حنين قالت لابوها : بابا انت قلت اسر ح يجي معاهم..ابوها: اي لانو اخد اجازة عشان عرس مهند 😀 حنين:اهااا لانو طووول شديد اخر مرة شفتو اظن قبل 6 سنوات ما كان بنزل السودان ابدا ...محمد: طبيعة شغلو بتجبرو علي كده والشركه الكان شغال فيها قوانينها صعبه بس اسي هو اسسس شريكتو براهو فعشان كده لقي طريقه انزل السودان ....سمر كانت ماسكه تلفونها وبتتونس مع صحبتها ريم وتضحك ..ريم دي صحبة سمر وبتقرا معاها نفس التخصص اقرب صديقه ليها بعد علا...بس علا ما بتحبها وبتحذر سمر منها 😕 بس سمر كانت بتطنش كلام علا وبتحس انو ريم طيبه شديد😑...حنين التفتت علي سمر وقالت ليها سمر بتتذكري اسر ود عمو خالد ..سمر رفعت راسها وقالت ليها يعني ما بتذكر ملامحو كويس لانو طول ماجا😯 حنين قالت ليها : بس السنه دي ح ينزل السودان للعرس وكده ...سمر قالت ليها:اها تمام طيب .وقعدوا يتونسوا .
نخليهم يتونسوا ونمشي لاية..اية نزلت خدمه في مستشفي حكومي وليها كم يوم شغاله وكان الشغل متعب شديد...وهي في المستشفي خلاص طالعه توقفها صحبتها ايلاف.. يا اية اية ..تلتفت اية عليها ..ايوة يا ايلاف ..نسيتي تلفونك يا بت 😐 اية: اوبس ياخ والله شدة ما تعبانه زاتي ما مركزة عايزة اصل البيت بس ..ايلاف قالت ليها بالجد ياخ شغل المستشفي ده صعب انا عايزة اعرس واقعد ف البيت بس دي امنيه حياتي 😍 ضحكت عليها اية وقالت ليها ياخ ماعندك طموح بس كل همك تعرسي وتقعدي ف البيت ..ايلاف قالت ليها يا بت طموح شنو البت نهايتها بيت راجلها 😃 اية قالت ليها بس الحاجه دي بتحدديها انتي اذا عايزة يكون عندك هدف ف الحياة وطموح ...ايلاف قالت ليها كويس كويس خلينا من النقاش ده اسي وشوفي لي من اولاد اهلك القرض ديل😍😍 واخخخ لو كان احمد😍 فجاة اية حست قلبها عمل ششححح اول من ايلاف ذكرت اسم احمد لما هي اتخلعت 😳 واثناء ماايلاف بتتكلم مع اية الما سامعه شي من كلامها وسارحه مع الاحساس الحست بيهو اول من قالت اسم احمد..تقيف جنبهم برادو 2016 بيضاء مظظلله ..وينزل القزاز ويظهر منو احمد 😍 والاتنين يتخلعوا 😲😲 ايلاف برشاقه قالت ليهو هييي سبحان الله اسي كنا في سيرتك 😲 ابتسم ليهم ابتسامه كده دشدشت الاتنين وقال ليهم ابن الحلال عند ذكرو ببان .. اها كنت بتقولوا عني شنو..ايلاف قالت ليهو كل خير 😍 عاين لاية كده وقال ليها كنت ماري من هنا واتذكرت انك شغاله هنا قلت امر واخدك معاي لاني ماشي بيتكم ومنو علي المطار نستقبل ناس عمي خالد 😀 اية قالت ليهو شكرا ليك ماقصرت بصوت قريب للهمس وهي منزله راسها تحت😅 عمر سرح فيها وفي جمالها وقال في سروو بحبها والله بحبها بحب خجلها وبحب رقتها ورزانتها وبحب اي شي فيها يارب يا اية تكوني من نصيبي..واستوعب انو سرح فيها شديد وهي لسه واقفه ف الشارع ..قال ليها طيب اركبي يلا وانتي كمان يااا ..ايلاف قالت ليهو ايلاف اسمي ايلاف غايتو جنس شي😒قال ليها طيب يا ايلاف اركبي طوووالي عمتك ركبت ولا حتي قالت ليهو لا شكرا ولا حاولت تتقل.. مششش خفيفة زي شاي البكا😑..وركبت اية بقدام وطووالي عمر صلح المراية علي وشها وبقي سايق وكل دقيقه يعاين ليها في المراية ..واية ميته من الخجل وبس مقبله علي الشباك شويه وتطلع راسها بالشباك 😂 وصلوا ايلاف بيتهم ...ومشوا علي بيت ناس اية ..طول الطريق ساكتين واية لسه علي الشباك 😂 واحمد يشيل ويصلح ف الساعه ويفتح زرارة القميص ويرجع يقفلها ويفتح المكيف ويقفلو واية بس ساكته وحاسه بحركتو الكتيرة...احمد اخد نفس وضغط بيديهو شديد علي الدركسون وقال لازم اتكلم لازم .انسى خجلك شويه 😠 واخيرا نطق وقال ليها اية..اية اول من قال اسمها حست تاني بالاحساس القبيل قالت ليهو وصوتها ما عايز يطلع اا ايوة ..تاني سكت مده وقال ليها ..اية انا بحبك من زمان من احنا شفع ..كنتي دايما في بالي ومتمنيك تكوني من نصيبي وعايزك مرتي وام لاولادي ..ايه انا ما بقدر اعبش بدونك انتي احلي حاجه في حياتي حتي لو كنت ما حسستك بيها او اعترفت ليك بس بالجد انا بحبك بكل جوارحي ..وكنت منتظر الوقت المناسب عشان اقول ليك وطول الوقت انا خايف انك تحبي غيري او زول يتقدم ليك بس الحمدلله ربنا بديني ف الفرص وانا لازم انتهزها ..واسي كلمتك اول قبل اخطبك من عمي عشان احتمال تكوني عايزة زول تاني او انا ما بناسبك...واخد نفس كده وقال ليها قولي رايك 😁 انت خليت فيها راي دفقتو ليها كلو يا ود الناس ماكده😂..اية بس بقت مخلوووعه ولسه مع شباكها😂 والمرة دي قلبها ما عمل شحح بس طاااار عديل وبدق بسرعه وفي وجع كده في بطنها وحاسه نفسها مبسوطه ماعارفه ليه عمرها ما فكرت في حب ولاكان عندها اي علاقه مع اي ولد ولا حتي اولاد عمها احتكاكها ماشديد معاهم ولا احمد مافكرت فيهو..بس ليه هي مبسوطه من كلامو ..وبقت طول الطريق اية بتفكر وبتفكر وساكته ماقالت ولاحرف لاحمد ..واحمد ا اعصابو باظت وبقي يتخيل حبيبة عمرو ترفضو ح يمشي وين ....بعد توتر وحرق اعصاب وصلو البيت..
يتبع
