غزلان/دخلت للبيت وكعدت بالصاله خطيه الحجي ام ربيع اسقبلتني بهلاهل على رجعتي سالمه....موج صبت الغدا......
اجه ببالي هذا لشاب الي وصلني ابو شماغ يصيح ويحجي بحركه......وضلت كلمته ببالي صغيره وحلوه
اول مره اسمعها من شخص يمكن بحياتي محد كال انتي حلوه بشكل متكامل.......بوكتنا وكلمن حايره بروحها...موج صارت تركز بيه كل فكرها حسام ببالي.....
وامل شارده ووضعيتها متغيره وملتهيه ببنتها الهام ووثيقتها.......
مر اسبوع والشخص يجي ببالي ليش مادري اني محجيت الخواتي بالتفاصيل الدقيقة.......يمكن واحد من يحجي شي حلو يمتلكه تطير نعمته........
صراحه اتمنى االتقي بي اتمنى بس وين التقي بيه اذا اني ماعرفه.....ليش الإنسان احيانا يتمسك بشي ماله وجود.......بشي عابر
مشى اليوم وثاني يوم كعدت الصبح لكيت حسام متصل بيه.... مارديت عليه.....اخذت المنشفه ودخلت اسبح
طلعت لكيت موج لازمه تليفوني...باوعت عليه ومشت خطوتين ودارت وجها عليه.......
موج:راح اودي الهام المدرسه وامل طلعت للدوام....واذا تريدين تتريكين اكو شاي وحميت خبز
غزلان:ماشي صباح النور غير واحد يكولها بالاول
موج:نسيت .....حسام متصل عليج٣مرات
غزلان:شاسويله انتي شبيج هو موبايلي
موج:صدكت
غزلان/موج غثتني من الصبح وترت اعصابي وحركت دمي مدري عليمن طالعه....اني هم شسورت شعري وتريكت ورجعت بدلت للدوام ورديت خابرت حسام
غزلان:الو ...
حسام:انتي وينج شو مختفيه اخابرج ماكوو
غزلان:نايمه
حسام:لهلووقت وعندج دوام.....اوك اني بعدني مطالع للدوام تحبين اوصلج
غزلان:حسام لاتعتب الباب حسام بسببك خسرنا موج موج تفكيرها صار شراني....موج تحبك
حسام:بس اني كلبي يهواج الج ..
غزلان:اسمع حسام اطلع من حياتنا افضل الك والنا وهالحجي بيني وبينك لاتكوله ل امل....
حسام انت سويت افضال ل امل كومه ومشكور انت يله العلاقه بينك وبين امل احنه اتركنا عن اذنك باي....
حسام:الووووو.....الوووو
غزلان/اااااااه.....خلصت المكالمة وطلعت من الغرفه
لكيت ام ربيع ...صباح عليها وطلعت
الهام أثبتت بمدرستها وشهايدها كله١٠
الحياه حياه لكل منا سر يخفيه ويخاف عليه بس ويل الاسراره مكشوفه والناس الي احتضنته بيوم تعايره بيها
مرت الايام ومره شهر بالتحديد جنا كاعدين وكت الغروب
دك اتصال على امل من حجي كمال المختار مالمنطقه
حجي كمال:الو هلو بنيتي.....
امل:هلاعموو اشلونك
حجي كمال:زينه الحمدالله شخبارج اخواتج الحلوه شلونها وصلت سالمه مووو
امل:اي عمو الحمدالله والشكر وصلت
حجي كمال:بنيتي لكينا مشتري لبيتكم بيت ام ربيع
امل:اي عمو الحمدالله منو مامنو راح يشتريه.....
حجي كمال:شخص معارفي
امل:اخاف نفس الي اجروه منك
حجي كمال:لابنتي كتلج معارف
امل:وين شلون نلتقي
حجي:نلتقي بمطعم ووو.....
غزلان/حجي كمال اتفق ويه امل ......على اللقاء امل جانت بحاجه يروح وياها رادت تخابر حسام اني قنعتها اني اروح وياها ....
وامل وافقت اني هم رحت وياها بمطعم جان حجي كمال وياه المشتري وابنه
حجي محمد وابنه عبد الرحمن
ابن المشتري شاب ثلاثيني لابس ملابس انيقه ووسيم صدك جذب كلبي اله ابد ماباوعته جنت مندمجة ويه امل امل راح تغسل
ايدها لان تغدينا واتفقنا على بيعه البيت والمبلغ جانو جايبه.....ويه السلام دانريد نركب سياره
عبد الرحمن :ست غزلان
غزلان:نعم اتفضل
عبد الرحمن :هاي سوارج وكع منج بالمطعم
غزلام:اي شكرا...
رحنا ركبنا تكسي تذكرت شغله🙄سواااري اكو قبل شهر بالسياره من رحت للبيت وجبت وثيقه الهام.....كبل التفتت ورجعت كعدت عدل .... لالالاا هوه اي هوووه
والله والله دورت عليه شكد توقعت واكع مني بمكان بالشارع
امل:شبييج دتحوصين اكعدي
غزلان :اي اي
امل:شك و هذا سوار ملبستيه اليوم شلون صار عندج هسه اقصد مشفتج لابسته اصلا
غزلان:اي لابسته بس جان متغطي جوه الملابس
امل:هاا.......لج غزلان كلش مقهوره بيت ربيع نباع
الله يساعد كلب عمتي هسه تلكيها صايره جمر من قهرها
غزلان:اقلها اخذتي ثمنه اشتري بيت بنفس المنطقه وخلينا نعوف الايجار
غزلان /بعدها وصلنا اني وامل للبيت وورحت لغرفتي شميت السوار بي عطر ...عطره اوووووف ضليت اشمه من كل عقلي مجنونه ..حسيت ب موج دخلت ضميته السوار
جوه المخده
موج:ها شبيج تضحكين خوب ماكو شي اخاف تخبلتي لو حسام خابرج صدك ليش ممخابرج صار مده
غزلان:لج موووج كتلها اي والله محاجيه وياه غيري تفكيرج هو ملعب
موج:كوومي هاي امل وام ربيع كاضيها بواجي علمود البيت ....
غزلان:اي جيت
غزلان/راح اني وموج الصاله....كعدت الهام بحضني وانازي برأسها،،،،،، واواسي باامل وام ربيع
..
بعد مرور ساعتين واندكت الباب جنا دنحضر عشى
......._________يتبع
رأيكم تحياتي الكم #الكاتبه_جيمن Jaymin
ابطال القصه يتابعون وياكم تحياتي
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
