غزل وحنين صحوا الصباح وقشروا اخر قشرة وطلعوا علي الجامعه..بعد ما حنين خلصت محاضراتها مشوا الاستراحه زبطوا نفسهم وطلعوا مشوا علي المكان البكون فيهو امجد وشهاب اول من وصلوا لقوا امجد وشهاب قاعدين ومعاهم عزة...حنين وغزل جوا وسلموا ..وامجد عرفهم بعزة وقال لغزل نوورت الجامعه ..غزل قالت ليهو بوجودك.وهم قاعدين يتونسوا كده جات صحبة عزة نادتها ومشت معاها..غزل قالت اخيرا طارت والتفت عليهم وقالت ليهم رايكم شنو نمشي نتغدا مع بعض لاني جوعانه شديد😅امجد قال ليها فكرة والله طيب يلا نمشي..طلعوا وحنين ركبت مع امجد وغزل ركبت مع شهاب....
في عربيه امجد...امجد قال لحنين كيف الدراسه معاك ..قالت ليهو والله يعني ماشي حالها.قال ليها لو في شي وقف ليك كلميني طوالي..حنين فرحت شديد انو قال ليها كده وقالت ليهو فعلا والله عندي كم حاجه كده ما مستوعبها قال ليها خلاص بكرا نتلاقي ف الجامعه واشرح ليك .حنين قالت ليهو خلاص تمام وسكتت...امجد عاين ليها في المرايه واول مرة يركز معاها كده بالجد حنين بت حلوة وطيبوبه شديد😍 المهم بقي يتونس معاها طول الطريق....اما عند غزل وشهاب فغزل حاولت بقدر الامكان انها تكسر الحاجز ده..قالت ليهو جامعتكم حلوة شديد ياريت لو بابا يخليني واجي اقرا هنا معاكم وبكده اكون معاك😍انتبهت لكلامها وقالت ليهو اكون معاك ومع حنين وامجد يااا كنا ح نعيش ايام حلوه😍لانو هناك محبوسه بين اربعه حيطان😧 شهاب قال ليها اسي مافات شي قبل ترجعي قطر لي عليك كل يوم اطلعك😀غزل ماصدقت انو شهاب قال ليها كده وطوالي قالت ليهو وعد☝قال ليها وعد☝....وصلوا المطعم وطلبوا واتغدوا واتونسوا واول مرة يقربوا لبعض كده ...ودفعوا الحساب وطلعوا وزي قبيل حنين مع امجد وغزل مع شهاب....حنين لما جات تنزل امجد قال ليهت بكرا بجي اوصلك الجامعه تمام😉قالت ليهو تمام...وغزل اتفقت مع شهاب يجيها كم عشان يطلعها...ورجعن الاتنين مبسوطات😍😍 غزل قالت لحنين بعد ده مسكنا بدايه الطريق لازم نكمل بس بفهم😉حنين قالت ليها اساسا انا ماصدقت انو قال ح يوصلني ويشرح لي كمان😍 ...شهاب بقي كل يوم يطلع غزل ويتفسحوا ويرجعوا البيت تعبانين وينوموا ويصحوا يتونسوا ف الواتس او مكالمه ..شهاب اول مرة في حياتو يقرب من بت شديد للدرجه دي بس غزل فيها شي بشدو ليها يعني بت حلوة وروح جميله وعفويه وبتحب الضحك وغير كده راقيه ورقيقه😍اما امجد بقي ماشغال بعزة ويومو ف الجامعه كلو مع حنين وبوصلها ويرجعها ويشرح ليها وحتي صياعتو خلاها وبقي ما شغال بالبنات كتير حس انو حنين مازي باقي البنات البعرفهم ..لسه فيها براءة وزولة نقيه ماعندها اي علاقات مع الاولاد ومحترمه وبقدر يثق فيها وده الكان فاقدوا في كل البنات البعرفهم فعشان كده مافكر يحب او يكون جادي بس حنين غير..هو عارف انها بتحبو وده كان عاجبو شديد لكن ماعارف هو مبسوط لانها بتحبو ولا لانو بكده يثبت انو بقدر يوقع اي بت ف شباكو....
مر الاسبوع الاول وجا اسبوع العرس...اية وعلا اتحبسوا بعد اشتروا كل حاجاتهم....والشباب اتقسموا الشغل...دلال كان عليها تختار ملابس الشباين للاولاد والبنات...وامجد وشهاب عليهم امور الحفله والفنان ..واسر عليهو حجز الصاله والدعوه.وياسين تزين العربات..وغزل وحنين الكوافير ..وسمر فستان العروس وبدله العريس...وكلهم اشتغلوا مع بعض وقدروا يزبطوا الموضوع باحلي مايكون...
وجا اليوم المهم ...ليله العمر بالنسبه للعرسان..البنات طلعوا من الصباح مشوا الكوافير ...والشباب مشوا مع العريس الصالون.......
الساعه8 جات غزل جارية وقالت ليهم هييي يلا العرسان تحت..نزلت اية وكانت جميله شديد فستانها فيهو شغل من ناحيه االصدر ومخنصر لي القصر وواسع شديد من تحت ..وعلا كانت لابسه فستان مع الجسم وكلو مشغول بلؤلؤ😍كانت خرافيه...والعرسان احمد ومهند لابسين بدل سوداء ومع قصه الشعر والدقن بقوا حاجه ما بتتوصف😍االبنات كانو لابسين فساتين حمرا..فيها شغل بالدهبي ف الصدر ورافعين شعرهم لفوق ومطلعين خصله واي واحد شايله ورود..والشباب كانوا لابسين بدل سودا وجوا القمصان نفس لون فستاتين البنات...نزلوا واتصوروا كلهم وعملوا حركات حلوه....الشباب اي واحد جا بعربيتو مزينه. وهم موزعين ياسين ودلال وامجد وحنين وغزل وشهاب واسر وسمر ...طلعوا كلهم في العربيه ووصلوا الصاله..واشتغلت الزفه ودخلوا باغنيه ..مامصدق اني قدام حبيبي😍😍 ورقصوا اسلو علي اغنيه ع بالي حبيبي....مهند وهو برقص مع علا..قال ليها عارفه يا علا ده اسعد يوم في حياتي وبتمني ربنا يقدرني واسعدك😍علا بس بقت تعاين ليهو😍اما احمد مامصدق انو اية حبيبه العمر الليله بقت مرتو وحلالو..وايه منزله راسها وخجلانه...اما بهناك الشباب هيجوها للاخر ورقيص شديد..انتهت الحفله وبدا الجرتق ومشوا البنات غيروا فساتينهم ولبسوا فساتين قرمصيص تلت اربع ..وانتهي الجرتق ..وبقوا ف التوديع والبكا والعرسان كانوا حجزو لتركيا 😍 ودعوهم ومشوا علي المطار طوالي...
يتبع
