بعد اليوم المتعب ده كلو رجعوا كلهم وناموا...اسر الليل كلو كان يتقلب وماقدر انوم صحي بدري ونزل تحت لقي ابوهو وعم وامو ومرة عمو قاعدين ..صبح عليهم وقعد معاهم..وهم يتونسوا ويتكلم عن يوم امس وكيف كانت حفله ظريفه..فجاه قاطعهم اسر وقال ليهم يا جماعه انا بعد 10 يوم ح تنتهي اجازتي ..فعايز ارجع وانا خاطب.امو فرحت شديد وقالت ليهو عندك واحده معينه في بالك..قال ليها ايوه سمر بت عمي محمد..وقال لعمو يا عمي انا طالب يد بتك سمر..عمو وابوهو وامو ومرة عمو فرحوا شديد ..وعمو محمد طوالي وافق لانو بحب اسر شديد وبحس انو زول مسؤول😊اسر اخيرا ارتاح..وقال ليهم انا ماعايز عرس اسي وحتى الخطوبه ح تكون عايليه وبس وبعد امشي قطر واجي بنحدد العرس..مرة عمو قالت ليهو والله معاك حق لانو اسي طالعين من عرس ولسه تعبانين..وطوالي امو بقت تزغرد..غزل وحنين جوا نازلين قالوا ليهم في شنو ..هاله قالت ليهم اسر خطب سمر ..غزل بقت تصرخ وتزغرد وفرحت شديد لاخوها وباركت ليهو وحنين كمان باركت ليهو وقالت ليهو والله شايفه العيله كلها بقت تعرس من بعض ايثار الوحيدة الطلعت..ابوها قال ليها ايثار زاتها لو كان عندها ود عم قدرها كان عرسناها ليهو وماخليناها تطلع احنا بناتنا مابطلعوا برا مننا...غزل قالت ليهم علي سيرة ايثار ليه رجعت امس طوالي بعد العرس كانت تقعد..اسر قال ليها عماد ماعندو طريقه لانو شغال عمليات...هاله قالت لمها يلا نتصل نكلم هدي وامل عشان الخطوبه الليله وتكون عايليه ونخلص منها..واسر انت امشي جيب ليك دبله ومحبس وخلاص...ويلا يا بنات امشوا صحوا سمر عشان تتجهز...
غزل وحنين طاروا طيران علي غرفه سمر وبقوا يصحوا فيها ياااعروووس يلا قومي ..سمر صحت وقالت ليهم انتو مخربطين اية في تركيا...غزل قالت ليها لا ما مخربطين يا مرة اخوي..سمر اتخلعت قالت ليها قلتي شنو..غزل قالت ليها مرة اخووي واسي اسر خطبك وابوك وافق وح يعملوا قعده عايله وتلبسوا الدبل وخلاص ..سمر بقت منططه عيونها ومافاهمه شي طوالي زحت الغطا وجرت نزلت تحت..اول من نزلت مرة عمها جات حضنتها وقالت ليها الف مبروك يا مرة ولدي وامها جات تبكي وقالت ايه مشت وانتي اسي ح تمشي وهي مافاهمه شي وراسها جايط قالت لامها يا امي ممكن دقيقه..واسر مراقب اي شي خاف انو سمر ترفضوا...سمر ساقت امها وطلعت غرفتها قالت ليها امي ده شنو الكلام ده😳امها قالت ليها مالك يابت اسر خطبك واحنا وافقنا وما ح نلقي احسن من ود عمك يحفظك ويصونك😀سمر شويه وتبكي قالت لامها لكن يا امي انا ما موافقه ياخ واسر ده انا مابعرفو ولا بحبو😢طوالي ابوها جا داخل وسمع كلامها..قال ليها يا بت انتي عايزه تكسري كلمتي انا اديتو كلمه وود اخوي اصلو مابرجعو😠وكمان جابت ليها دلع بنات بحبو ومابحبو ..ماح تلقي احسن من اسر ده يلا بلا دلع معاك واجهزي وطلع خلاها تبكي😢امها مسحت علي شعرها وقالت ليها ماتبكي اي شي لخير واكيد اسر ح يسعدك لانو زول راجل ومحترم وابوك عارف مصلحتك وغير كده العرس لسه بدري عليهو انا متاكده ح تعرفيهو وتحبيهو وطلعت خلتها تبكي😢 سمر طوالي اتذكرت علا بس ما بتقدر تضرب ليها بس تشكي همها لمنو اتذكرت ريم وطوالي شالت التلفون ودقت عليها..ريم ردت الو..سمر قالت ليها الحقيني يا ريم😢ريم قالت ليها يابت مالك في شنو😨قالت ليها ود عمي خطبني وابوي وافق وانا ماعايزاهو😢ريم قالت ليها خلعتيني قلت في زول مات ليكم😑طيب كدي اسي انا مشغوله لبكرا نتلاقي ف الجامعه وقغلت منها ولا اهتمت بيها😐سمر ولسه بتبكي.وبقت تقول في سرها انا ماخاته في بالي انو اعرس عرس تقليدي كنت دايما خاته في بالي القي الانسان البحبو ويحبني ونعيش احلي قصه حب😍بس ليه بحصل معاي كده لاانا بحبو ولاهو زاتو مابين لي انو بحبني..شكلو بس عايز ليهو عروس ..لا ياخ انا ماعايزة اعرس كده😢 وتمت يومها داك كلو بكي لحدي مانامت....
اما حنين كانت بتتكلم مع امجد بالتلفون وقالت ليهو انو اسر خطب سمر ..قال ليها والله ماشاء الله الموسم ده موسم الاعراس اوعدنا يارب علي قول ياسين😂حنين قالت ليهو امين😍امجد قال ليها انا وانتي في يوم واحد😍حنين بقت مخلوعه وجسمها برد ياربي هو قال السمعتو دا😳امجد طوالي حس علي نفسو وقال ليها يلا انا نعست وماشي انوم شويه قبل اجي للخطوبه😁وقفل منها وحنين مامستوعبه بعدين استوعبت وبقت تتبسم وحست انو امجد بدا يجبها😍غزل جات لحنين ..قالت ليها حنين انا عايزة اعترف لشهاب الليله لانو خلاص اجازتي قربت تخلص ياخ انتظرتو كتير يجي يعترف لي بس هو ولا علي بالو😧حنين قالت ليها ح تعترفي ليهو كيف😕 غزل قالت ليها ح اكتب ليهو رساله😍 وانتي الح تكتبيها لي لانو خطك حلو..حنين قالت ليها اشششي علي الحركات الرومانسيه طيب تعالي نكتب ..مشوا جابوا ليهم ورقه وبدوا يكتبوا....
جا المساء وكلهم اجتمعوا في بيت ناس سمر للخطوبه...وسمر لسه ماوقفت بكا جاتها دلال وقالت ليها انا الليله ح ازبطك واخليك تطلعي احلي واحده😍سمر قالت ليها لا مايحتاج
ماعايزه اعمل شي😪دلال قالت ليها يابت انتي جنيتي دي خطوبتك لازم تتزبطي يلا يلا ماعايزة كلام كتير قومي استحمي وتعالي شوفي الفستان الجبتو ليك💕سمر وهي زهجانه ومخنوقه قامت علي الحمام بكل تكاسل...دلال نزلت تحت مسافه سمر تتجهز..وهي نازله علي السلم تلاقي ليك ياسين💕سلمت عليهو وقالت ليهو وين انت مختفي كده😕قال ليها وهو خاتي يدو علي قلبو والله ياخ مشغول مع الشغل😥قالت ليهو ايوة ربنا يعينك ياخ..قال ليها اللهم امين يا دلاال انا بعدين بضرب ليك عايزك في موضوع💋دلال وهي مستغربه من انو عايزها في شنو قالت ليهو تمام ونزلت خلتو وهو متابعاها لحدي اختفت واتنهد وقال ااااااه ان شاء الله قريب تبقي حلالي😍
يتبع
