اسر ماقدر يمشي لسمر عشان عندو اجراءات لسه بخلص فيها...سمر رجعت البيت وهي مضايقه وبقت تبكي لانها ما ح تشوف اسر تاني..واستغربت من نفسها لانو في فترة بسيطه خلاها تحبو وتتعلق بيهو..
جا وقت السفر وكلهم مشوا معاهم المطار وقلبوهو بيت عزا..واي زول يبكي براهو...اسر جا علي سمر البتبكي .وقال ليها سمر ماتبكي كلها شهر وراجعين ليكم تاني.. عشان كده ماتبكي..وانا اوعدك في اليوم اتصل ليك كل دقيقه وثانيه بس الدموع دي ماتنزل يا غاليه😍سمر اتكسرت فيهو زياده واتوجعت لانها ح تودعوا وح تشوفو بعد شهر كامل...شهاب وغزل بودعوا في بعض وبرضو غزل تبكي😢شهاب قال ليها اها ما ح تقولي لي؟غزل من بين دموعها لا😬شهاب ضحك عليها وقال ليها حتي وانتي بتبكي قاسيه كده😂قالت ليهو اي انت تستاهل اكتر من كده😬قال ليها حرام عليك انا حبيبك اهون عليك😔قالت ليهو ماتحنك ماح اتحنك😟قال ليها يا ساتر عليك بس برضو بحبك يا قلبي انتي😍..وجا وقت المغادره ودعوهم واي زول رجع بيتو...سمر رجعت غرفتها وبقت تبكي وماعارفه ح تعدي الشهر ده كيف بدونو...
حنين دخلت الغرفه وحستها باردة وخفيفه لانو غزل سافرت وخلت فراغ كبير جو حنين....
اما في تركيا فعرسانا قضوا احلي ايام..وعلا مهند مبسوطين ببعض شديد وطايرين من الفرح...واية بقت تثق في احمد ونست خوفها وحست بالامان معاهز وكمان احمد ماقصر منها ومغرقها بحنيتو وطيبتو وماخاليها تحتاج شي وح يرجعو قبل اسبوع من عرس سمر واسر لانو اسر دق لعمو محمد وحدد انو العرس ح يكون بعد يومين من رجعتو😍
واسر طول الفتر متواصل مع سمر وبدق عليها كل يوم ويحكي ليها تفاصيل يومو وبستشيرها في اي خطوة بعملها واجر شقه وفرشتها سمر لانو كان بصور ليها وهي تختار وسمر كل يوم تحبو اكتر..وبقت تجهز في حاجاتها لانو ماباقي كتير وريم الفترة دي كلها مغيووظه من سمر وحاقده عليها وبقت ترسل لاسر ف الواتس بس ما قالت ليهو انها هي واشترت شريحه جديد عشان تتواصل بيها معاهو وتقول ليهو سمر مابتحبك وبتحب واحد تاني وتحاول تملا راسو بس اسر ابدا ما اهتم وطنش كلامها لانو واثق في سمر..
اما غزل وشهاب متواصلين مع بعض وكل مره يتشاكلوا ويتصالحوا😂 وحنين وامجد لسه مع حبكانياتهم وطلعاتهم...اما ياسين كون نفسو ومشي لخالو وطلب دلال ووافق ودلال وافقت لانو مابتفرق معاها كتير...بس لما اتواصلت مع ياسين حبتو لانو بضحكها شديد واهم شي بحبها وشاريها بس ما ح يعرسوا اسي لانهم لسه حاسين نفسهم صغار ....
......
العرسان رجعوا وعلا ومهند مشوا قطر ومهند ما ح يقدر يجي العرس لانو اسر ح يكون غايب وكل المسؤوليه عليهو وعلا ما ح تقدر تخلي راجلها سمر زعلت شديد لانو علا ما ح تجي بس بعدين عزرتها ..وايه واحمد سكنوا في شقه في بيت ناس احمد وعايشين اجمل عيشه ..
وجا اليوم الح يجي فيهو اسر عشان العرس😍كلم سمر وقال ليها انو جاي وسمر الارض ماشايلاها من الفرحه واخيرا ح تشوف حبيبها بعد شهر كامل....بدات تجهز عايزة تطلع حلوة عشان اسر..وهي بتجهز رن تلفونها وكان المتصل ريم..سمر ردت بفرحه ريموووو😍ريم بقت تكورك وتقول ليها سمر الحقيني يا سمر امي😢سمر مافهمت حاجه وقالت ليها مالا امك😳قالت ليها ماعارفه تعبانه شديد وانا ماقادره اتصرف😢عليك الله تعالي لي😢سمر قالت ليها طيب ح اجيك اسي بس اديني عنوانكم.."ريم صحبه سمر واي شي بس ريم ابدا ماكانت بتكلم سمر عن عايلتها ولا كانت عارفها ساكنه وين" ريم ملت سمر العنوان وقفلت منها..سمر طلعت سريع وركبت عربيتها ومشت علي ريم...
اسر كان وصل السودان بس قبل وقتو بساعات عشان يفاجي سمر..مشي البيت وسلم علي ناس عمو ومرتو وسال من سمر بس حنين قالت ليهو مافي غرفتها وماعارفه مشت وين...اثناء ماحنين بتتكلم تلفون اسر دق..رد كان صوت بت قالت ليهو انا كم مرة حذرتك من سمر بس انت ما اشتغلت بي ولو اسي عايز حبيبه قلبك بتلقاها في.....مع حبيبها..اسر طوالي عيونو حمرت وقام ومشي بعيد من ناس عمو وقال ليها انتي واحده كذابه قالت ليهو انا استفيد شنو وبعدين سمر ما حصل قالت ليك انا موافقه بيك صح..هنا اسر احتار وقفل التلفون وطلع بدون يقول شي..دور العربيه ومشي علي المكان وهو بدعي انو يكون كذب...
سمر وصلت الشقه ودخلت وما لقت زول بقت بتفتش ودخلت ليها غرفه وبقت تقول يا ريم ياريم...وريم كانت تحت اول من اسر وصل شالت تلفونها واتصلت قالت..اسر طالع عليكم😈سمر وهي بتفتش وما لقت زول عايزه تطلع بس يجي ولد يحضنها ويقول ليها سمر لازم تكلمي ابوك الليله انو يفصخ الخطوبه مابستحمل اشوفك مع غيري وانا عارف انك بتحبيني وبتكرهي اسر بس لازم تتشجعي وتكلمي ابوك وانا بجي بكرا وبتقدم ليك..وسمر من الخلعه ماعرفت تنطق بكلمه.رفعت عينها تشوف اسر جنب االباب😳طوالي فكت الولد وجرت عليهو وقالت ليهو اسر انت فاهم غلط والله فاهم غلط وبقت تبكي..اسر طوالي لف وطلع وركب عربيتو ودورها باقصي سرعه و وسمر جات جاريه وراهو ومالقتهو ركبت عربيتها وهي بتبكي...ريم شافت اسر وسمر طلعوا وبقت تضحك وهي فرحانه انو خطتها نجحت وقالت في سرها انتي لسه شفتي حاجه يا سمر 😈
يتبع
