وانت عارفهم😢 مهند قال ليها انتي حاله ميؤوس منها وضربها في راسها وطلع بس رجع تاني ومد راسو وقال ليها بس برضو بحبك ورسل ليها بوسة في الهوا😍قالت ليهو وانا كمان..وماتنسي تدس الشنط من حنين وسمر😆طوالي ابتسامه مهند اختفت وقال اللهم اني لا اسالك رد القضاء ولكني ا سالك اللطف فيه وطلع مشي غرفتو..علا قعدت تضحك عليهو وهي مبسووطه انو مهند رجع بعد 6شهور وهي فعلا اشتاقت ليهو حتي لو ما اظهرت الشي ده..لانها دايما بتحب تنرفزو وتخرب عليهو جوو الرومانسي😂..سرحت شعرها ورجعتو لورا وربطتو بشباصه شكل فراشه ونزلت..لقتهم لسه قاعدين وبتونسوا..جاتها حنين وقالت ليها علا مهند جا😍 علا عملت رايحه وكانو ماعارفه وقالت ليها انتي جاده متين جا😍حنين قالت ليها قبل شويه حب يعملها لينا مفاجاه واسي طلع يرتاح وبنزل يتغدا...سمر قعدت تضحك وقالت ليها يعني يا علا ماشفتيهو ..علا قالت ليها لا ابدا😕سمر عارفة انو اخوها ما ح يصبر الا يشوف علا بس مشتها وقالت ليها ايوة بتشوفيهو بعد شويه💕غزل قالت ليهم ياجماعه ياخ لازم نمشي السوق الوقت مافي صالحنا..امها قالت ليها خلاص اتغدوا وخلي اسر يوصلكم السوق لانو ماشي المطار يجيب اختك ايثار وراجلها..ومن هناك خلي شهاب يرجعكم..غزل من امها قالت شهاب وشها طوالي بقي قلوب😍سمر قالت ليها يااا ايثار جايه ياخ والله اشتقت لتالا العثولة😍...
يتبع
