لاسلطة فوق الحب(مكتمله)

البارت1

البارت 1 من القصة الحقيقية #لاسلطة_فوق_الحب

كل ماتغمض عيوني احس كأن ايد تريد تخنكني

واختنك واخر لحظه انركع بالحايط وافز من نومتي

مرعوبه وخايفه يمكن كلشي بيه يرجف حتى

ايدي .....اكعد ونفس ماكو ولا صوت وحتى حيل

ماكو......اسحب نفسي من السرير للكاع و اخلي راسي

بين أيدي واسكت ومااحس على نفسي اله بعد ١٠دقايق

واني غركانه بدموعي....امسحهم بأطراف أصابعي واباوع عليهم

بعدها أسند نفسي على السرير واكوم واشرب مااي

واستقر على كيف على الفراش واتغطى وعيوني على

السكف وبلحظه وحده اغطي راسي بالمخده وانام

وأكعد كان كلشي ماكوو .....الحياه حياه ولازم تمشي

_____________❤لاسلطه فوق الحب❤

احنه عائله متكونه من امي وابويه و٤بنات

امي مواليد ١٩٦١ ربه بيت ،وابويه مواليد١٩٦٠ موظف

احنه البنات :

أمل"١٩٧٨
غزلان"١٩٨٤
موج"١٩٨٦
نوارة"١٩٩٣

احنه عائله شرقيه زياده عن اللزوم عادات تتكون وتقاليد ولا اهم هو أبويه جان يريد يجيه ولد ،ويعتبر البنت شؤؤم عليه اول خلفته اجيت اني أمل مواليد١٩٧٨رغم كرهه للبنات الله على عيني رزقه ووسع رزقه وجان كلش يقصر وخلع
هامي تشرب حبوب مانع حمل حتى مابجيها بنت لمده٦سنوات ،أبويه بده يقصر علينا وتصير مشاكل وطلايب علمود لكمه لو لبسه بيها خير امي يقل صبرها
بس وين تروح ،عظم المره المتزوجه ثكيل .....جانت تتحمل وتجرع المر علمودي وعلمود الحمل والطفل الجديد
الي ببطنها أبويه من عرف ب امي حامل ضل يتكهكر منها
وضل بين وكت وثاني ....يعيد ويكول..."ها ماكو طريقه
تعرفين بيها نفسج بيج شنو بنيه لو ولد

امي:شمدريني شوف ربك شقاسم
ابويه:اكيد بس انتي تعلمي من النسوان شوفيهم شيسوون وخلفتهم تطلع ولد

امي:ربك يحدد الرزق مو اني ولاانت

امل/اني وطفله ما حسيت بحنين الاب جنت اشوف ماما تبجي وتتضرع لربنا حتى يطلع الطفل الي بطنها ولد

ايام مرت واشهر واجتي غزلان م١٩٨٤ اول ما ولدت بابا عصب؛ بيبيتي اشمئزت بس بعد ربع ساعه بابا رجع لطبيعته وشالهة ل غزلان وباسها وقره بااذنها التكبيرات
وهيج اني فرحت صح جنت أغار من غزلان لان احذت مكاني بس ويه الايام صارت هيه سلوتي وامي بسبب
مشاكل أبويه جانت دائما تكولي(انتي وغزلان اخوات ومالكم غير بعضكم) اني اتسجلت مدرسه وكنت احبها كلش وكل ما تدرسني وحايره بيني وبين غزلان الطفله وبين شغل البيت وبين تذمر أبويه الي ما يخلص
نجحت من الاول الابتدائي وبالثاني ابتدائي امي حملت
ب بيبي جديد أبويه كالعاده يتذمر ويجحد بنعمه ربه
وامي تخاف ف دائما اشوفها واكفه يم البالكونه وتدعي
....ربي لا تاخذ بحجيه اني باامس الحاجه الك...