وصلت سمر السودان وكان ابوها في استقبالها اول من شافتو جرت عليهو وحضنتو بقت تبكي لما هو استغرب..ساقها ووصلوا البت ولقت امها وحنين وجرت عليهم وحضنتهم وهي تبكي شديد..لما امها قالت ليها مالك يا سمر انتي ما مرتاحه مع اسر..سمر قالت ليها بالعكس يا امي اسر مريحني شديد وبعمل اي شي عشان يسعدني❤حنين قالت ليها اريتو راجلي😘سمر في قلبها قالت انتي ماعارفه حاجه ساي ياحنين الله لا ضوقك عذابي..وكلمتهم بانها حامل وفرحوا ليها شديد وبقت امها في التوصيات تاكلي كده وترتاحي وماتجهدي نفسك ووو...
مر علي رجعه سمر للسودان 7شهوور...سمر كانت حاسه بالراحه مع اهلها وكانوا بهتموا بيها شديد ومابخلوها تحتاج حاجه بس برضو كانت فاقده وجود اسر معاهو وطول الفترة دي ما اتكلمت معاهو...
علا ولدت وجابت ليها بت زي القمر😍سمتها لجين..
وايه ولدت وكمان جابت بت حلوة زيها وسمتها وجن😍
وحنين اخيرا اقتنعت بفكره الخطوبه وامجد خطبها بس العرس بعد تتخرج يعني بعد 3سنوات...
غزل وشهاب لسه ما خطبوا بس بفكروا في الخطوبه
وياسين اتزوج دلال بس مابفكروا في الولاده اسي لانو دلال قالت انها لسه صغيره وماعايزه تخرب جسمها..وياسين كل يوم بحاول يقنعها بالاولاد وهي رافضه😂...
اسر من سمر رجعت السودان بجي البيت يغير بس ماعايز يقعد في مكان بذكرو بيها..وحس بفراغ كببير بدونها..حتي لو كانوا عايشين زي الغرباء وبعيدين عن بعض بس كفايه انو كان بشوفها😍...وريم زهجت من تصرفات اسر والود الاجرتهو عشان موضوع سمر بقي يهددها ويبتزها وهي كل مره تسرق من اسر ومرة تبيع من دهبها عشان تسكتوو...
مرة اسر جا البيت بدري وريم كانت في الغرفه وتتكلم في التلفون وهي بتكورك ومامنتبه لاسر..ياااخ يازفت انت انا موش قبل كم يووم رسلت ليك قروش عايز شنو تاني..وبعدين الخطه كانت انو انت تمثل قدام اسر انك حبيب سمر عشان يلغي العرس وما لغاهو وتاني كان مفروض تفبرك ليها صور وترسلهم ليها واسر يشوفها ويطلقها وماطلقها برضو..يعني شغلك كلو ما تمام وكمان بتبتز فيني وهي بتتكلم تسمع ليك زول بكووورك رييييييمممم واسر جا عليها وعيونو شرار..وشال التلفون ورماهو منها وبقي يضرب فيها ويضرب ويقول ليها طالق طااالق طالق ويضرب ويضرب لحدي ما فقدها الوعي وشال مفاتيخو وطلع دق علي صحبو قال ليهو احجز لي تيكت للسودان سرييع في اقرب طيار وقفل منو واتحرك علي المطارر...وصل المطار وكان صاحبو حجز ليهو والاقلاع بعد ساعه..اسر حس الساعه سنوات وبقي متوتر ويضرب في نفسو ويقول انا غبي ليه ماصدقت ياسمر ليه ما حاولت اسمعك ليه ماكذبت عيوني ياسمر ليه فرضت فيك ياسمر😢انا حيووان..وسمع النداء ومشي ركب الطيارة..
سمر كانت في البيت وبتتونس مع علا بالتلفون وبتسألها عن اخبار اابنوته ويتونسوا وسمر ماكلمت زول بالحصل ليها مع اسر...قفلت التلفون من علا ورقدت نامت وكان سمر دخلت في شهرها التاسع وبقت تتعب شديد...اسر قبل مايصل السودان دق لايثار اختو وحكي ليها اي شي وانو هو ندمان وعايز يمشي لسمر عشان تسامحو بس خايف انها ماتسامحو..اختو شجعتو وقالت ليهو انها ح تسامحو💋..اسر وصل السودان وطوالي مشي علي بيت سمر..لما وصل البيت كلهم اتخلعوا وقال ليهو ما كلمتنا قال عاملها مفاجاه لسمر..حنين قالت ليهو سمر فوق ولا انتظر تقول ليهو حاجه تاني طووالي طااار علي غرفتها وفتح الباب لما سمر اتخلعت..قالت ليهو اسر..اسر جا جاري عليها وبقي يبكي سمر عليك الله سامحيني انا عارف اني غلطت كتير فس حقك بس سامحيني..انا الليله عرفت الحقيقه كلها.وماقدرت انتظر لبكرا وقعد ليها تحت رجولها ومسك يديها وقال ليها سمر سامحيني يا سمر انا اهتنك وذليتك كتير..سمر شالت يديها منو وقالت ليهو عايزني اسامحك! بالبساطه دي تجيني وتقول لي سمر سامحيني!اسامحك علي شنو علي ضربك لي؟ولا اسامحك علي اهانتك لي؟ ولا اسامحك علي ذلك لي؟ولا اسامح علي طعنك لي ف شرفي؟ولا اسامحك لانك عرست فيني صحبتي والدمرتني؟ اسامحك علي شنو ولاشنو؟ انت انتهيت مني يا اسر خليتني جسد بدون روح..اخدت اي حاجه حلوه في سمر ورميتها جثه😢اطلعع برا ماعايزه اشوف وشك ومستحيل اسامحك وتطلقني ومن الليله الحاجه الوحيدة البتربطني بك الود الفي بطني ده..اسر جا عليها وقال ليها اناعارف بس سامحيني يا سمر عليك الله..سمر فجاه بطنها وجعها وبقت تصرخ واسر اتخلع وبقي ماعارف يعمل شنو شالها ونزل بيها تحت وامها وابوها جوا جارين عليهو وقال ليهم سمر عايزه تلد وجروا بيها للمستشفي...ودخلت غرفه العمليه وقالوا الا ولاده قيصريه..واسر متوتر ويمشي ويجي ماقادر يقعد بعد شويه جاتهم الممرضه وشايله بيبي وقالت ليهم الف مبروك جاكم ولد زي القمر..ام سمر زغردت وحنين جات للبيبي وشالتو واسر قال للممرضه سمر كيف؟ قالت ليهو كويسه واسي ح يطلعوها علي الغرفه....
سمر طلعوها علي الغرفه وجابوا ليها البيبي وكل الاهل اتجمعوا عندها..جا اسر داخل سمر من شافتو بقت تصرخ اطلع برا ماعايزه اشووفك..كلهم اتخلعوا واتصدموا من تصرف سمر وهي بتكورك بهستيريا..اسر طوالي طلع من الغرفه..
وسمر لسه بتكورك وامها بتحاول تهدي فيها بعد سمر هدات ابوها قال ليها ده الشنو العملتيهو ده..قالت ليهو عايزه اطلق امها شهقت وقالت ليها يا بت انتي جنيتي،؟ابوها قال ليها ليه بتقولي كده اسر عمل ليك شنو؟سمر قالت ليهو ولاحاجه بس كده عايزه اطلق ومافي زول يسألني...
محمد كلم اسر بقرار سمر بس اسر حلف وقال مابطلقها وخليها قاعده كده وهو ح يحاول معاها لحدي ترجع ليهوو..
طلعت سمر من المستشفي وعملوا السمايه للبيبي وسموا الولد فارس...واسر كل يوم بجي لسمر وهي بترفض تقابلو..وهو ابدا مازهج ويشيل ويرسل ليها في رسايل الحب ويتغزل فيها ويعتذر ليها ويرسل ليها في الهدايا كل يوم برسل ليها هديه وورود وسمر مابترد عليهووو...وليهم اربعه شهور في الحاله دي بس اسر ابدا ما زهج وقال ح يحاول معاها لاخر العمر..
ايثار اخت اسر جات السودان وساقت معاها اسر ومشوا بيت ناس سمر...سمر كالعاده رفضت تقابل اسر..بس مشت ليها ايثار براها..وسلمت عليها وباركت ليها فارس...ايثار قالت لسمر يا سمر انتي لازم تنسي الحصل والمسامح كريم اسر غلطت بس لازم تديهو فرصه..انا ماعايزة منك رد اسي..ومدت ليها دفتر وقالت ليها دي مزكرات اسر عايزاك تقريهم وبعدين تقرري..وسمر شالت الدفتر وبقت تقرا ولقت كل صورها من هي صغيره..هي فرحانه وهي زعلانه صورها بكل حالاتها وقرات الكلام وكان كلو عن حب اسر لسمر وانو كان بخلي ايثار وغزل يصوروا ليهو سمر لما ينزلوا السودان..سمر تقرا وتبكي لحدي خلصت الدفتر بقت تبكي شديد..ايثار طلعت وقالت لاسر يطلع يكلمها....اسر طلع ولقي سمر ماسكه دفترو وتبكي..اسر جا عليها وقعد جنبها ف السرير وقال ليها سمر انا عارف انو غلطتي كبيره وما بتغتفر بس عليك الله اديني فرصه اعوضك انتي وفارس علي كل الفات ..اديني فرصه وادي نفسك فرصه نعيش حبنا...سمر انا حبيتك من انتي طفله بس ما كلمتك وقلت بعد تكبري اكتر وكتمت علي حبي وكان"حب مع وقف التنفيذ" وتاني خطبتك بس مالقيت منك قبول قلت بعد تحبيني وكتمت علي حبي وكان"حب مع وقف التنفيذ"وبعد حبيتيني حصل الحصل وكتمت علي حبي وكان"حب مع وقف التنفيذ"وقبلها عليهو ورفع راسها وقال ليها واسي بقول ليك كفايه كتم ياسمر...سمر انا بحبكك..وادي كانت اول مره اسر يعترف لسمر بحبو لفظا..سمر من بين دموعها قالت ليهو وانا كمان😘اسر ماصدق السمعو وحضن سمررر شديد عليهو وبقي يبوسها ويقول ليها يعني سامحتيني..سمر هزت براسها.......
بعد مرور 4سنوووات:-
امجد وحنين اتزوجوا ليهم تلاته شهور..وغزل وشهاب اتزوجوا وجوا من شهر العسل قبل اسبوع ...
دلال اخيرا قررت تجيب اطفال واسي هي حامل في الشهر 6وقالوا ليها بت وياسين طاير من الفرحه😍😍
وعلاومهند عندهم لجين وعلي الصغير...وايه عندها وجن والتوام اياد ويزن...
اما ريم بعد اسر ضربها وطلقها طلعت من الشقه زي المجنونه بعد كل خططها فشلت وهي جاريه في الطريق جات عربيه صدمتها💔وودوها المستشفي وبقت مقعده مدي الحياه وحصل ليها تشويه ف كل جسمها لانو الضربه كانت قويه شديد واثرت علي كل الاعضاء..ريم بقت عايشه زي الجثه..لابتتحرك ولابتتكلم وكل تفكيرها سمر كيف تصل ليها وتعتذر منها لانو عرفت الحصل ليها ده كلو بسبب ظلمها وافتراءها علي سمر.....
....
اما سمر واسر فرجعوا استقروا في قطر واسر اتغير شديييد وبقي حنون علي سمر وبحاول بقدر الامكان ينسيها الفات ويسعدها
سمر طلعت من الحمام وكانت لافه عليها بشكير وقعدت قدام المرايه وتتمسح..جاها اسر وحضنها من ورا ومد ليها ورده وقال ليها احلي ورده لاحلي سمر وباسها في خدها..سمر ختت يدها علي خدو وهو لسه حضنها من ورا وقالت ليهو وهي بتعاين ليها بالمرايه ربنا مايحرمني منك..وقف اسر ووقف سمر معاهو وقال ليها الله ريحتك حلووو..وبقي يحرك في يدو علي شعرها ومسك خصل منو وقال ليها وشعرك حلو😍وقرب منها اكتر وخت يدو في خدها وقال ليها وخدك حلوو وباس خدها..وخت يدو في رقبتها وشال يدها وباسها وتاني مرر اصبعو علي شفايفها وقال ليها شفايفك حلوة وعايز يبوسها...سمعوا صوت رغد😢اسر وسمر عاينوا علي جهتها لقوها صاحيه وتصرخ..اسر قال اووووف ماوقتك يارغد..سمر قعدت تضحك عليهو واتسحبت من يدو وجرت لرغد وطلعو ليهو لسانها👅 ضحك عليها وقال ليها ح تمشي مني وين ....مصيرك يا رغد تجي لحضن بابا وغمز ليها😉....
#النهاااااية
