البارت9 من القصة الحقيقية #لاسلطة_فوق_الحب بقلمي #الكاتبة_شهناز_الخزعلي #Jaymin
بيوم من الايام رجعت من الدوام وجبت بنتي من المدرسه لان الهام صارت اول ابتدائي دخلنا للبيت
بنوتي كالعاده تركض وتلعب بالمرجووحه واني تعبااانه من الدوام بحيث امشي وواسحل جنطي باايدي
بعدني بممر الحديقه امشي واشمشم بريحه طبخ عمتي ام ربيع واخمن شطابخه وبنفس الوكت اصيح على بنتي
امل:لج لهانتي تعالي يدري وغسلي لاتتوصخين
الهام:اي ماما بس هالفره..
*بهالاثناء هاي دك الجرس ودكه وحده بالباب .....التفتت داكول منو؟
شفت ظرف ابيض من جوه الباب احد ذابه .....خليت الجنطه مالتي على المبرده مالتنا قديمه جنا خاليها
ورحت فتحت الظرف
مكتوب ((كدامكم٢٤ساعه تخلون البيت+طلقه))
من قريت الرساله تجننت ...... اخذتها الورقه ورحت
اركض ل ام ربيع والهام ورايه..... .
امل"لج عمه الحكيني هاي تهديد اجانه.....
ام ربيع"شيردون؟؟؟يبووووو
امل"يردون يهجرونا عمه نطوونه مده منا ل باجر
شلون دبريني شلون
ام ربيع"لاشهالحجي لامايجوز اني ماطلع من بيتي بيت رجلي وابني المرحوم لا ما اطلع منا والي يصير خلي يصير
امل'لاعمه لا وين تبقين هنا
امم ربيع"امل تردين اعوف بيتي بعد هالعمر لاماعوفه
*امل/ام ربيع ضلت تبجي واني دايخه وخايفه وحايره
بزماني ضليت ابجي وحاضنه بنتي ابجي بحركه واباوع
على بيتي لالالا مستحيل أتركه
الهام:ماما اريد اكل وادرس المعلمه نطتني واجب
امل"روحي بدلي والعبي شويه ....
الهام:صار ماما
....رحت دكيت على بيت أبويه داريد اخابر واحجيلهم لخواتي بالصار
اتصلت وطلعت مرت أبويه ناديه ،،،هيه جاوبتني واني منه لزمت نفسي ماردتها تعرف
ناديه:الووو
امل:هلا شلونج
ناديه:زينه وانتي عيوني
امل:اني يرحمه الله خواتي وين منو موجوده منهم
ناديه:اي موج قبل شويه رجعت موج هسه اصيحها
امل:ماشي
......
موج:هلو اموولي
امل:هلا موج......،،،،،وطكيتها بجيه
موج:يا لج شبيج شكووووو؟؟؟
امل:اجانه تهديد راح نتهجر من بيتنا والمهله لباجر
موج:شدتحجين بشرفج؟ تتشاقين مداستوعب كلامج
امل:اجاني ضررف ي طلقه ومكتوب منا ل٢٤ساعه حدنا
واذا منطلع يكتلوونا او الله اعلم شيسوون زين وين اروح وين انطي وجهي لج موج شلللون بيه
وام ربيع راكبه رأسها ماتقبل تطلع دبريني شلون؟؟؟؟
موج:يمممممه لج امل هسه تجين ببيت أبويه هسه .
امل:وووين اجي شبيج؟؟تره عظم الوادم ثكيل وانتي ست العارفين.
موج:اي صح هيه ناديه تحاول تبسمر علينا ابونا،،بس معليج
يبقى هذا بيت ابونا واحنه احق منها ...اني راح ابلغ أبويه
بالصار
امل:لا لاتحبين
موج:اااش اجت أبويه باي
امل"الو.....الو .. لج لاتحجيله.
موج/سديت الاتصال من امل وتلكيت أبويه رجع من شغله ناديه جانت واكفه يمه
موج:بابا امل راح تتهجر من بيتها قبولهم تهديد منا لباجر
ابويه:يااااااا حرام وهسه شراح تسوي خل تجي لهنا ،،،خل تطلع فورا خاف يسوون شي بيهم
ناديه:الله يساعدها بس وين تجي ياعيني يا ابو امل وين انت مشايف البيت شلون هوسه
ابويه:لعد شنووو بنتي اخاف يصير عليها شي
ناديه:اهووو بله هذني المامتزوجات وبركبتنا....هذيج شلون
ابويه:خل تجي عما تلكه بيت
ناديه:لاعيني لأ ما تحمل عمتها مره كبيره لاوفوكاها الهام بنت الغريب
ابويه:الهام حفيدتي
ناديه:لك حجي حبيبي لازم نعمر البيت حتى نزوج خلودي
عووفها هيه تدبر امرهااا
موج:بابا شنو شوسكتت هذا بيتنا ولازم اختنا تجي يمنا
اذا مانوكفلها بشدتها شوكت نوكفلها
ناديه:لاتبيعين براسي شرفيات ووطنيات كومي صبي الغده ابوج تعبان واخوانج هم راح يجون من الدوام
موج:حسبي الله ونعم الوكيل
ناديه:شكلتي؟؟؟
موج:ما كلت شيء كلت شويه واصب غده اخاف يبرد
ناديه:تمام....
موج/عفتها ورحت للمطبخ جان غزلان ترجع تلكيتها وسولفتلها.... غزلان رادت تروح ل امل بس منعت بينا وبينها الأوضاع الأمنية.
بعد ربع ساعه اتصل أبويه ب امل
ابويه:ها بنتي بالي يمج خوب ممحتاجه شي؟
امل:هلابويع والله اكيد عرفت من البنات وحال الضيم حالي
ابويه:ميخالف بنتي ذكري الله
امل:يا الله يارب
ابويه:وشراح تسوين ؟
امل:والله علمي علمك حايره ببنتي وام ربيع كبيره بالعمر
ابويه:والله يا بنتي جنت اتمنى اكلج تعالي وعيوني تشيلج قبل الكاع بس تدرين البيت .....
امل:لاتكمل البيت مايوسع ....الله كريم بويه الله كريم
من رخصتك اروح تصب اكل لبنتي
ابويه:الله وياج
*امل/سديت الاتصال وكلي خيبه هه ابووووويه ماكدر يطيب خاطري بكلمه وين اروح وين اجي ووين انطي ووجهي...وهاي ام ربيع كاتله روحها من البجي
شاسوي
بعدها خطرت ببالي اتصل ب.........________يتبع
رأيكم تحياتي الكم #الكاتبه شهناز الخزعلي چيمن Jaymin
ابطال القصه يتابعون وياكم
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
