البارت 14
وصلت لبيت اهلي اني وحسام ....سبقت حسام بدخولي للبيت خواتي استقبلوني بالأحضان......
أبويه هم فرح بجيتي اله وظل يسئل عن الهام...
بسسس كتلهم حسام اجه ويايه حسيت ب موج مثل الي نغزت او ضاجت بس غلست....دخلنا للبيت وحسام ضل بسواق ويه أبويه اني رحت ويه البنات وضليت اسولفلهم على الصار وشلون حسام وكف ويانه واستقبلنا وشلون قايم بواجبات بنتي وساعدني هوايه حتى هو اله دور برجعه الهام للمدرسه بصفه مستمعه
غزلان:اييييييه الحمدالله......الله ماينسى عباده
موج:عادي شنو مضخمه الأمور مو بس انتو تهجرتو
و شنو يعني انتي كلشي متوفرلج وتكدرين كلشي تسوين وبراحتج
امل:شبيج موج شو تحجين معلك ؟
موج:كونوا يله خلي نظيف الضيف حسام
امل:لاتعالي واجهيني شتقصدين
موج:ما قصدت شي انتي لاتضلين تجلبين بكلمه على الطياري.....
غزلان:شبيكم استهدوا بالرحمن عين وصابتكم؟؟؟
موج:اروح للمطبخ احسن
امل ضليت ابجي و غزلان تهدئ بيه:ليش هيج موج تتصرف هاي بدال ماتكول اساعدج بشي
غزلان:ولايهمج باجر اجيبها تعتذرلج
امل:الظاهر جنت غلطانه اني بجيتي هنا
غزلان:لاتحبين هيج انتي اختنا واحنه مديونين الج
غزلان/امل راحت هيه وحسام ضليت اباوع ل موج
....انتي ليش تصرفتي هيج ويه اختج
موج:لاتتدخلين رجال
غزلان:باجر نروح تساعدها حتى تنقل لبيتها
وتعتذريلها
موج:اروح انام إحسلي
امل/رجعت اني وحسام للبيت طول الطريق مختنكه
حسام سألني:شبيج ام الهام
امل:ماكو شي بس راسي مصدع
حسام:اكو محل جايجي يعدل الدماغ خلينا نشرب
لمل:لالا خلي نرجع
حسام:براحتج لليناسبج
رجعت للبيت يمكن درست بنتي ونمت....ثاني يوم
وديتها المدرسه ورجعت للبيت نظفت وساعدت بشغل البيت ويه ام حسام والشباب وابوهم كلمن بشغله ......
وراها طلعت خابرت ابو البيت رحت دفعتله فلوس الايجار واخذت المفتاح مالبيت ....لازم اغسله رجعت لبيت ام حسام بس يجري في اشتريت ماسحات وسطال لغسل البيت .... دخلت لبيت ام حسام خليت الاغراض على جهه.... وكعدت بالحديقه جتي بنتي
الهام وجابتلي بايدها المشط كعدت مشطت شعرها
جان يرجع حسام من الشغل ...الهام ركضت باسته
حسام:كواج الله
امل:تسلم
حسام:رحتي للبيت
امل:اي المغرب اخواتي راح يجون واخذهم حتى نروح نغسل البيت
حسام:الله يجعله قدم خير عليكم
امل:امين
امل/حسام دخل أخذ قيلوله واني خابرت غزلان ودليتها على بيت حسام واجت واجيت موج...اجهزوا حتى نروح تنظف البيت .....هستونا دنطلع حسام
اجه وكال : اني اوصلكم بس دقايق خلي ابدل
امل:لأ تزاحم نفسك.
حسام:دقايق واجي....
*حسام وصلنا وبنفس الوقت كالي :اي شي تحتاجين اني بالخدمة....وراح .
واحنه ضلينا تنظف وكل وحده بداخلها سالفه هم حزن حب .كره. غيرة.كلشي تتصورون
موج/حسام وصلنا لبيت امل حتى موظفه بس الغريبه انه هو نظراته صارت قليله اوك اني ودوم يسولف باامور الحياه ويه امل ....معقوله عينه عليها لالا لا بس اني هو عاجبني وهو لمحلي بنظراته
امل:بنات تدرون حسام مسوي كومه افضال النا اني وبنتي وماعرف شلون اجازيه
غزلان:الله يسخر الناس للناس
امل:اي والله
موج:تدرين انتي بروحج ارمله
امل:اي وهذا قدر الله شاسوي بعد
موج:تدرين انتي بكفه وينتج بطله وسمعتها تهمج وسمعتج مهمه تدرين لولا ؟؟؟؟؟
امل:اي ...اي ..
موج:اي شبيج طلعتج وضحكتج ويه حسام واهتمامه بيج شتفسريها
امل كمت ابجي واكوللها:شتقصدين؟؟؟؟؟؟؟
موج:انتي طايره على حد شعرج محد واكف بعينج
غزلان يله اني راح انتظرج بره
غزلان:لج موج صايره تلعبين النفس،،،،،أمال فدوه لاتنقهرين هاي مخبله ومداتعرف شدتحجي
امل:لج لج حسام مثل اخويه وأصغر مني شلون تحجي هيج موج شلون تفكر هيج .......ليش ليش
غزلان:لاتبجين انتي اختي والكل يعرفج شنو لاتهزج تخاريف الطفله
امل:يلا رحيلها اني اكمل شغلي وارجع اني وبنتي وراح اتأخر شويه باجر هم جمعه
غزلان:براحتج
امل:اصلي سلامي آل أبويه
امل/خواتي راحو بس ضاق نفسي .......اختنكت من تفكير موج......
___________يتبع رأيكم
ملاحظه _ابطال القصه يتابعون وياكم
تحياتي الكم الكاتبه جيمن چلال Jaymin
أنت تقرأ
لاسلطة فوق الحب(مكتمله)
ChickLit(الرواية حقيقية) بين ماضي جريح وحاضر مميت تقف سفننا على شرفه المنحدر لتتلو اوجاعا لم تكن بالحسبان .....بين لمحه الأمل ظلمه حالكه لابد من اجتيازها.....قلبي ب قلبه ويده تترك يدي مستقبل مجهول وقدر يتلون ........ حكايات ل٤فتيات بين الغزاله والموج وشرف...
